2004 年 1 月 8 日 星期四 【晴】

今日本來同林菁+nike去打羽毛波,但要幫阿媽睇舖,所以冇得打,唯有join佢地下半場....飲茶+金禾打機...害了佢地等我,真係唔好意思!

今日又俾人鬧,唔開心....算啦...我唔太識討人歡心,especially我阿媽! 呢排總是心神彷彿,不安+無奈既情緒好似揮之不去咁....

夜晚同左小林係荃灣食飯,開心返d...最開心係佢答應我下星期六(17/1)同埋佢果friend跟我返教會,感謝主!!哈哈...今日俾佢讚左我好多次,特別係可愛,但我真的不可愛...所以我亦對佢講左好多次"浮誇",...之後係荃灣行左一陣,佢送我返屋企,就係長發搭42c返黃大仙...佢實在太好人啦...

>>January 11, 2004 at 8:10:47 AM GMT+8

2004 年 1 月 7 日 星期三 【微冷】

今日同左大O d人去唱k,點知勁多人甩底,剩番我+karen+jenny+sweeny4個女仔,原來我地4個都曾經讀過女孩,好有女孩既特質呀...

哈哈,今日勁多笑料,特別係karen+jenny,auntie visit....secret!

享受生活!

>>January 11, 2004 at 7:38:36 AM GMT+8

2004 年 1 月 7 日 星期三 【微冷】

今日收到一篇很有意義既email,同大家分享下啦....


告 訴 你 一 宗 意 外 。

這 是 一 個 早 上 ， 媽 媽 正 在 廚 房 清 洗 早 餐 的 碗 碟。 她 有 一 個
四 歲 的 小 孩 子 ， 自 得 其 樂 地 在 沙 發 上 玩 耍 。 不 久之 後 ， 媽
媽 聽 到 孩 子 的 哭 啼 聲 。 究 竟 發 生 什 麼 事 呢？
媽 媽 還 沒 有 將 手 抹 乾 ， 就 衝 出 去 客 廳 看 看 孩 子 去 了 哪 裡 。

原 來 ， 孩 子 仍 坐 在 沙 發 上 ； 但 是 ， 他 的 手 卻 插 進 了 放 在 茶
几 上 的 花 樽 裡 。 花 樽 是 上 窄 下 闊 的 一 款 ， 所 以 ， 他 的 手 伸
了 入 去 ， 但 伸 不 出 來 。 母 親 用 了 不 同 的 辦 法 ， 把 卡 著 了 的
手 拿 出 來 ， 但 都 不 得 要 領 。 媽 媽 開 始焦 急 ， 她 稍 為 用 力 一
點 ， 小 孩 子 就 痛 得 叫 苦 連 天 。

在 無 計 可 施 的 情 況 下 ， 媽 媽 想 了 一 個 下 策 ， 就 是 把 花 樽 打
碎 。 可 是 她 稍 有 猶 豫 ， 因 為 這 個 花 樽 不 是 普 通 的 花 樽 ， 而
是 一 件 價 值 連 城 的 古 董 。 不 過 ， 為 了 兒 子 的 手 能 夠 拔 出 ，
這 是 唯 一 的 辦 法 。 結 果 ， 她 忍 痛 將 花 樽 打 破 了 。

雖 然 損 失 不 菲 ， 但 兒 子 平 平 安 安 ， 媽 媽 也 就 不 太 計 較 了 。
她 叫 兒 子 將 手 伸 給 她 看 看 有 沒 有 損 傷 。 雖 然 孩 子 完 全 沒 有
任 何 皮 外 傷 ， 但 他 的 拳 頭 仍 是 緊 握 住 似 的 ， 無 法 張 開 。 是
不 是 抽 筋 呢 ？ 媽 媽 又 再 驚 惶 失 措 。

原 來 ， 小 孩 子 的 手 不 是 抽 筋 。 他 的 拳 頭 張 不 開 ， 是 因 為 他
緊 捉 著 一 個 十 元 硬 幣 。 他 是 為 了 拾 這 一 個 硬 幣 所 以 令 手 卡
在 花 樽 的 口 內 。 小 孩 子 的 手 伸 不 出 來 ， 其 實 ， 不 是 因 為 花
樽 口 太 窄 ， 而 是 因 為 他 不 肯 放 手 。

感 情 的 事 ， 很 多 時 都 是 盲 目 的 。 你 曾 為 他 做 的 事 ， 當 日 ，
你 是 多 麼 的 覺 得 天 經 地 義 ； 今 天 ， 你 卻 感 到 荒 謬 到 極 。 盲
目 是 幸 福 的 ， 只 要 盲 目 能 維 持 一 生一 世 。

問 題 是 ， 有 一 天 ， 我 和 你 都 會 像 小 孩 子 一 樣 ， 發 現 自 己 被
感 情 問 題 卡 住 了 ， 動 彈 不 得 。 問 題 出 現 了 ， 你 煩 得 天 都 要
倒 下 來 。 你 希 望 尋 求 方 法 解 脫 ， 但全 都 徒 勞 。 別 人 說 ： 「
問 題 不 是 你 所 想 的 複 雜 ， 只 是 你 肯 放手 就 解 決 了 。」 你 卻
偏 偏 不 肯 放 手 。

這 時 ， 你 不 會 想 ： 「 這 樣 值 不 值 ？ 」 你 只 會 自 問 ： 我 還 愛
不 愛 ？ 」 只 要 是 愛 ， 你 覺 得 再 沒 有 甚 麼 要 猶 豫 。 你 會 很 努
力 解 決 彼 此 之 間 的 問 題 。 你 一 直 守 下 去 ， 你 不 會 放 手 。 其
實 ， 放 手 就 立 刻 解 決 問 題 ， 只 是 大 家 都 逃 避 這 個 事 實 。 你
寧 願 受 著 牢 籠 ， 都 不 願 解 脫 。

「 這 段 感 情 值 得 這 樣 磨 下 去 嗎 ？ 」 你 的 朋 友 會 勸 你 放 棄 。
你 不 相 信 ， 這 份 愛 ， 只 是 一 枚 十 元 硬 幣 。 你 忍 痛 執 著 這 份
感 情 ， 不 惜 代 價 ， 消 耗 了 許 多 眼 淚 ， 虛 度 了 不 少 的 歲 月 ，
粉 碎 了 很 多 機 會 。

放 手 ， 帶 來 更 大 的 釋 放 。 為 了 區 區 十 元 ， 打 碎 了 一 個 古 董
花 樽 ， 小 孩 子 當 時 不 會 了 解 ， 也 不 會 後 悔 ， 因 為 那 時 資 訊
不 全 。 他 不 了 解 他 執 著 那 個 硬 幣 的 機 會 成 本 是 那 麼 大 。 他
長 大 了 之 後 ， 才 會 了 解 花 樽 的 價 值 ， 才 會 明 白 自 己 昔 日 的
愚 昧 。

>>January 8, 2004 at 3:16:21 PM GMT+8

2004 年 1 月 6 日 星期二 【炎熱】

今日除左又係幫阿媽睇舖外,約左rebecca出來,今次佢返來冇通知朋友,係有佢既原因....很開心...見返自己最好既朋友感覺很好....之後又叫埋李科維出來傾計,我就同李科維一齊行番屋企,theb去左阿妙屋企俾咭佢,竟然收到佢去韓國既手信...哈哈,係紫菜同電話繩...thx!

今朝原本唔開心既野又唔記得哂lu....thx god!

>>January 8, 2004 at 3:24:06 PM GMT+8

2004 年 1 月 5 日 星期一 【晴】

今日很開心,因為李科維由美國返來既關係,所以我+amy+鄭敏怡同李科維出來食飯,我地去左沙哆王....好耐冇見過佢地啦,李科維返來好似成為我同amy+鄭敏怡見面既橋樑咁,因為我地同樣係一年無見,有時都會好懷疑呢段友誼點keep,不過人大左,明白到朋友在心中既道理,咩都唔再計較+睇得咁重啦....之後去左影貼紙相+影相+金禾打機....

李科維好似冇乜點變咁,仲係咁瘦咁型,哈哈!不過佢話自己重左30榜,都幾難令人相信....
至於amy,又靚左喎,不過好似又瘦左咁
鄭敏怡呢,好似比較上見佢多d,不過依然咁多野講...

如果rebecca都出來就好啦....

>>January 11, 2004 at 8:06:47 AM GMT+8

2004 年 1 月 4 日 星期日 【晴】

以賽亞書
22:12 當那日，主萬軍之耶和華叫人哭泣哀號，頭上光禿，身披麻布。
22:13 誰知，人倒歡喜快樂，宰牛殺羊，吃肉喝酒說：“我們吃喝吧！因為明天要死了。”
22:14 萬軍之耶和華親自默示我說：“這罪孽直到你們死，斷不得赦免！”這是主萬軍之耶和華說的。


假如我明天就要離世，我最想做的又是甚麼？
人們說﹕“讓我們來吃喝，”這是因為他們放棄了希望。他們四面受攻（22:7），本應悔改（22:12）可是他們卻選擇了歡宴。問題的根本在於猶大不信靠神的能力和應許。

當你面對困難的時候，要去尋求神。今天我們仍然看到有人在放棄希望，人們對無望有兩種普遍的反應﹕絕望和自我沉淪。但人的一生並不是永無指望，所以我們不應因一時的困難而絕望。正確的反應當是信靠神和祂的應許，神要把我們帶入祂創造的理想新世界。

>>January 5, 2004 at 6:15:36 AM GMT+8

2004 年 1 月 3 日 星期六 【晴】

以賽亞書20:2 『那時，耶和華曉諭亞摩斯的兒子以賽亞說：“你去解掉你腰間的麻布，脫下你腳上的鞋。”以賽亞就這樣做，露身赤腳行走 。』

神讓以賽亞做的事，看上去似乎不合邏輯並令人感到羞辱；有時候，神可能也讓我們做一些我們不理解的事情，但是我們必須完全信靠神，因為祂從不讓我們做錯事。

無論遇到面前既挫折,係幾咁confused,都要堅定係神入面!

>>January 4, 2004 at 10:28:53 AM GMT+8

2004 年 1 月 3 日 星期六 【晴】

梅艷芳既死再次啟發有一d反思...

人死左既然乜都帶唔走...點解唔係人生前珍惜一切,把握機會對自己鍾意既人講:『我愛你!』
呢個自己鍾意既人唔一定係愛情果隻,可以係父母,可以係朋友等等...愛情不是人生的全部

如果能俾揀活幾耐,我唔要太長命,寧願得六,七十歲,但曾經有過豐盛既人生,對神,對自己無悔,愛過,享受過,開心過,傷心過,跌倒過,得著過,勇敢過...好過成百歲人都唔知何謂人生既意義...
人唔洗咁長命架,能夠好好咁享受,珍惜每一日就夠啦!

感謝主賜我每天起來,
都能看到呢個世界,
都能夠聽到人既歡笑聱,
都能夠笑,能夠喊,能夠同身邊既朋友,屋企人分享一切
能夠跑跑跳跳,能夠吃喝玩樂,
能夠愛,能夠被愛,能夠有七情六慾
能夠任性,能夠幫到有需要既人...


冇人錫唔緊要,最緊要自己錫自己,最緊要有神錫...
唔開心喊完就要起身再努力過....

>>January 4, 2004 at 10:14:36 AM GMT+8

2004 年 1 月 2 日 星期五 【晴】

今日做司侍,本來很怯,不過神壯左我膽,成場都好順利,還俾修慧讚我盡責呢...不過我要更加努力,明白縱使司侍隊長一個毫不起眼既崗位,都要做好本份,榮耀神!

小組倏約章,很開心見到多左組員主動分享,我都好開心,突破自己,主動分享...小組後我+德仔+阿虹+sarah去小巴黎食飯,之後再去M記join亮亮傾計→我+亮亮+德仔+sarah+貝多芬+阿威+peggy去長發食燒夜,之後去左一其中一個我唔開心幾鍾意去既地方坐低食野....果度好乾淨架,依然冇變,都係咁靜,冇乜人!係情侶偷情(談心)既勝地,哈哈!呢個地方曾經係我同某人經常來既地方...宜家已經成為回憶....

神呀!最近發覺自己努力要跨勝既軟弱,本來真係冇事,但呢排又軟弱起來,好怕再返轉頭呀,好唔想前功盡廢呀!




心跳回憶vs接受現實

>>January 4, 2004 at 9:55:41 AM GMT+8

2004 年 1 月 1 日 星期四 【微冷】

雖然呢排成日病,心情又唔好,又成日俾人鬧....不過再苦我都挨到既,因為再苦都總會過去....

今日主動去幫阿爸阿媽手睇舖,因為太耐冇來,所以好多唔熟手既地方,做得好慢...不過阿爸阿媽竟然出奇咁冇鬧我,感謝主!

夜晚join林菁+nike+蕃茄+肥強係青衣體育館打羽毛波,很開心....之後去長發買燒夜去海旁食,傾左很多好深入既野,勁岩我地呢d全部都拍過拖既人,哈哈!亦知道大家更多,蕃茄,肥強好似係全場既mc咁,帶起話題,很攪笑,亦很佩服佢地...

夜晚返去好似難逃一劫咁,又俾人鬧,很多負擔,很多重擔....神呀!help me!

>>January 4, 2004 at 9:35:08 AM GMT+8