|
2005 年 6 月 19 日 星期日 【晴】
妳要快 d 快 d 快 d 好返
然後陪我撐檯腳 , 呵呵呵
===================================================================================
一點鐘已經訓
訓到成十一點五至起身
都唔知近半個月搞乜 , 好嗜睡咁
出左房見阿爸睇緊 NBA , last 幾分鐘好緊湊
荷利打到上晒身 , 入左五球三分 , 超勁
Duncan 就打得一般 , 都唔知做咩
其實以前唔多 like 佢 , 打得好柔弱
不過自從上將走左之後佢真係硬左好多
咁樣至好架嘛 , 觀眾好睇得開心
睇完之後出街買細佬餐 lunch
仲租左隻 "雞同鴨講" 睇 , 想睇返尼一套戲好耐架喇
返到屋企又打炸彈人 , 跟住比細佬玩左陣彩虹冒險
之後佢出左去補習 , 我就打炸彈人一直打到佢返尼
不過我唔比佢打 , 哈哈
而佢就好無奈咁睇下 tv , 睇 The Prince Of Tennis
跟住佢一睇就睇到停唔到 , 話真係好好睇喎
再之後就做下家務 , 睇返朝早場波
傻下傻下又到十二點 lu
一開 icq 見到霞 , 算佢醒走得快
病左差唔多兩個星期未好返仲咁夜唔訓
真係想比我話
===================================================================================
可惜 , 真係好想睇 Wade 打決賽架 .........
===================================================================================
每當我閉上眼 , 總可看見妳那些時候的表情會是怎麼樣
妳的每一個動作 , 妳的眼神 , 妳的笑靨 .............
我總可想像得到
>>June 20, 2005 at 4:36:42 PM GMT+8
2005 年 6 月 18 日 星期六 【晴】
返左小學聚會
過返座堂既時候撞到 ex. 個娘親
傾左陣計 , 都幾開心下
跟住點幾食 lunch
之後撞到阿宜 , 勁開心
行左陣返座堂溫書
點知眼訓得很完全溫唔入腦
返屋企算 lu
===================================================================================
妳有一個未接聽既來電
我有兩個未能接通既致電
===================================================================================
頭先細佬一拳打埋尼 , 跟住話 : 曾蔭"拳"
然後再一掌打埋尼 , 話 : 特區 "手掌"
真係比佢笑鬼死
>>June 19, 2005 at 12:45:08 PM GMT+8
2005 年 6 月 17 日 星期五 【晴】
昨夜心情不太好
打炸彈人打得比較晚
訓到十二點至起身
跟住出去食野
食完返左教會溫書
有個以前既組仔約落上水
跟住冇咩好做就返屋企
===================================================================================
維奶話少青成日好多是非
家輝又話做到勞心勞力
今日我完全明白佢地
溫書既時候 , 對面有四女一男
一男一女不停咁講野
其實有時細細地聲講下野唔係問題
我都認為溫到有點悶同累傾兩句好正常
但係佢兩個就幾大聲下 , 而且傾幾分鐘
停一停過左三分鐘都冇 , 又再傾足幾分鐘
咁我就叫一叫佢地 , 話 : 你地想傾計既話去休息室好冇呀 ?
跟住佢兩個收左聲 , 但係對我有點敵意
咁又係既 , 當時我都知佢地以為我只係一個唔知邊處彈出尼既一件旦散
幾個字之後就到另外兩個女仔講野
A : 不如去休息室咯
B : 做咩呀 ?
A : 唔講野溫唔到書呀
B : 哦 , 是但啦
A : 有人要靜先溫到書丫嘛
跟住我呆左一呆 , 生氣就冇 , 但係覺得好無奈
第一 , 圖書室有三張告示提醒人保持安靜 , 根本係佢地個朋友唔岩
第二 , 明明係佢地兩個朋友唔岩 , 點解要單打我
跟住都算啦 , 苦笑一下繼續溫書
之後會豪入左尼行左去之前講野既一男一女側邊
跟住見到我就大家 say 左個 hi
而我就見到一男一女面露驚訝之色
即時 feel 到佢地既敵意大減一半以上
之後個男走左 , 過多一陣小魔星 Kinki 就入左尼
我 : 咦 ! Kinki !
Kinki : 咦 ! 思源 ? 好耐冇見你喎
跟住我一望之前講野個女仔 , 敵意減到差唔多冇咁滯
而我 feel 到佢變左另一種心情 ~ 不知所以咁
睇佢地都係怕我向家輝或者 d 組長投訴啦
佢地開初以為我係無聊旦散一件 , 之但係 ......... 好冇禮貌一句
我做組長做領詩既時候 , 佢地組長仲係小組員一個咋
佢地點都估唔到我同佢地 d 現任組長會咁熟
1) 唔知自己錯仲要單打人
2) 欺善
3) 欺善之後知道對方有來頭就變晒態度
連我一個唔係少青圈內既人都真係嘆奈何 ..... 唉 ..........
>>June 18, 2005 at 3:27:17 PM GMT+8
2005 年 6 月 16 日 星期四 【晴】
上堂落堂返屋企
累得很 , d 野好死重
返尼出去食晚餐
餓得很 , 成日冇食野
食完野返屋企呆在 tv 前
跟住玩下炸彈人
之後打下電話比晴 , 話睇戲
套戲我都好想睇既
差唔多十二點既時候打電話比一個人
冇開手機 , 真失望 , 有點 down
打下炸彈人發洩下啦
>>June 17, 2005 at 6:15:28 PM GMT+8
2005 年 6 月 15 日 星期三 【晴】
日子有功
回復返以前一次五十幾下 push-up
要 keep 住繼續越做越多
不過 sit-up 嘅鍛鍊就比較麻煩
唯一可以做嘅地方就係响床 , 但係做完又身水身汗
地下就硬得很 , 整到尾骨勁唔舒服 , 做唔到
所以都仲係做得八十幾下 , 真失敗
至少都起碼要百六啦 , 差成倍呀 .....................
===================================================================================
聽日返落去先食 lunch 啦
已經對飯堂啲油膩餸菜極之生厭
有點兒吃得想吐感覺 , 至憎啲食物咁油膩
仲有希望聽日咪再落雨 , 要落都等夜晚先落
要背我老婆歸家去
冷氣 , 我要瞓覺覺有冷氣呀
===================================================================================
呢一兩日勁有靈感
===================================================================================
繼續 hardsell
Janice 好嘢
>>June 16, 2005 at 2:49:26 PM GMT+8
2005 年 6 月 14 日 星期二 【晴】
由朝早起身開始一直到而家
只有兩個字可以完完全全形容我 : 眼瞓
諗住尋日晏晝瞓咗三個幾鐘會冇咁累
於是諗住晏少少瞓都冇問題
點知都係唔夠瞓 .......................
===================================================================================
吃 lunch 時候對面位姐姐仔件 tube-top 越跌低
想點呀妳 , 醒少少拉一拉高件嘢啦
===================================================================================
吃過 dinner 返到房即沖涼
跟住打掃間房 , 又洗衫
完全遺忘咗想問人借 saxophone 玩呢件事
唯有等聽日去啦
===================================================================================
If the dream comes true , maybe ...........................
===================================================================================
就這樣 ................. 半個月 .....................
===================================================================================
上堂時突然對自己嘅一首歌好有感動
03 年 8 月 20 日寫嘅 , 第一首用概念式填詞嘅歌
歲月
曲/詞 : ParisMan
浮沈的歲月 風似紗吹過 如霧又似煙 猜不透
命裡無盡難擁有 沒法衝破感受 怎會是對手
從前的寄望不會再擁有 無奈若我孤寂白頭
在某時候仍苦鬥 為妳不必顧感受 心知道妳來便夠
從我心輕輕愛火 憑愛火哪怕泯滅我
回憶追憶思憶太多 當消散是哪種折磨
容我心找得到被窩 誰人在默默愛著我
只須有妳伴我 不必理對或錯 照樣走過
妳我往昔 在思念盡保留 永未忘妳躺於我心口
幻象四現 前塵未滅散棄絕我
當天有妳伴我 仍走過
>>June 15, 2005 at 3:35:17 PM GMT+8
2005 年 6 月 13 日 星期一 【晴】
體育考摔
對我尼講不過係考我柔道而已
一 take 過就 ok 啦
食過飯 , 玩咗陣 "富甲天下3"
一點瞓 , 瞓到四點幾至醒 , 又走堂喇 ........
===================================================================================
梗係返屋企啦 , 好食好住
唔通响處晚晚焗 sauna 咩
返去有冷氣丫嘛
又有細佬玩 , 哈哈
仲有要約下霞同晴啦
不過最重要係星期日打鼓
工作有時 , 遊玩有時
努力 !!
===================================================================================
自 Jade 之後 , 唯一聽得過嘅女歌手就只有 Janice
Janice 呀 , 我的新歡呀 , 太正喇
而自 Edwin 之後 , 唯一聽得過嘅男歌手就只有劉浩龍
不過 ...... 同性相距喎 .............
===================================================================================
雖然 Janice 隻碟得一首歌唔係翻唱自 Leon 嘅
不過啲歌重新編成我勁中意嘅 jazz style
而且以佢嘅歌喉 , 冇得頂啦
>>June 14, 2005 at 1:57:43 PM GMT+8
2005 年 6 月 12 日 星期日 【晴】
一個下午 , 聽返 Shino 同 Jade 咁多隻碟
當然係揀歌聽 , 冇可能完整聽晒每一張碟
Shino 依然係我最愛嘅台灣女歌手
可惜兩年冇出碟 lu ...........
===================================================================================
超中意勁中意 Janice 呀
唱得勁掂呀
===================================================================================
聽 "戰爭" , 胡蓓蔚把聲真係好靚
===================================================================================
話咁快又一日喇
YEAH
===================================================================================
太掛住霞喇 ........................
>>June 13, 2005 at 1:17:18 PM GMT+8
2005 年 6 月 11 日 星期六 【晴】
有啲嘢雖然係人地一早預咗
但係都唔好做得咁過份
直頭係任何唔識音樂嘅人都聽得出
造馬造到咁真係失敗啦
公道係自在人心嘅
好開心見到上年一個歌唱比賽入面
一位我好欣賞嘅女仔
今日再聽佢唱 , 依然係好好聽
啲 model 真係 ........ GREAT
好正呀
感激每一個讚過我唱歌好或者唔錯嘅人
( 好想睇個聲樂老師嘅評分 , 只係想知自己去到咩 level )
===================================================================================
尋日突然全宿舍停電 ( 原先好奇怪 , 明明先幾日至交咗電費 )
跟住外面就一大堆人叫囂 , 大大聲爆粗 , 又掉嘢落樓下
一個二個都正低能白痴 , 當諗到同呢啲人住埋同一個宿舍 ..........
真係可悲 ....................................
===================================================================================
呢首歌是講一個女仔好心碎
佢同個男仔一齊出過好多次街...
佢對男仔有feel... 以為男仔對佢都有feel...
但係到後來發現...個男仔對自己根本只不過係朋友
由頭到尾都無鍾意過佢...仲要無諗過會同佢拍拖...
對住講左好多好絕情的說話...令到個女仔如夢初醒..
發現自己原來一廂情願...個心勁hurt...
這個男仔是一個play boy...好衰的.......好賤的.....
hurt 盡那女孩的心~~~就是在巴士上面令到女仔聽完佢的話喊了!!!
尋晚天茵 send 咗首 midi 同上面一大段比我
又搵我幫手填詞 , 開始覺得自己做咗天茵嘅御用填詞人
記得第一次搵我填嘢係前年 , 首歌改編自 "同步過冬" ( 真係改得唔錯架 )
之後重填 "相愛很難" 同 "最後一塊" , 仲有前日同尋晚兩首歌
( 未名 )
仍與你共遊蕩 內心點起愛火
望你這夜承諾 內心滿熱情盼望
來到這刻揭幕 我浮沈夢裡太多
回憶彷似幻覺 想得太多是我
是你在這車廂再驀然地親我
誰料你從沒有心下承諾
誰比我更失落 , 誰比我更淒創
誰比我更蠢糊塗地玩火
只顧說清楚 不會顧想我
是你每句話令人極苦楚
誰比你更狠毒 , 誰比你更兇惡
誰比你更懂無情地重傷我
一切已飄過 雙眼已哭乾
我卻為何仍然在跌蕩 在車廂再落泊
>>June 12, 2005 at 3:41:10 PM GMT+8
2005 年 6 月 10 日 星期五 【晴】
胡蓓蔚
把聲又靚 , 唱歌又唔差
可惜跟錯公司 , 又專翻唱 Bobo 啲歌
真係想紅都難啦 , 咁就浪費咗個好歌手
===================================================================================
原來 "行運一條龍" 首插曲 "為何又是這樣錯"
係由我最愛嘅女作曲人馮詠琪作曲架
唔怪得咁正啦
===================================================================================
夢太少 , 現實太多 ...................
我討厭想得太多 ......................
===================================================================================
programme 出錯
答應咗人嘅事做唔成 ................
>>June 11, 2005 at 3:20:07 PM GMT+8
|
人氣: 36610
Design & Scripting by ShowHappy.Net
|
妳要快 d 快 d 快 d 好返
返左小學聚會
昨夜心情不太好
日子有功
可否告訴教會的地址?
<br>