|
2005 年 7 月 30 日 星期六 【晴】
岩岩睇完最新一期 Death Note
L 終於死左 , 過程峰迴路轉 , 真係正爆
講下今日行程 , 朝早八點九起身
( 其實原先應該係八點半 , 不過眼訓所以訓多少少 )
沖個涼 , 飲碗湯 ( 飲完之後我阿媽先同我講 d 湯有點 "叔" ........ )
跟住返教會早堂 , 十一點完左上 Billy 屋企 , join 佢去漫畫展
點知條死仔大覺訓 , 去到一點都仲訓緊
( 第二堂正係一點完 , 我返早堂既用意無晒 , 搞到我訓少個半鐘 )
見已經一點 , 仲要之後四點幾落到旺角 , 都係唔鬼理佢走人先
( 最過份係我走佢都唔知 , 仲要繼續佢 d 豬叫聲 , 頂丫 )
出到去勁多人 , 三點至開始行 , 二話不說即買第七期 Death Note
仲有最最最重要既 , 我期待左足足兩年既第十五期 Feel 100%
之後見到一擋有狗狗公仔 , 諗起小晴中意狗仔 , 而且過多陣約左佢
就買左一盒送比佢 , 我知道全套六隻入面有一隻佢一定唔會中意
唯有望唔會咁岩抽中啦 ( 之前同佢抽親野都 ........ )
跟住唔知咩事 , 真係鬼遮眼 , 用左一百八十元買左一 set One Piece 公仔
( 不過全程最慘係挨左梁洛施唱兩首歌 , 歌手 ? 我超 )
行到四點就急急腳落旺角朗豪坊 UA 買票睇 "七劍"
四點幾買六點幾場都仲有位 ......... 最頭o個兩行丫嘛
跟住過百老匯睇 , 仲有 d 正常比人睇既位 , 就睇七點十分場
等埋小晴收工過到尼 , 上朗豪坊時送左狗狗公仔過佢
因怕抽中佢唔中意o個隻 , 我就叫佢返屋企至睇
( 如果中左就 ........ 變左送比自己 )
不過佢當場就折左尼睇 , 咪就係中左 lor ( 我有一隻狗狗公仔呀 , 恭喜 )
經過以前同佢抽公仔 , 扭旦 , 加埋今次既事件
我就決定以後絕唔會再為晴抽野 , 絕對 ! 一定 !
跟住搵野食 , 兩個都好鬼餓 , 我仲要係朝早到食 dinner 之前
除左朝早碗 "叔" 湯同買飛之前飲左包朱奶之外
係完全冇其他野落過肚 ( 咁都唔暈真係要感謝主啦 )
去左一間叫魚米家既店食野 ( 小弟奉勸大家唔好去 )
食完野急急腳過去百老匯睇 "七劍"
睇既過程之中 , 我同小晴兩個都有唔少位係睇到想訓既
就算唔係想訓呢 , 都會神遊太虛 , 此戲為雷聲大雨點小是也
總之兩個字 : 失望 ( 小弟奉勸大家唔好睇 )
睇完行左陣街 , 兩個勁眼訓既人就各歸其家了
返到屋企沖完涼就 set 我 d One Piece 公仔 , 然後睇 Death Note
睇完就上上網啦 , 幾點訓呢 ......... 隨感動啦
>>July 31, 2005 at 6:15:31 PM GMT+8
2005 年 7 月 29 日 星期五 【晴】
舊傷未癒再添新傷
遇著個低能隊友交埋 d 白痴波
搞到右手食指篤魚旦 , 痛得我丫
打完波走時撞見王啟同阿袁 , 真有緣
今晚睇波 , 不過好鬼眼訓 , 睇完先算啦
聽日好忙呀 , 朝早聚會 , 晏晝去漫畫展 , 跟住同晴晴睇 "七劍"
>>July 30, 2005 at 3:44:32 PM GMT+8
2005 年 7 月 29 日 星期五 【晴】
尋日十點幾起身之後一直玩炸彈人
一點 send 個 message 約人去漫畫展
玩到四點半終於頂唔順要食野 , 食左十幾個饅頭
跟住打電話比 Kitty , 傾左陣 , 真開心
之後沖涼 , 出沙田 , 同曦 , 凌欣 , Lea 食 dinner
火車上打電話比小晴約佢睇 "七劍"
出到沙田去左 Mr.Steak , 一望份 menu 樣樣野既價錢都會令我冇左半條命
算啦 , 算啦 , 食完先算啦
好可惜 Kitty 最後都冇到 , 真係太忙喇
食完野就趕下半場去秋屋企 , 好多人呀 , 真開心
一班 MKC 既舊同學 , 真係好鬼好玩
跟住一時五十分十五秒收到一個令人失望的答覆
邊鬼個咁可惡竟然捷足先登 , 約左我想見既人 , 啍 !
估唔到最後要同 Billy 去 , 我的天呀
然後大約兩點鐘開局打牌 , 打到五點半 , 玩一元一番
手風唔錯 , 做左大贏家 , 三個幾鐘贏左四十二元
咁就呃返兩餐 , 哈哈哈
最後坐秋車返屋企 , 返到屋企坐沙發抖左抖
七點幾沖個涼之後入房訓 , 訓到點十比 Billy 打尼嘈醒左
算啦 , 玩陣炸彈人或者彩虹冒險 , 四點半出去打波
>>July 30, 2005 at 6:27:42 AM GMT+8
2005 年 7 月 27 日 星期三 【晴】
累得很 , 訓到十二點至起身
跟住換 3 出去食野
食完野拎 d 菜菜肉肉返屋企都三點
玩下炸彈人 , 玩左一次彩虹冒險
七點鐘出左公園拍左一粒鐘波 , 要努力練好
之後等埋細佬返尼 , 九點至食飯
睇下 tv 又玩左陣彩虹冒險
跟住就等 ! 等 ! 等 !
>>July 28, 2005 at 3:10:59 PM GMT+8
2005 年 7 月 26 日 星期二 【晴】
朝早七點要起身送細佬出浸大
點知兩個都完全唔知醒 , 七點半至起到身
之後送完佢出去就返屋企訓埋下半場
訓完之後都仲係好眼訓 , 都唔知咩事
晏晝對住班細路 , 有兩個真係搞到我火都尼埋
煩好得過份 , 成日搞搞震
睇完兩班到左五點彈下琴彈到五點七就過遊樂場同細佬打波
秋同王啟都有到 , 今日打得算就咁啦
王啟到之前打左兩場 , 頭一場打去發火 , 另一條友都唔係打既
由頭到尾行行企企 , 攻又唔攻 , 守又唔守 , 勁想小佢
之後秋到左就打左場 , 班友真係唔多得 , 都唔好玩既
求求其其打兩打 , 比人追過左就認真少少 , 要超前咪超前 lor
大佬呀 , 我手又傷 , 腳又傷 , 想我可以打成點
跟住有人跟隊時又話唔記得打到幾分 , 我地一早贏左啦 , 扮傻
今日外圍投射算 ok , 打內線時都過得去咁啦
王啟尼左之後對住一隊有個高佬 , d 手手腳腳鬼死咁長
我照返平時相對對手距離上 , 比佢隔左兩球 tim , 真陰公
不過唔緊要 , 我再接再厲 , 照o向佢面前入波 , yeah ~
後尾過左對面場打 , 有三條友勁好玩 , 笑鬼死
最後打到十點二至走 , 同細佬食完野就返屋企 lu
===================================================================================
約人去漫畫展 ! 約人去漫畫展 !
喂 ! 做乜唔 online 呀 >;<
===================================================================================
唔知點解每一次食叉燒飯食到一半既時候
都會有一種突如其來既抗拒感 , 唔想再食落下
星期一夜晚食完之後就唔多舒服
加埋星期二食左一個勁難食既月餅 ( 頂丫 , 我勁中意食月餅架嘛 )
搞到今日都唔多舒服 , 尤其係朝早起身時同打波時有點想吐
都唔知係咪食物中毒 tim , 撞鬼囉
===================================================================================
同我熟 , 認識我既人都知我份人係會好直
我唔知你點解要轉彎末角暗示咁講我
本人在此表示強烈的不滿
有咩唔滿意唔中意既直接了當同我講
係朋友既話就有野唔怕直接講
對 d 玩暗示既人我絕對唔會認同佢係我朋友
>>July 27, 2005 at 5:39:37 PM GMT+8
2005 年 7 月 25 日 星期一 【晴】
十一點幾起身
( 小晴 , 妳唔恨得咁多架喇 )
跟住一直玩炸彈人玩到七點
同兩個好好玩既人一 team
勁搞笑 , 同有個隊友成日踼炸彈中到大家
玩下彩虹冒險 , 終於可以經常贏到任務三
睇左陣 The Curios Incident of the Dog in Night-Time
真係一部好好睇既小說 , 個主角自閉得尼又好可愛
之後睇波 , C.Ronaldo 下半場至出 , 等左我好死耐
佢一出場四分鐘就連過兩個直落底線
仲出左球靚波 , 真係中意佢中意到不得了
睇完洗下碗 , 玩左局彩虹冒險
跟住都係睇下 tv 架喇 , 都係又會睇埋尋秦記至訓
===================================================================================
要調節一下步伐
下下太過反而唔好
我知道係會有機會既
>>July 26, 2005 at 2:15:34 PM GMT+8
2005 年 7 月 24 日 星期日 【晴】
尋晚打波打到傷晒
左手篤魚旦 , 中指腫晒 , 連尾指都有少少傷
仲有左腳有少少扭親 , 左手手臂又痛 , 要命
打完波唔知發咩傻 , 走去飲啤酒
冇暴斃真係要感謝主
估唔到今朝十點幾就自動醒左
跟住玩左陣彩虹冒險
等到十二點就出街買飯同埋買點數卡
返屋企之後就勁玩炸彈人
真好玩 , 遇著 d 真係勁既人 , 一對三係絕對贏唔到
跟住都係一直玩玩玩 , 玩到悶 , 傻傻地
打電話比小晴傾左幾句 ( 總算點都有人陪我去 )
睇下皇馬 , 最重要係睇 Owen 同 Beckam
仲有等費高落場 , 不過最後輸三比零 , 真係 ........ 唉 .........
對方禁區入面下下六七條友 , 又冇費高 d 翼位拉空 , 點打呀
睇完波姑且睇下危險人物
===================================================================================
過多兩日至問啦
得就好 lu , 實開心死
===================================================================================
繼續夢見 ~
>>July 25, 2005 at 2:27:21 PM GMT+8
2005 年 7 月 23 日 星期六 【晴】
對上一次打鼓已經係上年十二月既事
( 星期三只係打左好少好少 , 唔夠我練返 d 功力出尼 )
而由前年年中到上年十二月都係斷斷續續咁打下
今日 .......... 算係咁啦 ......................
甩就冇甩既 , 不過有唔少地方打唔中又打錯野
簡單 d 講就一個字 : 亂
返尼抖一抖 , 一陣出去打波
===================================================================================
近幾晚都夢見一個人 ...............
真好 ! 哈哈 ^^
不過咁會加添我既思念喎
===================================================================================
漫畫展
搵唔搵到人陪呢 ..............
>>July 24, 2005 at 8:55:03 AM GMT+8
2005 年 7 月 22 日 星期五 【晴】
十一點半起身 , 沖完涼出上水整整眼鏡
竟然撞到 Peggy 喎 !!
食完野就出灣仔去書展 , 多人過尋日好多
去到會展真係好似始得西山咁
入到去小霞話餓 , 就去食野先 , 順便拎野比 Billy
比 Billy 問左條問題 , 我都想呀 , 講真架
之後周圍睇下 , 搵唔到 "二十四個比利" 呀
尋日見到唔少架嘛 , 真失望
買左 "The Curios Incident of the Dog in the Night-Time"
想睇好耐架喇 ( 晴晴 , 我買左喇 )
行到六點九要走人 lu , 小霞要返屋企煮飯
其實以尋日既經驗 , 應該改時間約佢早 d
走時竟然撞到羅柏基喎 , 又撞到識既人都有既
跟住落到樂富已經七點九 , 佢原先話七點半返到去
死喇 , 都唔知會唔會搞到佢比人話 @@!
返到粉嶺求其買個飯返歸睇波 , 睇下半場呀
可惜落雨丫 , 睇唔到皇馬 d 堅料
最失望係 Owen 被換走左 , 激鬼氣呀
費高又鬼咁遲至出尼 , 碧咸傷左冇出
最想睇既都 ............ 真失望 ....................
今日行到好累 , 要早 d 休息 , 聽朝仲要返教會
===================================================================================
真開心 ~
尋日同小晴見面
今日又見到霞
聽日同 MKC 同學打波
仲有聽日又一次婚禮做鼓手
聽日要戴小晴送既頭巾 ~
>>July 23, 2005 at 2:24:34 PM GMT+8
2005 年 7 月 21 日 星期四 【晴】
十一點幾起身睇左套少林足球
部臭 DVD 機又讀得好死差
係咁出格仔 , 日本四仔咩 , 頂丫
睇完玩左陣彩虹冒險 , 沖個涼就出街
食左少少野就出灣仔
收到條米白色頭巾 , Yuki 真知我心意
之後行下睇下都幾鬼累
仲有拎十幾本書 , 妳睇我幾鍚妳丫小晴
後來去左好好好好耐冇去既哈狄斯食野
送埋晴返黃大仙就返屋企
搭火車時撞見賴昌熙 , 吹下水就一程火車
今晚早 d 訓 , 睇日同霞去書展 , YEAH ~ !!
>>July 22, 2005 at 3:28:52 PM GMT+8
|
人氣: 36610
Design & Scripting by ShowHappy.Net
|
岩岩睇完最新一期 Death Note
舊傷未癒再添新傷
對上一次打鼓已經係上年十二月既事
可否告訴教會的地址?
<br>