|
2005 年 10 月 29 日 星期六 【晴】
完咗聚會去飲茶
五條友叫十五碟嘢 , 痴線
晏晝冇嘢好做就返咗屋企
不過都係冇嘢好做
===================================================================================
我與妳都過渡不了十月的這個命運
妳會主動找我傾 , 我很開心呢
===================================================================================
愛情在六十年代就像一場大病
愛一個人可能是二 , 三十年的事
然而 , 在現代 , 一段愛情可能不過是一場小感冒而已
===================================================================================
追趕愛情就好像拾玻璃碎
有人會拾得多 , 有人會拾得少
但從來沒有人能夠拾得所有
而有些人更在過程被碎片割傷
>>October 31, 2005 at 12:04:56 PM GMT+8
2005 年 10 月 28 日 星期五 【晴】
朝早十點睇牙 , 勁眼瞓
開眼對住餞燈就唔舒服
合埋眼就差啲瞓著咗
係個醫生叫我張開啲個口至醒一醒
之後返屋企瞓咗成個晏晝
===================================================================================
司機 : 後面嗰三位女人係咪街市落架 ?
三個女人 : ...............................
司機 : 後面嗰三個女人係咪街市落架 ?
跟女人甲談話的女人乙 : 我地聯和落呀
司機 : 呢度就係聯和啦
自己一個坐嘅女人丙 : 我地街市落呀
司機 : 比啲反應至得架嘛
跟女人甲談話我女人乙 : 講緊嘢丫嘛 , 都唔知你問我地
我 : 死雞撐飯蓋 , 唔知問妳又會識答响聯和落
===================================================================================
夜晚睇禁毒滅罪演唱會
同乖女差唔多成年冇見喇
時間過得真係快
見到 Twins 出場兩個打對台
我係咁話阿嬌呀 , 乖女就係咁話阿 sa 呀
又有我勁愛嘅 Janice , 聽吳浩康真係堅到不得了
其實有時有種怪怪地嘅感覺
一個因前女友而認識嘅朋友
>>October 31, 2005 at 11:42:41 AM GMT+8
2005 年 10 月 27 日 星期四 【晴】
晏晝睇下班小網
對住堆哇鬼真係痴線
夜晚返咗深度敬拜
好懷念最後一次星期六嘅深度
係我同維奶兩兄弟彈結他
嗰晚仲玩交替 , 一時彈 , 一時打鼓 , 仲有吹口琴
真係開心 , 唔知幾時先再會做伴奏呢
===================================================================================
抱擁過妳 ..........................
>>October 31, 2005 at 11:25:39 AM GMT+8
2005 年 10 月 26 日 星期三 【晴】
返到屋企搵錢交電話費
點知發現張床比人搞過
而枕頭底嘅六百元唔見咗
搵來搵去都冇 ............
出去打波 , 坐小巴時有唔相識嘅一男一女上車
女上先 , 男後面 , 當個女人想坐底時司機突然開車
個女人係著住條裙 , 長度大約蓋住大腿三分二啦
咁個女人就向後跌咗落張橈 , 兩個膝頭向上一舉
比後面個男人睇見晒 , 個女人即時勁尷尬
夜晚發現我勁冇興趣睇嘅 "阿旺新傳" 有我勁中意嘅唐寧
可惜返咗宿舍就冇得睇 lu
>>October 31, 2005 at 11:20:23 AM GMT+8
2005 年 10 月 25 日 星期二 【晴】
鬧鐘真係永遠唔好放响床頭
一個瞓到糊里糊塗嘅人對於會響嘅物體
就會好自然不加思索咁一嘢拍落去
更甚係瞓夠醒咗對做過嘅事完全冇印象
直到睇到當時嘅時間 ......................
然後仲要自己問自己 : 乜我有醒過咩 ?
所以 , 響鬧嘅物體點都應該放响三尺以外嘅地方至得
===================================================================================
晏晝又係中藥堂 , 專心中帶點呆
( 注意 : 係專心中帶點呆 , 唔係專心地帶點呆 )
完咗返房沖涼食飯打掃拖地洗衫直落 , 何奇的充實呀
做完 201 之後就問人借結他錄首 "好想"
然後靈修埋就 free time
===================================================================================
寄 e-mail 成日都 upload 唔到啲歌
正一高科技低智慧 x 100000000000000000000000000000000
>>October 26, 2005 at 4:27:13 PM GMT+8
2005 年 10 月 24 日 星期一 【晴】
對住部腦好眼瞓
一瞓落床好精神
晚晚搞到三點幾
朝早七點又彈起
起咗身但係冇乜心情上堂
呆响床上面 , 不過之後英文堂要返
因為已經有好多次冇返 , 同埋又要交功課
做卷 , 做完幾沮喪 , 越來越差 , 要搞搞佢
舒緩下心情就出去玩下頭文字啦
奇蹟地比我贏到涼介呀 , 開心得很 , 不過得一次咁多
睇埋未睇完嘅 "青蛙軍曹" , 心情唔多好睇下會開心啲 , 笑下
唔知搞乜呢幾日總係 down down 地 , 成日好多嘢諗
仲有係唔想瞓 , 就算本身其實已經好眼瞓
同天茵傾咗少少 , 雖然講嘅嘢好簡單 , 得一兩句
但係好感覺到嗰份關心 , 真係好 , 呢個我有信心係一生一世嘅朋友
今晚再睇 "Spiderman 2" 先 , 跟住唔睇 "神兵" lu , 睇 .......... 到時先算啦
===================================================================================
首先 , 呢一架係一架新界的士
嗱 , 你睇 , 餞燈呢仲著緊 , 個咪標呢又跳緊
個咪標跳緊 , 即係代表架的士有人
但係餞燈仲著緊喎 , 你話係咪好不可思議
===================================================================================
悟空 , 你又曳曳啦 , 為師教過你幾多次唔好周圍亂咁掟嘢架啦
你亂咁掟嘢會染污環境架 , 又好容易會掟親啲細路
就算冇細路 , 掟親啲花花草草都唔好嘅 .........
做咩呀悟空 ? 你愛呀 ? 你愛要出聲至得架
你愛我會比你 , 你唔愛我當然唔會比你啦
冇理由你話愛 , 我唔比你 , 你唔愛我又比你格
大家講道理架嘛 , 嗱 , 我數三聲你話愛唔愛喇喎
>>October 25, 2005 at 3:11:18 PM GMT+8
2005 年 10 月 23 日 星期日 【晴】
起身之後一直眼瞓咗成日
不過我知我今晚都唔會早瞓
正確尼講係唔想瞓
呢個時節好中意响夜晚唔著燈
然後一直咁播住 "安靜" , 總係會咁
===================================================================================
嗰一次我响教師枱搵單行紙時
妳响我後面經過 , 然後拍咗我個頭一下
每當記起我都總會暗笑
而嗰次 , 係妳第一次捉弄我
===================================================================================
年月日時分秒晝夜陰晴日月圓缺溫涼寒熱
還是一樣的 .............................
===================================================================================
"他和她的故事"
真係一套寫得好好嘅卡通
睇時意外發現其中一段配樂係 Jimi Hendrix 首 "Mid-night"
===================================================================================
倒頭來 , 話冇假放喎
邊鬼個放風話有架
===================================================================================
兄姐係食到好味嘅嘢時 , 會分比弟妹
兄姐係見到雪櫃返一包維他奶時 , 會留返比弟妹
不過世上有唔少人認為多個香爐多隻鬼
覺得响屋企成日要同人分同人爭
衰啲講句 , 佢地要弟妹死咗嘅時候至會識得咩叫愛
不過係遲來的愛 , 一家人係應該分享而唔係計算
>>October 24, 2005 at 2:36:46 PM GMT+8
2005 年 10 月 22 日 星期六 【晴】
又到咗買電嘅時候
入錢落卡時至記起星期日冇得入架喎 ...............
聽日先搞啦 , 仲用幾日嘅 , 唔趕
晏晝出去行下 , 見到有人搵街邊啲睇相佬睇相
路 , 應該靠住自己嘅堅信行出尼架
當然 , 仲有身邊唔少人嘅支持啦
而特別對基督徒尼講更加有一位神
將來雖然預測唔到 , 但係正因為咁人先至會奮鬥同成長
夜晚阿娘打電話來話阿爸問幾時返喎
同埋原來今個星期六搞 "禁毒滅罪" , 唔怪得乖女之前問有冇坐位飛啦
今次有五張 , 一張我一張我細佬 , 留返三張比妳啦乖乖 女
十一點幾時睇咗想睇好耐嘅韓片 "飄流欲室"
睇完之後全完唔知佢想表達嘅乜
應該買 "重慶森林" 而唔係呢套 , 不過有早知就冇 bb 啦 , 唉 ..............
===================================================================================
夢見同晴去睇戲喎
唔知大家以後仲有幾多機會呢
搞到有人唔開心就無謂啦可 ^^!
===================================================================================
揀碟嘅時候有一位兄台好禮貌得很
一睇佢副長相就唔怪得佢咁死好禮貌啦
見佢眉似八刀 , 眼似日月 , 鼻似玄田 , 口似牛一
真係英明神武得佢丫 ! 品格高到冇人有呀 !
>>October 23, 2005 at 5:43:34 PM GMT+8
2005 年 10 月 21 日 星期五 【晴】
夜晚睇 "神兵玄奇"
睇到朝早六點七至瞓
三點起身睇陣 keroro
七點幾廣東體育連唔到
之後九點幾連到 , 不過播全運會籃球決賽
周圍行下去下搵同學 , 無無聊聊咁
突然好想見 Daisy 同梓珊 , 而 "佢" ........ 我就一直都想見啦
陣陣秋風 , 吹得有點孤寂 , 呢啲時候 ...............
有時都真係好想身邊有個人可以抱下取下暖
今晚諗住唔瞓 , 一來繼續睇 "神兵" , 二來調節返生理時鐘
聽晚就可以早啲瞓 ( 唔會瞓唔著卦 ) , 星期一朝早可以起到身
===================================================================================
深刻嘅日子真係有唔少
唔知第日會唔會三百六十五日都有深刻嘅事呢
一月一日 , 二月二日 , 三月三十日 , 五月六日
七月一日 , 七月三日 , 七月三十日 , 八月二十六日
九月十七日 , 十月一日 , 十月二日 , 十月三日
十月四日 , 十月六日 , 十月二十八日 , 十一月六日
十一月二十二日 , 十二月二十三曰 , 十二月二十四日
十二月二十五日 , 十二月二十六日 , 十二月二十七日
十二月二十八日 , 十二月二十九日 , 十二月三十日
十二月三十一日
===================================================================================
終於睇完 "草苺100%"
真中淳平最後都同咗西野司一齊
其實西野真係故事入面最好嘅一個 , 動靜皆宜 , 處理感情最好
雖然東城綾最後都有表白 , 而東城亦係故事中同真中最夾
同真中兩個一直互相扶持住 , 可惜太過內向
表白時真中已經同西野復合返 , 之後嘅一大段真係睇得有點唔開心
兩個最後做咗知己 , 就係相愛不如相知吧
代表咗人生一啲因時間不合而錯過嘅關係
不過我諗現實中絕大部份男生都係會揀西野 , 雖然東城都好好
>>October 22, 2005 at 5:25:08 PM GMT+8
2005 年 10 月 20 日 星期四 【晴】
有精神不過提唔起勁
晏晝 dowload 咗啲 I"s 同草苺 100% 嘅 wallpaper
彈結他時斷咗條弦 , 之前見條弦嘅狀態都一早有定心理準備
想搞 "好想" 嘅簡單 demo 都唔得 , 算啦
聽下郭小霖真係唔錯 , 我諗呢個年頭會聽佢嘅人已經好少
我呢個年紀會聽嘅可能得幾個 , 都有好多人唔知佢係乜水
响度再講多次 , 郭小霖係作張國榮首 "無心睡眠" 嗰個人
而 Twins 主演嘅 "這個夏天有異性" 首插曲 "從不知" 亦係佢嘅作品
夜晚拎咗四百大元嘅回水 , 真開心
咁下個月就可以留起多啲錢喇 , YEAH ~
九點二出去跑咗陣 , 真係好一陣
因為好唔中意冷天氣凍住氣管 , 好討厭呢種感覺 , 又傷氣管
返房沖沖下涼諗起唔知食面個烋有冇洗 , 就出咗沖涼房睇過
點知途中右腳一滑 , 然後撞到洗衣機 , 諗住好彩可以定一定
點知一撞之下搞到左腳都滑埋 , 但係滑嘅同時右腳撞完洗衣機反彈返轉頭喎
右腳就咁定咗一定 , 於是把握機會左手捉住咗支床柱
而右手就搭住洗衣機 , 兩腳一座低 , 終於冇事 , 不過好鬼驚嚇
之後去搵下啲同學仔玩下吹下水 , 等夜啲個網絡順啲就睇 "龍虎門"
>>October 21, 2005 at 5:42:36 PM GMT+8
|
人氣: 36610
Design & Scripting by ShowHappy.Net
|
完咗聚會去飲茶
朝早十點睇牙 , 勁眼瞓
晏晝睇下班小網
可否告訴教會的地址?
<br>