|
2005 年 11 月 9 日 星期三 【晴】
今日好多嘢都唔記得
唔記得睇 NBA 同喜有此理
唔記得十一點過後嘅飯堂會打仗
晏晝又要去充撐場面 , 不過响一二邊睇書
同晴晴借咗本 "在天堂遇見的五個人" 好耐喇
因為本 "最後十四堂星期二的課" 响尋日至睇完
雖然本 "天堂" 睇咗唔多 , 不過已經覺得好睇過 "十四課" 好多
"十四課" 只係講啲普通嘅價值觀 , 對生活嘅一啲睇法
而 "天堂" 講嘅更加廣闊 , 意義更加深 , 有更多可以思考嘅嘢
我諗如果我一開始係睇 "天堂" 先嘅話 , 我一定會冇心機睇 "十四課"
睇咗一粒鐘書就四處行下 , 個屁股坐啲石坐到痺晒
之後就完嘅時候鋪响門口嗰頭 , 要趕快啲買飯呀
買飯同豆漿時分別媽叉咗兩絛友 , 做咩唔提喇 , 又係嗰啲啦
睇新聞約旦有炸彈襲擊 , 死咗五十七個人 , 突然有啲想喊
究竟啲人睇生命係到底點嘅一回事呢 , 覺得世界真係好扭曲
種族 ? 人同人有分別咩 , 所有人到最後咪又係白骨一堆
响法國嘅騷亂又持續 , 啲人不停咁破壞想得到啲咩呢
而騷亂更加伸及到鄰國 , 究竟啲人想點呢 .......................
===================================================================================
許多第四型的人很有理想 , 一生追求真 , 善 , 美
對他們來說 , 這些是生命最寶貴的東西
他們感覺敏銳 , 感情青達流暢 , 深入和真實 , 加上創作力高
及刻意尋求個人的獨特風格 , 在藝術和創作上成就很大
若不在兩方面有成就 , 也會改善環境 , 使它更美
如把家居裝飾得更有品味 , 收藏藝術品等
他們深深地被美的東西吸引 , 不管是人 , 還是物品
因為 "美感" 激起他們的感情 , 並增強自我的感覺
也象徵他們一向找尋的完美與整體感
他們天賦獨特的審美眼光 , 以美感去表達自己 , 是唯美主義者
>>November 10, 2005 at 2:52:58 PM GMT+8
2005 年 11 月 8 日 星期二 【晴】
晨早八點幾去睇比賽
第一屆亞洲大學田徑錦標賽點解會咁多人睇
咪就係有一大大大大堆暨大學生比暨大迫去睇之嘛
唔係邊得尼有人睇丫 , 去到曬得過份熱得很 , 要命呀
完咗上晝比賽去到飯堂打仗咁 , 即時決定唔買飯喇
整個豆漿返房吃個面就算啦 , 排得尼都餓死咗 lu
三點又係漫長嘅中藥 , 雖然好唔想返不過都係返咗
返到去發現好明顯係少咗啲同學冇返
上三粒鐘冇精神聽書反而突然好有靈感填詞 , 吹漲
完咗快快買飯返房沖涼聽新聞 , 荃灣有斬人案 , 真恐怖
而法國嘅惡劣情況依然持續 , 大家為嗰邊祈下禱啦
夜晚上網不停搵范冰冰嘅 wallpaper , 真係好靚 , 身材又正
忽然好迷戀佢 tim , 仲有徐靜蕾同李冰冰都係
雖然聽朝唔洗上堂 , 不過都要早起身 , 九點睇 NBA 呀
===================================================================================
唔知點解 ...................
識親有個 "婷" 字嘅女仔都一句起兩句止
識親有個 "盈" 字嘅女仔都幾高竇唔知應該點接觸
識親有個 "晴" 字嘅女仔都玩得傾得
而且唔止名同相處情況一樣 , 就連外表嘅氣質都一樣
名呢家嘢同人嘅氣質性格係咪真係好有關係嘅呢 ??
===================================================================================
( chorus )
沿途若覺淒酸 妳哭了 我盼妳讓我細撫妳淚臉
晴天必不再變雨天 如若妳心酸 妳哭了
我盼我在妳旁邊 輕輕講妳知 放心好了
有我支撐愛護妳 他生也不會變
===================================================================================
已婚的第四型喜歡與子女和配偶一起 , 未婚的則喜歡與朋友相聚
他們喜愛表達自己真正的感受 , 經常找可以傾訴的朋友
真接又坦白地分享自己的所思所想 , 無論是多麼的不風光
多麼的體面 , 他們在別人面前 , 也會胸無城府地顯露自己的軟弱和矛盾
( 對 "直接又坦白" 有所保留 , 會有呢種情況 , 不過睇對象啦 )
>>November 9, 2005 at 5:43:18 PM GMT+8
2005 年 11 月 7 日 星期一 【晴】
朝早七點半帶住勁疲憊嘅精神上堂去
十點落咗堂即返房瞓 , 瞓到四點至起身
跟住搞下 xange , 點知打中文會變晒做亂碼
算啦 , 都係用返而家呢個算喇 , 同埋 xange 開得慢啲
之後求求其其又搞掂一餐啦 , 錄下歌
睇新聞話有人偷骨灰 , 呢啲人真係勁仆街
( 你地話我爆粗都係咁講架喇 )
政府又不知所謂 , 話灑骨灰响咩園解決位嘅問題 , 痴 x 線
又有人話政府唔監管好 , 嗰啲人仲更加痴線
呢樣嘢關政府乜事呀 , 總之而家啲人都係好有問題
===================================================================================
不少第四型的人很想了解自己 , 也想被別人了解
但是沒有興趣去了解別人 ( 此點小弟不認同 )
他們不斷希望找到自己的特色 , 以及最能表達自己的方式
他們具有高度的創作力 , 喜歡用象徵去表達事物 , 也留意自己所作的夢
第四型的人喜愛發掘獨特的自己 , 不願被大眾牽著鼻子走
他們有遠離主流文化的傾向 , 討厭庸俗
他們不甘平凡 , 不模仿 , 不抄襲 , 獨具卓見
第四型的人所關注的通常是與眾不同 , 吸引他們多是異於常人和獨特的東西
第四型的人不論富有或貧窮 , 無論衣著 , 品味 , 氣質 , 談吐 , 嗜好
都是突出和非一般的 ( 此點其實係睇情況而定 ) , 又用外表的東西來彌補內心的自卑感
對他們來說 , 越是難得到的東西越珍貴 , 越是得不到的東西越吸引
他們不喜歡死皮和公式化的生活 , 好幻想 , 追求激情和戲劇性的遭遇
>>November 8, 2005 at 4:47:56 PM GMT+8
2005 年 11 月 6 日 星期日 【晴】
朝早返生化
好似 ........ 太耐冇返喇
完咗返房突然好有 feel 就作咗首曲
諗住會填英文詞 , 填方向都有
晏晝就瞓覺 , 實在太眼瞓
夜晚又唔記得睇一直想睇下嘅豈有此理
咁都有嘅真係吹漲
今日依然係痛 , 好熱氣 , 好死痛
照鏡見條脷睇到呆咗 , 要唔要切呢 .........
怕且呢期都係會與王先生為伍架喇
===================================================================================
第四型的人除了用說話去表達個人的感受
藝術是另一種表達感情的渠道
他們熱愛大自然 , 參加音樂 , 文化和藝術活動
不少第四型的人是藝術家 , 若他們不是專業的藝術家
也會有很好的鑑賞力 , 被美的東西深深吸引
因為美的東西象徵了一切感覺的昇華 , 包含真理和良善
他們藉著追求真 , 善 , 美 , 趕走內心的空虛
===================================================================================
相見時難別亦難 , 東風無力百花殘
>>November 7, 2005 at 3:20:51 PM GMT+8
2005 年 11 月 5 日 星期六 【晴】
哇哇哇 , 十一月幾喇喎
仲熱到要開冷氣係咪好過份呢
地球叔叔真係燒得好嚴重下喎
怕且第時香港冬天會變咗泰國咁樣
最低溫度為十九度 , 夏天 ......... 死得人喇
晏晝出去買下啲雜食 , 行嘅時候突然諗起小琳
一個以前經常一廂情願對盈好嘅女仔
上年撞見過一次之後都好耐冇見喇
===================================================================================
聽到一首好令人懷念中學時期嘅歌 ...........
Miss.So : 呢一條答案係咩
同學 : i
Miss.So : 點解
小弟 ( 國語 ) : 因為 i , 所以 i ..............
===================================================================================
晴晴 , 記得要笑 , 笑同笑呀
咁至靚女架 , 如果唔係就唔可愛架喇
===================================================================================
第四型的人喜歡表露真我 , 追求真我 , 他們很有個性 , 也享受孤獨
他們不著意掩飾及壓抑情緒 , 容易哭和笑 ( 尤其是前者 )
感情很強烈 , 情緒多變 , 不時感到沮喪
他們感覺敏銳 , 常常被美 , 愛 , 憂傷 , 痛苦的悲情所感動
他們相信自己的直覺 , 浪漫 , 愛幻想 , 創作力豐富 , 靈感泉源湧溢
===================================================================================
這天的某種關係 ............................
>>November 6, 2005 at 3:41:44 PM GMT+8
2005 年 11 月 4 日 星期五 【晴】
既然佢咁努力
我點可以甘於人後喎
要再努力努力至得
好多嘢都未做 , 寫故事啦
同晴晴借嘅兩本書都未睇完
不過今晚冇時間做 , 要睇波
===================================================================================
如果有一日律政司宣佈吸煙係屬於殘虐自己慢性自殺嘅話
咁要人吸二手煙就一定係屬於謀殺 !
===================================================================================
[最近喜歡]
001.最近喜歡的人 : 某個姓李的女生
002.最近喜歡的食物 : 苦瓜
003.最近喜歡的飲品 : 除咗豆漿冇嘢好飲
004.最近喜歡的電影 : Sin City
005.最近喜歡的歌曲 : 再見天藍
006.最近喜歡的運動 : basketball
007.最近喜歡的地方 : 頭文字 D 遊戲機個坐位
008.最近喜歡的事情 : 睇波
009.最近喜歡的朋友 : 對朋友一向都喜歡架啦
010.最近喜歡的品牌 : "二人之重唱" 算唔算呀
011.最近喜歡的課堂 : 體育 , 因為唔洗上
012.最近喜歡的COFFEE : 我都唔去嘅
013.最近喜歡的衣服顏色 : 暗紅略帶一點紫 , 深不可測中帶點淒麗
014.最近喜歡外出的地方 : ( 重點係同邊個一齊 , 而唔係咩地方 )
015.最近喜歡獨自一人嗎 : ( 自閉中 )
016.最近喜歡香水 : ( 蚊怕水就有用 )
[你試過]
017.你試過因為一個人哭嗎 : 耐唔耐就會
018.你試過傷害別人嗎 : 我相信每一個人都嘗試過
019.你試過玩弄感情嗎 : 感情唔係要尼玩架 !!
020.你試過愛上朋友的戀人嗎 : 冇
021.你試過講大話嗎 : 我從來都唔講大話嘅 , 亦都唔識講 ^^
022.你試過跟不喜歡的人談戀愛嗎 : 點都唔會 , 對我係冇可能
023.你試過心碎嗎 : 有
024.你試過愛一人愛得很深嗎 : 絕對有
025.你試過因為戀人而改變嗎 : 大個仔咗
026.你試過暗戀別人嗎 : 有
027.你試過愛上戀人的朋友嗎 : 冇
028.你試過怕愛上別人嗎 : 間中
[你喜歡]
029.喜歡貓或狗 : both
030.喜歡老鼠或四腳蛇 : both
031.喜歡可樂或是雪碧 : 我喜歡百事喎
032.喜歡被吻的地方 : 唇
033.喜歡被抱嗎 : 超喜歡
034.喜歡什麼水果 : 榴槤
035.喜歡的天氣 : 冬天 , 雖然本身幾怕凍
036.喜歡的國家 : 澳洲
037.喜歡的明星 : 張氏兄弟
038.喜歡的DESIGNER : 從來唔留意呢家嘢
039.喜歡的足球球星 : Owen , Beckham , C.朗拿度 , 朗拿甸奴
040.喜歡的NBA球星 : 熱火嘅 Wade
040.喜歡的人 : 好多喎 , 家人啦 , 朋友啦 , 太多喜歡嘅人喇
042.喜歡的品牌 : 上面咪答過 lor
043.喜歡的英文歌 : I Don't Want To Miss A Thing ( the theme song of the film "The Armageddon" )
044.喜歡打日記或寫日記 : 打
046.喜歡什麼型的男/女生 : 通常都係長頭髮
047.喜歡牛奶嗎 : 只喜歡十字牌
048.喜歡戀人對你說什麼 : ( 盡在不言中 , 眼神交流最美妙 )
049.喜歡怎樣的戀人 : 草苺100%入面嘅東城綾 , 不過西野司都唔錯 , 仲有 I"s 嘅韋月伊織
[誰令你...]
050.誰會把你弄哭 : 所有我重視嘅人
051.誰可以令你開心 : 同上
052.誰可以令你改變 : 同上
053.誰令你覺得煩 : 同上
054.誰令你放下尊嚴 : 同上
055.誰令你放棄自己 : "風吹倒樹 ; 風就是樹" [大家參透下啦]
[你...]
058.你最愛是誰 : 期望會係神啦 .......
059.你最懷念的一個吻: 2002年7月1日响屋企張沙發上接吻
060.你最懷念的抱抱 : 响一次深度敬拜完結之後錯過同至尊寶嘅一個擁抱
061.你最不想失去的一段愛情 : 暫時得一段咋喎
062.你最想要一個怎樣的戀人 : 上面講咗啦
063.你是一個執著的人嗎 : 呢啲叫原則 !!
064.你自我中心嗎: 都幾架
065.你會幫助別人嗎 : 會
066.你是好的情人嗎 : try best 啦
067.你是一個好的聆聽者嗎: 係 , 不過回應就一般
070.你相信會有一生一世的愛情嗎: 絕對相信
[你的朋友]
071.你最信任的是誰 : Daisy , 至尊寶 , 晴晴
072.你最搞笑的朋友是誰 : George
073.你最白痴的朋友 : 絕對係凌欣啦 , 哈哈哈
074.你最肥的朋友 : [唔答喇 , 女仔尼架]
075.你最瘦的朋友 : 心
076.你跟誰返學 : 同學 lor
077.最信你的朋友 : 唔知呢
078.識得最耐既朋友 : 曦 , 海怡 , 詠怡 , 慧怡 , 曉嵐 ( 由 bb 時期認識到而家 )
079.呢排有咩係最搞笑 : 在下是也
080.最清楚你的朋友 : Vector 組組員們
081.你最有錢的朋友 : Patrick
[你最後的...]
083.你最後接誰的電話 : 娘親
084.你最後打給誰 : 同上
085.你最後吃了什麼 : 炒河
086.你最後飲了什麼 : 豆漿
087.你最後見到誰 : 鄰居
088.你最後跟誰出街 : 自己
089.你最後因為咩大笑 : 睇美國處男4
090.你最後買既野 : 豆漿
091.你最後把你弄哭的是誰 : 自己
092.你最後msn/icq跟誰說 : 小霞
093.你最後send message給誰 : 立生
094.你最後收到的message : 立生
095.你最後的voice mail: 冇呢家嘢
096.你最後聽的歌 : Let Me Die
097.你最後想起的是誰 : 某個姓李的女生
098.你最後講的粗口 : 妖 ! 媽的 !
[你最想...]
099.你最想吃什麼 : pizza
100.你最想跟誰在一起 : 某個姓李的女生
101.你最想去哪裡 : 屋企
102.你最想忘記的事 : 冇喎
103.你最想跟誰見面 : 家人 , 某個姓李的女生 , 晴晴
104.你最想做什麼 : 業餘音樂人
105.你最想買的東西 : anycall e738 , psp , 衣服 , 扭旦 , 籃球 , 最新嘅 one piece 卡通同漫畫
106.你最想得到什麼 : 願望成真
107.你最想扔掉什麼 : 煩惱
108.你最想吃的雪糕 : Haagen-dazs
109.你最想看的電影 : 西遊記之仙履奇緣
[你...]
110.你最喜歡什麼顏色 : 暗紅略帶紫 , 深不可測中帶點淒麗
111.你的戀人是誰 : 暫時未有
112.你一天用多少時間睡覺 : 睇心情啦
113.你一天用多少時間看電視 : 唔知
114.你一天用多少時間講電話 : 冇
115.你一天用多少時間玩電腦 : 唔知
116.你一天用多少時間出街 : 唔知
117.你通常跟誰講電話 : 晴晴 , 乖女
118.你最憎別人對你做什麼 : 態度差
119.你有沒有做一些後悔的事 : 有
120.你最憎自己什麼 : 持久力不足 ( 指精神呀 ! 咪亂諗嘢 ! )
121.你遇過最傷心的事 : 第一個弟弟夭折
122.你感到孤獨時會做什麼 : 搵人傾計
135.你會把唔開心掩飾起來嗎 : 從來唔會
136.你會用什麼動物比喻自己 : 最聰明嘅哺乳類動物 -- 人
137.你會用什麼詞語形容自己 : 傻 , 痴線
138.你最掛住 : 某個姓李的女生
139.你會跟別人分享你的快樂嗎 : 會
140.你最貴的一對鞋是 : 唔知
141.你最貴的一件衫是 : 唔知
142:你最貴的袋是 : 唔知
143.你save左幾多人電話 : 好多
144.你的床上有什麼 : 床舖 , 床單 , 枕頭同被 , 有時會有埋我
145.你會發脾氣嗎 : 會
>>November 6, 2005 at 9:23:37 AM GMT+8
2005 年 11 月 3 日 星期四 【晴】
尋晚打完之後個爛臭 internet 又死咗
打完嘅嘢全部冇晒 , 算啦 , 唔打返喇
有啲嘢過去咗就係過去咗
就算重新尼過都好 , 已經係第二樣嘢
同埋耍下脾氣 , 唔打返就唔打返
===================================================================================
漸漸減少瞓覺嘅時間 , 原因 ?
冇原因 , 雖然我好中意瞓覺
上完堂成個下午又無無謂謂 , 做下清潔咁啦
出去買完嘢之後發現啲銀兩離奇地充裕
買完嘢都仲有八十元剩 , 但係照計係唔買先有八十架喎
神嘅供應係永遠都可能計得出 , 感謝主啦
今晚 join 下小組 , 深夜就睇歐聯啦
尋晚睇咗湖人對金塊 , 高比真係勁好波
同埋氣焰內廉咗 , 越來越似一個真正嘅大將
===================================================================================
漸漸發現 ........... 妳對我真係好重要
好難講得出所有 , 總之對我就係一份好大嘅支持
>>November 4, 2005 at 9:05:24 AM GMT+8
2005 年 11 月 1 日 星期二 【晴】
睇頭文字漫畫睇到三點八
跟住睇波 , 利勿蒲對安德烈治
直瞓連 lunch 都冇食
還幸唔洗上體育堂 , 呢期啲腳趾多災多難
尤其係右腳隻趾公 , 都唔知可以點形容喇
打次波比人踩成五六次 , 自己又唔知做乜撞到好多次
總之就傷得很啦 , 尋日左腳趾公仲撞爆缺 , 不如以手代足啦
近來總係到處彌漫住一股抑鬱嘅大氣
不過點都要令自己過得開開心心
===================================================================================
唔知由幾時開始 , 中意笑看人間嘅我漸漸唔見
取之係好多嘅執意 , 好多事都會好上心
係好係壞 ............... 不得而知喇 ..................
突然跌咗入時間嘅裂縫 , 不可追嘅過去 , 不可測嘅未來
然而 "昨天有果醬 , 明天有果醬 , 今天沒有果醬"
無謂諗咁多喇 , 溫書啦
===================================================================================
湖西月下望 , 盼君來相見 , 長夜空寂寞 , 無語問蒼天
>>November 2, 2005 at 2:56:57 PM GMT+8
2005 年 10 月 31 日 星期一 【晴】
七點半起身 ..............
跟住再瞓過 ..............
十點去上英文
傻下傻下抄返啲歌詞又落堂 lu
晏晝上實驗堂 , 冇咩特別 , 都係懷念同晴一組嘅開心日子
返房就 record 埋首歌 , 小品之作
歌詞係對某人誇大咗小小嘅真心話
九點半要去聽亞大運動會嘅安排 , 真煩氣
===================================================================================
雙眼既已哭乾
就帶著微笑 , 昂然再踏前路
===================================================================================
係咪我因為太直接
所以妳以為我係講緊笑呢
別回家
曲/詞 : ParisMan ( 31-10-25 )
這次那次錯過了多少 幾多秒 已走了 情懷未流露半點
我最愛細靠向妳身邊 看真妳 我心跳 似掉進最美樂園
是我未夠任性來留住妳 從來難得見妳 別要又放走妳
別回家 別回家 求妳留低伴我好嗎
現我心極度冰冷 能熱我心獨是妳的笑靨
別回家 別回家 就當是可憐我好嗎
在我心日夜牽掛 就算深宵早過了都不算很晚
別回家 別回家 就當是可憐我不可以嗎
在我心日夜牽牽掛掛 就算深宵早過了都不算很晚
就算天都光遍了都一起 可以嗎
>>November 1, 2005 at 4:05:02 PM GMT+8
2005 年 10 月 30 日 星期日 【晴】
同細佬打陣波就返宿舍
返到宿舍嘅第一件事
就係聽崇德首 "再見天藍"
首歌真係會聽到人喊架 ...................
===================================================================================
一抹秋風掀起一些愁緒
一絲情意不再一點溫存
一陣心酸只是一縷雲煙
一剎激情換來一段憾事
這些日子的放學時段
總會勾起一段鮮為人知的沉淪過去
===================================================================================
懷念泰國的天空 , 雲是低低的
似是伸手可及 , 雲邊總是鑲了金黃或是彩虹
而且一團團可愛的 , 不是疏離散落
>>October 31, 2005 at 12:17:26 PM GMT+8
|
人氣: 36610
Design & Scripting by ShowHappy.Net
|
今日好多嘢都唔記得
晨早八點幾去睇比賽
既然佢咁努力
可否告訴教會的地址?
<br>