|
2005 年 9 月 6 日 星期二 【晴】
朝早八點自動醒咗
跟住都係繼續瞓
近來瞓覺已經成為咗我第一大嗜好
其次就係靈修同溫書
無論在心靈或頭腦上都要繼續不懈努力
十點上體育課 , 上咩鬼防身 , 其實都唔想上 , 好悶
之後撞到個同學話仲未選呢科可以轉科喎
咁我就二話不說走去籃球部啦
啱啱過咗個暑假成日都打波 , 令我又再愛上籃球
就好似小六開始玩籃球咁充滿熱情 , 嗰陣一個星期都打四五日架
而且 mkc 啲舊同學仔又打返 , 始終有堆 fd 至好玩嘅
其實除咗上一次隻左腳真係太痛打唔到 , 之前好多場波我都想打
王啟 , 阿勇唔多信我咁 , 其實我都進步咗架喇 .........
防守好咗唔多講啦 , 起碼籃底都執到分丫
打波呢家嘢同貧者越貧富者越富一樣 , 你唔比我打多啲我又邊有多啲經驗呢
而家都好 , 可以學啲正規嘅籃球 , 都諗住買個籃球得閒打下
( 原來我嘅防守動作好正宗架 , 冇人教過我 , 我自己諗出尼架 )
完咗返房沖咗個凍水涼 , 啲水比太陽曬得微暖 , 溫度 fit 到冇得頂
呢個涼真係沖得我太爽喇 , 真係唔想停 , 太正喇
跟住食完嘢又瞓覺 ................ [ 簡直就是一頭豬 ]
三點直踩三堂中藥學 , 其間比我諗到一個勁正嘅敬拜流程
落咗堂打包晚餐即返房 , 邊睇 City-Hunter 邊吃
到咗六點八突然有人拍門 , 原來係我 ( 還 ) 未來 ( 的 ) 新同房
傾咗陣 , 佢讀日文架 , 超勁開心 , 我想學日文好死耐架喇
可以搵人教我日文 , 我真係寧願有同房好過冇同房喇
佢走咗之後不咁傻鬼咗响度笑 , 日文 ! 感謝主 ! 真知我心架啫 !
之後洗下 3 , 收拾下對面枱啲嘢 , 順便聽下歌 [ 我愛 Janice 呀 ]
雖然佢話冇咁快搬入尼 , 不過遲早要執嘅話咁不如而家一口氣搞掂啦
搞下搞下就九點幾 , 都仲未開始溫書 , 唉 .....................
靈修完之後即溫 ! 冇得拖 ! 冇得聽日先 !
===================================================================================
世上有三種人 :
第一種人會順應事情發生 ;
第二種人會看著事情發生 ;
第三種人會令到事情發生
第三種人才是真正的領袖 !!
>>September 7, 2005 at 1:38:52 PM GMT+8
2005 年 9 月 5 日 星期一 【晴】
朝早上組織學與胚胎學
又係一科令人擔憂嘅學科 , 唉 ..........
啲生化轉晒中文已經好辛苦
又要讀中藥 , 加埋呢科就真係 .........
祈禱祈禱同祈禱啦 ..............
之後上咗兩堂依然係悶爆嘅英文課
晏晝收貨 , 遲啲要裝置埋電子爐煮飯煮菜
真係好頂唔順飯堂啲勁多油嘅食物 , 啲油真係好似唔洗錢咁
睇下 City-Hunter 直到兩點幾 , 想溫書不過勁眼瞓
瞓到五點幾至好勉強咁起身 , 為嘅只係落去買飯食
食下嘢 , 睇下卡通 , 沖個涼 , 七點幾開始溫生化
其實都冇乜點溫過 , 只係一次過整理要溫嘅嘢有咩同响邊
最辛苦係要睇啲中文生化名詞 , 一邊睇一邊搵返佢英文係咩
睇尼溫生化同組胚呢兩科點都係事倍功半架喇 , 唉 ..............
跟住十點八至靈修 , 要努力 keep 住做 , 仲有溫書都係
===================================================================================
貧困的最是富足 , 擁有的最是缺乏
===================================================================================
間歇性暈兩暈嘅次數越來越密
唔知自己會唔會有一日真係會暈低
===================================================================================
殺破狼 , "仙劍" 嘅主題曲
至憎呢啲扮晒淒美嘅填詞
睇落好正但係內容就大部份九唔撘八
句子之間冇乜連繫 , 都唔知究竟想講乜
不過純粹聽就真係一首唔錯嘅歌
melody 同編曲都好幽怨銷魂
其實金枝慾孽首 "兒女" 都係咁
扮晒填得靚咁 , 其實啲句子就九唔撘八
>>September 6, 2005 at 3:39:44 PM GMT+8
2005 年 9 月 5 日 星期一 【晴】
上完生化之後就走來走去
先搞入學手續 , 跟住食完嘢就出街買個雪櫃仔
行咗兩個大商場都唔見 , 有點擔心會冇
之後再去一個商場就終於比我搵到喇
六百二十八元 , 聽日送貨尼 , yeah
比我預嘅錢少呀 , 所以就拎咗二十元去打機
玩 Inital D 三元一局 ok 啦 , 之前行另外有間貴得勁過份
開始 get 到點用 MT 玩 , 一定要學識點用 MT 玩
因為用 AT 係完全冇可能會贏到 computer 嘅
之後返宿舍睇下 City-Hunter 同睇下今日上堂嘅嘢
七點就上堂無聊課 , 寫咗首歌呀 , 太好喇
===================================================================================
02 嘅今日作咗一首曲 , 呢首曲充斥住連續嘅高音
連續嘅高音就似有一種咆哮同蒼涼感
2002 年 9 月 4 日 , 公公嘅生死忌
而後來同 Tony 少合填咗呢首曲
就係小弟當年响少青嘅一首著名歌曲 "忘記妳想見妳"
===================================================================================
見到一個好似至尊寶嘅女仔玩跳舞機
不禁註足凝視觀看 ....................
見到真人會點 ................
咩都唔洗講 , 只須一個擁抱
===================================================================================
成日叫我寫首組歌 , 而家得咗喇
Vector
曲 / 詞 : ParisMan
天天多少喜與痛 縱使不可估計到
荊棘滿途 都不卻步 昂然地踏著前路
天天多少的試探 我不知怎麼算好
主恩滿溢 必開我路 是祢日夜伴我命途
如漆黑中我看不到 時常活著在迷霧
憑心底篤信去宣告 我主基督定引明路
讓我內心堅忍不驚跌倒 一生靠主的恩膏昂踏義路
讓愛慕主的心比天更高 謙卑我心 終這生
願順服祢訓示 我定會達到
>>September 6, 2005 at 4:53:15 AM GMT+8
2005 年 9 月 3 日 星期六 【晴】
鬧鐘未響
九點四十八分自動彈起身
跟住就靈修 , 做下無謂嘢
直到十一點幾出去食嘢
之後出去睇下有咩碟好睇
比我發現咗一套我勁中意又好感人嘅卡通 -- 羅密歐的天空
一望見隻碟嘅時候竟然有種好感動嘅情感出現
返到房睇陣碟就買飯吃 , 八點溫書
不過溫溫下又尼 ......... 唔得咁 , 要堅持
十點靈修完之後要繼續溫 , 同埋要 keep 住
===================================================================================
日日要計住條數
要儲錢錢買新手機
又要預返啲洗費以備約人之用
===================================================================================
慶幸
曲 / 詞 / 編曲 / 主唱 : 馮穎琪
===================================================================================
原來不經意間已是半月 .........................
>>September 4, 2005 at 1:54:05 PM GMT+8
2005 年 9 月 3 日 星期六 【晴】
起身好眼瞓 .......
咁就繼續瞓啦
十二點再起身落去買嘢食
跟住開始睇 last 九集仙劍
睇到點九落去 , 約咗個師兄 join 暨大團契
原來有個同班春季入學女仔係返五旬節靳茂生嘅
難怪總係好似唔知以前响邊見過佢咁
完咗就返宿舍踩埋 last 七集
預感實現 , 趙靈兒同林月如終要一死
逍遙依舊不逍遙 , 靈兒依舊心不靈
不過呢套劇都係一般 , 太過兒女情長搞到冇咁好睇
===================================================================================
我等我等我等
妳快啲搞返掂部電腦啦
===================================================================================
緣是機會 , 份是選擇
所以緣份本沒有深淺 , 而是在於個人怎樣取捨
性格造就命運 , 性格不變 , 結局亦無變
所以縱使回到過去重頭來一次都只會同一結果
===================================================================================
好中意勁中意呢首歌
逍遙嘆 ( "仙劍奇俠傳" 插曲 )
歲月難得沉默 秋風厭倦漂泊 夕陽賴著不走掛在牆頭捨不得我
昔日伊人耳邊話 已和潮水向東流 再回首往事也隨楓葉一片片落
愛已走到盡頭 恨也放棄承諾 命運自認幽默想法太多由不得我
壯志凌雲幾分愁 知己難逢幾人留 再回首卻聞笑傳醉夢中
笑談詞窮古痴今狂終成空 刀鈍刃乏恩斷義絕夢方破
路荒遺嘆飽覽足跡沒人懂 多年望眼欲穿過紅塵滾滾我沒看透
詞嘲墨盡千情萬怨英傑愁 曲終人散髮花鬢白紅顏歿
燭殘未覺與日爭輝獨消瘦 當淚乾血隱狂湧白雪紛飛都成空
>>September 4, 2005 at 2:43:14 AM GMT+8
2005 年 9 月 1 日 星期四 【晴】
七點三起身刷過牙食早餐
個頭依然好痛 , 左腳舊患又突然出返尼
之後上上下堂連個肚都痛埋
唉 ....... 都唔知做乜鬼咁搞法
之後十點嗰兩堂唔洗上真係感謝主
返宿舍搞掂個肚 , 食咗兩粒止痛藥就出去買酒
頭痛腳亦痛 , 走路走不動
行路要用平日兩倍嘅時間呀陰公
食 lunch 時一睇支跌打酒原來可以內服咁話喎
從來都唔知 , 好想飲下 ,. 不過到最後都冇 , 怕又肚痛
食完嘢之後又瞓過 , 真係有點嗜睡 , 不過瞓完之後個頭都會舒服好多
買過晚飯就繼睇仙劍 , 睇咗一陣沖咗個好熱嘅熱水涼
沖得好舒服呀 , 個頭嘅痛楚又減輕咗啲
沖完繼續睇仙劍 , 八點又到溫書時間 , 十點就靈修
要過有規律而又有彈性嘅生活 , 我個 time table 唔錯唔錯
===================================================================================
此 Jessica 非那個 Jessica ?
大獲 ................................
===================================================================================
大家唔明點解神因為愛而造人嘅話
可以諗諗為想分享愛而生兒育女嘅父母
又或者諗諗自己對弟弟或妹妹嘅愛
我相信咁樣大家會明白想去分享嘅愛係咩一回事
身邊有唔少人都唔識去愛其他人
咁我就應該更加去愛其他人
泰國嘅弟兄姐妹令我深切知道咩叫無私付出嘅愛
好掛住佢地 tim
Vinda , Blue , Grant 仲有一對 Twins
>>September 2, 2005 at 3:04:06 PM GMT+8
2005 年 8 月 31 日 星期三 【晴】
朝早上咗兩堂好悶嘅 English
返到房溫下書 , 點知個頭頂唔順
頭痛之餘兩隻眼有啲花 , 跟住抖一抖
一瞓就由十點幾瞓到四點二
跟住同阿 brove 响 msn 傾咗陣就落去買飯
睇仙劍睇到八點就溫書 , 要追返以前嗰啲同埋溫即將要學嘅嘢
溫到十點就靈修 , 之後 internet 終於回復正常 , 感謝主
繼續完成埋隻仙劍先
===================================================================================
真係幾掛住泰國嘅弟兄姐妹 tim
>>September 1, 2005 at 3:09:25 PM GMT+8
2005 年 8 月 30 日 星期二 【晴】
眼瞓到不得了呀
約咗秋七點名都食早餐
點知我成六點十一至知醒
醒咗十秒都冇秋就打電話尼
真係即時唔知點好 , 點知原來佢仲等緊車出尼
之後七點四去到 , 七點九就走 lu
上到廣州諗住打的返宿舍 , 啲的佬個個拒載 , 勁嬲
最後就唯有死死地氣坐巴士
返到宿舍第一件事係打掃 , 跟住又收拾下 , 連 lunch 都冇食
三點上中藥 , 直踩三個鐘 , 好累呀
之前連續三日又飲酒又唔夠瞓
( 中藥 ? 好嘢 , 同小霞可以多個話題喇 , 大家都讀中藥 )
跟住食晚飯 , email 比阿大 , set 咗個 time table
同下乖女傾幾句 , 沖個涼 , 繼續研究對某人講啲嘢
===================================================================================
朝早起身唔見啲親愛團友有啲唔慣 tim
穎姖姐 , Kelly 姐 , 婷 , Crystal , 殷 , 傑 , 威 , Jessica
Cindy 媽 , 兆英姨 , 仲有 Sandra 傳道
婷 , 好似好似一個人
===================================================================================
換咗張 wallpaper 呀 , 呵呵呵
不過唔知幾時至有得再見呢
===================================================================================
妳快啲搞返好妳部電腦啦小霞
>>August 31, 2005 at 2:34:24 PM GMT+8
2005 年 8 月 29 日 星期一 【晴】
泰國短宣
23/8
坐飛機去曼谷 , 降落時有少少失控 , 死唔去 , 感謝主
去間商場休息一下 , 食下飯 , 大約八點坐巴士落南部
坐左十個鐘 , 個屁股好辛苦 @@!
24/8
去左一間 church 住 , 休息一下 , 分 team 去聚會
去左 worship team , 泰國既弟兄彈結他
唔知點夾就唯有拍結他 , 做左 d 鼓聲出尼夾 , 好過癮
之後集合分享下 , 休息
25/8
坐車去參觀其他 church , 跟住去左遊山玩水
去左一處地方勁靚 , 會一生回味 , 坐下船游下水 , 好開心
坐船返起點時見到烏雲在遠方 , 返上岸上埋車至落雨 , 感恩
之後落車時就停左雨 , 真係準到不得了 , 感恩啦
返到教會聽到有人打鼓 , 過去傾下陣又打左幾野
夜晚集會要處理一 d 誤會 , 搞到好夜 , 好眼訓
26/8
上午去探訪一間教會 , 打鼓尼 , yeah
去一間大學做宣教 , 每次講完野唱返支歌
唱返兒時主日學既歌 , 好搞笑
七點幾又要坐十個鐘巴士 , 返去曼谷
好唔捨得全程默默做司機既神父
27/8
去希望教會 , worship 時有好特別既經歷
食完野集會講返個 worship 野
講唔到野 , 只有哭 , 將兩年尼既抑鬱爆發
28/8
Power Of Prais
隊 band 勁正 , 兩手舉到好累 , 雙腳亦跳得好累
有點不滿係一個咁大型既 worship 聚會竟然出現接近十次 feedback
之後行街 , 比人遺棄街中 , 勁無奈 , 之後一條友行好有浪跡天涯感覺
然後有 d 野突然好唔同 ........................
夜晚一大堆人傾計玩下 , 飲左幾罐啤酒
29/8
去左一間大學做宣教 , 校內勁勁勁 .... 勁靚 , 無得頂呀
有間天主教教堂 , 勁勁勁 ..... 勁靚 , 好感動
走左去長椅跪低 , 想試一下種感覺
然後上左樓上 , 一組五個人唱左首 Sing "哈利路亞" To the Lord
回音好得 , d 聲又係靚到無得頂 , 超感動 , 搞到眼濕濕
之後食午飯 , Lea 講左 d 野 , 心入面有 d 介懷
食完飯 join 左人地一 d leader 既小組 , 完左就食飯
個人一直呆呆下 , 一來星期日飲過酒 , 二來訓唔夠 , 三來多野諗
所以比 Lea 捉左去照肺 , 傾左陣個人舒服好多
30/8
起身 , 收拾 , 食野 , 回程
落機打返屋企 , 之後打比霞 ( 又冇人聽 ) , 晴晴同乖女
約埋秋食早餐 , 上水坐車返歸打比 dear Daisy
落車時思前想後 , 都係打比凌欣講返一 d 野
===================================================================================
第一樣要講既野一定係 Lea
大家雖然已經認識左十幾年
而且仲係同一小組 , 但係一直都冇乜兩句
呢一個星期大家真係玩得好癲 , 講左又多野
十幾年講過野既時間加埋好似都冇呢幾日咁多 ........
雖然大家少傾計 , 但係都大大話話認識左十幾年 , 感情係好深既
===================================================================================
to Pui Yi :
我係好明白妳既心情同諗法
因為我係過來人 , 所以 ......... BLESS YOU 啦
===================================================================================
出發時已知道如果大家可以多點相處的話
定能成為好朋友 , 這份感覺是錯不了的
>>August 30, 2005 at 5:34:14 PM GMT+8
2005 年 8 月 26 日 星期五 【晴】
Will be back on 30/8
>>August 27, 2005 at 3:03:17 PM GMT+8
|
人氣: 36610
Design & Scripting by ShowHappy.Net
|
朝早八點自動醒咗
朝早上組織學與胚胎學
七點三起身刷過牙食早餐
可否告訴教會的地址?
<br>