|
2005 年 11 月 19 日 星期六 【晴】
尋晚八點八開始睇波
第瑒阿仙奴對維甘 , 上半場就踼到三比二
亨利真係好波 , 不過下半場悶得很
然後車仔對紐記 , 冇咗 Owen , 唔好睇
撩下小霞 , 咁勤力嘅 , 搞到我真係慚愧
努力還努力 , 照顧好自己啦 , 又唔係唔知自己易病
之後再睇查以頓輸三旦 , 終於三點鐘到咗戲玉喇
皇馬主場對巴塞 , 估唔到皇馬同查以頓同一命運
真係苦了卡斯拿斯 , 冇佢皇馬輸得仲慘
不過有兩球係失响朗拿甸奴冇話好講啦
施丹早已過期喇 , 直頭去到拖後腳嘅地歩 , 冇佢仲好
完咗呢場嘅蘇斯達冇乜大興趣睇 , 就睇 "火鳳燎原" 正爆
完場時已經六點半 , 都好累就瞓 lu
===================================================================================
睇新聞 , 背景係房署同居民因租金問題而打官司
記者問 ---- 咁如果妳會點呀
阿婆答 ---- 輸咗咪唱衰佢 lor
一聽完真係笑到傻咗 , 阿呢位婆真係得意
夜晚名曲滿天星 , 阿姐又尼自我陶醉
唱歌難聽到爆 , 仲要以為自己好掂 , 只苦了聽眾嘅耳朵
跟住到陳慧琳唱 "希望" , 首歌好似唔難唱架喎
唱到同阿姐相差無幾 , 兩位都係同姓楊嘅同一級數
好在有呂方同關淑怡 , 超超超好聽呀 , 呢啲至叫唱歌架嘛
===================================================================================
我和中藥有個約會
>>November 20, 2005 at 1:12:44 PM GMT+8
2005 年 11 月 18 日 星期五 【晴】
倦了 , 就靜下來再默默的等候
放手 , 要看清現實中有太多的不能夠
甘心並不是一個理由 , 別再想什麼藉口
心理遊戲已經太多 , 無力再玩 , 亦玩不起
就這樣放手 , 繼續的等候 ....... 等候 .........
等候總會有報酬
我信 ! 每朵烏雲都會鑲有金邊
要出現的總會出現 , 只要心誠則必靈驗
===================================================================================
最中意亨利嘅地方唔係佢嘅技術腳法 , 而係佢嘅決心
就算比人踼跌 , 球證有冇吹都好 , 佢都一樣起返身再上
===================================================================================
沉默比殺死更可怕 ............
越要保護自己嘅人越係會受傷
呢一個係定理 , 因為自私嘅人永遠唔會有好結果
>>November 19, 2005 at 4:19:33 PM GMT+8
2005 年 11 月 17 日 星期四 【晴】
冬天的確係一個麻煩嘅季節
嗰種秋後嘅蕭條會令人想到死
呢幾日都有諗過死 , 不過又唔係好 down 咁諗
係若無奇事咁 , 帶啲輕浮 , 自己傻下諗下咁啦
不過死其實同生活息息相關 , 根本就係人生嘅一部份
可能係十年八年之後 , 又話唔定今日係我最後一次响度打嘢 lu , 呵呵
冬天另一樣麻煩就係啲寒風總係帶住啲空虛感孤寂感嘅
當一陣寒風吹過尼總係好想有個人响身邊抱下取下暖
以上係小弟認為冬天嘅麻煩最主要嘅兩點
不過同時向冬天都有過好多開心嘅回憶 , 有一啲好重要嘅人係响冬天識架
仲有好多一齊做過嘅事情 ................... 冬天就係咁令人矛盾 .....................
===================================================================================
天氣寒喇 , 唔知點解想病返場
真係唔知點解 ............. ( 似乎個腦已經係有病喇 )
近來幾怕人地問我有咩須要代禱
基本上除咗女朋友之外我係一切充裕
唔通叫你代禱希望我有個女朋友咩 ......... ( 都好喎 )
六百大元離奇地失蹤 , 唔知又會唔會離奇咁出現返呢
係就正呀 , 年尾玩樂費用有著落呀 ( 究竟去咗邊呢 )
突然有種要放低嘅感覺 , 唔通睇 いちご100% 睇傻咗
東城綾同西野司 ................ ( 痴線 )
===================================================================================
健康的第四型富有同情心 , 樂意助人
他們為人溫柔 , 熱情 , 風趣 , 調皮 , 是很容易接近的人
他們性格爽直 , 對人坦誠 , 胸無城府 , 容易相處
( 睇下對住邊個先啦 , 呵呵呵 )
不健康的第四型十分自我 , 嫉妒心重 , 情感脆弱
容易受傷 , 過份敏感 , 多疑 , 自卑又自大 , 實在很難相處
( 太似講緊某名女生喇 ............... )
第四型的人工餘時喜歡逛書店 , 時裝店 , 精品店 , 古董店
找尋一些罕有的珍品
( 頭巾 ! 我愛頭巾 ! )
>>November 18, 2005 at 4:04:15 PM GMT+8
2005 年 11 月 16 日 星期三 【晴】
一個好傷痛嘅悲劇
竟然記錯周數搞到晏晝冇去上堂
真係悲哀 , 過咗去都無可奈何喇
夜晚聽咗王苑之 , 冇外間盛傳咁正
但係都好過聽楊千嬅嗰件唱歌難聽到無倫嘅垃圾
拍埋容祖兒一齊唱鄭中基首 "無賴" 簡直係貽笑大方
佢直頭係以行動話比大家知佢係唔識唱歌架
不過話說回來 , 憑王苑之咁嘅料都比人勁讚 ..........
即係話而家香港樂壇真係已經廢到爆
真真正正唱作皆掂都冇乜邊幾個架喇 ----
黃家駒 , 陶喆 , 戴佩妮同張敬軒 , 以上四個作曲填詞編曲唱歌都正得很
周杰倫梗係冇份啦 , 來來去去同一曲式 , 創作歌手佢當之有慚呀
聽咗王苑之就聽王心凌 , 大部份都係好有 beat 嘅歌 , 有啲唔慣
點可能成隻碟得兩三首慢歌架 , 不過佢有啲歌都幾好聽嘅
===================================================================================
小魚畢業禮我都想去呀 , 奈何我身在異處
除非我身首異處 , 咁個靈魂就可以去到喇
不過到時影相見到我都咪話唔得人驚 ............
===================================================================================
第四型的人是幻想型 , 幻想帶給他們很大的滿足
因為幻想的人和事經過感情的過濾 , 會變得比現實更美 , 更浪漫 , 提昇了人與人的關係
對於第四型的人來說 , 擁有的感覺遠不及幻想的力量
擁有帶來 "不過如此" 的感覺 , 反而幻想使人和物永恆不變 , 歷久常新
故此不少屬第四型的人一生追求一些得不到的東西 , 作不可能實現的夢
他們追求的美也加上幻想 , 幻想想可以使美麗的人和物更完美
故此有些第四型的人常常迷戀心儀對象 , 幻想成為對方的愛侶
又幻想自己失戀 , 對方卻完全不知情 , 夢想幻滅之後 , 他們又苦痛不堪
其實真係覺得以上呢段文字講得有啲過份
擁有嘅嘢對我尼講係好值得去珍惜
每個人都會有佢嘅人生經歷 , 經歷係會令人成長
而且每個人會獨特嘅一面 , 點可以講到個個都係咁呢
雖然好多時得唔到嘅嘢的確有種缺憾美 , 但係唔代表而家所擁有嘅係比唔上
同埋 "一生追求一些得不到的東西 , 作不可能實現的夢" 最令我反感
幾百年前啲人話上月球唔係一個天大嘅笑話咩 ?
>>November 18, 2005 at 4:26:22 AM GMT+8
2005 年 11 月 15 日 星期二 【晴】
今日四個字 : 奔波勞碌
夜晚見到至尊寶 online 呀 , 拎返個號碼先 , 呵呵
如果返去可以見到面 , 我知道會係我最好嘅生日禮物
搵開嗰兩位女仕就唔知搵唔搵到呢 , 不過說不遠還遠
過多個半星期先整理一下時間啦 , 溫書要緊 , 唔好諗咁多嘢
雖然都係成日諗嘢 ( 其實都係一兩樣啫 ......... )
===================================================================================
對第四型的人來說 , 得到的東西帶來的快樂和滿足是膚淺和短暫的
得不到的卻是永恆又耐人尋味的 ( 呢啲叫缺憾美丫嘛 )
有時候 , 那種淡淡哀愁可以昇華為詩歌 , 樂章 , 字畫或是任何藝術創作
>>November 16, 2005 at 3:55:35 PM GMT+8
2005 年 11 月 14 日 星期一 【晴】
無驚無險又是一日
天氣寒咗好多 , 要保重身體
呢兩三啲靈感勁到爆
起碼有十幾首曲响個腦出現過
當然因為冇即時寫底所以就冇晒啦
不過都真係寫咗首出尼 , 好快手填好埋
打呢首先 , 好中意 , 之前首 "繽紛璀璨" 有心先啦
好友
曲/詞 : ParisMan ( 15-11-05 )
我夢裡所有 現實未能有 我在這一剎更覺荒謬
我又看到妳 妳一個回眸 我在每一剎漸已消瘦
妳未會讓我碰妳的手 妳未會讓我可親個夠
妳未會讓我似伴侶般搭妳膊頭
我是極容易處處擔憂 仍訛稱不過是想作好友
就如木偶 無法將妳心猜透 wo ~
常想見妳 念得淚流 沉迷的愛 今天怎自救
我極怕面對共妳繼續成為好友 我沒法走
留低 ? 妳也未必接受 成為一對愛到世間盡頭
我是明白妳不過當我好友
妳未明白我不想作妳好友 我從來沒法開口才當妳好友
===================================================================================
第四型的人情緒低落的時候 , 好像身處於黑洞中
要盡量遠離人群 , 把自己困在密室裡 , 不與外間接觸
令他們身陷困境 , 不能自拔 , 加上他們不願接受外界任何幫助
呆在封閉的空間裡胡思亂想 , 沉溺在沮喪的情緒中 , 情況會相當糟糕
每類型的人都經歷哀傷 , 對失敗會感到懊悔 , 失去摯友和親人會感到哀傷
要經過一段時期的哀慟 , 慢慢地接受事實 , 才正常地工作及生活
第四型人的憂傷郤通常十分嚴重 , 所有生命滿有價值的事物都被哀傷掩蓋
復原的過程非常慢
>>November 15, 2005 at 4:33:29 PM GMT+8
2005 年 11 月 13 日 星期日 【晴】
一開心唱飲歌 , 不開心唱飲歌
當中記錄我怎麼長大過
1993 ----
海闊天空 , 一天一天等下去 , 新鴛鴦蝴蝶夢 , 不會哭於你面前 , 一人有一個夢想
1994 ----
神話情話 , 仍然是最愛你 , 喜歡你是你 , 雨後陽光
1995 ----
小玩意 , 笑看風雲 , 刀劍若夢 , 誰叫我
1996 ----
隔世情 , 難唸的經 , 甘心替代妳 , 最傷心是誰 , 想大聲說我愛妳
直到世界終結時 , 捨不得你
1997 ----
太想愛妳 , Together , 愛是永恆 , 原來只要共妳活一天 , 失樂園
My Heart Will Go On , 值得
1998 ----
Miss You Finally , 曾經幾許 , 愛妻號 , 超人的主題曲 , I Don't Want To Miss A Thing
那又如何 , 愛我別走 , 死心塌地 , 對面的女孩看過來
1999 ----
只為為妳活一天 , 任何天氣 , 逃避你 , 婚禮的祝福 , 每一個明天 , 幸福摩天輪
又不是非要你的愛 , 一技花 , 晴天陰天雨天 , 想愛你 , 你著幾號鞋
2000 ----
K 歌之王 , 可愛女人 , 娃娃愛天下 , 假如真的再有約會 , 灰姑娘 , 少女的祈禱
愛在地球毀滅時 , 自動勝利 Go Go Go , 百變小櫻 , 個個都有寶 , 冚家鈴
2001 ----
無賴 ( 何韻詩 ) , Shall We Talk , 意猶未盡 , 痛愛 , 眼前一亮 , 女校男生
明愛暗戀補習社 , 活著多好 , 安靜 , 嫌棄 , 勇 , 怯 , 麻煩你
2002 ----
Let Me Die , 天使藍 , 五星級迫爆 , 孤兒仔 , 接受我 , 其實我介意 , 分裂 , 你有心 , 天使情歌
戀愛大過天 , 小天使 , 朋友二號 , 如果掉眼淚 , Sun With Love , 喜歡喜歡你 , 同步過冬
相愛很難 , 高妹
2003 ----
說愛你 , 看我七十二變 , 優先訂座 , 七友 , 相愛無夢 , 目黑 , 任天堂流淚 , 易愛難收
合久必婚 , 同班同學 , 思覺失調 , 假使我漂亮
2004 ----
藉口 , 擱淺 , 愛與誠 , 海盜 , 六尺風雲 , 最佳男配角 , 十六號愛人 , 借過 , 獻世
大將 , 地下街 , 十七歲 , 緋聞男友 , 童話 , 慘得過我
2005 ----
大哥 , 好人 , 匍匐成熟時 , 再見天藍 , 天空 , 流行曲 , 無賴 , 逍遙嘆 , 寓言
===================================================================================
有些第四型的人在自我否定的情況下 , 離開人群 , 封閉在自我的世界裡
在自己的思潮中鑽牛角尖 : 以前犯的錯 , 現在的失敗 , 曾經與某人相戀 , 別人的錯愛 ..........
這一切不快的經歷緊緊抓住他們的心 , 令他們不停責怪自己 , 討厭自己 , 甚至憎恨自己
這樣的沮喪若陷得深 , 他們就無法工作 , 甚至日常生活也無法繼續
>>November 14, 2005 at 4:41:03 PM GMT+8
2005 年 11 月 12 日 星期六 【晴】
起身睇波食飯篤波再食飯
四處浦下返去睇 "黑社會"
幾鬼好睇喎 , 唔錯唔錯
===================================================================================
有些第四型的人過份敏感 , 時常把別人茶餘飯後無意的批評或是閒言閒語放在心裡
又在心底裡大做文章 , 找尋那些話背後的含義 , 自我懷疑和否定
在情緒上造成不必要的困擾 , 他們喜歡與人比較 , 因此易生妒忌
>>November 14, 2005 at 3:21:33 PM GMT+8
2005 年 11 月 11 日 星期五 【晴】
剪頭髮話咗係剪少少架啦
都仲要剪咁多 , 剪前面時好在叫停得快
條友都唔知有咩病 , 係剪少少 , 唔係剪剩少少呀
後面啲頭髮又要我有排至留得返長喇
晏晝睇 jolin 個 concert , 正爆 , 真係太中意佢喇
雖然聽咗佢好耐 , 但係聽 live 至知佢啲料勁成咁
就快入黑時同細佬打波 , 諗返起以前射嘅心態 , 準返
其實平時唔準主要係太多無謂嘢諗 , 總係認為自己冇以前咁準
呢一樣嘢自己都知 , 一貫嘅理論技巧同心態係兩回事
夜晚睇咗許冠文個 show , 有啲嘢特別講得唔錯 , 都值得睇下嘅
===================================================================================
第四型的人有悲天憫人的性格 , 會為一段感人的新聞報導而飲泣
對於憂傷和痛苦有莫大的共鳴 , "與哀哭的人同哀哭"
他們愛運用直覺 , 捕捉周圍的人的感受 , 能夠投入和產生同理心
給予別人親切的關懐
>>November 14, 2005 at 3:14:10 PM GMT+8
2005 年 11 月 10 日 星期四 【晴】
朝早睇熱火對火箭
火箭真係唔得喎 , 熱火已經打得差架啦
wade 命中率勁低 , 又冇左 o'neal
火箭明明好有優勢 , 點知姚明第四節射來射去都入
領先幾分就再拉唔開 , 抵輸啦
晏晝一時感興寫咗一首講種族嘅歌
睇新聞環署講咩蚊蟲少咗 , 有咩好講啫 , 換季丫嘛 , 白痴
晚飯係加隻荷包旦咁多 , 啲雜菜似足豬食嗰啲 ...........
睇見都冇乜胃口 , 買嗰時都唔多覺格 ..................
要趕快落樟木頭會我阿爸 , 搞錯咗以為佢聽日至上
原來聽日係阿媽同細佬上 , 阿爸就今日上
我最愛嘅 One Piece 等我呀 , 我尼喇 !
首歌同四號仔嘅介紹返尼至打啦 , 88
>>November 11, 2005 at 11:18:04 AM GMT+8
|
人氣: 36610
Design & Scripting by ShowHappy.Net
|
尋晚八點八開始睇波
倦了 , 就靜下來再默默的等候
冬天的確係一個麻煩嘅季節
可否告訴教會的地址?
<br>