|
2005 年 9 月 19 日 星期一 【晴】
若是懶惰又想放棄
只須緊記曾承諾妳
心裡動力定再燃起
===================================================================================
三月半的相處 , 近四年的情誼
某位在心中實太過重要與特別
失去 , 是怎樣的悲傷哀痛 , 已難再形容得到
時日過去 , 然而 , 情感未有因此變淡 , 反隨年月相增
Love you forever my dear friend
===================================================================================
朝早上組胚勁眼瞓 , 死頂
上完即返房瞓 , 又夢見盈都有嘅
點半起身睇下之後實驗做咩
都冇咩特別 , 又係溝下嘢 , 等下時間過咁啦
返房沖涼 , 食嘢 , 睇下 "男親女愛" , 溫下書
有勁多嘢要追返 , 要再加把勁 , 一定得嘅 !!
===================================================================================
收到同佩儀响曼谷機場嘅合照 , YEAH ~
>>September 20, 2005 at 1:45:30 PM GMT+8
2005 年 9 月 18 日 星期日 【晴】
星期六落樟木頭時正下著綿綿細雨
不禁諗起天藍 , 又諗起自己個細佬
响度諗如果佢在生 , 今年已經係中二生
又諗三兄弟一齊生活會點 , 會唔會又一齊去打波
諗起當時七歲唔識理父母感受 , 自己唔開心之餘佢地都一樣
仲記得當時之後有一段時候我成日喊住話 : 比返個細佬我
企响巴士站諗下諗下搞到眼濕濕差啲眼淚都流埋 tim , 有點傻
雖然只有十個月嘅相處時間 , 亦冇見過面
但我相信我死後 , 佢會响度迎接我嘅
===================================================================================
等巴士等咗好耐 , 都唔記得幾點落到去
買碟睇 , One Piece 得三集 , 吊住我癮 , 好想睇多啲呀
尋日阿媽同細佬尼咗 , 剪剪髮 , 玩下卓球 , 跟住好快到夜晚 lu
仲阿爸啲朋友食完飯就大人細路各有各活動
凌晨睇波 , 皇馬又輸波 , 冇咗施丹真係唔多得
同埋唔要 Figo 呢種可以做翼鋒又可以做前鋒咁好嘅球員 , 抵死啦
之後睇埋 House Of Wax 至瞓 , 都成五點 lu , 瞓到十一點半起身
事實係比阿媽叫起身 , 之後食下嘢 , 做下無謂嘢 , 時辰到就返尼 lu
好累之餘個人有啲唔多舒服 , 個肚怪怪地 , 又有點想吐 , 都係唔返防治喇
自己自修返啦 , 個阿 sir 都係依書直說架啫
===================================================================================
做咗未必得 , 唔做就一定唔得
雖然好多障礙 , 但係得嘅話就一定會得
同埋聽阿碟講要去珍惜 , 呢一樣係好緊要
>>September 19, 2005 at 11:11:26 AM GMT+8
2005 年 9 月 16 日 星期五 【晴】
當妳唔開心
妳身邊嘅人都會唔開心同擔心妳架
( 當然我都係其中一個啦 )
所以為自己為人地都爭氣啲
記緊 Sakura 嘅無敵咒語
同埋妳而家係冇咗雪兔啫
仲有個小狼等緊妳架嘛 , 妳搵下佢出尼啦
去完泰國好有衝動想捉人返次教會
第一個即刻諗起妳
( 捉一次就夠 , 因為希望妳以後就會自動返 , 呵呵 )
( 點解第一個諗起妳而唔係佢 ? 因為佢已經信咗 lor )
===================================================================================
大前晚上網選科 , 竟然話停咗
我九月五已經交咗學費入數紙
但係一直話我未註冊而唔比我選科
算 , 大前日去學籍部問 , 又話已經得咗 , 叫我快啲選科
( 再之前嘅一晚都仲未得 , 又係話我未註冊 )
跟住搞到而家又要去搞一大輪選科嘅嘢喇 , 真係乞人憎
尋日上完中藥就繼續我嘅走堂生涯
實在太眼瞓 , 中國文化就由佢啦 , A-level 都讀過少少
返房開冷氣時開唔到 , 以為停電啦 , 不過唔理 lu , 瞓完先算
跟住半醒中聽到有人聽歌嘅 ........... 算 , 繼續瞓
差唔多兩點起身 , 聽到隔離有冷氣機聲 , 即時知咩事啦
跟住落去交錢 , 點知而家唔收現金喎 , 要入錢落飯卡再比喎
入飯卡就收咗工劋 , 最大鑊係買電過咗兩點就 close
當時真係唔開心得很 , 又有啲嬲 , 無端端搞到啲程序咁鬼煩都有嘅
好地地又要加多步上去 , 又有時限
無謂繁複嘅程度真係同香港政府有得 fight
之後四點九出去機鋪消磨下時間 , 想研究點想玩頭文字 D 可以玩得快
去嘅時候望望個天 , 彷彿神就响身邊 , 跟住不禁同神講 :冇電啊
然後係一下輕輕嘅微笑 , 乜嘢唔開心都一掃而空 lu
出到去之後就冇玩過 Initial D 嘅 , 無謂獻醜 , 啲人實在太勁
有兩個連文太都玩得贏嘅 , 其他都玩得贏中里 , 啟介嗰啲嘅
咁我就企响側邊睇下人地點玩 , 幾時轉波 , 放油門同剎車
之後玩下鼓王 , 幾得意 , 不過玩得有點亂 , 真差勁
後來九點幾至返到宿舍 , 去咗人地間房靈修 , 冇電真陰公
响人地度一直到十二點半就返房瞓 , 都已經很攰 , 落咗機鋪幾粒鐘
今朝八點九起身 , 即落去買電 , 而家洗緊 3
一陣要繼續睇桂正和嘅 Video Girl , 尋晚冇得睇呀 , 嗚嗚 ...........
今晚可能落樟木頭 , 阿媽好似聽日上去
係就落去修修髮 , 同埋最重要最重要 -- One Piece
===================================================================================
上網十月六到期 , 好似要交三百大元
都唔知點算好 , 仲要儲錢買手機架
仲差秋二百 , 返香港又要約霞 & Yuki
不過唔緊要啦 , 學凌欣話 : 神會安排架嘛
之後仲要加多聲 Lea 嘅 : Amen
===================================================================================
前晚睇一張麥兜嘅 wallpaper
睇到啲幾搞笑嘅嘢 , 如果冇咩特別嘢諗
以一個簡簡單單嘅心情去睇真係幾得意
麥太講嘅都係嗰啲無無謂謂嘅嘢架啦
小兒嘔奶 --
處方 : 好立克適量
用法 : 溫水拌勻送服 , 小兒立刻停止嘔奶 , 只會嘔好立克
小兒嘔好立克 --
處方 : 阿華田適量
用法 : 溫水拌勻送服 , 小兒立刻停止嘔好立克 , 只會嘔阿華田
小兒嘔阿華田 --
處方 : 奶粉適量
用法 : 溫水拌勻送服 , 小兒立刻停止嘔阿華田 , 只會嘔奶
( 醫治嘔奶秘方請看上面 , 或者請教你的家庭醫生 )
>>September 17, 2005 at 2:12:50 AM GMT+8
2005 年 9 月 14 日 星期三 【晴】
今朝好鬼叻仔呀
鬧鐘都未響就醒咗 lu
跟住繼續瞓等響啦
不過好奇怪喎 , 等極都未響嘅
跟住諗下尋晚究竟有冇較鬧鐘架呢
咁係落床開手機 , 見到四條一 .............
呆咗 ...................... 白痴仔 .........................
食完嘢之後溫咗一陣書
然後去搞埋啲咩鬼入學登記就出咗去行
掃咗想睇好耐嘅 Dears 同埋桂正和嘅電影少女呀
之後一直繼續傻下傻下 ................
中毒大深喇 ..............................
===================================================================================
雖然尋日首歌的確係因為諗起妳嘅事而寫
但係估唔到事情發展得咁快
妳一講起時我即刻諗起冇幾耐之前就 email 咗首歌比妳
當時我第一個反應係 "shit" ............. 怕會令妳更加唔開心
我唔會用失戀尼形容妳嘅 , 單方面地冇得到過何來談得上失呢
我只會用幻想破滅咗尼形容 , 所以呢 , 唔真實嘅嘢好快會冇事架喇
妳明白我嘅支持同關心就已經係對我最好嘅回應
上年秋天就我出事 , 今年到妳
不過上年有妳陪下我 , 我就陪妳唔到 lu
唔緊要 , 我嘅精神永遠長存 , 阿門 ^^
===================================================================================
每當想起素來沉靜的妳捉弄我的那些時刻
心中總是一種莫名其妙的感動
然後臉上不禁掛起笑容
===================================================================================
做 lab report 真係不禁諗起同晴嘅認識
當年唔係同一組都 lab 嘅話 , 今日都唔會有呢個好朋友
唔唔 ................ 呢啲就叫緣份 , 真係微妙
可惜中七由於人數關係而要重新編組
搞到冇得一齊 tim , 真失望
( 最慘係要同嗰條友一組 ................. shit .................. )
不過中七都唔錯 , 同霞開始熟 , 周不時都撩下佢 , 呵呵呵
咁就三年 lu
失去咗幾年青春日子 , 但係換取咗更多珍貴嘅回憶
同埋更重要係以後大家都仲會一齊創造回憶
>>September 15, 2005 at 4:41:49 PM GMT+8
2005 年 9 月 13 日 星期二 【晴】
今日又尼大昏迷
十一點半先至起身
大約六點上完中藥課之後買 dinner 返房
頭暈頭痛又尼發作 , 都唔知有咩暗病
食完嘢啪咗兩粒止頭痛藥 , 不過就搞到個人呆呆下
之後掛住完成首歌 , 搞到而家九點七都仲未溫書
一陣靈修完一定要溫 , 之前中藥啲嘢都未溫完 , 唔懶得
===================================================================================
錯下去
曲 / 詞 : ParisMan
又再與你深深擁抱 快樂到醉倒
夢想要共你一起終老 永是你伴我路途
夢已醒 於這刻盡情地揭露 真相我是早已知道
但要放下你 自問難做到 唯有與你背著她去相好
仍然痴痴愛下去抱下去吻下去 明明知道我共你跟她終須面對
旁人都責怪駡我任性 怕寂寥空虛 這段情愛已傾似覆水
仍然不甘要後退繼續要錯下去 然而一到午夜裡我便會難安睡
或我內咎不分錯對 就算終於得到你 又怕有別個跟你猜想對不對
>>September 14, 2005 at 1:44:37 PM GMT+8
2005 年 9 月 12 日 星期一 【晴】
今日走咗兩堂
尋晚傾完計之後睇 "草苺100%"
最後搞到五點幾至瞓
東城綾 , 好似 I"s 嘅韋月伊織
亦好似我心目中一個人 ............
十一點半起身食嘢繼續草苺
三點上實驗堂 , 好耐冇用過 pipet , 真好玩 ^^
落堂即返房睇埋最後嗰幾集 ( 得十三集 , 真唔開心 )
之後見到某某人 online 一閃即逝 ........ 唔通我有幻覺 @@!
跟住想搞尋日首新歌 , 不過 programme 啲聲完全唔啱心水
但係又想 record 尼自己聽下 , 唯有又拎支結他就咁做個簡單 demo
===================================================================================
點解係都要用 "自己先至熟透" 架啫
真係好死乞人憎架喎 , 用 "自己方會熟透" 唔得架咩
至憎啲人填埋呢啲咁嘅詞 , 冇啲文化水平
===================================================================================
十一黃金周好似唔會响十月一開始喎
係嘅話同晴晴嘅約會要 delay 喇
仲諗住可以啱啱好又十月四 tim
不過咁樣萬聖節咪有多啲銀兩剩去玩 lor
>>September 13, 2005 at 2:58:15 PM GMT+8
2005 年 9 月 11 日 星期日 【晴】
而家係三點三
十二點幾有個 fd 搵我傾計
啱啱至走
好眼瞓 , 唯有對唔住組胚堂一次啦
===================================================================================
尋日返完主日去咗飲茶
一睹老土人個情人係咩樣
跟住同 Billy 落大埔打 Initial D
第一次用棍波同佢鬥 , 頭兩局仲要熟練一下
所以玩得唔係咁好 , 連輸兩局比佢
不過開始掌握多啲之後就連贏五局
除咗第一局贏係因為玩條好無聊嘅賽道
第二三局佢都係輸我少少 , 笑鬼死我
第二局出咗尾二個彎即上五波 , 臨過終點前快佢極微小
不過我一下扭軚撞佢一撞 , 頂住佢之餘仲借埋佢力推我過終點
呢招真係絕到冇得頂 , 太過癮喇
第三局就快到終點前就好有可能比佢追過 , 不過我又來一下扭軚
响終點前打橫個車身衝終點 , 搞到佢想過都冇位過 , 真係太好玩喇
雖然係咁 , 最尾贏嗰兩局係贏得佢心服口服嘅 , 我車尾同佢車頭相差半個車位架
之後六點同秋出旺角食嘢 , 跟住就睇我餓咗好耐嘅崇基崇德演唱會
張崇德同劉美娟拖住手合唱 "愛是不保留" , 勁勁勁 sweet 呀
不過正式演出嘅尾二嗰首歌真係 .......... "再見天藍" ..............
唉 .......... 聽張崇德唱之前講嘢 , 睇到佢個樣 , 已經睇到我眼濕濕
聽佢唱首歌嘅時候 , 我真係頂住啲眼淚
同埋當時見到張崇基 , 雖然係背面 , 但係知佢其實响度喊緊
不其然又諗返起自己都有一個夭折咗嘅細佬 , 比思行大一年
所以對張崇德冇咗個仔嘅痛都好明白
嗰個就係嗰個 , 係唯一嘅 , 再生過第二個都唔係嗰一個
可能佢二月之後決定繼續演唱會 , 最主要係為做比响天國嘅天藍睇
睇咗個演唱會客觀而讑係冇上一次咁正 ( 相對尼講啫 , 其實今次都唔錯 )
同埋個鼓手冇上次嗰個咁正啦 , 今次呢個打嘅嘢我全部都識打
===================================================================================
扭 Fullmetal Alchemist 扭咗九隻都係唔中 Alphose
===================================================================================
今日十一點半至起身 , 都仲係好眼瞓
同爸媽飲完茶就返廣州 , 行咗陣街至返宿舍
沖完涼就睇想睇好耐嘅 "你快樂嗎" , 一啲都唔好睇 ............
===================================================================================
深宵
曲 / 詞 : ParisMan
深宵裡靜看天際 勾起心中的一切
這夜笑星閃我心 多麼仔細
不敢正視這一切 幾許將心窩封閉
愛著妳的心卻總未有荒廢
情感困於枷鎖之中 兩地遠隔難成為一對
我在這夜裡再念掛妳直到空虛
深宵之中我又再想起 極其愛著妳
多麼想與妳一起 心滿瀉希冀
這份愛 面前或許風雨飛 但無法可限期
再聚再分開 何時再會妳
假使妳共我一起 天崩也很優美
沒什麼可跟妳相比 我夢裡只想見妳
深宵之中我又再想起 我極其愛著妳
只想永共妳一起 心滿瀉希冀
這份愛 面前或許風雨飛 但無法可限期
再聚再分開 何時再會妳
單戀不算太傷悲 痴戀更加淒美
睡夢之中總會歡喜 現實哪可親吻妳
>>September 13, 2005 at 2:28:14 PM GMT+8
2005 年 9 月 9 日 星期五 【晴】
伊甸園中 , 阿當同夏娃想成為神
透露出神與人不平等 , 人想與神並肩
的確神與人的關係是絕對的不平等
因為人不斷的犯罪 , 又漠視神的訓令 ,神的存在
但神卻依舊如一的對人付出愛 , 不斷原諒人的過犯
而更甚是踏上十架之路 , 一條單只想像已令人喘氣的路
一條慘絕人寰非人所能受之路 , 一條再堅強的人也受不了的路
( 若大家不知大架之路是怎樣的 , 可一看 "受難曲" )
神願意為人路踏上這一條路 , 但有多少人能同樣為神踏上呢 ?
人想與神並肩 , 真的可笑 , 人始終還不過是人 !
===================================================================================
十一點幾起身
屋企食個面 , 去到四點出去
Billy 話去打機
四點四出到火車站等到五點八至出現
真係就爆粗咁滯 , 至後唔鬼去打機喇
食少少野之後六點二落球場射下波
今日有輸有贏啦 , 不過輸得好唔甘心
對有條友明知自己可以 check 到
( 雖然係我唔擅長睇既上籃型 )
自己唔知發咩傻用貼身睇佢 , 其實自己係知應該後兩步睇
之後有一場有個女仔專射三分 , 但係又唔敢追咁貼
搞到好多慣性既睇人技巧都唔做得 , 打到好唔順
同埋自己又慢熱 , 多人跟隊以至個身冇郁好耐凍晒
一出場要用 d 時間至熱返身 , 呢一樣係自己既不足
如果可以打耐 d 就會準返 , 尤其係 d 關鍵位
好多時候一到關鍵位會連入幾球 , 呢一樣就係自己長處
同埋打三分已經滿足唔到自己 , 恨自己今日唔打上籃
所以下次十一返尼 , 決定自己一定要一定要打返多 d 上籃波
可以亦諗住嚮大陸買返多籃球拍下 ( 其實早幾日已有此打算 )
雖然而家基本控球都 ok , 但可以再進步
同埋要 set 一段時間出去跑下步 , 要加強體能同速度
要做好既話一定會做好 , 同埋要對自己多 d 自信 , 唔好成日避對手
===================================================================================
發散既光好平和 , 予人溫暖舒適
但係用放大鏡聚焦既光 , 可以燃燒起紙張
而再將光聚焦成光束 , 就連鋼板都可以穿過
人既集中力亦與此相類
===================================================================================
咁既情況妳源源我幫妳唔到喇 , 諗唔出 d 咩話講
但係我一生都會支持妳既 ( 係對人咋下 , 唔係支持晒一切事 )
>>September 10, 2005 at 4:11:43 PM GMT+8
2005 年 9 月 8 日 星期四 【晴】
上完兩堂中藥就走堂
中化 , 第一課通常冇咩好上
火車站入候車室時背包要照 X光機
行去前面等背包出返尼時有個阿嬸一下堆開我
即時火冒三丈 , 大大聲話 : 妳都幾妳禮貌喎
落上水同阿媽食 lunch , 跟住返屋企休息下
五點半心血來朝想去打波 , 六點幾出去
個波嚮細佬度 , 等到七點至到 , 之後勁多人
唔係鬥波 , 只係射下波 , 搞到冇晒心情
同埋又有條友三唔識七扮晒熟整下人
整左我好幾次 , 真係火到就快要出動到我 d 粗口
勁冇心情之下八點幾走人吃 dinner
返到屋企睇龍虎門直到細佬沖完涼
沖完涼之後就溫左陣中藥學
===================================================================================
李逸霞小姐
妳又有一個未接來電
>>September 9, 2005 at 4:03:52 PM GMT+8
2005 年 9 月 7 日 星期三 【晴】
朝早又係悶爆嘅 English lesson
返房做下啲無無謂謂嘅嘢
食完 lunch 就瞓返覺 , 冇錯 , 又係瞓覺
晏晝上組胚實驗 , 睇下顯微鏡 , 浪費晒我寶貴嘅青春
講咗成個幾鐘之講要睇咩 , 又要講得唔多清楚
個阿 sir 又突然走咗唔知去邊 , 搞到做完又唔知走得未
總之係仲無謂過我做嘅無謂啦 , 成六點至走 , 餓得發瘋
一邊食嘢一邊睇下 City-Hunter , 跟住又打下機
玩到十點幾至靈修 , 一陣溫返書先 , 我一定做到嘅 !
===================================================================================
究竟星期六日下午有咩好做呢 .......... 冇乜銀兩喎 ..........
唯有出最後一招 , 叫阿娘資助我睇演唱會啦
想約 Daisy 星期六下午茶 , 星期日就阿腸
不過要約到都有點難度
===================================================================================
每當秋風輕掃臉兒抹過兩唇
總不禁想起那份熱燙柔軟的吻感 ...........
這份感覺令人永世難忘
鬼氣般的秋風總愛吹得人心空蕩蕩的
還有九天便是一年
>>September 8, 2005 at 3:29:32 PM GMT+8
|
人氣: 36611
Design & Scripting by ShowHappy.Net
|
若是懶惰又想放棄
星期六落樟木頭時正下著綿綿細雨
當妳唔開心
今日走咗兩堂
上完兩堂中藥就走堂
可否告訴教會的地址?
<br>