|
2005 年 8 月 9 日 星期二 【晴】
較左鬧鐘八點幾起身
( 其實都冇起身 , 志在嘈醒自己 )
第一時間 send 個 message 比天茵睇下點
跟住原來九點至派喎 , 咁就再訓住先啦
不過諗下天茵 , Tony 少 , GiGi 同會豪佢地
同埋又等天茵打電話尼 , 搞到半睡半醒咁
最後十一點幾起身 , 好眼訓
出去食 lunch 時打電話比天茵睇睇咩情況
之後又要對住堆好煩人既細路直到五點
返屋企玩下炸彈人 , 炸晒其他人單對單都可以一個踼都冇
成日 d 野總係要出現o向對面 , 吹漲 , 今天不宜玩炸彈人 , 冇運行
之後打電話比會豪 , 呢一位以前同我一齊帶組仔既好弟兄
聽日再打電話比 GiGi 睇睇佢點啦
>>August 10, 2005 at 5:19:37 PM GMT+8
2005 年 8 月 8 日 星期一 【晴】
日日都係十二點幾至起身
起身都係睇下細佬打機
等佢打完就 record 埋首歌
跟住 convert 做 mp3 檔就立即 email 比小晴
五點幾出沙田食自助餐 , 姨媽生日
撞到個舊同學 , 之後食得好飽
===================================================================================
終於睇完本書 lu
===================================================================================
下星期搵 Daisy , 太開心喇
>>August 9, 2005 at 3:06:36 PM GMT+8
2005 年 8 月 7 日 星期日 【晴】
十二點幾起身
大約一點再搞首 "忘愛"
五點前終於完作晒 d 伴奏音樂
其實可以再快 d 完成 , 不過今次決定唔用 programme 做 bass
親自用結他打 bass , 但係始終唔係強項 , 成日彈錯 , 所以重錄左好多次
預計聽日如無意外會完成埋唱既部份 , 完成就即 send 比小晴
夜晚都係無無聊聊咁 , tv 冇野好睇 , 播埋 d 垃圾劇集
===================================================================================
完作 "忘愛" 就要搞一首叫 "祝福" 既歌
已經諗好左 intro 同 solo 部份
跟住搵返以前寫低過既編曲
發現原來 "忘愛" 係用左 "祝福" 既 intro
而 "祝福" 就用左 "忘愛" 原先個 intro 喎
跟住 "祝福" 段新 solo 竟然係 "忘愛" 原先既 solo 喎
真搞野 , 又會咁都有既
===================================================================================
隻左腳好左好多喇 , YEAH ~
>>August 8, 2005 at 5:30:10 PM GMT+8
2005 年 8 月 6 日 星期六 【晴】
朝早一起身落床
第一個反應係隻左腳仲痛
跟住返教會 , 警署落車
行去教會竟然用左我超過五分鐘時間
跛著腳走 , 好死痛呀
聖餐既時候聽住 piano 伴奏作左首歌 , 奈何之後唔記得晒
完左落聯和 , 行左好好好耐至比我行到去海聯
冇咩好食就求其去 M 記打包返歸
用左三個鐘搞好左 "忘愛" 既 intro 同 piano 伴奏
應承左晴要搞首歌 , 因為唔同原因而拖左好耐
我諗最遲星期二會搞好 , 最煩係唔知點和音 , 首歌太多高音喇
之後六點出去打波 ( 正確係跛著腳去打波 )
出去時打電話比阿碟 , 不過係留言 , 冇人接聽
去到球場等埋阿秋 , 射左幾球波 , 有人撩鬥波 , 就玩下啦
開始就冇計分 , 不過都係我地入得多 d 架喇
跟住打打下話計分 , 冇所謂啦 , 都係咁打o者
不過就比較上認真 d , 所以撩鬥波條友比我封左球 , YEAH ~
之後條友都冇乜上籃 lu , 都係企罰球線射下 d 唔入既波
而我又突然回復水準 , 連入左幾球 , 真開心
不過之後大家有點體力下降 , 九比三都比人追到 deuce
跟住有人話跟隊 , 又重新計過 ( 其實我唔係咁想 , 已經好累 )
打打下又整多球封波 , 仲要係勁應咁 "拍" 一聲 , YEAH ~
秋同思行笑到傻左 , 雖然一直打都係笑住尼打
不過唔知佢兩個做乜笑成咁
仲有好幸運成日籃底有波執 , 對手明明拎左都可以甩手比左我既
win 左之後抖抖 , 直到好耐冇見既葉水出現 , 夾埋王啟打左場
其實我同王啟應該換對手 mark , 因為有一球臨時要我 mark 佢睇條友
條友上籃時係比我今日有第三球成功既封波 , YEAH ~
打完過左另一個場射下波 , 當我想射 , 座一座底 , un 一 un 借力既時候
左腳已經不勝負荷 , 痛到不得了 , 即時波都甩埋手
之後有場想玩玩 , 因為有條友我好想 check 下佢 , 耐何左腳唔容許我打
大約十點走人 , 同思行去大快活食野 , 食左個三文魚意粉 , 好味喲 ~
返屋企沖完涼就同左腳塗下藥油 , 好好好 ....... 好痛呀
唉 ............ 都係唔好打波住喇 .................. 雖然好想打
===================================================================================
呢個星期有唔少野要做
如無意外後星期就去泰國
得返下個星期得閒 , 要約埋要約既人
>>August 7, 2005 at 5:42:57 PM GMT+8
2005 年 8 月 5 日 星期五 【晴】
十二點幾起身跟住出去飲茶
好肚餓但係冇乜胃口
之後返屋企執下野 , 同阿媽上網睇返 d 成績
醜佬終要見家翁 , 以後努力返啦
五點同細佬出去打波 , 其實都只係射下波
不過都頂唔順 , 八點就返 lu , 同埋留力聽日打
去打波時打比小霞又係冇人接聽 , 睇下日記 ...... 又來 ......... 唉 .......
晴晴又一次我沖涼時打我手機 , 打返比佢時佢呆呆下
算啦 , 有咩下星期四見面至再講啦
食完飯入左房打電話比 Daisy 傾左陣 , 有 d 迷茫既事
都唔係呢幾日既事 , 幾個月前都已經有諗 , 點都要搞清楚
搵 Daisy 傾過 , 個人舒服好多 , 總之就要努力啦
十一時三十五分阿爸返到尼 , 見我 d 成績 , 講左幾句咁啦
( 其實似連話既心情都冇多 d .............. )
往後日子 ............ 仍要努力 .............................
===================================================================================
1) 努力讀好書
2) 唔好成日鬧情緒
3) 就算鬧情緒都唔可以影響讀書
記得給過妳的三條承諾
===================================================================================
又有人話首 "討好" 好聽
我諗都又係副歌歌詞既威力啦
誰人也讚過我是極好 可惜未被妳討好
多少次上訴 從未勝訴 我的好處妳早知道
( 多少次敗訴 仍然再上訴 覆水傾瀉愛意沒有歸途 )
難道若太好 不會被討好 不管透露過多少暗示妳假裝不知道
濃情尤似空虛無 難道我待妳不須太好 才會得到
( 如若愛是要這樣殘酷 無法消耗 )
>>August 6, 2005 at 5:42:59 PM GMT+8
2005 年 8 月 4 日 星期四 【晴】
十點幾起身食隻面
玩唔到炸彈人 , 睇 One Piece
兩點又訓過 , 訓到四點
玩左陣炸彈人 , 六點出去食少少野然後打波
今日打左三場全場 , 見到好耐冇既蝦米
條友比我隔左球之後黑起塊面 , 真唔玩得
唔知點解我一打全場既時候 , 進攻時成日都集中唔到精神
又射來射去都射唔入 , 究竟何解呢
還幸防守都唔錯 , 保持水準 ( 防守又集中到喎 ....... )
守右邊 , 打左三場右邊只係失過幾球咋 , 真勁 , 呵呵呵
死人阿秋成日射唔入 , 真差勁
===================================================================================
尋晚打完波返屋企沖完涼之後一直o向廳冇入房
直到三點入房時一睇手機 , 小晴十一點幾打過尼
今日搵返佢原來係問下星期四睇咩戲好o者
等我仲記掛左成日 , 因為根據我經驗
十一點以後打尼既電話 , 通常都係唔開心野
( 此理論 Billy 除外 , 佢十一點以後至打尼係正常既 )
>>August 5, 2005 at 6:59:37 PM GMT+8
2005 年 8 月 3 日 星期三 【晴】
八點幾比個電話嘈醒左
唔鬼理 , 繼續訓 , 十二點至起身
食完野返屋企 , 過左陣又出去
要同細佬拎書同校服 , 又死重
返屋企好簡單咁 record 上年寫比 Daisy 既歌
六點出去粉嶺圍搵阿秋打波 , 七點九過遊樂場
之後細佬同阿勇尼左 , 玩左陣罰球 push-up
個個做左幾十下 , 玩到冇力 , 我只係射失左一球
而且只係累積五下而已 , 真失望 , 仲諗住可以完美之身
不過見住佢三做不停咁做又真係幾過癮 , 呵呵呵
玩到十點幾返屋企 , 食白果粥 , 至憎白果 , 一邊食一邊吐
===================================================================================
打阿宜手機冇人接聽 , 好失望
角仔入左 camp , 要遲 d 至搵到佢幫手搞歌
>>August 4, 2005 at 3:40:44 PM GMT+8
2005 年 8 月 2 日 星期二 【晴】
結婚 ? 同佢 ? 咁 "筍" ?
醒左喇 , 咪仲發夢啦
雖然又真係幾正 ......... hehehe
===================================================================================
遠遠近近 , 亦遠亦近何以看得真
情情愛愛 , 為情為愛何日獲芳心
===================================================================================
累得過份
十二點幾至起身
全身緊晒 , 而且仲好眼訓
食完野睇班 , 五點完左同細佬打波
都估唔到自己竟然同佢一齊傻
本身已經好好好累 , 雖然只係打到八點三
但係都就快要左我條命 , 真係真係好累
返屋企食飯 , 食飯時阿媽講起阿婆借錢比我讀書
細佬就叫我唔好讀 , 阿媽就話 : 唔讀書做野呀 ? 你搵工比阿哥做呀
思行就話 : 好 , 搵義工比佢做 lor ( 吹漲 ............ )
食完飯入房彈下結他 , 順手作左三首歌
不過冇寫低 , 可能聽日就會唔記得架 lu
之後打電話比宜 , 不在家喎 , 真失望
跟住打電話比角仔 , 想搵佢幫手搞歌 , 點知又不在家
大約十一點時阿爸打電話返尼 , 話阿凌 ( 凌東成 ) 新城財經台做緊訪問
都成半年冇搵過阿凌 lu , 聽日打下電話比佢先
節目完時話有兩隻阿凌既親筆簽名 CD
我心諗 : 車 ! 我直接打電話比佢都得啦
===================================================================================
究竟究竟應該點 ...............
>>August 3, 2005 at 4:24:25 PM GMT+8
2005 年 8 月 1 日 星期一 【晴】
今朝幾點起身呢 .......
唔記得左 lu
睇左陣 tv 之後就三父子上左深圳打保齡球
打得最高得一百七十三分 , 好耐未過過二百喇
打緊既時候個腦突然彈左首歌出尼
不過之後唔記得左 , 真失望 , 個 melody 作得唔錯架
同細佬篤左一粒鐘波之後又打左四局保齡
六點幾走人 , 個個都勁餓 , 去食野
食野時有一味係有些少辣既 , 飲左幾啖啤酒之後 d 酒氣散得勁快
個人即時有點呆 , 不過好快冇事 lu
八點五十分返到屋企 , 跟住又出左去拍波一粒鐘 , 累死了
===================================================================================
尋晚 icq 上 Daisy 作證
我決定要一改頹風
===================================================================================
好掛住阿宜 tim
聽日打電話比佢先
>>August 2, 2005 at 3:20:25 PM GMT+8
2005 年 7 月 31 日 星期日 【晴】
尋晚諗住打完日記就訓
跟住有個好好好重要既朋友話唔開心
同佢傾左陣 , 最後差唔多四點訓
妳要保重好自己呀 , 我永遠都支持妳既
仲記唔記得我去年為妳而寫既一首歌呢 ( 副歌 )-------
太多是與非 難受的滋味 誰又定了罪
朝朝暮暮年年歲歲 妳想掉眼淚 請讓我聽妳的傷悲
妳要醉一醉 妳要睡一睡 妳要安靜了
我可以沉默相對 妳心情我總體會
===================================================================================
十二點幾起身 , 跟住出去食 lunch
食完買埋"送"返屋企 , 返到屋企突然心血來潮
拎左部 Saturn 出尼玩 , 不過得一隻好無聊既 bbman 玩到
一開既時候就係一聲 "HUDSON" , 突然好中意好中意呢隻叫聲
因為我太懷念太懷念喇 , 而且我真係由細到大對炸彈人情有獨中
玩左一陣 , Billy 打電話尼話打牌 , 由四點幾打到十一點九
輸左三十五元 , 真陰公 , 好在我都未包底
阿寶今日真係勁好手風 , 係咁自摸 , 無奈
===================================================================================
立定決心一改頹風 , 懶得太耐喇
就算好多時候路係艱辛
但係我知我係會得 , 要相信自己既能力
好多事情係只要我肯去做就可以做到
>>August 1, 2005 at 5:28:48 PM GMT+8
|
人氣: 36610
Design & Scripting by ShowHappy.Net
|
較左鬧鐘八點幾起身
十二點幾起身跟住出去飲茶
結婚 ? 同佢 ? 咁 "筍" ?
今朝幾點起身呢 .......
可否告訴教會的地址?
<br>