|
2005 年 7 月 9 日 星期六 【晴】
好多嘢要 , 溫到有啲想哭嘅感覺
真係淒淒慘慘戚戚呀
頂唔順 , 搵下人講兩句
比霞好直接回咗兩隻字 : 哭啦
溫到個頭想爆咁
冇計啦 , 神造嘅人實在太精妙喇
===================================================================================
不知不覺間 , 聽 Janice 已經成為咗每日嘅一部份
Janice 嘅唱功實在太掂喇
===================================================================================
好矛盾地
想時間過快啲又想唔好快
皆因想快快考埋兩科亦唔夠時間溫書
===================================================================================
橫掂有英粵 , 索性考完試之後填埋國語版 lu
可恨唔識日文 , 首歌 style 都啱日文架嘛
===================================================================================
一考試就真係特別有靈感架喎
又比我作到曲喇 , 填咩好呢 .........
又係遲啲先再算啦 , 雖然已經積存咗好幾首歌未填 ............
仲有啲幾年前嘅都仲未填 ................
>>July 10, 2005 at 12:38:29 PM GMT+8
2005 年 7 月 8 日 星期五 【晴】
星期二角仔 send 咗首歌比我填
點幾開始填 , 填到差唔到四點至瞓
因為有好多位都聽唔清楚究竟係有幾多粒音
同埋又要抄底啲 melody , 睇下要幾多個字同咩音再填
冇譜嘅話填人地嘅歌 , 用嘅時間真係特別多
原先有想填嘅嘢 , 但係好難填 , 所以即時改咗填英文
而填到一半時 , 見到自己 info 有一句嘢唔錯 , 可以用得著
跟住响副歌隨口唱咗兩句又幾鬼順口 , 就用咗尼填中文版
SERVIRE
Music by Ezra Lam
Lyrics by Paris Man ( 9/7/05 )
When U hold me tight , I feel like flying through the sky
Every words that U say are always on my mind
I still remember U say U'll never make me cry
I just feel hard to breathe when U have left me behind
( Coz' ) U've broken my heart U've killed my mind
U've hurt me deep inside
Tears brust from my eyes Crying to be blind
Can anyone save my life coz' I'm falling down
( I'm nothing & I will never be servired )
There was a lie that U said I were the angel from paradise
Now I'm the angel from the hell flying in the darkless sky
I'm standing on mountain high but I cannot freeze my mind
Then I will be in the fire till I die
===================================================================================
瞓醒落去買嘢飲 , 諗住呢幾日都禁午餐
整理一下要溫嘅嘢 , 差唔多三點時填埋中文版
用咗經典名句 "落花有意隨流水 , 流水無意戀落花" 為題
自己填完都幾滿意 , 睇返自己填嘅嘢都會懷疑係咪自己填嘅
好難得填到一首冇 你/妳 , 我 , 他/她 出現嘅歌
雖然歌名都可以話有啲玩嘢 , 但係又好應
落花流水 (O.T. : SERVIRE )
曲 : Ezra Lam
詞 : Paris Man ( 9/7/05 )
踏著夜冷風 身軀似紗輕軟飄走
流浪這情路裡 太多歡笑悲懮
路上漸困倦 飄於細水中作輕舟
無奈再緣盡了 仍信愛會有永久
落花說永遠 流水說再見 留低更多虧欠
情怎去計算 即使多兜轉 年年月月在耗損
常剎那已完
默默地接受 傷心有天會飄走
仍在這情路裡 尋求一個樂園
若是在退後 只須記起過去總算
曾被愛 曾被吻 何妨堅決再爭鬥
落花說永遠 流水說再見 留低更多虧欠
情怎去計算 即使多兜轉 年年月月在耗損
誰曾說相愛永遠 但竟說再見 何解太多虧欠
情怎去計算 在天地歲月 仍會奮勇哪懼耗損 再兜轉
望望沿路遍野草地 總會遇上一生最美
縱是驟晴驟雨 風霜多冷 永遠也一起
但又同樣這片境地 無法得到所預期
以後沒然後只因再分離
===================================================================================
食完 dinner , 努力溫書 ~
===================================================================================
記掛妳 , 為妳禱告
>>July 9, 2005 at 12:45:50 PM GMT+8
2005 年 7 月 7 日 星期四 【晴】
中國語文
兩個字 : 大煲 , 唔識同死得
( 七個字喎 ....... 係呀 , 你吹咩 )
===================================================================================
朝早一起身就睇到啲令人好唔開心嘅嘢
人心情唔好上尼 , 又做乜都衰嘅
綜合埋近幾日 , 我係玩心情過山車嘅
星期二四好開心 , 星期三五就好唔開心
人生 , 真係多彩多姿有高有低呀
坦然面對啦 , 柳暗花明又一村嘅
雖然好多嘢令人唔開心 , 不過唔緊要
只要諗諗下個星期同小霞睇戲就會開心返架喇
===================================================================================
今日霞同 Wing 放榜 lu
唔知點呢 , 不過同霞講好咗見到至再講
返屋企時就打電話比阿 Wing 啦
===================================================================================
仲諗住打比 Daisy 傾下計
點知搞下呢樣搞下嗰樣冇咗件事 tim
都好耐冇見呢個對自己好重要嘅朋友
上次見面係上年八月二十六日 lu
>>July 8, 2005 at 4:01:51 PM GMT+8
2005 年 7 月 6 日 星期三 【晴】
九點起身溫書
因為尋日全日就溫咗一個鐘都冇
考完之後又覺得有可能大難不死嘅
係就最好有埋後福啦 , 啲解剖好死多嘢溫
食完飯沖個涼 , 順便諗下啲劇情編排
有啲人時地事一早就已經鐵定
有啲就有兩三個方案 , 要好詳細咁考慮一下
要寫嘢真係難 , 尤其係要諗埋角色性格背景
點樣突出 , 人物之間彼此會擦出咩火花
仲有好多好多嘢 .......... 真係難搞 ...........
好奇怪 , 每次一到考試真係特別有靈感
今日又隨便哼幾哼就係幾首歌
不過又係冇 keep record 嘅
>>July 7, 2005 at 1:34:07 PM GMT+8
2005 年 7 月 5 日 星期二 【晴】
九點起身溫下書 , 唔溫就 die hard
算係不過不失啦 , ok 卦
考完打包返房食飯 , 睇咗陣 one piece
跟住又瞓過 , 瞓醒啱啱好晚飯時間
===================================================================================
"安靜" , "小天使" , "麻煩你" , 活著多好" , "勇" ...........
一首首歌總令人有哭嘅衝動 ..............
沖咗個熱涼 , 淋住個頭 , 諗下嘢 , 好耐冇做呢樣嘢
"响邊跌倒就响邊企返起身" ........... 真係好難 .............
聽住 "狼來了" 一句 "錯錯對對錯錯反覆經過"
眼兒竟然快要滴下雨點 ............ 當時我究竟做咩 ..............
冇錯 , 感覺永遠冇對錯之分 , 然而抉擇就有 ..........
原來抉擇之後 , 失去嘅係咁多 ..............
"還用活才是諷刺 故此不用做傻事" .................
有目標 , 卻怕有心無力 .............................
身邊嘅人接受咗 , 但係我仲未接受得到自己 .................
>>July 6, 2005 at 2:13:02 PM GMT+8
2005 年 7 月 4 日 星期一 【晴】
十二點半瞓
瞓到十二點半起身
晏晝完全提唔起勁溫書
一連睇咗八集 One Piece
傻下傻下又到晚飯時間
食完飯又瞓過
瞓醒就姑且要溫去書啦
都唔知做乜鬼 , 個頭由尋日開始痛到而家
瞓咗十幾個鐘都仲有黑眼圈 , 發神經
不過瞓咗咁多 , 今晚似乎早極都點幾至瞓 lu
===================================================================================
尋日寫首曲真係好有 Speed 嘅感覺
可恨未識日文歌詞 ......................
>>July 5, 2005 at 2:43:41 PM GMT+8
2005 年 7 月 3 日 星期日 【晴】
八點九起身食早餐
有條友响對面枱吸煙
如果吸煙算係一種自殺犯罪嘅話
咁要人食二手煙絕對係犯咗謀殺罪
可恨全世界政府只係睇到煙草所帶尼嘅 tax
食完嘢坐十點二火車返廣州
返到宿舍就打返啲日記同睇下人地啲日記
又同小晴 icq & msn 咗一陣喎 ^^
之後兩點半去考 english , 一邊作曲一邊做
都唔知點解成日開考特別有靈感嘅
作咗一首 minor 調嘅曲 , 好耐冇作過 minor 歌 lu
成日都係寫啲中快版嘅歌 , 係時候寫返啲慢少少嘅歌
考完之後返宿舍放低個筆袋就出咗去行下
沿路發現多咗唔少商場 , 真係犀利
行行下又發現有鋪頭有頭巾賣 , 買咗兩條
之後去到天河城間機鋪 , 終於有 Initial D 打
不過要成四元一局 , 仲貴過响香港打 , 發神經
之後又發現有 One Piece 扭旦機 , 不過要成十六元 , 又係發神經
行到咁上下覺餓 , 但係唔知食咩好 , 求其買件 chess cake 返宿舍食
坐巴士時竟然見到三個靚女 , 真係好難得
又返到宿舍 , 食下件 cake , 飲咗支五花茶 ( chess cake + 五花茶 ............ )
開 icq 見到霞呀 , 約咗下星期六去睇 War of the world
YEAH ! 太開心喇 ! 又可以見面 lu
睇 "後備甜心" , 都唔錯喎 , 而且最重要係有林嘉欣 , 實在太靚喇
今晚都係要早啲瞓 , 又一次眼瞓咗成日
===================================================================================
Korea 件 Rain 唱歌到吚吚吓吓啊啊呀呀
想點呀 ........... 啲舞又畸怪 .......................
香港人係咁架喇 , 人追我追
===================================================================================
One Piece 實在太太太太好睇喇
>>July 4, 2005 at 2:53:18 PM GMT+8
2005 年 7 月 2 日 星期六 【晴】
起身食完嘢又同細佬篤波
之後睇下啲醫古文 ( 之前完全未睇過 )
食過晚飯返去睇 tv
飲咗兩罐啤就瞓
Peggy 生日快樂 ~
>>July 4, 2005 at 5:04:03 AM GMT+8
2005 年 7 月 1 日 星期五 【晴】
發神經
同細佬篤咗三個鐘波
打咗一個鐘 basketball
深夜睇咗幾個鐘 One Piece
>>July 4, 2005 at 4:51:14 AM GMT+8
2005 年 6 月 30 日 星期四 【晴】
七月一日
一個百感交集嘅日子
尼一日絕對係我人生嘅一個分野點
>>July 4, 2005 at 4:45:06 AM GMT+8
|
人氣: 36610
Design & Scripting by ShowHappy.Net
|
好多嘢要 , 溫到有啲想哭嘅感覺
星期二角仔 send 咗首歌比我填
中國語文
九點起身溫書
可否告訴教會的地址?
<br>