2007 年 3 月 24 日 星期六 【晴】

今日係連續比賽ｏ既第二場波，亦係最後一場甲組比賽
對手係荃青，我地都以贏波作為目標

場波打６點９，我今日６點多ｄ就到左，算係有進步
開波果陣我首名入球，我諗呢個賠率係１賠１０００
不過我係特登「笠」佢架，但係個個都話我符碌．．．
之後比賽我地一直領先，打到６比５，８比７咁
本來預料呢場會係一場好波，但係都比球證摧毀左

已經第二場係咁，上一場球證好幾次誤判，我只能夠話人人都有犯錯ｏ既時候
但係今次擺明車馬針對我地，我地隊波一直都係比較嘈
有ｄ判罰，或者有人射失我地都會大大聲叫出黎
好似「喂喂喂！！」，「嘩．．．」咁樣，點知個球證就兩次叫我地球員控制情緒
但係其實根本我地嘈又唔係針對人，而且好正常，根本冇咩問題
之後我地已經收歛左，但係個球證就好似已經認定左我地係反派咁，開始針對我地
我地半場之前都只係得一張黃牌，但係之後我地ｄ犯規都係罰兩分鐘
下半場一開波仲比埋爛面紅牌，我都唔明，又唔係打架，又冇影響比賽
洗唔洗紅牌咁嚴重呢？

跟住ｏ既比賽，接連被吹罰２分鐘，高佬一個好平常ｏ既犯規都直接拎埋紅牌
冇左爛面同高佬，我地真係唔識點樣打．．．

我地開始明白到我地ｏ係球場上面ｏ既地位同球證對我地ｏ既態度
所以我地深深體會到－－我地已經冇得贏呢場波，即使我地打得真係幾好．．．

６個兩分鐘，２張紅牌，呢組數字完完全全刻ｏ係我腦袋深處
如果換第二組球證黎吹，一定唔會有呢咁嚴重ｏ既情況出現
吹犯規係冇錯，但係ｄ犯規有冇形成２分鐘甚至紅牌就真係好值得懷疑

無論點都好啦，我覺得我地係正確，呢一種並唔係阿Ｑ精神
而係我地對我地態度ｏ既信任同執著．．．
比較最後輸１８比２９

今次再度因為球證而慘敗，雖然有好球證我地都未必贏
但係場上面果兩個球證的確令我地不堪回首
算啦，今次ｏ既反應亦冇上次咁激烈，因為我地都冇咩希望
最後今年聯賽以１勝，１和，１２負排包尾，下年要落返乙組打

打完比賽之後又睇左陣波，睇完就一齊去左打邊爐
附近竟然冇任飲任食，最後只係食一碟一碟計果ｄ
去到一邊食，一邊傾計，講笑，氣氛幾好～

最後食到１１點幾先返屋企，呢３日都打波，好攰呀！！！！

>>March 25, 2007 at 5:41:56 PM GMT+8

2007 年 3 月 23 日 星期五 【晴】

因為之前手球比賽都天雨改期，宜家改到２日打２場
今日對火鳳凰，聽日對荃青，已經係最後２場甲組比賽～

夜晚６點半開波，我岩岩好開波吹哨子果一剎那換好衫到左
不過成隊波都只係得１０個人，出面打７個，得３個替補
所以今場波將會係體力ｏ既持久戰．．．

上半場我地打得幾好，防守一流，進攻亦唔錯
至少ｄ傳波冇咩甩漏，亦冇以前咁一開波就發夢
即使係咁，我地上半場依然輸８比９

下半場一開波我地曾經反超前，好似係１１比１０
但係之後已經無以為繼，好快又比人追過
剩低時間都係拉据，兩隊都係咁入波，差距都只係保持４，５分
最後都係追唔返，輸左２４比２８．．．．

其實場波打得幾好，以我地ｏ既人腳黎講
如果體能好ｄ可能有得贏，不過點都好啦，滿意今日ｏ既賽果
最後打完波，換完衫，食左ｄ野就返屋企～

>>March 25, 2007 at 5:03:46 PM GMT+8

2007 年 3 月 22 日 星期四 【晴】

今日冇走堂，不過嚴重遲到
越黎越唔想返學．．．

夜晚去左文娛打波，食完飯先去種感覺好差
簡直「盪氣迥腸」，頭果２場有ｄ胃痛
之後好返ｄ，不過表現依然係乏善可陳，手感又唔好，走位又慢
特別係今日打果ｄ人好快，我都跟唔上
想打好ｄ果陣已經夠鐘．．．唉．．．

最後打到熄燈先走，好攰．．．

>>March 23, 2007 at 8:11:21 PM GMT+8

2007 年 3 月 21 日 星期三 【晴】

今日再度走堂，走左朝早果３個鐘
只係返左下晝果堂ｌａｂ，心情不佳．．．

夜晚去左打牌，有我，ｐａｔ，肥濃，ｐｏｌｙ，銳哥，峰仔
最初以為去人地屋企打，點知係出去麻雀館打．．＝．＝
不過應承左人冇辦法，於是去左葵芳皇雀會開檯
基本上係我，ｐａｔ，肥濃，峰仔４個人打
玩跑馬仔，其實我未玩過，淨係暑假果陣返工見過ｄ司機玩
初頭未適應到，連番失利，到後來超好運氣
經常開槓，又係咁自摸，我都唔知點講
果陣開始轉虧為盈，之後一直都好順利，贏呀贏．．．

最後結數果陣都係諗住贏得幾十蚊，點知贏左成二百幾，我都嚇左一跳
不過除返房錢同飯錢都只係贏一百多ｄ，第一次打牌贏咁多．．．
可能我開始轉運喇．．．．．．

打完都１點幾，返到屋企訓覺．．．ｚｚｚｚｚｚ

>>March 23, 2007 at 8:05:06 PM GMT+8

2007 年 3 月 16 日 星期五 【晴】

今日夜晚出左去黃大仙打手球，對火鳳凰
上次已經延期左一個星期，點知今日一出到球場就落雨
結果又再汞取消，改做下個星期六．．．

唉．．．打波先黎落雨，白行一趟
最後同佢地食左ｄ野先走，去左平時打完波食果間
叫左碗牛腩河，但係味道一般，呢度ｄ野食好似差左咁
食飽飽之後就吹下水，講下波經．．．

ｈｅａ到１０點幾先走，今日打唔成波，有ｄ失望．．．

>>March 18, 2007 at 8:11:42 PM GMT+8

2007 年 3 月 15 日 星期四 【晴】

今晚去左打波，特別ｏ既一次
因為今次同左輪佢地ｏ係文娛打
又遇岩聰聰佢地，係好熱鬧ｏ既一日

可惜，只可惜我今日表現差，可能太耐冇黎文娛，唔係咁熟悉
其實呢度幾好呀，去廁所，買野食，買野飲都方便
仲要近我屋企，幾步路就到
不過就係空氣差左ｄ，成日都好焗．．．

今晚打左５，６場，贏得果２場
不過好掛住呢度種氣氛，好正～

>>March 18, 2007 at 8:04:21 PM GMT+8

2007 年 3 月 14 日 星期三 【晴】

今日係大佬生日，生日快樂
不過返學由９點半返到５點半，返到個人傻下傻下咁
５點半放學返葵芳食左ｄ野就再出旺角

６點幾去到，ｋａｉ豪同ｒｏｃｋｙ已經到左
我地再等埋大佬之後就去左ｓｅｎｓｅ　ｃａｆｅ
不過果度冇左以前張床，得返個好狹小ｏ既空間比我地
好就好在遮住出面，至少我地玩到幾大聲都冇人鄙視

之後慢慢齊人，出席ｏ既人有我，大佬，ｋａｉ豪，ｒｏｃｋｙ，傻威，ｋ樂，ｂｅｔｔｙ，朱，圈，ｂｕｂｕ，左輪，ｉｄｙ，場面空前盛大
去到玩左陣ｕｎｏ，之後叫野食，ｄ咖哩唔錯
不過杯野飲就超淡，我懷疑係一般ｓｉｚｅ加水變做ｋｉｎｇ　ｓｉｚｅ．．．＝．＝
食飽野之後就玩左ｄ遊戲，送禮物同食蛋糕
慶祝完又繼續玩，玩呀玩，玩到１１點幾就走ｌｕ

感覺唔錯．．．

>>March 18, 2007 at 7:54:43 PM GMT+8

2007 年 3 月 13 日 星期二 【晴】

呢幾日都係同ｄ同學做ｓｃｃｏｔ果個ｐｒｏｊｅｃｔ
又要搵報紙又要上網ｓｅａｒｃｈ，到頭來又有好多唔岩用

經過幾日ｏ既辛勞，我地終於完成左
雖然我負責ｏ既部分唔多，但係都幾有成功感
不知不覺已經係最後一個ｓｅｍ，剩低２個幾月
即使冇咩歸屬感都好啦，個心都好想做好剩下ｏ既工作
留返一個美好ｏ既回憶．．．．

>>March 18, 2007 at 7:58:48 PM GMT+8

2007 年 3 月 11 日 星期日 【晴】

今日有成績表拎，但係都心中有數
出到黎比我預期好，但係都冇咩用啦．．．

ＤＴ－－－－－－－４４
ＭＣ－－－－－－－６３
ＰＲＯＪＥＣＴ－－６０
ＳＡ＆Ｄ－－－－－６５
ＳＳ－－－－－－－６１
ＷＮ－－－－－－－５３

已經決定左喇，畢業要搵野做，唔想再繼續讀
最近成日聽ｄ同學講大學ｄ野，有人叫我去讀ｏｐｅｎ　ｕ或者ｓｗｅｂｕｒｎ
但係我唔想再拖喇，我寧願起點比人後但係早人地開始
至於後勁．．．到時先再算．．．．

>>March 18, 2007 at 7:45:40 PM GMT+8

2007 年 3 月 9 日 星期五 【晴】

今日係星期六，夜晚去左葵芳打波
琴日打，今日又打，但係仲未發洩晒我ｏ既悶氣

出席ｏ既人有我，銳，ｐａｔ，肥濃，潘
成晚淨係跟一個場，只係贏得一場．．．＝．＝
對手都係力量型，唔夠佢地揪
其實如果係我，我一定唔會球球屈人機
屈一球半球冇咩問題，但係如果球球都屈人機咁不如去做健身啦，洗咩打波呀
有幾球我都ｈｅａ佢，佢仲要撞埋黎．．．

越打就越不滿，不過都係等人地走左同其他人打先贏到．．．
熄左燈之後大家都冇走ｏ既意思
於是坐低飲下啤酒，剝下花生，好耐冇試過咁樣喇
感覺良好，心情似乎好返少少，不過只係少少．．．

>>March 14, 2007 at 11:16:04 AM GMT+8