2007 年 6 月 21 日 星期四 【晴】

今日係最後一日同小朋友補習
不知不覺同佢補左兩個幾月，其間經歷過開心，憤怒同害怕
其實亦係幫我自己上左一課．．．

小朋友考晒試之後冇功課，暑期作業都未有
所以冇咩幫到佢，而且我亦開始搵工，見工，所以要同小朋友分手了
希望佢成績一日比一日進步啦．．．

夜晚去左打波，冇咩狀態，而且我地又唔夠人
得我，圈，ｒｏｃｋｙ，軒爺，係一個體力不足ｏ既組合
成晚打左４場，４場輸晒．．．＝．＝

>>June 24, 2007 at 7:54:28 PM GMT+8

2007 年 6 月 19 日 星期二 【晴】

今日去見工，係我第一次見長工，之前暑期工果ｄ唔計啦
所以執得好正，帶齊資料，出發去九龍灣見工

比預定ｏ既時間早左５個字到，入到去就坐ｏ係間房仔等
等呀等，等左好耐先有人叫我填ｆｏｒｍ同做ｔｅｓｔ
個ｔｅｓｔ有難有唔難，好彩都係ｍｃ有得撞．．．
之後我坐左一半有另一個人黎見工，佢又係填ｆｏｒｍ同做ｔｅｓｔ
但係佢就不停同我講野，即使我已經唔多理佢．．．

之後有人入黎ｉｎ我地，問左我地ｄ問題，我就好正經咁答
但係另外見工果個人就係咁笑，都唔知佢笑咩，到佢答果陣佢就扮晒野咁．．．
呢種人真係好乞人憎，點解會有ｄ咁ｏ既人架？？
之後有ｄ事發生左喇，負責ｉｎｔｅｒｖｉｅｗ果個人笑笑口咁叫左好乞人憎果條友出去
我隔住個窗見到佢講左ｄ野，然後好乞人憎果個人就走左
果一刻我真係好想笑出黎，雖然我知呢種心態唔岩，但係個心實在好感激

跟住負責ｉｎ果個人入返黎對我講：知識係重要，不過態度亦好重要
嗯，佢講都好岩，如果我有剛才果個人做同事我實頂唔住
我好多謝負責ｉｎ果個人對我態度ｏ既認同
最後都係再介紹下佢地公司然後叫我等ｓｅｃｏｎｄ　ｉｎ

今日又上左一課．．．

>>June 24, 2007 at 8:39:02 PM GMT+8

2007 年 6 月 13 日 星期三 【晴】

考埋今日，終於考晒試，２年ｏ既ｉｖｅ生活亦到此為止
不過仲未完，因為肯定要返黎補考！！！

呢一個星期考四科，不過頭４日考３科，到琴日先考完最後果科
唔知點解，我已經完全冇心機溫書，就連打開ｎｏｔｅｓ都唔想
最多都係考試前果晚好草率咁溫．．．
唉．．．其實我都好想好想合格，因為唔想浪費時間返黎補考，阻礙我搵工
但係自己又唔生性，始終「的」唔起心肝去溫習，只能夠怪自己養懶左個人

ｓｎｍ－－生存機會５０％
阿ｓｉｒ出左好多之前ｔｅｓｔ同功課ｏ既題目，個個同學都話好易
但係我溫左冇記入腦，結果浪費左阿ｓｉｒ好意．．．

ｏｏｔ－－生存機會９０％
算係比較有信心ｏ既一科，因為佢地堂時候岩我，所以我冇咩走佢堂
而且呢一科同上年果科有點似，相對其他科容易

ｈｐｎ－－生存機會１０％
呢一科ｎｏｔｅｓ多，又要死記，我根本讀唔黎
而且之前上堂又冇聽書，成日遲到同走堂，所以自己知道自己事

ｍｎ－－生存機會０％
ｄｉｎｏ呢個阿ｓｉｒ果然人如其名，佢以難為學生為樂，估唔到佢今次玩得咁「傑」
ｈｐｎ果科雖然難，但係比我出貓ｏ既話，我有信心ｈｐｎ可以合格
但係呢科就算比我拎晒ｎｏｔｅｓ上黎做都唔會合格
佢出ｄ野有好多都未見過，未諗過，就算溫晒書都唔會識啦．．．

所以我諗有２－３科需要補考，但求盡快搞掂啦

>>June 14, 2007 at 8:53:33 PM GMT+8

2007 年 6 月 3 日 星期日 【晴】

今日係銳哥生日，生日快樂
同時，今日又係小學同學聚會

於是補完習之後就先去荃灣ＰＩＺＺＡ　ＨＵＴ同小學同學食飯先
我諗有半年冇見佢地了，以前一個月一次ｏ既聚會變成半年一次
畢竟大家都太忙了．．．

出席ｏ既人有我，牛，雞，君，華子，絲襪女
我地試左新ｏ既扭扭批，其實根本就係至尊批，只不過個邊唔同ｏ者
但係我鍾意佢有新意，唔錯唔錯．．．
一邊食一邊傾計，氣氛幾好，不過大家都傾緊升學就業問題
我越黎越徬徨了，好似仲未知自己想點，唉．．．

食到咁上下我就要走喇，去左搵銳哥佢地
我每次去到佢地講ｏ既地方之後佢地就話走左
首先佢地話ｏ係福來村，我就快去到之後就話食完飯，去左沙咀道球場
咁我之後到沙咀道球場之後佢乎就話出左海傍
突然之間肚痛，我實在走唔郁，但係球場個廁所真係好唔得
於是火速趕去荃灣大會堂個廁所解決，果個廁所一流
正到幾乎唔捨得走．．．．

最後再花唔少時間先到海傍搵到佢地
去到大家都傾得正熱鬧，出席ｏ既人有我，銳哥，ｐａｔ，肥濃，城城
大家一邊飲啤酒一邊傾，雖然我唔多想飲，但係都飲左．．
講呀講，完全冇一秒係冇話題，感覺幾好
最後傾到１２點幾就走了．．．

>>June 6, 2007 at 10:34:29 PM GMT+8

2007 年 6 月 2 日 星期六 【晴】

琴晚打完通宵麻雀，諗住返屋企之後可以好好訓一下
但係醒起原來今日要返ＫＣＭ練波．．．

最後返左屋企冇訓過就上左去ＫＣＭ，返到去１０點
但係竟然得４個人！？好彩魚腩佢地之後有黎，如果唔係都唔知練咩好
最初射下ＷＩＮＧ，之後就玩下閃避球
最後跑圈同射龜，我幾乎就要暴斃了，今日Ｄ天氣熱到嘔
我諗３０度都有，而且又曬，加上我又冇訓過，差Ｄ頂唔住
最後練到１點幾就走左，返到屋企沖完涼就狂訓！！

>>June 6, 2007 at 10:17:39 PM GMT+8

2007 年 6 月 1 日 星期五 【晴】

今日開始溫書，預備考試，但係效率奇低
可以話一ｄ都溫唔到入腦，第一科溫ｓｎｍ，我諗都應該應付到
但係ｈｐｎ同ｍｎ就真係冇咩希望了

夜晚出左去阿昆屋企打牌，好耐冇上去了
出席ｏ既人有我，圈，昆，朱，大佬
我同阿圈夾份，但係一開始已經所餘無幾
到我打果陣又再輸多ｄ，幾乎冇晒籌碼可以用

打打下阿圈就走左，得返我一個同３條大怪獸搏鬥
曾經有一段時間運氣幾好，可惜都係追唔返，輸左＄２０幾
呵呵，打完之後都已經天光了，不知不覺打左一個通宵

有見及此，我地去左荃灣飲早茶，有好多平野食
我地叫左好多牛肉球同蝦餃，但係Ｄ蝦餃好耐都唔黎
諗住走果陣先黎，最後我地都唔要了，下次再食
食飽之後就坐小巴返屋企

>>June 6, 2007 at 10:10:31 PM GMT+8

2007 年 5 月 31 日 星期四 【晴】

今日出左大場打波，得我，阿圈，阿音同阿音個ｆｄ
感覺唔好，一ｄ都唔好

打得唔好，又打得唔舒服，出好多汗，但係ｄ汗都唔識乾
而且又贏唔到波，心情不佳，最後唔等熄燈就走了
唉．．．以後都好難搵到好似以前咁１０幾人一齊打波了

>>June 6, 2007 at 9:59:04 PM GMT+8

2007 年 5 月 30 日 星期三 【晴】

今日夜晚去左油麻地某ｃａｆｅ慶祝ｂｅｔｔｙ同阿昆ｏ既生日
出席ｏ既人有我，昆，ｂｅｔｔｙ，ｋ樂，傻威，ｒｏｃｋｙ，ｋａｉ豪，左輪，大佬，朱，圈，ｂｕ

呵呵，陣容強大，不過好遲先齊人．．．
齊人之後就玩左ｄ遊戲，又食下野，果度ｄ野食同野飲真係唔錯
只不過係要坐得迫ｄ，坐到出晒汗
食飽之後就切蛋糕同送禮物，呵呵，變型金剛要出場了！！！
至於個蛋糕亦認真唔錯，食到停唔到口
最後玩到１１點幾就回家去了

>>June 6, 2007 at 9:54:51 PM GMT+8

2007 年 5 月 29 日 星期二 【晴】

今日測ｓｎｍ，琴晚只係好簡單咁溫左一下
就只係得一下，所以都冇咩希望了

朝早仲要唔知醒，返到去遲左３個字
之後即刻開始做，第一ｐａｒｔ冇咩問題
但係第二ｐａｒｔ出左ｄ我未見過ｏ既野，所以唔識係正常
但係第三ｐａｒｔ果ｄ我明明溫左，到測果陣竟然唔記得
好熟悉但係距離又好遠，呢種感覺就好似望見一個好耐冇見ｏ既初戀情人咁
阿！！！！我諗今次又唔合格了！！！

究竟我自己想點呀！？又唔溫書，但係又浪費錢，浪費時間去讀書．．．

>>June 6, 2007 at 9:48:51 PM GMT+8

2007 年 5 月 28 日 星期一 【晴】

今日夜晚同阿圈出左去旺角買阿昆ｏ既生日禮物
又遲到，真係唔好意思．．．

好耐冇離開過葵青區，最近都係返學放學，補習，返ｋｃｍ練波
打波亦留ｏ係葵芳，所以冇咩時間去外面見識下
呵呵，但係去到之後竟然唔知買咩好，於是去左睇下ｄ機械人同ｆｉｇｕｒｅ
最後經過千挑萬選之後買左個變型金剛！！

呵呵，冇錯，就係柯柏文，可以變貨櫃車同機械人
暑假有得睇變型金剛電影，期待ｉｎｇ

>>June 6, 2007 at 9:40:28 PM GMT+8