2003 年 7 月 3 日 星期四 【晴】

愈來愈看清人世既奸詐。
d 人講野都冇信用既，
以後都唔會隨便信人。


係佢地冇記性？
定係佢地既秘書門唔稱職？
還是佢地既 PDA 時常冇電，又或者冇睇 PDA？


大家看看立法會內的議員同政黨，
誰是誰非並不是今天日記的重點。

看到的是，
有部份議員時常反口覆舌，
再唔係就做騎牆派。


以偏概全、偷換概念等等時常都可以看到，
點解 d 人可以咁架？


唔明，唔明，唔明。
點算，點算，點算？

>>July 5, 2003 at 1:38:06 AM GMT+8

2003 年 7 月 2 日 星期三 【晴】

計吓計吓，自己都安排左唔少野想買，
例如手提電話啦、數碼相機啦、PDA啦、
PS2啦、新 printer啦、新scaner啦等等。


計埋計埋，如果買晒既話，分分鐘先兩萬幾三萬蚊。
但係係現家經濟咁差既環境咁差既情況下，
有個錢係身都好 d 既，
加上又要儲學費，
又要供基金，
所以大部份物品都唔捨得買，購買計劃都係擱置。


甚至連平時既財政預算都計得好緊，
免得過既應酬都免，
可以唔駛出街既就唔出，
可以唔駛坐車既就行路，
食野就愈平愈好………


雖然係咁，但係發覺都好似係儲唔到錢，
（死啦，咁樣點買野，點去旅行呀？）


其實點解無啦啦講錢呢？
因為呢幾日考慮緊買唔買手提電話好（你話丫，咁樣點儲錢？）
最後放棄左，因為聽聞佢 QC (Quality Control)做得唔好

之但係，又心郁郁想買數碼相機（前門拒虎，後門進狼）
今日約左 A 君出旺角睇戲，
唔知買唔買得成呢？

>>July 3, 2003 at 9:58:00 AM GMT+8

2003 年 7 月 1 日 星期二 【晴】

昨天參與完遊行，今天又要回服上班。
我仲好疲倦，唔想返工啊！


返到公司攪左大輪野，
都未可以成功 compile 到個 snmp library。
接近食晏時間，我就開始打日記。


食完晏之後，又開始 debug。


今晚約左 OAHK TCC 既人傾
幫總會電腦化教練時數統計，
唔知有冇人工收番呢？


不過多數都係人情債而白做的了……


>>July 3, 2003 at 7:41:42 AM GMT+8

2003 年 6 月 30 日 星期一 【晴】

二零零三年七月一日，
係中華人民共和國香港特別行政區成立六周年紀念。


亦都係，自八九民運後，
最大形既遊行示威。
小弟有幸參與其中，以自己的雙腳告訴政府我的意向。


今天約了一班大學舊同學一時四十五分係佐敦地鐵站等


去到金鐘轉車位，
見到人群推滿了超過半個月台，
心知不妙，立即落一層轉車去上環，
同我們一樣心思去上環轉倒車既其實也有不少人。
當然唔夠金鐘既人多啦！


我們經過銅鑼灣站已不出，
去到天后先落車，
落左車，很多人呀！
恐怕銅鑼灣站既人數有過之而無不及。


四條扶手電梯，開放左三條。
有人對唔開放晒四條報以噓聲。
（題外話：出到地面後聽收音機得知地鐵開始玩飛站，
唔停銅鑼灣同天后，係飛站措施實施前到達天后}W，我真好彩）


上到地面，排左好耐（大約個幾鐘）先入到維園，
到將近草地時，
工作人員同我地講話前面 jam 得好緊，佢都唔知幾時行得

我地就抽頭經過「冇乜人」既球場（球場被人借左黎攪慶祝回歸既嘉年華會）
係皇室堡再插隊，係維園皇室堡出口見到偶像黃毓民（配服佢敢言）
記利佐治街轉彎處見到馬田 - 李柱銘，
去到軒尼詩道口見到鄭家富。
佢地三個，或講話，或揮手，去鼓勵參與遊行的市民。


我地一路沿軒尼詩道往中環方向行，
周不時一齊喊口號，
見到有線新聞報導遊行、
經過老董卸任倒數鐘
聽到議員或工作人員宣佈最行人數時
群眾都會一齊鼓掌。


行到中環時，都晒七點幾。
我地聽從工作人員呼籲，
冇上政府總部，去到雪廠街就轉番出皇后大道中，
係中環茶餐廳（食店名）食埋晚飯（我食既係火腿雞絲炒出前一丁公仔麵）
之後就乘地鐵回家。

>>July 2, 2003 at 6:36:59 AM GMT+8

2003 年 6 月 29 日 星期日 【晴】

唔知係咪天性懶惰呢？
上個星期畀既功課，
今日要交喇，
我今日先做，
仲要唔記得有咩要做……

下下都係臨急抱如佛腳，
呢個人真係冇藥可教……




>>June 30, 2003 at 8:43:56 AM GMT+8

2003 年 6 月 28 日 星期六 【晴】

因為昨晚早早就訓，
所以好早就醒左，
十一點零左右啦（夜晚 wor）


睇左諷刺市敝既「路人甲乙丙」之後，
打左陣機，之後「玩電話」……


有人話我咁夜都唔訓，
聽朝實唔知醒返崇拜…

哼！起身沖埋涼、睇埋報紙食埋早餐都仲得呀！
睇小我？哼哼！


Anyway，返完崇拜之後，
上左個 friend 屋企聚舊，
就係因為咁，所以去唔到個大學同學 R 君既生日慶祝活動。
對唔住呀！

不過係事後，我覺得呢個選擇係明智既！
因為佢地去左劈酒…
我……忌左飲酒架喇！
酒呢 d 串腸毒藥，免得就免喇。

係唔係？

>>June 30, 2003 at 8:36:08 AM GMT+8

2003 年 6 月 27 日 星期五 【晴】

原本（記住，係原本）約左幾個大學舊同下午上深圳書城，
我打算買一些電腦程式篇寫的參考書、
Software Engineering 或 Project Management既理論書、
和日文學習既參考書……

故我一早已委託媽媽幫我對定五百元人仔（人民幣）。
誰不知………


先係早上九點左右，同學 A 君話唔記得帶回鄉證，
um 都解決到既，可以返屋企拿，
佢屋企又幾近我公司，可以等埋佢一齊坐亡命 van 仔。


一個問題解決，第二個又黎
十一點左右，落傾盤大雨，
咁大雨，點去呀？
尤幸十數分鐘過後……
咦…停左雨？定係我頭先眼花？


跟住……
第三個問題又黎喇！
臨收工，收到同學 P 君個電話
「我唔黎喇，我病左，昨日工都冇番……」
er，你病左唔去得都冇計啦，
但係都仲有三個去…


點知，同學 C 君約左朋友七點鐘旺角食飯，
本來都冇咩問題，
係係 A 君要返一返屋企拿回鄉證，
咁 C 君就會好趕
咁佢就提意不如延期啦。


佢都講得對既…
結果我同 A 君去左味千食午餐，
（叫個樣冇個樣，我唔再係觀塘食野喇 >< ）
之後早早返屋企，早早上床睡覺……

>>June 30, 2003 at 8:28:13 AM GMT+8

2003 年 6 月 26 日 星期四 【晴】

上回講到，我同轉轉尋晚入沙田睇黑白森林，
呢套戲，ok gei，
起碼佢都畀到思考空間我，
個劇情唔係咁易估到。

如果畀我選，「千機變」和「黑白森林」，
兩套只能看一套，我會選黑白森林。


但係套戲都有 d 敗筆，有犯駁既地方。

第一、套戲一開始時，我以後自己聽緊廣播劇，
因為頭段係聽到黃浩然把聲，
不斷咁交代劇情。


第二、假設你同你敵人一人拿住支槍，你畀佢射左一槍。
你會點做？
梗係射番佢啦！
但係戲入面既選擇係同個敵人吹水……


第三、套戲加插左好多杜汶澤既笑料，
但係近排睇咁多套港產片，
幾乎套套有佢，感覺上有 d 濫。

>>June 27, 2003 at 10:00:50 AM GMT+8

2003 年 6 月 25 日 星期三 【晴】

因為有一大同（大學同學是也）做野間公司同電訊數碼有生意上既來往，
所以可以用較平既價錢買其贊助既電影既戲票。


其實就算冇優惠價，都有打算睇呢套「黑白森林」。
今次有優惠價，更促使我快快去睇啦！


唔知係咪因為已經上左成個星期，
戲院已經沒有播得咁密。
有 d 戲院一日只播兩三次。


本來早幾日約左轉轉去旺角 GH 睇，
佢今日又話想改去旺角百老匯睇，
話近地鐵站同埋佢可以順手買西褲 wor。
都 ok 既，隨左環境、音響冇緊好之外，都唔錯既。

不過我上網 check 吓幾點有得睇時，
發覺套片已經冇係旺角百老匯上，
咁冇計喇，唯有去旺角 GH 睇。

睇下旺角 GH 幾點有得睇……
話成十點，睇完咪好晚？

Check 百老匯同嘉和院線，
最早都要 9:35 係尖沙咀，
以為冇計啦，


點知轉轉突然 send 個 message 黎話 7:45 有得睇，
咦！係 wor，唔記得仲有 UA 院線 tim！
不過就要入沙田睇喇……

>>June 26, 2003 at 9:59:40 AM GMT+8

2003 年 6 月 24 日 星期二 【晴】

昨晚去左睇「千機變」，
套戲都叫好睇既，
但係剪接剪到一截截，唔夠連貫 lor
希望愈大失望大…


另外因為要趕入場，所以做 gym 時唔係跑左好耐，
只係練左上山跑（10% 斜度，每小時 8 公理既速度）
希望今晚係九龍公園可以跑番足啦。