2003 年 11 月 10 日 星期一 【晴】

成兩個星期沒有做 Gym，
昨日終於做得成，
不過都係唔齊人。
大同 R 因為返 Msc 好忙，
所以取消了健身會藉，
（咦，好似寫緊日記那個都係要返 Msc wor）
昨日係 last day，
但係好後都係冇黎到。
佢放係 locker 既野亦都被我地處理了，
對舊鞋放進垃圾筒，
而對手套就被大同 A 借用。
而我地既做 Gym 既團隊，
人數下降到口餘下三人，
仲會唔會有人退出呢？


因為大同 A 過左介業廣場做 support，
所以我約埋佢一齊去，
去到都成七時半，
大同 L 話想早 d 返屋企，
七點就己經入去做，
佢一次過跑一個鐘，好羨慕喔。
同大同 A 食完飯（好辣既黑椒牛扒飯 ><），
打完機，換完衫入到去都成八點幾，
我做完熱身拉完筋就即刻舉鐵，
而大同 L 係我未做完熱身已經走左。


今次挑戰一個鐘健身單車，
係一路睇住電視一路踩既情況下，
唔覺唔覺就踩了一個鐘，
下次再試下加強兩級強度先，
看來好快可以再次練番長跑。
不過賽季已經開始了，我會唔會有 d 遲呢？


踩完單車都只係十點三，
仲有一節衝上雲霄未睇，
不過大同 A 又嗺我快 D 走，
結果都係冇睇到，
好彩 Harddisk 有，
可以遲 d 補番睇，
不過就唔知遲到幾時……

>>November 13, 2003 at 9:10:56 AM GMT+8

2003 年 11 月 9 日 星期日 【晴】

昨天要上山帶班，
一個康文署攪既定向班，
地點係熟識既青衣，
一個幾個星期前先帶過班既地方。
分別係，幾個星期前那個班是 level 2 班，
可以教深 d ，
可以行離條路。
今次那個只係 level 1 班，
唔可以教咁深，
只可以有限度咁行離條路。


朝早當然係例牌既五點起身食早餐啦，
我食完，見落緊雨，
就走上樓拿把雨傘落黎畀父親大人。
然後我就執拾背包，
因為係地點係青衣，
又只係教上午，
所以我沒有拿任何重形裝備，
簡簡單單就行。
天公做美，我出發時天晴沒有雨，
準時去到九龍公園，
點齊人後坐旅遊巴出發。


整個教學過程都好順利，
係臨尾有少少失手，
有幾個地徵找不到…… ><
地圖漫步之後，
我地玩圖例接力卡，
之後有個模擬賽，
我負責起終點，
甭出去守路口。（守路口的目的是怕學員會走失。）
一時左右我就坐旅遊巴回程。
食過午飯，就回家睡覺，
這麼早睡覺是因為今晚有波睇，
零時有紐卡素對車路士。
場波既結果對一個紐卡素球迷黎講，
自然失望至枑，
因為紐卡素慘吞五旦。
希望紐卡素係轉會市場重開既時候，
可以買到好球員，
增強防守力，增取好成績。

>>November 13, 2003 at 4:58:12 AM GMT+8

2003 年 11 月 8 日 星期六 【暴雨】

昨晚終於睇了 Matrix 第三集，
算了左件心事，
如果聖誕睇埋無間道第三集，
同埋 LOR 第三集，
咁就應該沒有電影要追續集。
（金雞二同金雞一故事內容上應該冇連貫，所以唔計）
不過唔講唔覺，
點解三套都係有三集呢？


晚上會合了轉轉之後，
去了地利飯食野，
我要左個餐配普通咖啡，
買完之後先知可以要其他，
例如莫卡，我杯莫卡 ><
上次食唔飽，
今次自然都係食唔飽啦。
入到場戲院，
本來仲想買甜筒，
但係只係得芝麻味，
沒有朱古力味，
所以都冇買到。


講番套戲，
有好多地方留白，
有思考空間，
但係亦因為咁，
有好多人唔明套戲，
話唔好睇。
可能我係電腦人，
所以用電腦既觀念去睇，
得出自己既一套睇法，
當然每人都可能有唔同既結論，
而我就比較接 Anti-virus program 既 patten search，
即係話，如果個 Anti-virus program 知道個 virus 既 structure，
就可以用 patten search既方法找晒出黎 delete。
最後決戰既時候我覺得很攪笑，
因為唔係對打，
而係 Neo 打 Agent Smith 打到佢沒得還手，
根住輪到 Agent Smith 打 Neo 打到佢沒得還手，
然後又輪返 Neo 打 Agent Smith 打到佢沒得還手……
最攪笑既係，Agent Smith 那招「天馬迴旋碎擊拳」。
（有睇過聖鬥士星矢既都應該知係乜 ^_^）

>>November 13, 2003 at 4:58:30 AM GMT+8

2003 年 11 月 7 日 星期五 【晴】

今日係雞精班第二堂，
亦都係最後一堂，
因為下個星期就係比賽了。
中午放工既時候落雨，
我雖然有帶傘，
但係都係習慣性地唔用的。

唔知係咪因為落雨的關係，
全程大塞車，
兩時半上堂，
落車都己經成兩點，
仲要撲上旺角買今晚戲飛。
結果攪到冇時間食什餐。


之前個日，
老師話上室一定會開了門等我，
我去到既時候，
又再一次失望…
唔好話度門未開，
連上面度閘都冇開。
係三樓的課室搵到我學生，
佢地係度玩緊波子棋，
咁唯有我去找房啦。


三樓有個特別室，
有三個課室打通而成，
裡面有好多電腦。
其中幾度門裝了電腦開關，
要用證件先可以開，
我唔係呢度既老師，
自然冇證件。
之但係我發現 308 室後門係冇鎖既，
由 308 室既側門可到 309 室，
由 309 室既側門可到 310 室，
結果我地就係 310 室上堂。
好似裝了很多防盜系統，
結果咪又係不設防……


今日上堂，
佢地既表演唔係好好，
攪到我都唔敢教咁深，
Anyway，希望佢地下星期有好成績啦。

>>November 12, 2003 at 8:45:48 AM GMT+8

2003 年 11 月 6 日 星期四 【晴】

又到星期五，
個 Bug 我大大話話都 de 左成個星期，
都唔見有咩起色，
如果我可以話事，
我好想宣佈病人已經死亡，
可惜我唔得，
我要繼續同佢摶鬥。


星期五通常都會約埋 d 大同去做 Gym。
但係如果有其他野做就會做第二 d 野先，
原本我想去睇 Matrix，
但係轉轉又話想去做 Gym 先，
Matrix 留番明天先睇。
OK，冇問題，做 Gym 都好。
佢真係冇改錯名，
開頭我話星期六睇戲，
佢又話忙，提議星期五。
現在又話不如星期六先睇……


點知又一次畀人放飛機。
我帶晒衫返工，
有人又話唔去做 Gym，
我問佢，係冇帶野，
約左人定係真係唔得閒。
佢答我真係唔得閒，
之但係原來佢係約人睇戲，
唉……


就係因為咁，
我繼續加班。
係其中一個老細走了之後，
我都決定收工，
返屋企先前，
先去觀塘廣場睇睇旅行 d 會。
初步都定了幫襯邊間，
雖然唔係最平，
但都算係穩陣。
不過都只係問了價︳
未正式畀錢報名。

>>November 12, 2003 at 7:16:27 AM GMT+8

2003 年 11 月 5 日 星期三 【晴】

原本一早請定晒假，
計劃好晒下個月有 d 咩做，
邊日邊日要請假，
邊日邊日要返中學探先生。


不過講下講下，
原來有人唔需要我 wor，
好傷心……><
好似浪費左日假咁，
因為其實可以唔拿假的。
哼！算數……
我第二日要考日文，
當請日假溫書。

不過，以我咁多次請假溫書，
請假預備考試的經驗，
無論係急教考試，
抑或係大學既 Mid-Term 和 Final，
拿了假期去溫書，
得出黎既結果都係……


（十一月十二日按：
剛剛得知，日文考試不是十二月十六日，
而是十二月二十三日，
那我十二月十五拿年假來作甚麼？
我決定那日早上睇個早場，
下午先開始溫書）


我又上了一課，
而今次畀我既教訓係，
凡事唔好自把自為，
要有商有量，
尤其是係和其他人有關既，
唔好以為人地一定會事事順你意。
而計劃既時候，
也要有後備計劃，
預備隨時頂上。

>>November 12, 2003 at 5:02:52 AM GMT+8

2003 年 11 月 4 日 星期二 【晴】

因為 Master of Technology Management 有個雞美酒歡迎會，
我們今日要轉地方上堂，
去了 Prof. 既地頭，
即係 Bussiness School 度上，
兩個課室既分別係，
今日個課室冇咁凍，
平時上堂個課室簡直係一個雪櫃，
上親堂都肯定要拿件風褸去。


話說最近 M 記攪優惠，
逢星期三，雙層芝士孖堡買一送一，
咁我就買左雙層芝士孖堡，
再加杯奶昔。
有人話：「乜你食咁多野？」
但係失食完之後覺得，
都係好肚餓。


今日既課題係，International Telecommunications: Settlement, Foreign。
其中有部份係講 IDD 收既錢，
兩個國家既電話公司點分帳。
係放 Break 之前，
Prof. 問了個數學問題。
問題大約係：
某一國家今個月打入既 IDD 比上個月多了一倍分鐘
打出既分鐘則不變。
約果上個月打入既分鐘比打出多三倍。
那今個月國家 A 既收入增長率係幾多。

條題目好前，
唔知點解好多人都唔識計，
Lecture Notes 都畀左有一個月既打出分鐘同打入分鐘，
點解個收入。
咁計晒兩個月既收入之後，
今個月收入減上個月收入，
再除番上個月收入，
咪係答案 lor。
當其他人仲好努力想既時候，
我已經做起，
Prof. 可能見我放低晒筆，
張紙上面又寫左 d 野，
就叫我出白板到寫，
咁我當然係答對啦！
（雖然第一次寫既時候錯左少少……）

>>November 10, 2003 at 9:28:03 AM GMT+8

2003 年 11 月 3 日 星期一 【晴】

今日返左屋企食飯先去上堂，
一早同佢地講左我要返學，
要早食飯，大約七時返到要即刻有得食，
誰料我七點零五分返到屋企，
竟然係未煮！
今晚仲要有大閘蟹食，
但係肯定我唔夠時間食，
所以冇得食 ><
攪到我七時五十五分先出得門口，
去到大約係八點過 d ，
但係未開始既，
因為個師生上親堂都遲放，
對上個堂通常都遲十五分鐘放，
所以自自然然我地會遲十五分鐘上堂，
即係個個星期畀佢騙了十分鐘的話，
一個學期就足足唔見左一堂。


係樓下等電梯既時候，
遇見上個星期撞跌我部 mp3 機那個人，
佢第一句就係問我部機有冇壞到，
睇黎佢都仲係唔好意思。


原來同班其中一位同學，
就係 moly 大學同系既師兄，
呢個世界真係細。


今日係講文化，
其中一個文化係如果禁止做某一 d 野，
日文應該點講，
咁老師其中一個例句係，
禁止食榴槤，
咁 d 好事同學就問點解啦，
老師話榴槤好大陣氣味，
個同學就話納豆仲大陣味啦咁。
跟住 d 同學就有 d 咩食，
有 d 咩係唔食。
如來老師唔食臭豆腐，
唔食豬大腸，
唔食車仔麵，
唔食……
不過，
我好似黎係學日文，
唔係黎了解你地飲食習慣。
唉，又被人騙了半堂學習時間……


>>November 10, 2003 at 1:44:19 AM GMT+8

2003 年 11 月 2 日 星期日 【晴】

呢個網站最近 down 左，
近呢幾日先好番，
咁我就欠了個幾星期日記冇寫，
都唔係完全冇既，
只係電腦冇 softcopy，
我也冇 hardcopy，
全部都係個人腦內。
（即係冇，多多藉口……）
不過要追番呢十幾日既日記，
加上本身每日都會加一篇，
其實都幾吃力。


有人勸我，
其實是否需要咁執著要每日寫一篇日記呢？
咁吃力，咁辛苦，
咪唔好寫 lor，
寫少一篇半篇又唔係咩大不了既事。
在我而言，
我很重承諾，
認承得人既野就要盡力做，
（唔記得例外…）
做唔成一件事，
最緊要盡了力。
我申請 account 之前，
認承了要每日一篇，
就要每日一篇，
最多有遲但冇久。

2003 年 11 月 1 日 星期六 【晴】

今日要上山比賽，
約了八時半係天后地鐵站等。
昨晚好早就訓了，
一來因為今朝要早起比，
二來有人上黎開工，
我要保護自己，
三來廳部電視媽媽睇緊，
攪到我有得睇波。


但係今朝都唔係好似以前咁五點起身，
因為爸爸今天放假。
佢好好人咁話朝早同我食早餐，
不過一如以住，
佢都係唔知醒既，
熟我既人都知道，
唔係緊要事的話，
我係唔會主動去嘈醒一個訓緊覺既人，
當我七點半出門口既時候，
佢就起身喇，
結果，我都係同佢食早餐，
但係我就冇得坐巴士，
要坐地鐵先唔會遲到。


準時去到天后，
d 人唔齊又遲到就預左，
但係就真係遲得好厲害 lor。


今日比賽，
本來都發揮得幾好，
一開始未到第一個控制點已經超前早我一分鐘出發既賽員。
仲一度追近早我十分鐘出發既隊友。
可惜臨尾落錯山，
損失了起碼二十分鐘，
衝番終點時又抽筋 ><


完了比賽，
要趕落銅鑼灣開會，
本來約了人睇戲都睇唔成，
唉，鬼叫事有先後次序，
OI 緊要 d 咩。

>>November 8, 2003 at 5:03:32 AM GMT+8