2003 年 8 月 22 日 星期五 【晴】

好嬲好嬲呀，
我講過，能夠激嬲我既人，
絕對唔係等閒之輩，
而呢個人，道行之高，
確實到可以激嬲我的境界，
更慘的，是佢長伴我左右。


講緊既係我永遠的朋友，
亦同時係我永遠的敵人，
「正衰人」！


實在好嬲「正衰人」點解會咁冇口齒，
應承了我 d 野都唔對現既，
又話今日溫書，
點知一個電話打黎，
就出左去陪人睇戲。
仲要係坐第一行睇「龍咁威」
一套港產笑片……


結果？
咁梗係冇溫到書啦！
嘿嘿嘿嘿…
我放長雙眼睇吓佢星期一考試考晒點，
要考慮吓扣佢下個月零月錢先得。


夜晚去左同老四 d 屋企人食盤菜，
對上一次食盤菜係過農曆新年，
係西貢買左一盤返屋企食。
今次則是係出面食。


盤菜係好美味，
不過就真係幾唔健康，
d 野食都幾肥膩。
簡唔中食一次都冇所謂既……
（隻重標準得你丫……）

>>August 24, 2003 at 3:02:37 PM GMT+8

2003 年 8 月 21 日 星期四 【晴】

「習慣」真係一種玄之又玄的東西，
點為之習慣呢？
習慣就係你會係差唔多既時間，
做番差唔多既野。

例如我習慣了逢星期二晚都係做 GYM，
咁我可能早了半個鐘，
可能遲了半個鐘，
但係結果都係會做 GYM。

又或者我習慣食西餐用刀叉既，
咁每次食西餐，
無論在尖沙咀又或者在沙頭角，
我都會用刀叉。

習慣係養成既，
換句話說，
件事可能你以前冇做開既，
但係上個星期做了，
今個星期做了，
下個星期做了，
做下做下，就會養成習慣。


未成為習慣之前，
件事做唔做都好閒，
但係成為了習慣之後，
當到了同樣時間，
但你唔係做同樣的事，
就會忐忑不安。


例如有 d 野每日都會做的，
當有一日，兩日，甚至連續三日都冇做時，
有會不自在起來，
打破刻板是需要代價的。

2003 年 8 月 20 日 星期三 【雨】

生活唔會一成不變，
好多時都會有所變化，
如果每件事，每時每刻都係一模一樣的話，
遲早人人都會癲晒，
又或者激死晒……


最近或將會起了幾個變化，
其中一個就係生活習慣上的改變。
因為九月大學開學，
逢星期三及星期四我都要上課，
而日文中班那兒也應其他同學的要求，
改至星期二晚上課，
所以，我做 GYM 既時間亦因而改變，
由以前的逢星期二及星期五，
九月起改至逢星期一及星期五。
（其實咪又係重覆又重覆……）


另外一樣，就係我個電話又換新裝，
唔係換電話喔！
只係換換殼而已。
早幾個月，我將我部 8310 換上一個黑色，
上面寫住：「忍一時風平浪靜，退一步海闊天空」黎勉勵自己。
（值得一提的是，我第一隻皮帶斯文錶都係題了這段字）

最近，因為個黑色殼都花晒，
在昨晚，我將佢換回原裝珍珠白的殼。
（一黑一白，都幾極端…）
現在看它，有點兒不習慣呢！


俗語說：「日頭唔好講人」
我昨日日記輕輕提過吓這尾金魚，
當天金魚就有留言，
還要在這兒說風涼話 tim，
風水輪流轉呀兄弟，
逼得密一密的生活並不是這麼好過的……

>>August 21, 2003 at 4:56:43 AM GMT+8

2003 年 8 月 19 日 星期二 【晴】

我幾個大同剛去完泰國旅行，
昨天就約了出黎飯聚。

本來打算去黃珍珍，
後咪改去意粉屋，
最後定案係青葉食日本放題，
真係五時花六時變………

原本我係打算唔去既，
（原因就冇謂提啦）
不過因為一大串的巧合，
結果我都係去了。

首先係大同 R 君中午打電話畀我時，
我正講緊另一個更重要既電話，
所以冇接到，
冇直接同佢講到我唔黎。

其次係當天玩 BBS 時，
有人報料話旺角開左間電池專門店，
仲要係賣緊鴨記既價錢，
咁我梗係放工嗱嗱聲出去望望啦。


就係我坐緊車出去旺角既時候，
佢地打電話黎，
咁結果就去了食飯聚。


但係估唔到班遲到怪，
遲到能力已經進入化境，
我臨時決定去既，
都早過大部人去到，
而其中一個人遲到既藉口係：
「電話差緊電………」
唔知佢地遲到得勁 d，
定係我中同那尾魚遲得勁 d 呢？
定係中同那匹馬勁 d 呢？
都唔明，我 d 中同大同都咁喜歡遲到，
令到我都感染埋佢地 d 惡習添…


而大同 C 小姐既男朋友，
也係今天暴光了，
我們更上演了一幕千里追蹤呢！

2003 年 8 月 18 日 星期一 【晴】

肩上的壓力，大得像背上一隻大笨象一樣。
壓力源自工作，
也源自學業。

正當全職工作的產品需要盡快弄好之際，
自由工作也多次被催促。
日文將考期末考試，
理學碩士課程第二學期又即將開課。
野外定向的新賽季更一步一步一步逼近……


為何我擁有的時間這麼少？
為何我的辦事效率這麼差？
為何我的壓力處理這麼劣？

開始明白，
為何癮君子會去吸毒來忘記愁緒，
賭徒會賭至傾家蕩產…

但是這些方法都唔適合我，
也許，和幾隻老虎玩玩電視遊戲機，
和中同踢足球，
和大同看電影，到健身室做運動，
比較適合我，
可以暫時解煩憂。


可惜的是，
這些都只能治標，不能治本。
要做的事始終要做，
要寫的程式，不會因為你健多幾次身，
看多幾次電影，踢多幾次足球，
玩多幾次電視遊戲機，
而自動被寫好……

如果我可以用念力寫程式就好了……


屈指一算，周期性情緒低落症病發得愈來愈密了。
唔知有冇得醫呢？

>>August 19, 2003 at 5:00:48 AM GMT+8

2003 年 8 月 17 日 星期日 【晴】

係 BBS 度有一段討論，
個男仔因為女朋友決定了移民，
結果兩人分了手……


版友們展開激烈的討論，
有版友話異地戀就好像 1:99
成功的機會可能是 1:99，
失敗或失散既佔大多數。


我又覺得這樣未免太悲觀了，
當然，因為異地戀有先天性缺憾，
就係冇得見面，
兩方都要更加努力，
才可維繫到段感情。
而正正因為落多左心機，
感情可能更加穩定呢？


不論是否異地戀，
其實都要雙方共同努力才成事。
只得單方面既努力，
就算付出了 120%，成功機會只會很微……
（當然，雙方均付出了 100% 而失敗的也有，
　但這是後話……）


足球小將中麥泰萊講過：
「做了後悔總比沒做後悔好吧！」
願大家都係盡力地去做，
當然成功更加好啦！

2003 年 8 月 16 日 星期六 【晴】

每個星期天早上，
我多數會返培正道浸信會崇拜。
（除了要上山比賽或大病中…）

而今天也比較特別，
因為我需要當招待一職。


成三十度要穿襯衫結領帶，
真的很辛苦……


完了之後，就回家換衫，
因為約了幾隻老虎燒野食嘛！

出發之前，
好慘咁中了某人的圈套，
蝕底晒……　><


和爸爸食完午飯後，
就坐老三架車入沙田。
估唔到原本兩三個字的車程，
結果用多左一倍既時間，
因為高架公路塞車……


先係一出獅子山隧道，
前面有交通意外，
過了案發現場，
又有另一單意外既路祭 wor，
去到又要找地方泊車………


因為夜晚先燒野食，
所以我們首先打機打牌消磨時間。
（又話要考試……）
打機我地通常都係踢足球，
今次仲有玩炸彈人，
至於打牌，我地打得好健康，
唔打錢的喔！（其實係遷就小弟而已）


夠鐘燒野食，
亦係夠鐘開始落雨！
（點解同佢燒親野食都下雨呢？）
當我地撐好大陽傘，帆布等之後，
就停雨了………


>>August 18, 2003 at 4:46:22 AM GMT+8

2003 年 8 月 15 日 星期五 【晴】

今日的都市日報，有以下一段消息：

英國迆邵一對新人在結婚註冊後，
帶同 20 名親朋前往就近的麥當勞快餐舉行婚宴。
新郎表示，婚宴已籌備個多月，
是次擺滿草莓奶昔與薯條的盛宴以 72 英鎊埋單（914 港元），
費用由男家支付。


係 newsgroup 度，
由有人討論緊呢單新聞，
有人話：「KFC 都得 wor」
有人話：「哈迪斯都得」
有人話：「Cheap 爆」
有人話：「咁先夠特別」
有人話：「請 d 親朋戚友鉞鬊銩畧蔔J當擺酒就真係特別啦，
第日保証會成為雙方所有家族成員既熱門話題。」

我就覺得，結婚一生人一次
（係我既理論入面）
冇理由唔攪得好好睇睇既，
唔夠錢？咪唔好結住，
又或者問家人借住先，

更何況，計劃得好既結婚，
不用點用錢 tim……
假設擺廿圍，
每人「人情」五百元正
咁總共就有十二萬，
睇網頁，
結婚擺酒度蜜月都係大約二三十萬，
「人情」那方面已經收番一半，
（當然先決條件係兩方家長唔會充公所有禮金）


唔知我班中同、定大同、朋友中邊個會跑出結婚呢？
有幾對都幾有潛力架！

>>August 16, 2003 at 1:00:02 PM GMT+8

2003 年 8 月 14 日 星期四 【晴】

每日的生活都很刻板，
不斷的重覆又重覆，
每日返工開始寫 Program，
十二點九叮飯食，
跟住煲粥，
點九又開工寫 Program，
六七點執野走，
食晚飯，
上堂或者做 Gym，
聽收音機，
上床訓覺………


其實由細到大，
不也是重覆又重覆嗎？
中小學既定時上學、定時交功課、定時測驗考試，
分別在於，
中小學既時代，三四點就可以放學，
之後我可以選擇適合自己既課外活動，
咪由係重覆……
星期一、星期五棋會；
星期二橋會；
星期三電腦學會；
星期四集會………


上到大學，自由度大了，
雖然仍然是重覆既課堂
我可以選擇如何重覆課堂，
幾時可以去玩，
幾時可以去 Lab 做 FYP，
幾時可以……


開始厭戰，
看來是時候 Take a break，
去旅行充充電，
但是，現在才是八月中旬 wor………

看著漫長的道路……
有點茫茫然……

>>August 15, 2003 at 3:06:59 AM GMT+8

2003 年 8 月 13 日 星期三 【雨】

困擾左我作個月既魔術事件，
終於告一段落了，
雖則距離完美既魔術有段距離
（係一大段距離……）
總算成功變了戲法，。
但感覺上，總是久了點甚麼……
（扮完美主義又黎……）