2003 年 10 月 11 日 星期六 【清涼】

每逢十月至三月，
我返崇拜既次數就會大幅下降，
頻率大概為 0.33 左右。
因為係呢段期間，
天氣冇咁熱，
適合戶外活動，
而我就會去野外定向，
或是比賽，
或是教班。


今日一早，我就要去青衣教定向。
因為爸爸返夜的關係，
佢七時半返到屋企，
正正係我準備出門口既時間，
所以可以和他一起去食早餐。


約了班學員九時，
但係大部份都遲到，
結果九時半先開始。
第一部份係圖地對照漫步，
呢部份一路都係我的弱項，
一般我都會比預定時間早半個鐘講完，
但今次我好叻呀，用足個半鐘，
不過唔好讚我咁多，我會驕傲架，
（又傻鬼左，真可憐……）


之後十二點半既時候，
行番落山去商場食午餐，
仲要係開公數，
點解冇人話我知？
我買了麵包做午餐 wor……


個班大約五時幾完，
之後坐巴士回程，
（今朝坐地鐵，車費夠我坐三次巴士…）
臨返到屋企，
個司機竟然飛站！
累我行多好多冤枉路…… ><
（我都驚自己記錯，我上網 check 番證明真係有個站！）

>>October 13, 2003 at 5:00:00 AM GMT+8

2003 年 10 月 10 日 星期五 【晴】

今日好勤力喔，
係公司除了個大蟲，
我個 Program 既 Code 原本沒有問題的，
係個 Compiler 本身既問題，
累我攪左幾個月 ><


原本寫得好美觀整，
結果現在要個 pointer cast 做第二樣，
再 dereference，
之後再將佢變成十六進制，
寫落一條 string，
現在想番都覺得麻煩……


下午特然上唔到網，
結果就出題目，
又打左陣機咁，
上下午很大對比！


至於夜晚仲頹廢，
睇左「鍾無艷」之外，
都冇做過野……

必殺技 你近來又 再有空 我在防備 別發功 能免強戒絕心痛 但口嚨還在痛 你在壞舊 我也懂 還稱讚我夠上進 但可惜那時你都不相信 我道行高低估了你 我以為撐得起 一句為什麼不找找你 我練到再倔強 再絕也 也永沒法比 求你別要 如從前 純熟地碰我 而我問我 為何還 能夠碰傷我 不要讓我 一敗塗地 輸得更多 求你別說 錯過我 其實亦愛我 何以技養 放過我 你以仿彿有神座 一關心我已經 等於在殺死我* 你未提及 我也知 你是前度 沒法子 如這性格 肯與你當玩意 再十年後 我也知 如果見你我願意 像一關過完再得打一次 求你別說 仍能如 良朋地對我 而我問我 為何還 能對得起我 不要讓我 一敗塗地 輸得更多 求你別說 錯過我 其實亦愛我 何以技養 放過我 你以仿彿有神座 一講起你已經 等於在殺死我

>>October 11, 2003 at 4:35:15 PM GMT+8

2003 年 10 月 9 日 星期四 【雨】

學業上的顧慮暫告一段落，
今日開始再係事業上摶鬥。
我要係十月底前完成手上既項目，
一黎真係拖得太耐，
老細都畀了很大壓力我，
二黎有 d 野要係十二月做，
我唔可以畀 d 工作責死，
抽唔到身出黎就大件事了。


今日首先解決了一個拖了很久，
也沒有心機處理的蟲，
過了上司的一關，
可惜過不了自己的一關。
我要求係 250 微秒做完，
但現在最佳成績也只能達到 300 微秒。
最差更試過 600 微秒，
完全不能接受……


結果整日都是同個幾微秒爭持，
打亂了我原本的計劃。
聽日要更加努力才行。


想深一層，
其實數字是否真的這麼重要呢？
快 50 微秒，慢 50 微秒，
差別是否這麼大呢？
拘泥於這 50 微秒，
結果就令原本想做的工作無法完成，
這個結果是希望見到的麼？
就好似有 d 人減肥咁，
計卡路里計得好足，
「今日食多左一個卡路里，咁點算？」
「食甚麼甚麼做早餐，會唔會太多卡路里？」
其實這樣，會唔會有點嬌枉過正呢？
數字是否重要？
看來幾值得探討。

>>October 10, 2003 at 9:42:29 AM GMT+8

2003 年 10 月 8 日 星期三 【晴】

今日有個新城電台攪既演唱會，
有李克勤表演。
媽媽有飛，仲好前 tim，
佢話係第六行 wor。
不過我今晚要上堂，
冇得去睇，好慘喔 ><


今日要交 FYP 既建議書，
我想了很耐也想不到做甚麼題目，
因為佢唔想我地只係做 review，
要有 d 創新既意念。
講創新，我最弱一門，
仲要我用英文寫，
弱上加弱……
尤幸有人仗義幫忙，
幫我改了唔少 grammar 上既錯誤。


因為昨晚唔記得幫部手提電話差電，
攪到今日只餘下半格不夠，
電話作有限度服務，
唔可以打機，
唔可以傾電話……


上完堂坐緊車番屋企既時候，
媽媽睇完演唱會打黎，
叫我去金太郎食野，
反正我又未食晚餐，
有 d 肚餓，當然應承啦。
我原以為佢地一定會早到過我，
點知，我坐巴士由鑽石山去佐敦，
會快過佢地坐地鐵由灣仔去佐敦。
唔好以為地鐵有咩意外，
只係佢地又報大數，
仲係會展會場就話已經係地鐵站上緊車…………


>>October 10, 2003 at 7:09:38 AM GMT+8

2003 年 10 月 7 日 星期二 【晴】

今日唔知做乜，
個人迷迷糊糊咁，
係因為之前個晚好早訓？
係因為肚餓？
定係有 d 事未解決，個心掛住？
我唔知，但願我知。


我記得上個學期，
我可以上完 master d 堂都未覺肚餓，
但係今個學期，
我未上堂已經很肚餓。
可能因為午餐既份量少左，
又可能因為早左三個字食午餐，
亦可能係公司去大學既路程短左，
早左到學校，有時間上既本錢畀我考慮食唔食。


連續幾堂我都有食，
但係食飽左既副作用係，
上堂既時候有睡意，
很容易就會訓著……


攪到成堂都唔知個 prof 做緊 d 乜，
真係唔好意思。
不過我都冇法。


因為個人迷迷糊糊，
除左呢幾日上堂唔知做乜之外，
連帶做功課都迷迷糊糊，
好似份 mid-term assignment，
問我 internet 有咩影響力，
我做左成晚都係得個吉。
份 FYP proposal 又想唔到做咩題目。


甚至最期待既講電話，
我都係唔知做緊咩，
一收線，就已經忘記講過 d 乜。


究竟，以前既炒炒幾時先會返黎？

>>October 9, 2003 at 6:38:08 AM GMT+8

2003 年 10 月 6 日 星期一 【晴】

其實有時真係家家你睇人好，人睇你好。
正所謂「家家有本難念的經」
我志好好時只係睇到人地好既一面，
自己唔好既一面。
跟住就會慨嘆~洃v比別人不好既地方，
羨慕人地擁有既野
，但係同一時間，有其他人羨慕你有既野。

或者有一日，
當你同佢調轉既時候，
你又會羨慕原本自己有既野。


「十隻手指有長短」
每個人總會有優點和缺點，
最重要既係唔好睇埋一面，
只睇到優點，定或只睇到缺點，
都係唔好既，
試吓換另外一個角度黎睇。
可能會有新既一面。
另外，更加唔可以將某一面無限放大，
係一就一，二就二，
將一乘大做十，
會影響自己既判決，
分分鐘做了錯誤既決定。


我決定，如其去羨慕人，
不如努力 d 做好自己，
咁咪仲積極，仲正面！

>>October 8, 2003 at 10:02:35 AM GMT+8

2003 年 10 月 5 日 星期日 【晴】

好慘喔！
我公司 d 同事終於我個中文名好笑既地方，
仲一傳十，十傳百……
話說因為有強績金呢樣野，
每個月，我都會收到一個 report ，
通知番我已經供貸款。
張 report 上面有我個名，
咁今日個同事畀份 report 我既時候就話：
「你個中文名好好笑呀！」


就知道紙係包唔住火。
自從入了大學，
知道我中文名既人真係少之又少，
出左黎野，
幾乎冇同事知 tim。
估唔到，唉…


俗語有云：「唔怕生壞命，最怕改壞名」
我都唔我出世既時條會被改個咁既名。


不迥我想澄清一點，
兩個字係唔同音架，
我個名要用懶音讀，
先會覺得好笑，
但係我地唔可以咁懶，
我要做正音大使！


夜晚我去左做 Gym，
因為要等大同A 君，
攪到我遲大到，
仲要做完ym土先有飯食，
勁肚餓呀！
不過亦因為咁，
今餐亦特別豐富，
埋單每人八十蚊，
都幾抵食。

>>October 7, 2003 at 9:09:25 AM GMT+8

2003 年 10 月 4 日 星期六 【晴】

我記得係 Year 2 升 Year 3 那個暑假，
（即係三年前左右啦…）
同三個大同（兩男一女）
去左澳門玩幾日。


今日，我又再遊澳門。
不過，去既人唔同左，
做既野都唔同。


今年我同到同事去，
約左早上八點係上環港澳碼頭集合，
（上次係中港城，方便我幾多！）
我七點幾就到左，
周圍行左一陣，摸清地形。
（四係一個咩鋪頭都未開既商場）
行行吓，見到同事食緊早餐，
就 join 左佢地。


一行九人去到澳門，
有個同事既澳門人朋友加入，
一行十人就巴士過路環小型賽車場。
我地轉第二程巴之後，
因為唔係好識落車，
就問個司機啦，
點知個司機話，應該剛過左那個站落車。
個司機好好人咁停低架車讓我地落車。


我地十點三去到，
點知個場十一點先開，
等左好耐，終於落場。
架車都幾快，
我想踩盡可以去到70 至80 Km/Hr。
風馳電制，逢車過車既感覺幾爽。
可惜有個污點 ><
話說唔知玩到第幾個圈，
去到一個 U Turn 位，
我前面有架車，我個時又踩到好快 wor，
咁我咪收油打算行內彎，
點知內彎又有兩架慢車，
（因為 d 女仔揸得比較慢）
咁係避完佢地之後，
我就剷左出沙地 ><


玩完小型賽車之後，
就係食食食。
先去黑沙海灘食燒雞翼，
再有兩個人加入我們既大軍
跟住去S恭J食水蟹粥，
之後行了一陣之後，
再食豬扒飽。


食完下午茶之後去左大三巴，
之後 d 同事去買手信，
因為媽媽下了命令唔可以買，
所以我乜都冇買到。


之後行左接近半個鐘去食晚餐。
食完晚餐之後，就回程回香港。

>>October 6, 2003 at 5:16:52 AM GMT+8

2003 年 10 月 3 日 星期五 【酷熱】

今日係九月初九重陽節，
古人登高避難，
今人上山掃墓。
其實我唔明，
點解每逢清明重陽生忌死忌，
d 人先會上山掃墓，
平時又唔見佢地去打理吓？


昨日入宮面聖至午夜三點，
今日係紅日嘛，
以為可以訓到日上三竿啦，
點知九點未夠就畀艾馬叫醒左，
仲整埋早餐我吃，
佢以為我今朝要返工……


看到 icq 個 nickname
由船長，到依芝斑，
再轉到船長依芝斑，
頓時百感交集……


之後試過兩三次想訓番都訓唔到，
唯有起身做吓欠下的工作。
首先 JAVA 那度，因為有少少誤會，
Task 1 做錯左少少，
結果兩日心血冇晒，
要由頭做過…… ><


跟住應承左幫人找首歌，
其實係另一個人應承左，
叫我轉交畀佢。
知佢話首歌開頭跳線，
叫我再找過，
我係兩個唔同的來源找到首砍，
都有佢講那個情況，
我開黎聽下，
原來那 d 唔係跳線，
而係彈結他既切音……
我都兩年幾冇彈過支結他了，
自己支結他都借左畀人，
屋企放著一支借返黎既結他，
（真複雜，自己有結他唔收番要借人地那支……）
希望冇聽錯啦，
如果唔係就咩面子都冇晒……
（雖則本身都冇乜……）


註：小炒明天離港外遊…

>>October 4, 2003 at 11:03:38 PM GMT+8

2003 年 10 月 2 日 星期四 【晴】

今朝一起身，
就收一個消息，
一個唔知算係好消息，
定係壞消息既消息。


其實都係觀點與角度問題，
樂觀 d 睇，當然係好消息啦！
悲觀 d 睇，當然係壞消息。


心情亦會有影響，
如果本身係開心快樂，
睇到既野都會係美好既。
但係遇上心情不佳時，
睇到既就係唔好既。


收到個消息，
第一時間覺得好高興，
但係諗吓諗吓，
好似有 d 唔對路。
咁樣攪多一攪，
即係又要多三五七年啦！


好處係，
我會繼續有很多私人時間，
可以繼續做我想做既野，
學我想學既野，
例如學車咁。
但係，咁樣會唔會今到我唔可以係事業上發奮，
三五七年後仍然停滯不前，
仍然做緊一個散仔？


再者，當事情告一段落，
我少左私人時間，
會唔會唔慣呢？


看來，我要坐低慢慢想清想楚。


再者，成三五七年，
會唔會容易有 d 咩變掛呢？
不過我有信心解決到既。

>>October 3, 2003 at 4:18:32 AM GMT+8