2002 年 8 月 4 日 星期日 【雨】

剛剛入完 EHL 個 Camp，好"支力"呀！
星期六一放工就即係趕去沙田入 Camp，好彩食到午餐！
不過係撘接駁巴既時候食囉！差點兒噴晒出唻......

今次個 camp 學左好多野呀！不過講真...
吸收得太慢囉我！要好多時間去消化，希望會有進步啦！
個 Camp Site 都有幾多野玩架！都算舒服，唔錯唔錯！

頭先出 camp 既時候0係新城市見到許志安呀！
Really surprise...冇諗過嘛...超高興！
好鬼正！好清楚咁唔近唔遠既距離咁見到佢！
真係好好好型 & 正啦！如果佢唔係做緊 function ...
我一定會去搵佢簽名啦！嘩嘩嘩...正死左喇！

>>August 4, 2002 at 7:02:39 PM GMT+8

2002 年 8 月 1 日 星期四 【晴】

今日第一日番工，好彩今朝知醒......
番工既感覺...好似好新奇咁呀！哈哈......
不過都 Ok 既，但係全日都係對住個 Excel 囉！
仲 OT 左一個鐘添呀！勁..."支力"到嘔呀！

>>August 18, 2002 at 10:01:13 PM GMT+8

2002 年 7 月 31 日 星期三 【晴】

今日都算係近幾日唻過得最充實既一日囉！
朝早十點去左見工，一路行一路落雨......
但係又面臨遲到喎...0個0下勁狼狽囉！

見完工上左 Head 睇相相，還可以吧...
下晝帶左隔離區班 member 去禁毒處參觀，
不過今次見唔到伍 Sir 呀！唔高興～
今次0個個人好唔掂，都唔知點解會請佢架...

夜晚上堂...冇乜特別，星期六又入 Camp 喇！

今日好叻叻，總共過左六次海呀！堅爆啊！

>>August 18, 2002 at 9:59:57 PM GMT+8

2002 年 7 月 30 日 星期二 【雨】

今日本來諗住勁訓...
但係樓下 notice 話會冇水，
攪到我要一早起身...為左刷牙洗面！

下晝...又係呆左0係屋企冇野做...
後尾四點幾五點去左觀塘個 Nike Factory Outlet 逛！
收穫超級豐富啦！有錶錶、衫衫，仲有襪襪呀！

夜晚亞王太煮左菜肉飯，過份滿足到死左......

>>August 4, 2002 at 6:45:04 PM GMT+8

2002 年 7 月 29 日 星期一 【雨】

究竟幾時先落完雨呢？好好好悶呀真係...
日日都係咁落，攪到我0的出街意欲冇晒囉！
連有得去唱 K 我都覺得唔吸引...Oh...

今日把聲沙左呀！仲喉嚨痛...死囉...
滿足的...訓到夠夠先起身，好爽！
但係比照之前仲周身酸痛...慘慘呀！

>>August 4, 2002 at 6:39:46 PM GMT+8

2002 年 7 月 28 日 星期日 【雨】

油去Camp之油樂長 ~ Day③

今日都仲落緊雨...好悶呀！

今朝早餐比起尋日仲勁，得方包牛油同火腿咋！
連通粉都慳番！真係勁勁勁堅呀！唉......
食完早餐就係班 member 做 game leading 既時間，
而呢個時候我地一班 OC 減石就組成左個"八婆會館"，
講下是非、八下呢樣、八下0個樣...超高興啊！

食完個午餐...就走喇！我同 Ivy 陪 Andrew 去搵眼鏡，
最後竟然俾佢搵到呀！二千幾番唻喇...哈哈哈哈...
好明顯係因為我同 Ivy 旺佢啦！係咪先？一定係呀！

其實今次呢個 Camp 都唔錯呀！幾好玩丫~~~ yeah yeah

>>August 4, 2002 at 6:36:14 PM GMT+8

2002 年 7 月 27 日 星期六 【雨】

油去Camp之油樂長 ~ Day②

恰左陣...但係都訓唔著...慘慘！又落雨喇...

今朝既早餐係火腿通粉 + 包包，味道呢...哈
唔好意思...完全唔覺佢值十幾二十蚊囉！
之後落左沙灘玩水袋排球賽，勁正！
不過如果有多點兒野玩就好喇！可惜係水既問題...
最後大多數既人都落晒海囉！唯獨係呢...
我、Ivy & Wendy 幸免！好彩好彩......

下晝食完飯飯，洗完白白...去左玩 UNO 啊！
一鋪我拎左成 169 分囉...冇得頂呀！
而個 Soci Game 呢！我覺得比我預期中好喎...
因為之前發現呢樣未做0個樣又冇咁，所以呢...
我諗住一定會...攪得好核突...不過呢...
出唻個結果都算 OK 啦！我最鍾意就係周圍搶糖呀！

夜晚呢...Camp Fire 呀！我地用左最多時間既一樣...
初初呢...唔係好掂囉！不過後尾都算唔錯架......
最好玩當然我覺得係跳"狂歡"0個 part 啦！
話晒都係特登排出唻喎...雖然我唔知班 member 點諗...
但我諗...都 OK 啦...係咪先...Hahahaha~*

完左個 Camp Fire 之後，沖完涼之後...
我地又去左玩 UNO，差點兒就拎 First Hon. 囉！
不過 finally 0個個唔係我...好彩好彩！
玩到三點幾四點...然後頂唔順去左訓喇！

>>July 29, 2002 at 10:44:51 PM GMT+8

2002 年 7 月 26 日 星期五 【雨】

油去Camp之油樂長 ~ Day①

今日係去Camp既第一日，不過慘慘的落雨...

本來我一早要入去，但係好唔好意思的...
我約左佢地十二點但係我十二點先起身囉...
簡直有100個"瘀"囉！唉...激死...

本來夜晚有得燒野食，但係因為落雨...
所以最後 cancel 左囉！又話鹵左D野俾我地...
但係後尾變左D唔知咩汁囉...算係咁啦...

夜晚E左陣，食埋個杯麵...就去左洗白白喇！
洗完白白我地去左籃球場傾計，之後再番雪屐場傾！
成第朝五點幾先訓...到最後我係訓唔著囉！

>>July 29, 2002 at 10:06:53 PM GMT+8

2002 年 7 月 25 日 星期四 【晴】

今朝一早先訓...趕埋個 camp 一系列既野！
十點幾再起身，仲要係"典"左好耐先捨得起...
之後就拖住我個殼出左去喇......

食完個晏...去左教協掃貸...
買左成二百幾蚊糖加零食，做個 camp 既物資...
我都話...呢個 camp 係會令到大家肥肥白白咁出番去！
我唔會呃人架！林林總總唔同既零食...真係好吸引！

買完野就搬晒上 Head，執下野...等夜晚到~
好叻叻的...今晚我同 Ivy 用左半個鐘既時間...
排左一隻舞出唻，當然比起原本"越夜越有機"好好多！
出唻既效果幾令人滿意架...Hahahaha~* 好高興喲！
不過呢...今日發覺...原來個 camp 裡面呢...
好似好多野都未攪掂咁...今晚仲要繼續努力呀...

Um...今日除左去教協 shop 糖糖零食之外...
今日值得高興呢...就係我一次過買左兩隻 CD 呀！
唔係...應該係三隻至真！因為我買左 Kelly & Sammi！
不過冇得聽住...要等出 camp 先可以慢慢欣賞...

>>July 26, 2002 at 2:21:19 AM GMT+8

2002 年 7 月 24 日 星期三 【晴】

全日留在家...臨訓對住部電腦...
起身又係對住部電腦，因為個 Camp 仲有好多野未整！

一定要努力埋佢呀！過埋呢個星期就攪掂架喇！
但係仲未排隻 Mass Dance 呢...真係令人擔心...
聽日仲要去買糖糖呀！好明顯我準備整到大家肥肥白白！

哈哈...凌晨時分玩左個心理測驗，準到爆啊！
完全準到嚇呆左囉......點解會咁架？

呢兩日 download 左丁文琪隻碟聽！
都唔錯架！我覺得......大家不妨聽下......



※ 別 ※ 丁文琪 ※

翻來覆去　無法入睡　想起　昨夜的甜美
已分不清　夢幻與現實　之間的終止點
可惜　沒有防備　來不及　逃脫危險
天真的眼　竟隱藏著尖銳　無比的射心劑

別在我面前出現　別笑的那麼親切
別叫我一再的陶醉　進退兩難的局面
別說你有些想念　別讓我重覆回味　奢侈的宣言

>>July 26, 2002 at 2:00:03 AM GMT+8