2002 年 10 月 22 日 星期二 【晴】

今日終於捨得做我堆左成個禮拜既 RC 工作......
一放工就撘 Van 上 Head，原來都要成 1845 先上到去！
上到去個個都問我 "妳冇事丫嘛？"，真係好多謝大家咁關心我！
不過其實認真0個句......都唔係好掂，如果唔係咁多野等清的話，
我會選擇返屋企訓囉！但係唔知點解，個個都話我係 "登革熱" 囉！
會唔會先......原來我成為左大家近期討論既話題......呵！

一做真係做唔停，我由七點做到九點，不停咁寫 & 打，
係打電話既打，仲講到口都乾埋囉！係咪好勁呢？癲架......*o*
卒之到最後我係九點頂唔順而停左 & 決定走架！因為實在太辛苦喇！

撘撘下車非常肚餓，因為未食飯 ( Lunch 之後成 7 個幾 8 個鐘冇食野 )，
所以0係九龍灣落左車，去左 KFC 食左個餐，不過食完之後勁肚痛，
唔知係咪因為餓得太耐呢？次次餓完再食野都係咁既......

食完野之後仲去買埋《一個人的情歌》，實在等唔到去集成喇因為！
不過慘慘的0個個姐姐仲要話我知 Joey 隻廣東碟聽日出囉！
又要掛過喇......唔知幾時先買到呢？要快 D 呀！一定要快 D 呀！

今日既 "支力 支力" 指數簡直爆燈呀！一病完之後......變得非常易 "支力"！

>>November 1, 2002 at 10:05:55 PM GMT+8

2002 年 10 月 21 日 星期一 【晴】

今日放工要留低同佢地開會，take minutes 囉！
開到成七點幾八點呀！本來仲要開埋個 Sales Team Mtg，
不過我成功 request 唔開囉！好彩好彩！

開完會之後同六幹事其中三位去左天星麥記食 Din，
大家都食左個 "又平又飽 " 既晚餐囉！呵！
我同細佬玩呢個 "丁丁" 同 "頂頂" 事件玩得好高興囉！
不過好明顯佢地兩位好無奈........

食完之後就屋企喇！真係 "支力" 得好緊要呀！

>>November 1, 2002 at 9:50:56 PM GMT+8

2002 年 10 月 20 日 星期日 【晴】

呢個 10 月真係黑到爆！有幾爆？勁囉......簡直冇得頂添呀！
一病病足一個星期，仲以為自己好番 d 可以去教ＣＭＴ啦......
點知尋晚先發現本 Faci. Handbook 留左0係 HQ 囉！唉......
等我搵番晒所以料，睇番晒準備好晒既時候...到今朝起身又好唔掂囉！
頭痛頭暈、企唔癮之餘個人都好似唔係我既咁！d 手手腳腳......斷晒咁！
所以到最後......我當然係冇去到，攪到要各區老細幫我教囉......

全日係咁訓，但係訓極都咁辛苦囉.....真係唔知我究竟攪乜鬼.....
夜晚買左飛去睇 HKPO & Lam LIVE，當然唔可以 "side" 左佢！
所以到最後我都係死頂咁出左去，但係行兩步就已經想死囉......
不過好彩有去到囉！真係好正正呀因為！最高興係聽到 "狂歡" 囉！
幾咁興奮呀！哈哈......^o^ ！一聽完 concert 就番左屋企喇！聽日仲要返工......

>>October 27, 2002 at 1:51:08 AM GMT+8

2002 年 10 月 19 日 星期六 【晴】

今日終於都開始變正常喇！訓左差不多成個禮拜......
真係訓人都癲呀！哈哈......超級勁呆囉但係......
今日呢...要返工啊！又要早早起身喇......

放工之後本來要幫手個 JU Workshop，但係為左儲番 d energy，
所以搵左嘉豪幫手，卒之就冇上到 Head，變左去又一城，
同王太食飯、行左陣，但係呢一陣都冇左一大筆，買左成袋衫囉！
最慘係要自己俾嘛！唉......破產破產！死囉......v_v

行完之後去左表妹屋企，夜晚同婆婆食飯慶祝生日，
我一去到就勁訓囉......訓到差 D 飯都唔駛食！

今次大病之後個人變得好易 "支力" 呀！慘慘的......
唔知要幾時先可以變番好似以前咁捱得呢？

>>October 27, 2002 at 12:59:52 AM GMT+8

2002 年 10 月 18 日 星期五 【晴】

唔......愛上左用維他奶食藥呀！
今日好左好多喇！因為尋晚等左兩個鐘......？
係唔同ｄ喎.......哈哈！不過超易 "支力" 囉！
突然間覺得王太講得好0岩......" 付出 Energy = "支力" 既程度 "
係咪應該咁講呢？咁上下啦......！真係完完全全咁領略到呀！

呢排真係健康得很，之前差不多餐餐都食粥...
今日呢......早、午、晚三餐都係食麵包囉！
仲餐餐都飲奶類既飲品添......健康得有點兒那個喎！

今次一定要快ｄ好番呀！為左星期日個 CMT，一定要努力！

>>October 20, 2002 at 12:55:54 AM GMT+8

2002 年 10 月 17 日 星期四 【晴】

今日第一日返工，班同事對我幾好架...好照顧我架！
不過ｄ野就真係要慢慢做......因為都幾多下.......
真係要多ｄ時間慢慢摸下、適應下......

等我仲諗住今日病好返工，應該會幾好啦！
點知又燒過囉！10 點幾燒完晏晝又燒過......
放工之後番到屋企又燒囉...仲要等睇醫生等左兩個鐘！
大家呢......千祈唔好再嚇我係咪登革熱喇！
我諗唔係卦...... *o* 呢個星期真係慘慘.......
今次仲要加埋發冷，仲辛苦過上星期發既時候......
救命呀！星期六、日一系列既ｔrａiｎiｎg ～*
睇唻都係兇多吉少囉......！對唔住呀！我都唔想架！
希望自己爭氣......快ｄ好番啦！

>>October 17, 2002 at 10:42:15 PM GMT+8

2002 年 10 月 16 日 星期三 【晴】

訓左四日，完全冇胃口，個人勁冇力......
淨係不停咁聽歌......聽左《一個人的情歌》～*
好多歌都好正啊！裡面有 d 歌詞都好正添呀！

※ 承諾豈是激情過後無聊的消遣 ※

有甚麼　放不下　昨日如煙火　未來如流沙
誰知道　下一分下一秒　會如何變化
有甚麼　放不下　青春如曇花　歲月如流沙
天再高　地再大　也容不下寂寞啊　斷感情要瀟灑

有一種愛最是沉默　有一個人心事最多
有一條路多半走來寂寞　有一句話藏在心底不說

Uｍ...... 一定要快 d 好番去買左隻碟！


Hee~* 乖乖女聽ｄaｄdｙ話，食左橙橙喇！

病左四日，要準備好聽日真係返工喇！

>>October 17, 2002 at 10:29:58 PM GMT+8

2002 年 10 月 15 日 星期二 【晴】

病到呆左既第三日，起身食藥清 e-mail 既時候，
發現左呢段幾正既野......多謝 Bibi！

想念一個人，需要衝動的感覺
思念一個人，需要深刻的烙印
接近一個人，需要滿懷的誠意
愛上一個人，需要十足的勇氣
放棄一個人，談何容易

>>October 15, 2002 at 11:53:10 AM GMT+8

2002 年 10 月 14 日 星期一 【晴】

咁就冇左兩日假期！不過有好多細菌陪我渡過！
真係好耐冇發過燒喇！今次呆足兩日、吽足兩日......
都唔係好知自己做緊乜！唔知聽日番唔番到新工呢？
好辛苦！又暈又痛、四肢無力，個人完全唔屬於自己一樣！
腦袋一片空白，完全唔願諗野！好耐都未試過病得咁痛苦......

>>October 16, 2002 at 2:08:43 PM GMT+8

2002 年 10 月 13 日 星期日 【晴】

玩得高興既代價，原來就係大家病晒！今次真係慘慘囉......
玩完叫做兩日之後，大家今日全部都打敗仗呀！病情分別如下：
F & PR：標冷汗、勁嘔及四肢酸軟；Sec & Admin：發高燒、全身酸軟 + 勁痛
會唔會真係好犀利先？大家同一日發囉......淨番會長同 Catering 姐姐冇事......

原因係乜，冇人知！但係大家猜測有兩個可能性：
1. 0係甲上板上面吹左2個鐘既風
2. 食左生蠔
但係呢......會唔會食左生蠔成 36 個鐘先發呢？

>>November 1, 2002 at 9:43:56 PM GMT+8