2002 年 9 月 3 日 星期二 【陰】

今日終於做晒 Mega Sale 既 Data Entry 喇！
哈哈...好高興呢！難得一日未夠鐘就攪掂晒 d 野！
好叻叻...今日係等放工囉！咁耐都未試過既...

放工之後趕上 Head，攪掂下個星期 d 野！
我總共買左差不多 500 蚊野呀...破產！
仲有同 Idy & Wendy 傾下計...砌下個 JU d 野...
攪到成 9 點先走！再同 Daddy Andrew 去食飯傾計...
之後先返屋企...原來我好多日都冇返過屋企食飯喇！
好似係由我第一日返工開始就已經係咁......
嘩...咁計法豈不是我成個幾月都冇返屋企食飯？

>>September 5, 2002 at 12:13:02 AM GMT+8

2002 年 9 月 2 日 星期一 【晴】

今日係一年一度既開學日！人地開學...我就開工囉...
第一次冇得開學...0個種感覺...有點兒難受咁~
真係...係時候要諗諗...究竟自己想點呢？

今日好威威呀！OT 到成 12 點先走...
足足返左 15 個鐘頭工！勁勁勁勁勁呀！
因為要趕埋 Mega Sale d 野，星期五我仲要出街...
好彩 OT 完有得 claim 番工數撘的士返屋企！
原來我間公司既福利真係唔錯喎！

>>September 5, 2002 at 12:00:25 AM GMT+8

2002 年 8 月 30 日 星期五 【陰】

幾日遲左少少返工，今日又變番最早幾個。
今朝好叻叻，釣魚釣少左...因為有得笑囉！

今日係班 Summer Student 既 Last Day ，
所以 Lunch 我地成 team 人同佢地去左飲茶，
又係勁笑囉！我地食到成兩點七先返番公司...
之後個晏晝，一個鐘頭食左兩件西餅...真係肥死！
一件係 HR 0個邊請，另一件就係班 SS 請架喇！
無啦啦同 006 玩二人世界、成雙成對囉！笑到癲左！
放工之後當然係繼續 OT 啦！同 006 OT 到八點九走！
勁勁勁"支力"呀！聽日同後日都要 OT 呀！一定要努力！
快 D 攪掂個 Mega Sale...之後好以仲有野打......

>>August 31, 2002 at 1:12:37 AM GMT+8

2002 年 8 月 22 日 星期四 【晴】

今日過得一切如常，係放工之後唔係OT，而係去左開會！
好耐冇上過 Head 喇！好彩個 tray 唔係好多野嗟...

今晚開 DSM 呀！齊晒出年既新舊同事！
不過呢...我同 Andrew & 阿燕足足笑左三個鐘囉！
辛苦死左......*.*

開完會之後就去趕下場喇！下場咪就係 5D Gathering！
其實今晚大家去左北京樓食飯，但我冇去......
但係之後就 join 左佢地飲酒囉！不過已經走咁 d 人！
我地今次又玩 789 呀！上次一 d 都 9 既我，今次...
勁 9 囉！都唔知發生咩事！會咁既？哈哈......
But anyway 要多謝大家今次咁照顧我，尤其 Billy 啦~
Jessica 呢個星期六就走喇！唔捨得呀......v_v
要等到 christmas 先可以再聚喇...鳴.....

>>August 31, 2002 at 1:01:48 AM GMT+8

2002 年 8 月 21 日 星期三 【晴】

今日如常返工，繼續做庇護一號！
同阿同事講下佢個 friend 既野......
唔知阿同事 friend 攪掂 d decoration 未呢？

放工之後出左尖咀，約左 Carrie, 妹妹 & Annie！
因為呢...今晚係去睇千 Fa Concert 既大日子嘛！
集齊人後第一件事去左影 Card ！勁靚靚 *o^
之後呢，就去左一平安食晚餐喇......
食到飽飽...就開始行上紅館喇！要消化一下嘛......

到達紅館去左睇千 Fa Concert 個紀念品 counter，
買左把千嬅扇扇、Pass，仲有個大會袋袋！靚！
講下千 Fa 個 Concert 啦！其實都唔係 d 報導講咁，
佢 d 衫都 OK 啦，雖然唔算太靚，但係都唔核突，
又冇乜走音，係間中甩咀之嘛！都唔係咩大問題！
佢好叻叻的仲表演跳芭蕾舞呀！幾好幾好！
0個下真係好鬼認真架佢，但係其他時候呢......
就一如佢平常咁盡顯佢既大笑姑婆本色，正到爆！

睇完演唱會之後就返屋企喇！今次比起平時...
我足足快左一倍時間返到屋企......因為......
Carrie 哥哥車埋我返屋企呀！哈哈哈哈 ^o^
真係唔該晒你地兩兄妹呀！多謝多謝！

>>August 26, 2002 at 11:19:51 PM GMT+8

2002 年 8 月 20 日 星期二 【陰】

唔......返工既子仲有個幾禮拜就完喇！
而家幫手做緊 Mega Sale D 野，越做越好玩呀！
因為...哈哈...咁就係咩囉！仲做埋同志 1 & 2 號呀！

今日冇 OT 到，去左髮型屋呢......
本來諗住整多次負離子架，但係後尾......
變左整游離子，仲剪碎晒 ＆ 剪短晒囉......
個效果出左唻唔錯架！但我怕洗完頭之後會......

做乜鬼呢近排又......好似又有點兒問題咁......

>>August 21, 2002 at 12:24:03 AM GMT+8

2002 年 8 月 19 日 星期一 【雨】

又開始一個新既星期喇！今日返工...
都係繼續幫手做 Mega Sale，數下"飛仔"，
同 Ray 講下笑話，哈！ 咁又一日喇！

個 Camp 同 Farewell Tracy d 相相都晒晒喇！
好高興呀！雖然唔係好靚...但係呢，好回味啊！
期待星期四大家既 Gathering，因為有得睇相呢！

>>August 21, 2002 at 12:22:11 AM GMT+8

2002 年 8 月 18 日 星期日 【雨】

5D 4th Annual Camp ~ Day 3

話咁快個 Camp 咁就完左喇！咁又一年喇！

前一晚 BBQ 完之後，我地一齊送左奶茶去撘船，
之後我地一行七人就去左間 Bar 飲野、傾計，
除左我地阿仔之外，個個都係飲 Whisky Coke 囉！
而我地兩母子就分別飲 Gin Tonic & Diamond 呀！
之後大家就開始玩骰盅喇，最初只係普通咁玩下，
但係後尾呢......大家就變左玩唔睇 & 罰飲酒，
到左最後，我地仲玩埋 789 & 罰飲酒添！當然......
酒酒係唔夠飲架，所以我地除左自己0個杯酒之外，
後尾仲叫多左 15 支 Budwiser 唻玩！超高興喲！
飲到大家 high high 地之後就返屋喇，返到去......
我地第一件事就係錄左段 Short Video 喇！
0個刻將大家既醜態一一錄低，Hahahaha *o*
錄完之後又開始鋤 D & 睇《戀愛行星》，但係...
大家唔係玩就係訓，finally 都冇人睇......hehe~*
攪到四點幾大家就各有各訓喇！Goodnight~

今朝呢，十點未夠就個個起晒身喇！
一起身我第一件事就去左洗白白...非常乾淨呢！
洗完白白，又加入大家既鋤 D 戰團，
玩下、食下，之後仲睇埋《瘦身男女》添！
睇到一半大家就開始執野喇！因為呢...要走喇嘛，
但係初初 d 人話會有個阿姐唻再執......所以......
我地決定睇下佢係咪唻，點呢到最後......
我地睇埋下半場《瘦身男女》佢都未唻囉！
卒之我地睇完就走左喇......

走既時候我地邊走邊 shopping，但慘慘的落雨囉！
好彩係我地停既時候先落得勁，如果唔係就淋喇！
後尾我地去左 B & B 食 Lunch，個麵麵唔錯架！
食完再逛左陣，我地就撘 1600 班船返中環喇！

返到出中環，我同 Pacoley 仲趕下場入機場！
我入去呢......係因為 Tracy 要走喇！唔捨得呀 v_v
妳記住要好好照顧自己喇！得閒就搵下我地喇！
Ｓenｄ下野、寫下野俾我地呀！知道嘛？

送完 Tracy 機，同 Inty 一齊出左旺角，
終於都買左隻靚靚錶同個靚靚袋喇！好抵呀！
超級勁 "支力" 既我，之後就返左屋企喇！

講番今次個 Camp，真係好好玩！好正！
雖然今年冇乜特別金句，但係都好令人回味！
尤其係 SiDoors, 7uns, Girls, Boys...我記得係咁多...
如果大家發現有咩錯漏記住話番俾我知呀 *o^
今次過後，我愛上左７８９呀！但係呢......
我既代價就係付出左我兩個第一次呀！Haha~*
出年呢......五周年 Camp 一定要去呀！冇左我...
邊度得架！係咪先？話晒我今年第一年唻訓......
就攪到大家 high 晒喇！咁點可以少左我個份呢？

>>August 21, 2002 at 12:17:02 AM GMT+8

2002 年 8 月 17 日 星期六 【晴】

5D 4th Annual Camp ~ Day 2

話咁快，我地 5D Annual Camp 係第四年舉行喇！

因為今朝早要返工，所以呢...我 Day 2 先入囉！
今日終於都打完 8 年 immigration 既 data 喇！
真係高興！希望之後可以淨做 Mega Sale d 野啦！

今年係我第二次參與 5D Annual Camp 喇！
不過留宿倒係第一次...終於可以同大家一齊訓喇！
哈哈哈哈 *o^ 千祈唔好亂咁諗野呀...係同一間屋咋！

今日放工之後就約埋奶茶一齊入南丫島......
再 join 埋大家一齊玩！去到屋屋安頓之後，
就鋤下 D、傾下計，再落洪聖爺灣玩......
見到個 mix 既 BB 好得意架！勁可愛啊！
中途 Billy 唻埋 join 我地，加埋我地呢團人...
有 Pacoley, Jess, Jessica, 熙, 我仔仔, 我同奶茶！
玩完仲去左食豆腐花添！1272 (一熱七凍) 呀唔該！

去完沙灘之後就返左屋喇！返到去大家又鋤過...
本來諗住等大家梳洗完畢後去返個灣 BBQ，
但係到最後，由於落雨加上大家太懶既關係，
我地就決定留0係間屋度，BBQ & 打邊爐......
個室內 BBQ 爐係由奶茶透架！幾勁呀！
0岩0岩起火0個0下...感覺猶如燒炭自殺咁！
Um...不過我覺得今次幾特別喎...因為呢...
我都係第一次0係室內 BBQ 仲有同時打邊爐囉！
呢個經歷簡直難忘呀！Hehe~*

>>August 18, 2002 at 10:29:32 PM GMT+8

2002 年 8 月 16 日 星期五 【晴】

本來今晚要開會，但係後尾 cancel 左......
所以我今晚就變左留0係公司勁 OT 囉......
今晚都破晒紀錄喇！留到成 2115 先走......

放工之後即刻去左醫肚，食左個醬燒雞扒米線！
好好好味呀！食完之後就返屋企喇......

返到屋企，周圍 "磨" 0下......唔捨得執野囉！
諗住去沖涼既時候去左講電話，仲講到成 3 點幾，
卒之就 4 點幾 5 點先訓......超級勁 "支力" 啊！

>>August 18, 2002 at 10:10:01 PM GMT+8