2002 年 9 月 21 日 星期六 【晴】

難得一日放假，本應我應該好好咁珍惜一下，訓番夠本...
但係由於早一晚去左劈酒...所以攪攪下成今朝 6 點先訓囉！

訓左五個鐘之後，就起身喇！落左德福 (again) ......食飯，
仲有又去整負離子呀！對上一次整已經係上年 12 月平安夜喇！
事隔 9 個月，我個頭當然......非常唔掂啦！唉...仲破晒紀錄添呀今次，
我足足坐左成 6 個半鐘囉！幾勁！由 1300 坐到 1930 先走...急死左！
洗頭都足足洗左半打次呀！真係乜都洗走晒，非常乾淨呢...哈！
不過整完之後，真係好左好多，勁靚呀...... d 頭髮！

>>September 24, 2002 at 6:35:03 PM GMT+8

2002 年 9 月 20 日 星期五 【晴】

犯賤的 ～ 永遠最唔掂既時候，都鍾意虐待一下自己！
既辛苦又難受，但係都依然繼續，究竟咩心態呢？
今年呢個中秋前夕 ～ 元氣大傷啊！唉......*.*

同屋企做完節之後，出左尖咀去街街、飲 & 玩，
又見到 Arwinna 同 Annie，真係次次去尖咀必見人物囉！
撞完佢地之後就去左飲酒酒，兩個人飲左半打，仲有獎抽添！
抽中左碟小食，不過要 21 號起先用得咁囉...即係我下星期又要去過？
飲到有點兒 high high 咁，我地去左海旁睇彩燈，但佢個入口同出口，
相隔都唔知有冇幾米咁囉......不過我想去睇埋維園0個 d 啊......

越諗越怪、越諗越亂，最好都係唔好諗咁多！
究竟好同唔好既定義係乜野呢？我好想知道呀......
仲有好想去睇 HKPO & LAM LIVE 囉！好正咁喎......

>>September 22, 2002 at 3:55:18 PM GMT+8

2002 年 9 月 19 日 星期四 【晴】

唔知點解，今次我好有衝動開口......
但係，時間絕對係一個嚴重既問題。
不過今次最唔明既係，點解無啦啦我會咁......

>>September 22, 2002 at 3:44:11 PM GMT+8

2002 年 9 月 18 日 星期三 【晴】

越睇自己就真係...好好好唔掂呀！黑到...成舊炭咁！
仲要一返到唻就即病囉，救命！勁辛苦......*.*

今日呢...拎左相相喇！但係影得唔係好清楚囉！
睇番 d 相...諗番成個 trip d 野！發覺自己都係享受唔0係香港既日子！

Ｕｍ* 我諗呢 ～ 唔會架可？如果係就真係大鑊囉！哈！

乜呢......我唔開心個樣真係咁易睇架咩？做乜個個都...........
唉！又再次變得唔正常，又再次同自己作對 ～ 送自己去死 v_v

※舊日壞習慣．接近再次養成※

>>September 22, 2002 at 3:43:15 PM GMT+8

2002 年 9 月 15 日 星期日 【陰】

返唻喇！不過超級勁 "支力" 囉！之前日日都 0530 就起身......
但係夜晚成 0200 或再晏 d 先訓，真係無得頂啊 *o*

今次呢個 trip 都唔錯丫，識左好多新朋友...玩到癲晒咁！
不過如果真係要睇我 interview 既時候話要睇既野...就真係成幾百個唔該晒囉！
仲記得初初去到，仲鬼咁望快 d 到 14 號咁可以離開個興建中既公園，
但係到左尾兩三日，就開始唔捨得喇！話晒都對住呢班人成 5 日喎......
好記得我離開個 camp site 既時候，我成班 group members 都企晒出唻，
同我 say Goodbye 囉！0個刻都已經眼見淚光喇，好彩忍得到囉！

今朝早又係 5 點幾起身，6 點去到機場撘飛機，第一程機，咪勁訓囉！
不過得半個鐘訓咋，就要起身轉機喇！本來話飛番香港班機會 0835 飛嘛...
點知到最後成個鐘之後都未飛，等等下大家都訓著左囉！哈哈......
返到香港已經差不多 1400 喇！我地諗住去食香盅龜苓膏，清一下，但係搵唔到囉！
算啦......遲下大把機會食啦！係咪先......？

離開機場就上左 Head 開會喇！一上到去...我親愛既 Daddy 竟然同我講......
"妳好以賓妹呀！"...真係...激死左！唉...咁我又確係黑左好多既，咁大個女都未試過攪成咁！
開完會、食完飯，返到屋企家姐開門第一句又唻..."嘩...我地屋企唻左個馬傭呀！"......BEAR......
唔鍾意、唔鍾意呀！一定要快快咁整番白自己呀！尤其係我塊面......

>>September 22, 2002 at 3:30:15 PM GMT+8

2002 年 9 月 9 日 星期一 【晴】

仲有十二個鐘都唔夠就走喇......
不過我而家都仲未執晒野呀...點算好？
唔知今次一走會有幾多人掛住我呢？哈哈...

數數下先發覺今次係我咁多次離港最耐既一次，
原來有成7日6夜架！都唔好話...7日6夜唔駛對住 gor d 人，
真係唔錯架！無啦啦發現俾人呃左成 1000 銀，都咪話唔"慶"呀！

15 號再見喇！各位 *o^

>>September 9, 2002 at 3:43:53 AM GMT+8

2002 年 9 月 8 日 星期日 【晴】

尋晚講電話講到成今晨四點幾先訓......幾勁呀！
今日呢...訓到十點左右...起身沖左個涼......
之後再訓過...一直再訓到晏晝四點幾...俾人嘈醒左！

訓醒走去食左 d 野，上左陣網...再 hea 下，
又走去再訓過......由六點幾訓到九點幾......
起身食飯...執下野...又講電話...仲要係用手提囉！
真係有 d 怕遲早講到生 cancer 呀！哈......

今日發現左樣野，原來我個電話有無限 conference 架！
但係究竟係當一個通話咁計定係多個咁計......我就唔知喇！
好叻叻呀......我竟然識用喎......哈哈哈哈 ^o^

>>September 9, 2002 at 3:39:49 AM GMT+8

2002 年 9 月 6 日 星期五 【晴】

今日係 Grand Draw 既大日子，本來要出去會展幫手...但係後尾冇去到呀！
只係 stay at office，等佢地番唻...再整番 d results 咁囉！我 1700 過到 Admin，
開始整......到最後整到成 2230，但我都攪到 2245 先走得呀！幾勁！

本來今晚仲約左班同事去唱 K 嘛！點知佢地九點幾已經攪掂走得...我就......
所以 finally 我都冇去到呀！慘慘的......我真係好耐都冇唱過 K 喇！救命 *o*

>>September 9, 2002 at 3:34:25 AM GMT+8

2002 年 9 月 5 日 星期四 【晴】

今日放工即走...因為約左我兩個愛人！
去左元神食飯，好正！好滿足啊！
不過由於大家都好"支力"...所以呢...
食完飯大家就各自各返屋企喇！奇啊！

行去撘車既時候，經過 Trendy Land，
走左入去大掃貸...掃左 files & 筆筆，
都掃左差不多成舊水...仲滿足！不過又冇左筆...

>>September 9, 2002 at 3:29:54 AM GMT+8

2002 年 9 月 4 日 星期三 【晴】

今日...都唔知係好定唔好......
近排真係...有點兒問題...應該話係好有問題！
講真...我都唔係好知自己做緊乜......

基本上朝早都冇乜問題...晏晝開始...就...
慘慘的我...今日先知原來俾人呃左一排囉！
知道左個真相之後，真係好唔開心！仲要俾人串...
係我蠢定佢叻呢？激死我喇！有冇攪錯...好激氣呀！

到左臨放工既時候，俾人叫左過隔離 Dept 幫手！
做埋晒 d 無無謂謂既野...好0徙時間囉我覺得！
攪到個我"支力"到死！今日係連續第十日返工喇...
返左叫做個幾月工，今日我諗都係最慘慘既一日！

放工0個陣...真係好唔開心...樣樣野一齊唻...
上的士之後...我忍唔住咁喊左出唻...好醜怪啊！
雖然係舒服左少少(真係得少少)，但我知道我仲有野囉！

唉...做乜事樣樣唔開心既事都要同一時間發生？
可唔可以唔好次次都係咁呀...... 好辛苦架！
攪到而家咁，究竟當初係咪唔應該咁做呢？
究竟我處事方式係咪有問題呢？我諗......
我真係要檢討下、自我反省一下......

好想搵時間一個人靜下！人間蒸發？快喇快喇 ～

>>September 5, 2002 at 1:13:04 AM GMT+8