2002 年 11 月 22 日 星期五 【晴】

經過尋晚四個鐘會議後，今朝確係好唔願起身......
不過好彩到最後都起到身，仲早左返到公司添架......
但係個頭激痛囉！可能近排唔係好掂而且唔阿訓啦......
仲有呢......就係呢......今日仲有一大堆野等緊我做囉！

今日個腦冇閉塞，0的英文好流暢咁勁出......以我咁既狀態，
有咁既情況出現確係好奇怪......不過我冇理喎....當然繼續照做啦！
食晏前都已經做好份半 minutes 再加其他野，算係咁啦都......
由於尋晚個會有0的遲到問題出現，所以大家今日都好乖乖，
好準時咁返到公司，我仲有時間 "Par" 左 "Par"，抖左陣！

晏晝繼續努力工作，中途落左商場做野 & 買野......好正！
之後返去同 Dorothy 講笑話 & 同阿花生哥哥 MSN 傾下計！
笑足一個下晝，笑到眼淚水都標埋呀！但係個頭係越笑越痛架......
薯片薯片 --- 有成十萬個 CHEAP 呀下......唔要得唔要得！
今日金句：「心己死...花己謝...」⊙_⊙

今晚本來諗住唔 OT，不過到最後都係 OT 左架......
OT 到差不多 8 點半，仲要俾人嚇左嚇......無聊到死！
不過都未做晒0的野架下......因為實在頂唔順喇......
之後約左榮譽會員食飯呀！我地去左 "百人一朱"食......
勁高興的有 7 折，我地食左勁多野......卅個滿足架下.....
不過之後我地都去行左陣，消化下嘛要......
我地返左公司樓下，行 Hello Kitty & Extravaganza 既 Crossover.....
真係勁 Hello Kitty 囉！有對 Boot 好靚架......呵呵......不過唔會買囉！

勁勁勁 "支力" 呀！聽日仲要上 Shenzhen Office 開會囉......
呵.....晏晝仲要落旺角場去 Joint Parade Rehersal 囉......
肯定趕死喇今次......哎呀......希望趕得切啦！今晚要早早訓啊！

>>November 23, 2002 at 1:22:13 AM GMT+8

2002 年 11 月 21 日 星期四 【晴】

威威的 ～ 今日本來以為可以放工返屋企訓覺......
點知一個突如其來既 Meeting，我 OT 左四粒鐘......
應該話係開左四個鐘頭既會議......呵呵~*

開會期間好明顯大家都好眼訓，好彩有個 TEA 食咋......
如果唔係可能一早已經訓著左喇！成個會我 take 左成 6 版紙......
聽日仲要打埋份 Minutes.....死囉......我諗未必趕得切呢......

開完會同 Patsy 一齊走，之後落旺角同兩位 Service 同事食 KFC，
食完飯飯仲撞到師兄添......逛左陣就返屋企喇！勁 "支力"......

>>November 23, 2002 at 1:20:49 AM GMT+8

2002 年 11 月 20 日 星期三 【晴】

今日......真係過得唔係幾好！朝早仲好地地......
撘撘下車訓緊覺既時候，個頭痛到醒左......
我都仲以為冇事，點知返到公司，就唻料喇......

初初仲好 OK，之後個人開始 "頓頓地"，個頭超痛囉......
好似俾野 "銳" 咁，痛到死！本來仲諗住做埋個朝早晏晝先走......
點知做到 10XX 已經開始唔係好掂，卒之差不多 1100 我就閃左喇！
離開公司即刻返屋企睇醫生，撘0個程車辛苦到丫......
好似叫我去死咁......痛到嘔......仲要撘左成粒鐘咁滯......
睇完醫生返屋企即刻返屋企訓，都訓左四個鐘左右......
之後就起身過 HO 開會！我都覺得自己好勁，咁都仲去到......
個頭超痛，又凍喎！卒之就紮到成隻 "種" 咁去囉！

開完 Briefing 幫手包箱，包到 2200 先走......
我地之後大顆兒出番旺角食飯，係小丙媽媽請呀......
好滿足，不過個頭依然痛，唔知今晚會唔會早訓到呢？

>>November 23, 2002 at 12:17:16 AM GMT+8

2002 年 11 月 19 日 星期二 【晴】

今日係 AGM 既大日子，不過我冇去到捧場......
因為未放工嘛！所以只係 join 左之後個飯局咋！
不過呢......好似有點兒那個咁囉場面......

放工之後我都 stay 左0係公司一陣，做埋0的野......
就過左灣仔 join Carrie & Louisa & 嘉豪，首先去左食個"前菜"...
再 join 埋小丙 & 師兄，去行左圈電腦中心，就出發去酒樓喇！
好明顯去到又係我地一班坐左一圍，然後就 PMT Meeting 囉......
其實好似唔係幾好咁，話晒慶祝佢地拎獎嘛，點知我地去開會......
不過開會情況都唔係幾好，因為大家太易受周圍既野影響......
所以時不時都......唉！總之到最後就好似乜都冇傾過咁囉！
大家仲 "黑下白下" 咁......都唔知想點，個情況......咪有點兒那個囉！
走既時候都分開幾批咁走......究竟發生咩事呢下？

分開幾批走，後尾我發現 Daddy 唔見左，咁我咪打俾佢囉！
原來佢地0個班落左地鐵站，不過後尾又走番上唻......
我地去左許留山食糖水，食到好滿足呢......之後先返屋企！

>>November 22, 2002 at 11:53:05 PM GMT+8

2002 年 11 月 18 日 星期一 【晴】

新一星期又開始喇！但係唔知點解......
今日個個返到公司都鬼死咁 "支力" 咁......
咁點捱到禮拜尾呀？哎呀......

今日放工又開會，不過早左完喎...未夠八點就開完喇！
本應今晚要上 Head 開 CMT & YLT 個 E，但係我都唔得啦！
不過我開完會之後都上左 Head，因為要拎番0的野返屋企做......
之後就同 PR 姐姐一齊走，落左旺角行街兼掃街......
其實本來約左會長食飯架！但係佢要做 Lab 囉！又唔聽電話喎......
到最後我同 PR 姐姐個電話都冇晒電，同佢完全失去聯絡囉......呵！
所以呢......我地行完掃完之後，就各自返屋企喇！

>>November 20, 2002 at 12:49:47 PM GMT+8

2002 年 11 月 17 日 星期日 【晴】

今朝去左 Joint Parade Rehersal ，都算 OK 架！
好彩...原來我0個 part 都已經 7788 喇！所以呢......
都冇乜野做今日......一路 her 到 1400 完晒所有野！
再0係個場到 "hea" 左陣.......成 15XX 同 Louisa & Ingrid 先走！
睇左 d 銀樂隊地操，真係好鬼死正、好鬼死型架！
如果我地紅記有的話......我一定會玩嗟！好正架......

之後本來諗住去唱 K 架，但係我實在太 "支力" 喇！所以 reject 左呀......
唔好意思呀！如果我今日唔係咁既狀態的話，我諗我都會去架......
後尾去左別府食晏，但係已經 15XX 架下......食左個雞柳滑蛋飯！
好滿足！係超滿足，因為已經餓到暈低咁滯，食完飯飯仲飲左個芒果鮮奶...正！

食完飯飯佢地話去行 Ikea 架！不過我已經頂唔順喇......投左降囉！
去左再撘我最愛既飛 van 返九龍灣轉的士返屋企，返到屋企第一件事......
安置好所有野，換衫訓覺！因為實在 "支力" 到就快暈低！
訓左差不多四個鐘......起身食左少少野，雖然依然好 "支力" ！
但比起頭先已經好左好多喇......叫做！聽日仲要返工架下.....

>>November 18, 2002 at 12:34:39 AM GMT+8

2002 年 11 月 16 日 星期六 【晴】

正常返工，聽下 Ivy & Ken 講下教書情況，同上個星期唔同既係......
今日放工後同何同事同車厘子一齊走，再去買車車 (中途見埋 2 個 A)，
今期係消防車喇！之後落左 10 school 搵 Ivy & Ken 囉！呵呵......

搵完佢地之後過左銅鑼灣，但係去左食 McDonald 囉！
早知係咁，我唔駛放工特登去買啦！哎呀......
食完野我地去左行 Sogo，好高興咁！不過冇乜收穫囉！
行到咁上下，我去左血站拎張證，不過唔係我想像中咁靚囉......
之後我同 Ken 就出發過 Head Office 做個廣州交流晚會喇！

除左我地兩個，我地八婆仲有 PR 姐姐同小梅都有去呀！
今次呢個晚會都幾好喎！個晚餐唔錯、我地負責0個 part 唔錯，
仲有尾0個 part 龍舞都好正呀！簡直就幫我地減肥啦！
好明顯......大家玩到尾都有點兒情緒高漲囉！

個晚會完左之後，我地去左尖咀 join 番 Ivy，再出旺角食糖水，
我地又係去 "老友記" 呀！今次終於有得試楊枝甘露喇！
食食下會長都出左唻搵我地！不過好似變左 81 & 167 Gathering 咁囉！
繼 "丁丁與頂頂" 事件之後，今日又有另一傑作 --- "大燕姐與小梅兄" 囉！

>>November 23, 2002 at 12:05:34 AM GMT+8

2002 年 11 月 15 日 星期五 【晴】

今日......朝早好似冇咁 "支力" 咁！
但係原來都唔係架......只係幻覺唻架咋......唉......
前日作完篇文，唻緊仲要作多篇上 Shenzhen Office！
星期六前要攪掂......本來今日可以攪掂，點知......
晏晝走左去開會，一開就開到成 1730 囉！
得一個鐘抖下， 1830 又唻開第二個會......好彩......
都唔係開左好耐......只係個幾鐘嗟！之後仲做埋 d 野先走！

然後約左小檗，去 OK 食左個杯麵，之後諗住去飲野，
本來諗住去雅仕但係冇位，卒之去遊左個幾兩個圈......
到最後去左球皇，0個度勁似銅鑼灣既華爾街囉！今次又半打呀！
只上次大病完之後，成個月冇出去過飲野喇......
好明顯今次成場我地兩個靜得同0個度既氣氛唔係好夾囉！
飲到 around 2300 左右就走喇！不過黑人憎的我一落車 feel 到自己唔係好掂......
之後仲要死埋囉！人生既第二次......冇諗過會係今次嗟......失敗囉真係......

Um......個頭痛左成個禮拜喇！今日仲要加埋暈，好辛苦......
近排唔知做乜事，唔正常既情況又再出現，再加上......
今晚去左發洩發洩，不過攪到自己元氣大傷，真係抵死！
以為咁樣會令自己好少少既時候，個結果係令自己更痛苦......
可唔可以唔好次次都咁逃避呢？係時候要學下大個女......

好想搵個時間俾自己靜一靜，不過係激難實行囉！唉......

>>November 18, 2002 at 12:37:05 AM GMT+8

2002 年 11 月 14 日 星期四 【晴】

呢個星期，好似突然多左好多野做咁......
今朝一返工都放 Lunch，係咁收 "炸彈" 囉！
真係好叉無奈......*o*......點算？想死呀！

放工本來諗住上 Head 做野，點知要等電話......
卒之攪到成 19XX 先走！本來同我城南區愛人食飯......
但係佢又未做晒野喎！所以我又由公司行到出旺角囉！
真係好鬼健康......每個禮拜都行一次！不過好 "支力"......
並唔係因為要行，而係本身個人而已經唔係好掂.......
後尾我地去左 KFC 食飯，好明顯係變左睇 Twins 演唱會架......
食完飯飯，我地仲去左行街街，睇下衫衫 & 靚野！

真係好 "支力"......近排呢......我 feel 到自己真係有ｄ野！
不過......又係唔知發生咩事，亦唔打算去研究究竟發生咩事喇......

>>November 16, 2002 at 3:06:44 AM GMT+8

2002 年 11 月 13 日 星期三 【晴】

今朝仲以為自己好精神......點知落車見到阿 Gary 同事，
講下講下大家都勁眼訓囉！加上尋日打完球，真係好 "支力"......
但返到公司又 OK 喎......可能突然間唻左好多野要今日攪掂啦！

Um......今朝俾 Freddie 話我同 Dorothy 兩個係 Twins 囉！
不過係一肥一瘦版，之後我既反應係......"bear"......！
不過都算喇！但係佢同左我個好好同事何同學講囉......
真係慘慘慘到爆呀！會唔會0的人而家成個濫用我個 "可愛" 手勢先？
好明顯又俾佢知多樣野，俾佢入我既機會又大左喇......
我相信遲下佢將會有機會升級為我0係公司既 " 頭號敵人" 囉！
但係呢......都唔知點解0的人會 get 到係 "升 CUP" 囉！唉......
仲要0的人話做我既 " 頭號敵人" 會好0的囉！因為夠刺激喎......

夜晚收工攪掂晒所有野之後，就同左榮譽會員去街街......
當我仲努力緊既時候，佢0係沙田 Kalm's 瘋狂購物囉.......
會唔會好妒忌先？不過好彩......佢幫我買左個 Mimi 格格 cusion！
我同佢 join 後去左加老行，我買左包 Hello Kitty 膠布護腳腳囉......
行到勁痛呀！估唔到會咁傷架下......之後再行去恆豐.....
去左 OPA 瘋狂試衫囉！到最後都有收穫既！又破產喇唉......
我地一齊買左條好靚既頸巾，如果星期六真係轉涼可以帶就好喇......
買完衫，我仲去買埋洗頭水同護髮素添呀！勁威......我竟然會拎咁遠囉！

晚餐去左元氣食，不過係購物完畢之後既事，大家都勁肚餓囉！
係咁勁食......0的碟碟既高度......都唔錯架！食到超級滿足囉！
因為呢......好耐冇去過元氣喇！上次想去但因時間關係去左元綠囉！

今日同榮譽會員行行下街既時候，佢有個大同打俾佢......講講下俾左我講囉！
但最要命既係佢第一句同我講：「喂 ~ 欣欣呀，我叫阿 "石" 呀！」
聽完之後我第一個反應係呆左企定，然後不停大笑囉！會唔會嚇親先......？
不過後來聽番榮譽會員講，原來佢朋友0個個係 "錫" 而非 "石" 囉！
咁都好0的......如果唔係真係嚇死我！

唔知幾時再有機會去埋 Sogo 行呢？Hehe......

>>November 13, 2002 at 11:57:41 PM GMT+8