2002 年 10 月 12 日 星期六 【晴】

哈哈！今次個海王星之旅真係好叉高興呀！
好明顯我地係真係上去 "玩" 囉！其他人都係上去賭既......
今次呢個 FF 呢，我地 "六幹事" 誕生左呀！包括左有：
Acting 會長、秘書小姐、榮譽會員暨友誼、PR 姐姐、
Catering 姐姐，同埋 Acting 醫學顧問暨 Admin.
真係好鬼高興啊！哈哈......*o^......超好玩啊！

尋晚同今晨......當 D 人去晒賭既時候，我地上左甲板吹風，
傾下計、跳下舞、吹下風......之後呢.......
我地就留0係間房度玩 "超級無敵大電視" 囉！幾勁呀！
不過呢......好明顯男子組0個邊有 D 問題啦！係咪先......？
仲有睇埋《大鬧廣昌隆》大結局添呀！不過睇得有 D 辛苦......

今朝十點幾落船，之後大家意猶未盡，去左唱 Lunch K 呀！
勁高興！不過會長冇去囉！但係個原來係因為要剪頭髮...會唔會先？
大家唱得非常高興呀，可惜之後要開 Faci. Briefing 啦！如果唔係一定繼續啦！

今年既 Faci. Briefing，同之前0個0的都差不多，
唔同既係今年我要負責一組 HSL 囉！真係都幾大壓力......
加上睡眠不足，都唔係好知自己講緊乜，不過好彩大家都明咋！
開完 Faci. Briefing 之後， hea 左陣，我地上左泳池餐廳食飯，
食完飯就返落 Head 開 RC Night Meeting，今次晒腳呀！哈哈！
好明顯......大家都癲晒囉！冇法啦......今次呢個配撘又真係太正既！
大家開左幾個鐘就係不停咁笑囉！會唔會攪完個 Night 之後變左癲婆呢？
不過呢......不嬲都係癲架啦！係咪？哈哈哈哈......^o^

>>November 1, 2002 at 9:38:08 PM GMT+8

2002 年 10 月 11 日 星期五 【晴】

今朝早上左血庫幫手做 delegation，都幾好玩！
不過要全英文對答加講野，0個0下真係勁驚囉......
個口震晒咁....唔掂唔掂！好核突囉！
0個班 delegates 裡面有兩個 RC 人呀！幾高興呀！
佢地好闊綽咁送左好多紀念品俾我地呀！哈哈 *o^

完左個 delegation 就趕落九公做 Uniform Group Promotion！
0個度呀...好悶悶呀！比起上次0係香島0個個...冇咁好玩既！

中場五點幾我就走左先，因為約左我八婆會館班好朋友上船呀！
海王星呀！哈哈......唻喇！終於都唻喇......有得玩喇！

>>November 1, 2002 at 9:13:12 PM GMT+8

2002 年 10 月 10 日 星期四 【晴】

信義 Sports Day 第二日，今日仲冇野做過第一日！
晏晝我地班 First Aider 去左飲茶，唔食佢 d 要自己買既飯盒囉！
呵......又會大會供應既飯盒係要自己買架囉......???

完左 Sports Day 之後過左銅鑼灣，周圍行下逛下......
等我仲諗住去 search 隻第三代生日熊架嘛！
點知周圍都冇囉....激唔高興呀！一定要繼續努力咁搵......

夜晚同８婆會館阿榮譽會員去左又一城食飯睇戲，
睇左《我老婆唔夠秤》，都算 OK 呀！幾好笑 *o^

>>October 27, 2002 at 1:15:45 AM GMT+8

2002 年 10 月 9 日 星期三 【晴】

一早起身，上左 Headquater，再落番旺角......
同 Idy & 明少去左 Pizza Hut 食 Lunch，再去沙崙做 Unit Visit！
沙崙 d 小朋友真係好鬼可愛架...哈哈......(應該係話而家 d 小學生)

晏晝又走番上 Headquater，好明顯今日不停勁食，食完個 Lunch，
上 HQ 之前又買左個桶餐上去...之後伍生又買左野食上去...又食！
六點幾同班細路開完會，就同姨姨落尖咀 join 大隊，去食半 Buffet 呀！
姨姨聽日生日嘛...今晚同佢慶祝呀！哈哈...食食下佢整污糟左件衫......
走左落樓下 Esprit 買衫囉！又會咁囉...見過未？Hahahaha...仲見識左好多野添！
食完晚餐，我地行左去海旁，同伍生 & 師兄地會合......同姨姨砌蛋糕！
開心死佢呀！仲無啦啦彈多個嘉豪出唻添...Hehe...又話唔舒服啦 d 人...連我都呃埋...
不過呢...真係唔明阿伍生呀下...有咩理由會聽到我話去 "海皇" 砌蛋糕先？
仲要串我話買唔到 "油炸鬼" 囉......真係 "囉" 到暈啊！人地生日我又多一件 "囉" 事囉！

>>October 16, 2002 at 2:02:24 PM GMT+8

2002 年 10 月 8 日 星期二 【晴】

本來諗住呢幾日咁 "支力"，今日可以抖番下，不過呢......
今朝有 d 野要做，之後去左搵表姨食 Lunch，我地去左食 buffet 呢！
好滿足的！不過又要準備肥多幾磅喇......哎呀！

原先夜晚約左班姊妹食飯，但係有成半人都唔得...到最後 cancel 左！
但係後尾就同左我８婆會館一班好友出去，所以晏晝我就返左屋企換衫...
應該話係換鞋至真，0個對咁0既斯文鞋，今次嚴重的著到起水 "PORK" 囉！

六點幾去左 Neway City 唱 K ，個姐姐俾左間大房我地 (但我地得三個人咋下......)，
0個間係一間 "地鐵房" 囉！幾咁有型！有扶手之餘仲有班 d 震震 Advertisement 囉！
唱到九點幾，會長唻左 join 我地去食野，之後呢......去左一個好耐冇去既地方傾計......
同班會員坐到 around 2330 就走喇！因為大家都趕趕地 & 會長需要休息！

去傾計既中途又收個電話！事情同尋晚收既來電有關...講講下好醜怪咁0係條街度喊左出唻......
Down 左日幾......件事終於都叫做攪掂左！不過個感覺好閃電囉！成件事由發生至解決，
個過程會唔會真係快得太過份先？講真......第一下真係唔係好接受到囉！

過左今次呢件事，諗番...原來大家都講得0岩，好多時 d 野我都諗其他人而唔會諗自己，
其實某程序上咁叫健康定唔健康呢？我都唔知......但呢個係我一向做野既方法......
另一方面，我又發現左自己處事真係太過緊張、仲有唔成熟......我覺得自己好幼稚囉！
仲好冇用咁呀......唉！成日都麻煩到身邊周圍既朋友，成日都要佢地擔心，對唔住呀！

>>October 10, 2002 at 2:08:36 AM GMT+8

2002 年 10 月 7 日 星期一 【晴】

慘慘的......尋晚未夠 12 點已經迫左自己去訓覺！
點知到最後都係成兩點幾先訓得著......碌到我丫......
今朝本來 0600 起身，但起身既時候已經係 0645！

叻叻的我竟然用少左時間就出得門口，好犀利啊！哈哈 ^o^
但係到最後都係遲到囉！不過幸好...我都唔係最遲0個個......
0係地鐵站撞見魯老師，慘慘的佢發左四日燒囉！"LIP" 晒......
不如過 d 俾我丫，我都想病下，可以瘦下嘛......嘻嘻.......

今年再返信義 Sports Day，d Miss 阿 Sir 好唔同左樣咁！
個 Opening 完左，我就同 Miss Yeung 傾計...傾左勁耐呀！
好高興架，見番 d Miss 阿 Sir！仲見到以前啦啦隊 d 妹妹......
不過就突然發覺自己老左好多囉...原來我走左咁多年喇！哈！

下晝唔係太多野做，成班 First Aider 0係度傾計囉！
無啦啦變左豬兜呀下......唔係好得囉！好明顯今日行緊窄頻！

做完 Service 好豪咁撘的士上 Head，做埋 d 野，仲幫埋隔離區做添呀！

攪掂晒 d 野就去左搵 Idy 傾計喇！其實本應應該會好高興，
因為傾好晒今年不論區定 Division 想攪咩 function，之後再傾下其他野，
某程度上同 Idy 傾完之後個人舒服左好多，冇諗咁多野！
仲好似對自己清楚左，了解左咁！但係唔好彩既...係我多手覆左個電話囉...
之後就由0個刻開始 down 到而家喇！真係好耐都冇試過咁 down 喇！
咩事已經唔想再提喇！不過講真.....我係冇諗過會係因為呢件事嗟！
同 Idy 傾完計之後，去左搵 Daddy 做輔導囉！不過學 Daddy 話齋，我遲早都要面對呢個問題，
又係0岩既......！但我真係幾無奈架，雖然我知我諗唻其實都係多餘......但我偏要諗囉！

今晚......成晚坐左0係度......腦袋一片空白......眼淚不自覺咁標......唔該晒！！！

>>October 8, 2002 at 3:05:58 AM GMT+8

2002 年 10 月 5 日 星期六 【晴】

今日一起身開始，黑到暈左囉！好少準時起身既我，今日竟然...
會趕得切原定時間出門口，仲諗住約左 Dydy 實冇遲啦！點知......
等0個架咁既 1A 足足等左我成半粒鐘，仲要平時落車0個個站 Cancel 左，
攪到我要行番兩條街番去......係咪攪錯先......激死左囉唔該！

朝早做完要做既野，約左 Wendy 去吉野家食 Lunch，
但係原來之後 Dick & Allister 都去左0個度食囉！真冇緣喇！
晏晝 1330 約左 JU40 個 UO 傾埋個 Year Plan，再開 UO Mtg！
開完再分 YU & JU 開，仲再分番開區咁開添......卒之成 1800 先攪掂！
但係 schedule 係 1730 開 DSM 囉！所以呢......DSM 又遲左開......
開完會會，仲要影相 (for Staff Chart)，但係個樣超級勁殘呀下......
平時已經唔掂架啦！今日係更加唔掂......嚇死人啦直頭！
講真...真係好耐都冇試過咁ｃhuｒ足一日喇！超級勁 "支力" 呀！

今日大家發明左一個新既燙衫方法呀！哈哈...超勁有型架！
有興趣知道既朋友，大可以下次見到我既時候問下我......
呢個方法係特登為 Daddy 而設架！哈哈哈哈 *o^

>>October 8, 2002 at 2:30:10 AM GMT+8

2002 年 10 月 4 日 星期五 【晴】

今日同愛人 C 去左唱 Lunch K！好耐冇去過喇！超高興啦！
唱完 K 又去左影貼紙相，兩個加埋成 40 歲......但非常高興架下......
之後佢返左以前學校開會，而我呢......本來約左人既，但係到最後......
為左唔想走唻走去，冇去到 & 上左 Headquater 囉！又係 "諗住" 做野，
但係後尾又係乜都冇做過，淨係0係度同大家嘻嘻哈哈咁...等愛人 C 返唻！
佢返唻之後我地就幫 Michelle 整左陣 UO Meeting d 野，整完就去左食晚飯喇！
又係高興的我地終於都去左話要去好耐既東京食......超滿足架今餐係......HEHE~*

食完晚餐，我地由油麻地行到長沙灣！中途 Daddy 都唻左 join 我地！
之後我地諗住去松記食糖水，但係勁多人囉......冇得食啊 v_v
後尾變左去麥記飲汽水囉......呵呵......傾到十一點幾就返屋企喇......

>>October 8, 2002 at 2:13:36 AM GMT+8

2002 年 10 月 3 日 星期四 【晴】

本來今日 lunch 約左人食，但係琴晚冇 confirm 過，
卒之變左成 4 點幾先0係尖東食......哈哈哈哈！
食完野、傾下計，又跟才哥學左 d 新玩意！不過呢...
我相信我短時間內都冇乜機會玩呢堆新遊戲囉......

白痴的今日差 d 係條天橋度蕩失路囉！好樣衰呀唔該！
好彩多得榮譽會員幫我咋...哈哈...唔該妳呀！Thanks *o^

今晚又上左 Head，本應要開 RC Night 既 Meeting，
點知到最後開左人地個 GT Meeting 先囉......嘻嘻......
仲編埋個 CMT & YLT 既 Faci 分組，今年又係咁？
點解會咁架？唉......真係丫......

開完 GT 再開 RC Night，周圍走......今晚個會呢......
大家都好似冇乜頭緒咁......所以都冇乜特別既定案！
但係一個肯定既係 ～ 我地會玩ｃrｏsｓoｖeｒ囉！
超級勁正的係......Tracy 變左哥哥 & 我變左明哥！
除此之外，我地仲會玩 "人區ALL" 囉！不過唔係個個都會明架！

開完會之後同小丙、嘉豪、Tracy & Alpha 去左黃埔食野！
成晚俾人串我塊面大囉......乜真係咁大咩？唔係卦？唉......

如果你覺得...唔出聲會令自己過得好點兒的話...我想話...
原來呢 ～ 其實有可能到頭來傷害到或者受害既...都係自己囉！
呢一刻......突然間好有 "經一事、長一智" 既 feel 囉！

有無數既工作要呢個星期內攪掂，但我真係唔係好願郁......
好似呢 ～ 又開始變番頹頹咁囉！唉，唔得咁架喎......



寫寫下日記既時候，睇到 d 野......《節錄自 aifaye 日誌 ～ ９月２６日》

同8婆會館既會長同2位活躍會員去飲野, 個個都有飲到酒,
唯獨係我...剩係飲左檸茶...
估唔到既係小秘書竟然能夠一次過飲3枝...令人愕然!!
今日既agenda有:
1. 朋友仔又唔得, 同學又唔得, 同事又唔得...咁..點算?
2. 加減一年咋? 個range咁細, fall into 呢個range既probability好細喎...
3. 第三者同數字先生好似...明朗化左好多
4. 讀醫定讀電腦好
5. 尋相同的人-->眾裡尋她千百度, 那人卻在燈火欄柵處!

哈哈......睇完呢篇野之後好似冇咁......我都唔知點講......
不過希望筆者唔好介意我 post 左篇野0係度......但真係好正！

>>October 4, 2002 at 3:50:45 AM GMT+8

2002 年 10 月 2 日 星期三 【晴】

唉......冇工返既日子真係頹 d 架喎！
呢兩日，係咁勁訓...遲早變隻大 pig pig 囉！
不過唔好講笑，訓到有 d 腫腫地...好核突呀！

本來今日諗住由得自己訓到幾點就幾點，
但係 1040 既時候俾我既愛人之一打唻叫醒左我，
話遲0下 27 號有 concert 睇囉！好明顯...我即刻成個醒晒！
之後我 d 大學朋友 (係指讀緊大學既朋友) 一個個咁打唻......
唔知做乜事囉！返工既朝早個電話又冇咁繁忙架喎......

晏晝出左 Poly 搵 Dydy 食飯，約左佢 1440，但係我未夠 1415 就到左！
估唔到原來由屋企出 Poly 真係快到咁！果然係 X 線既車...不過拋到嘔！
食完個 lunch + tea，返左信義，睇下班小朋友操操咁！Sports Day 喇嘛...

睇完野上左 Head hea，開下 course 咁！今年第一個 course 開左喇！哈...

Hea 完之後落左尖咀，約左八婆會館班會員食飯，去左 Shooters......
食下傾下...由 8 點幾坐到 11 點幾，11 點半0個陣我睇錶仲以為係 10 點幾，
唔覺唔覺，又講左 N 咁多野樣，d 話題來來去去都係0個0的，問下你問下我，
但係特定既答案，一定冇囉！個個既觀點與角度不同嘛......係咪先？
簡簡單單既一餐飯，又出現左一大堆令人費解既問題？不過每一次都係咁架啦！
一直都好中意阿會長0個句 ～ 廿一世紀火箭年代 ～ 真係好正囉！

>>October 4, 2002 at 3:27:50 AM GMT+8