2002 年 11 月 12 日 星期二 【晴】

今日返工返到一抽二 "LUNG" 咁！因為夜晚去打球呀......
放工即閃，趕去佛光街場，點知 1840 就到左囉！
比起我預計早左勁多，之後坐0係度聽歌，差0的訓著左囉！
等到細佬同師兄唻到，但係榮譽會員未到囉......但佢拎飛架喎......
好彩0個度0的人俾我地入去打先，我一個打兩個......
好明顯佢地知道我既弱點勁攻呀下......好冇品！
之後榮譽會員成 1930 左右先到啊......打左半個鐘左右咋佢！
仲要唔記得帶鞋，俾人迫佢著襪打囉......呵呵~*

打完球之後返左 Headquater，因為我要做野囉！
要 file 番好0的 form、影印，再做埋上次 delegation 份財政報告，
佢地就0係度玩 Jenga 囉！慘慘的我冇得玩啊！
我地叫左 Pizza 食，滿足到暈，但係食唔晒架下......
今晚細佬好 "囉囉" 呀，佢自創左句金句：神不 "出"，鬼不 "入" ！！！
嘩............細佬好野............*o*

>>November 13, 2002 at 11:06:43 PM GMT+8

2002 年 11 月 11 日 星期一 【晴】

尋晚未夠七點就訓左喇！訓左十二個鐘頭今日返工......
仲諗住會好精神咁啦，點知......"支力" 到死囉！
唔知點解架喎......可能今日冇停過咁做卦......
以為可以抖下既時候，就係0的 Stationery 送到既時間！

放工 1815 開會，開到差不多 2030，真係激眼訓呀！
好彩有架車車攬下嗟......如果唔係真係一早訓著！
開開下走左去搵野食囉......當然唔可以 "太陽" 啦！
不過都食左百力枝 & 芒果乾囉......哈哈！
開完會之後 2 個 manager 話請大家去打邊爐，
本來都諗住去架，去 "去" 下嘛！仲落去等左一陣，不過呢......
等到 9 點幾先得0個一張檯，所以我同何同學決定閃先！仲唱埋歌添......
佢去彌敦道、我去柏麗大道撘車囉！途中我好高興咁同佢講......
有關 "開心樂園餐玩具" 事件，不過佢好明顯俾我嚇親囉！呵呵......

>>November 11, 2002 at 11:13:28 PM GMT+8

2002 年 11 月 10 日 星期日 【晴】

今朝 0645 起身，仲早過返工，因為要去做 delegation 呀！
0800 去到間賓館，同班中國既 delegates 參左個 local tour 囉！
個唔知導遊定領隊激唔掂呀下！會唔會有人係咁鬧 d 客囉......
成團人都騎騎呢呢咁......唉......嘈到死囉！

個團既行程好有型架！首先去左大嶼山，去左寶蓮寺睇佛食齋......
再去黃金海岸0個個咩 "蒙馬特嘉年華"，都唔知咩唻既......
再番紅磡買金，好彩班 delegates 冇乜興趣，所以我地可以提早收工！
四點幾就同佢地返番賓館喇！哈哈......不過超級勁 "支力" 囉！

之後本來約左阿榮譽會員去 shopping 買衫，點知我早左......
又勁 "支力" ，所以 finally 冇去到呀！不過一唔去又唔知要等到幾時......
跟住撘車車返屋企，洗白白，要快快訓覺啊！

今日見到 M 記近期 "開心樂園餐" 個玩具，激高興呀！
係 Hello Kitty & The Runabout 既車車呀！超級勁靚呀......*o*
我誓要換齊成套呀！因為真係好靚架......靚到癲左呀！

>>November 11, 2002 at 11:01:37 PM GMT+8

2002 年 11 月 9 日 星期六 【晴】

尋晚唱完 K 返屋企之後，"mor" 下 "hea" 下，攪到 4 點幾 5 點先訓......
卒之訓得好唔好，因為怕今朝唔知醒嘛！到最後我今朝未夠 7 點就起左身！
訓左兩個鐘左右......跟住 0850 已經返到公司，唔知做乜咁早囉！
呢兩日返工都呆下呆下咁，可能係因為唔夠訓啦......但係都發生左0的事囉！
我真係覺得自己呢幾日有0的問題，繼尋日去完 Toilet 砍頭埋牆之後，
今日我0係公司不停自 "kick" 囉！會唔會咁先......哎呀......點解會咁架？

尋晚呢......唔記得左打下自己0的 "囉囉" 野添......
話說尋晚唱 K 既時候，我地點左《高妹》，我唱既時候......
我將其中一句 ～「吃一口送我的蛋糕」呢句......
唱左做「送一口吃我的蛋糕」囉！真係核突到死左......
不過我今日仲好高興咁我周圍既人講呢個笑話......！哈......

今日放工即閃上 Head 換衫，再落 King's Park 區操！
今次終於都攪得成喇！真係值得高興喇！身為區職員既我......
有0的興奮呀講真！今日仲玩埋全區 Sizing 添呀！
想當年我有份做既時候都係得 81 人，今次佢地有成 106 人呀！
幾叻叻呀！不過都已經隔左成 7,8 年喇......突然間覺得自己老左好多咁！
尤其睇到有幾個 member 既表現，話我知佢地大個左、成熟左......
真係......原來我0係呢處......都已經唔細喇！

操完我又返番 Head 換衫，仲買左八爪魚丸做午餐，
但係係 5 點幾先食午餐囉......呵呵！好勁勁！
夜晚同師兄、細佬 & Carrie 去左 KFC 食餐餐，一人都係 $17 咋！
之後去左行街街，不過都係0個句......真係好 "支力" ！
所以呢......我地 8 點幾就散左喇！

今晚真係要早0的訓喇......聽日仲要做 delegation，煲冬瓜呀要！
仲要 0800 出到油麻地囉！勁早起身！夜晚仲有八婆會館聚會！
然後星期一又返工喇......講真，呢個 11 月個 schedule 真係排到密一密！
咁樣對自己......係咪唔係幾好呢？但係衰在我又 enjoy 囉！唉......
我都係鍾意虐待自己架喇！不過以我而家既身體狀況.....我都唔知呀......唉！

嘻...呢兩日我 beam 左好多新遊戲落我部 Palm 呀！
超高興！真係要多謝 Gary (公司0個個) 同翠絲呀！Hehe~*

>>November 9, 2002 at 11:36:18 PM GMT+8

2002 年 11 月 8 日 星期五 【晴】

"支力" 到嘔呀今日！成日都好似呆下呆下咁.......
本來今晚去打 Bad，不過都冇帶到衫，後尾淨係 join 左佢地食飯！
不過我覺得呢...我今日係有 d 問題架喇！但係又唔知係乜.......

今日值得一提我一位好好既同事 --- 何同學！好勁架佢！
佢今日教識左我...原來有 "黃糖學" 呢樣野架！仲有 "中糖毒" 添呀！
好勁勁呀......不過呢要小心 d 佢呢！唔可以俾佢有位入到我架......
等佢紅加黃得咁高興我丫拿......哼......要諗下反擊先.......
會唔會有人問完人地一句野之後，同番0個個人講0個句說話先？哈！

夜晚放工差不多 7 點走，本來諗住去打波，不過真係太 "支力" 喇......
所以今朝冇執衫打呀！淨係預出去食飯囉！但係呢......走0個陣......
我都由公司行到旺角囉！我都覺得自己好叻......好耐冇試過咁行法！
行行下撞到個 Sales 同事添呀！嚇死......要預祝佢聽日生日快樂呀！
之後同愷盈 & Carrie 去左教協行，出左勁多又新又靚既 Files 囉！
好彩佢兩個0係度咋，如果唔係可能我會買到發左癲，但係呢......
最重要既問題係......買完番屋企我又真係唔知要唻做乜架喎！儲囉！

購物完畢後搵番各位打完波既同事，去左樂園食飯......
食左幾好味既煲仔飯呀！Hehe......好正！仲有蠔仔粥添呀！
食完呢餐，我同 Carrie 去左 Neway City 唱 K 囉！
兩個人去雖然有點那個......但係好正囉！我真係好耐都冇去過喇！
不過唱得兩個鐘多少少，真係唔係好夠架！好過冇囉......
但係今晚唱得唔夠盡慶呀！仲發現近排有 d 歌，唔識唱囉唔該！
另外仲唱左好多發癲歌呀今晚！仲有其他0個0的......
唔知點解頭先唱唱下差點兒唱到喊囉！會唔會先？唉......有病 ⊙_⊙

仲有呀，我發現自己而家個人好易＆好快 "支力"，
我覺得係因為上次既大病囉！唔知要幾耐先可以變番以前咁呢？
我諗呢......都需要一段時間再ｔrａiｎ番返唻架喇！慢慢唻啦唯有！

>>November 9, 2002 at 3:26:35 AM GMT+8

2002 年 11 月 1 日 星期五 【晴】

今日係公司 11 月 Birthday Party 舉行既大日子呀！
食完晏之後我同 Dorothy 好高興咁去左 shopping 囉！
去 Supermarket 買野食之餘仲去買埋新電話添......
不過買買下...我先發現自己唔記得拎餅咭，所以拎唔到個蛋糕呀！
但係其實到最後我地發現，就算我有冇拎都冇乜影響......
因為我地根本冇手拎囉......呵呵......卒之 Cyril 落 bank 既時候，
幫我地去拎左阿 "旋轉樂園" 蛋糕返唻呀！好感動！

放工之後個 Party 都算 OK 啦！0的零食好受歡迎囉！
好在...個蛋糕佢地都話靚，如果唔係就慘囉！第一次攪就攪得唔好的話......
咁就唔係幾好意思啦！不過我覺得都應該得卦......我諗！

完左 Party 執埋野就返屋企喇！Um......
自上次病完之後好耐都冇試過放工咁早就返屋企囉！
不過都係冇同屋企食飯喎！呵呵......

>>November 9, 2002 at 11:29:50 PM GMT+8

2002 年 10 月 30 日 星期三 【晴】

近排返工多左好多名，尤其話我似楊采妮囉！不過係肥版！
會唔會好難受先？會唔會又真係咁似楊采妮先？
救命啊......⊙_⊙ 仲要加個肥版囉！一定會好難受啦......唉......

上次號外：《 ＹＬＴ= Ｃrｏsｓoｖeｒ～ 我係明哥？唔係呀化！》
究竟係乜？呢個 weekend 就揭盅喇！哈哈 *o^ 一定好好玩架！

>>November 9, 2002 at 3:07:22 AM GMT+8

2002 年 10 月 29 日 星期二 【晴】

放工......六點半先走！之後過左 HKID 囉！
約左師兄同 Din 傾埋 EHL d 野，但係大頭蝦既我......
又唔記得拎相俾 Din 囉！我覺得佢真係完全想殺左我囉！

我地傾到差不多 10 點，之後大家陪我撘 601 囉！
因為 Din 要拎相......哈哈.......真係有 d 唔好意思添......
返左屋企拎俾佢，佢地0係屋企樓下等我囉......
之後我地落番觀塘食飯，去左味千呀！好耐冇食過喇......
但係最大問題係0個陣已經係 11 點幾......卒之食到成 12 點囉！
好明顯......Mr Din 好滿足！有相睇之餘仲可以拎走埋個相底晒相......

>>November 9, 2002 at 2:22:31 AM GMT+8

2002 年 10 月 28 日 星期一 【陰】

今日係我愛人 C 既生日呀！祝佢生日快樂啦！
不過可惜的我唔可以同佢慶祝啦......因為要 OT 呀！
佢地仲要去左 Neway City 唱 K 囉！係咪好令人妒忌先......

今日放工留0係公司，等左成差唔多兩個鐘先開會囉！
超無奈...*o*...之後仲要開到成九點幾囉！仲要完全唔知發生咩事咁......

開會之後，去左天星拎生日熊，我地總共叫佢幫我地搵三十幾隻，
但係到最後淨係搵到四隻，仲要其中三隻去第二間拎囉！唔該......

拎完熊約左會長食飯，榮譽會員都有唻呢！我地又係去左天星麥記......
個晚餐真係好晚先食囉......好明顯我都餓過龍，之後食到胃痛囉！

返屋企之後諗住幫部 Palm 叉電，點知遲左一步......乜都冇晒囉！
我對上一次駁電腦已經係 10 月 1 號既事，又冇左好多野，
乜都要由頭裝過晒囉！激死左喇！唉......點解可以咁黑架？
真係丫......期待著十一月既來臨，將十月既黑運帶走 ～ ⊙_⊙

有時真係0係度諗，做乜要攪到自己咁辛苦呢？
呢個星期...冇一晚返屋企食飯，不過呢...其實都唔係一件壞事囉！

>>October 29, 2002 at 3:04:44 PM GMT+8

2002 年 10 月 23 日 星期三 【晴】

今日放工就閃喇！因為約左胡太食飯呀！
哈哈...好耐冇見過佢喇！好掛住佢呀！終於都約到佢食飯喇！
仲有 Inty 同 Michelle 囉！我地返左擺花街食呀！Hehe~*

放工 join 左 Inty 行左陣，就去左撘船船過中環喇！
再周圍 hea 下，諗下食咩......呢度行下0個度行下......
到最後我地返左擺花街間 San Marzano 食，但係等到發左"毛"囉！
我地等胡太等到八點幾，等等下大家都餓晒仲食左兩碟......
然後就正式開餐喇！Hehe......但係真係好高興呀今晚！
好耐冇見大家一坐低乜都講一餐，講下大家既近況、工作，講講下連 MPF 都講埋囉！
幾勁呀！卒之傾到成 11點幾 12 點成間舖頭冇晒人先走........傾得好興奮呀！
期待下一次......遲下真係要返 SHCCC 走一趟呀！

高興的....我同榮譽會員今日一齊整左個 MSN Group，
係專俾我地八婆會館既人去玩架！不過仲要努力慢慢研究有冇其他野玩！

>>November 9, 2002 at 3:01:39 AM GMT+8