2002 年 10 月 1 日 星期二 【晴】

今日......全日勁訓，簡直訓到天昏地暗呀！但係呢......
難得一日假期，再加上冇人管既日子，我應該會出去走走 ～
但係我竟然身處屋企！奇怪奇怪 *o* 難得一見既奇境呀！

>>October 4, 2002 at 3:07:55 AM GMT+8

2002 年 9 月 30 日 星期一 【晴】

今日就係兩個月既 Last Day 喇！唔捨得、唔捨得......
Lunch 我地去左橋本食日本野，有我地成 team + EC 8 個人！
又係佢地請囉...真係好唔好意思！不過真係好多謝佢地呀！
之後晏晝到 Michelle 請 Tea！但係送到唻已經係 5 點左右既事！
食完 tea，同佢地影左陣相，我就走喇！走0個0下真係好唔捨得...
仲差點兒想喊囉...勁 "囉" 呀！Hehe... 真係好期待星期日呀！
因為0個日係公司 Function，會去北潭涌 BBQ，到時又會見到大家喇！

放工之後的左成舊水上 Head，好唔正常架其實！但係今次又冇乜野喎！
諗住上去做埋舊年 d 手尾，點知乜都冇做！拿...唔係我唔做...而係冇得做囉！
九點幾走左，同 Inty 去左食粉麵，食完又去左飲酒，第三個星期喇......
本來諗住用左上次抽到0個張一位免費勁飲，點知去到 Mavis 同我地講......
0個張 coupon 係要 Happy Hour 先用得囉！勁唔高興，仲諗住劈行佢架嘛！
又要等下次囉...但係 5-9 呢 d 時間...又會無啦啦去飲酒囉！咁早飲為乜呀？

飲到 12 點幾我地又走左出海旁行行，中途師兄打唻，跟住三個0係度講囉...
有係好鬼九唔撘八架其實...但係又講得好高興喎...之後大家都多左個花名添...
※ 師兄 = 頂你個肺肺 ※ Inty = In 魚 ※ 我 = 肺泡 ※
大家個新名...有點兒那個 & 難受囉唔該！

發完癲 d 尾班車都走晒...所以後尾我地去左撘的的返屋企！
一個夜晚撘左兩程長途的，都撘左差不多成兩舊......
今次呢個情況...係好好好唔正常咁喎......哎呀......HiGh 左！

>>October 4, 2002 at 3:06:29 AM GMT+8

2002 年 9 月 29 日 星期日 【晴】

本來今日諗住勁訓，點知 11 點幾就起左身喇！
之後同叔叔、嬸嬸同姐姐飲茶，又有食楊枝金露！嘻嘻...
飲完茶行左行就去探奶奶喇...旱有地四點攪掂，返左屋企！

夜晚過左海食飯，要睇去 Malaysia d 相相嘛！唔錯唔錯~*
有碟碟 keep 住，仲係 115 張咁多添！原來我地真係影左好多相架！
但係不要忘記既係......我仲有好多都未睇架......究竟 total 有幾多呢？

食過飯，hea 左陣，十點幾又出返九龍，出到旺角撞到 Ada 呀！
之後再過左勝利道，同 Daddy & Kendee 去左勝利吧飲酒囉！
但係最初冇人同我講過出去係飲酒架...有 d 覺得被騙架下......
飲左唔係好多... around 0000 走，聽日仲要返工嘛！
話晒都係 last day 喎，唔好亂唻住，都仲要足夠精神架！係咪？

>>October 4, 2002 at 2:48:21 AM GMT+8

2002 年 9 月 28 日 星期六 【晴】

今日如常返工，正常返三個鐘"零"九個字，但係呢......
我做野只係做左大約一個鐘囉！其他時間就係傾下計，
另外仲有攪下我份 MPF 呀......真係...... 61日喎！唉......

放工之後去左德福同媽媽食 lunch，去左大魚豐作架！
哈哈...好耐冇去過喇！勁正勁正！Yeah *o^
食完野逛左陣，我就自己繼續行，等家姐唻，又去買禮物！
今次終於都買得成喇......哈哈......買左條 Belt 呀！好靚！

買完野就入左婆婆處，去到第一件事，同公公切蛋糕......
食過蛋糕，我就走左去訓覺，都訓左 around 一個鐘架！
之後就去左酒樓食飯喇！甜品有我最愛既紫米露呀！超好味啊......

>>October 4, 2002 at 2:39:40 AM GMT+8

2002 年 9 月 27 日 星期五 【晴】

唔覺唔覺，唔計今日，仲有日半就番完呢份工喇...
哎呀...真係好好好唔捨得啊！唉 v_v
佢地今日晏晝同我去左利苑飲茶呀...Emma 請架！
真係好多謝佢地架！個個都對我咁好...好幸福！

放工同 Louisa 去左尖咀食飯，傾下計咁...
之後嘉豪同 Tracy 唻左 join 我地！
不過食完野冇耐我就走先...因為要同家姐去買禮物！
但係買買下變左我地兩個去試衫囉...Hahaha~*
所以呢...finally 係買唔成禮物架！

>>October 1, 2002 at 7:17:25 PM GMT+8

2002 年 9 月 26 日 星期四 【晴】

突然發覺 ～ 原來有一大堆工作等緊我去做......
但實在唔係好願郁，或者等下個星期，再睇下點啦！Hehe~*
真係覺得自己懶得有點兒過份......不過算啦......

呢個星期劈左兩晚，好耐冇試過！但並唔係好事囉......
得到既結果就係‧癢到爆左‧都係自己犯賤啦！唉 *.*
但係呢...癢還癢，近排癢既範圍好似少左喎，係一個好既開始！

今日放工同 Carrie 出左銅鑼灣，本來諗住約一大班人去唱 K ......
點知到最後得番我地兩個去囉......不過都唔錯丫！
大家又係唱到尾既時候唱到 high high 地，但係要走囉......
唱完 K 之後我地去左時代行街，走埋上頂樓影 Card & 貼紙相 ～*
超興奮呀！大家都勁耐冇影過 d 咁既野囉......今次0個 d 影得幾靚架！
好過上次0個張啦！不過上次0個張已經係我老細結婚0個日既事喇......

今晚返到屋企收到封 Malaysia 寄唻既信呀！超高興！
真係冇諗過會收到，其實呢...我都仲未捨得翻晒 d 相俾佢地囉！
又係一個 "懶" 字！Hehe...好 surprise 呀！要快 d 回信至得！

※ 突然愛上《明年今日》～ 超正 ※ 其實成隻碟碟都好好好正囉 ※

>>October 1, 2002 at 7:02:14 PM GMT+8

2002 年 9 月 25 日 星期三 【晴】

今日...如常返工，但係攪笑既係我同阿 28 既同事打打下 data 變左玩摺紙！
大家摺下飛機 & 船，仲整左架 "空軍一號" 出唻添！幾勁呀......哈哈！
話咁快就返左兩個月工喇！下個星期一就係 Last Day 喇！講真0個句......
真係唔捨得架！難得我第一份工就遇到 d 咁好既同事，幾好彩呀！
兩個月......真係好好好快呀！返多三日工就完喇......唔捨得啊！

今日放工之後去左行街街，但係冇斬獲囉！真係唔高興......
我真係係時候要買番 d 斯文少少既衫準備再返工喇！
全屋都係 Nike，唔係路囉......唔該晒啦又！唔掂呀唉！

夜晚去左食勁硬米線，真係......唔多掂囉！
之後同 Inty, Michelle & 傑去左飲酒，食埋個免費小食！
但係同時間又有個免費任飲囉！即係話 10 日內又要去飲過！
咁攪法.....真係遲早劈死！不過好彩飲完之後仲趕得切去下場......
下場同左 Ivy, Andrew 同 Ken 去左文化坐下傾下又飲下！
講下呢樣、講下0個樣，不過好似幾次出親唻都係講0個 "JAR" 問題...嘻！

本來諗住趕尾幾班車，點知講得高興0個頭，卒之今次又係撘尾班車！
成架車都冇乜人...落車0個陣仲要得番我一個囉...嚇死......
要由第八座行到入第二座，成條路都冇人......都咪話唔驚呀！

>>October 1, 2002 at 6:48:04 PM GMT+8

2002 年 9 月 24 日 星期二 【雨】

三個月冇 update 過個 Homepage ～*
呢幾日好好興緻咁去 update 一下啦......
點知到最後 upload 唔到上網喎...有冇攪錯...v_v
實在太太太過份喇！難得我去整下、執下......

有點兒擔心...唔正常既現象 ～ 持續左成個星期喇！
睇唻我真係要去睇一睇、見一見我最唔想見既醫生......
唉...等我仲以為自己可以 keep 到一個月可以唔使睇醫生！
不過個問題係......唔知我幾時先捨得去睇囉！

其實有時有 d 野，想知唔一定要問，問左都未必係好事！
反而將自己既 " 八卦" 收埋一下、估下，可能對大家都好 d ！
係咪真係乜都要知道得一清二楚先？唔係架嘛......

唔知點解，每每我唔開心0個陣，身邊既人都活得好好！
但當我好番少少既時候，就會輪到身邊既人唔開心......
擔心完自己再擔心埋其他人......係多事定係好事呢？
未必個個都會要／想我擔心嘛......係咪先？好現實～

當身邊既朋友想你關心既時候，但係......你唔0係度！
唔好意思 ～ 我近排發現原來我成日都係咁！
有時處於呢個 situation 又真係幾無奈！點解呢？

早前不停咁周圍問人， "使人" 呢個問題，
近來又有 "好唔好既定義" 同 "冇朋友" 兩個問題......
但我諗今次我唔會再問人架喇......
但係如果有人有興趣答的話，我又唔介意喎！

>>September 24, 2002 at 7:40:39 PM GMT+8

2002 年 9 月 23 日 星期一 【晴】

多謝你啦！Ｄ.Ａ.～ 我 "好似" 亂諗完野喇！

仲諗住搵人陪我睇《十八相送》嘛！
點知已經爆晒場囉！有冇攪錯？係咪快左點兒先？

死囉！唔正常既現象，會唔會引致到絕症架？
好驚驚喎！好擔心呀......*o*

>>September 24, 2002 at 7:09:38 PM GMT+8

2002 年 9 月 22 日 星期日 【晴】

四肢酸軟 + 全身無力，好辛苦啊 ～
但係真係唔想病喎......唔該晒......

原來有時刻意要自己放低 d 野，並唔係一件易事......

>>September 24, 2002 at 7:12:19 PM GMT+8