2005 年 4 月 24 日 星期日 【綿綿細雨】

《讓我想一想》

嘗試讓自己靜下來的時候，總覺得我倆不能成為好友...
或是之後...之後...的那種...
自信能帶給我勇氣，
同樣自信能讓我明白自己的能力有可能未及...
五分勇氣也要加上五份幸運...或是五份的偶然驚喜的恩典。

>>April 26, 2005 at 5:02:54 PM GMT+8

2005 年 4 月 23 日 星期六 【綿綿細雨】

四人成團，
終於又可以出發我們的行山團！
今次見班底都係有經驗，
所以揀左條都知難同長既路-《水浪渦 -> 沙田乙明村》
照書本的解釋是[四星級]行山徑！^^"

天氣悶悶熱熱的...
最慶幸係今天太陽伯伯躲起來呢~~哈哈

一開頭就是整段最難的上山段！
由200幾米上到500幾米既馬鞍山旁山腰！
不過愈近見馬鞍就愈興奮！
因為今日大霧，見其高聳入雲，若隱若現。
愈近看愈想上去山頂感受下讓那團霧包圍自己的感覺！
不過今天不是要勁辛苦呢，所以都無硬上馬鞍頂。

經過有如龍背段的路，
就見到500幾既「大金鐘」山！
看見其山頂也被濃霧包著，
大伙兒決定上山一聚呢！
看著那迎向自己的雲霧在四周清晰流動的樣子，
就知道今天不枉此行了！^^

及後所到了處都係大約在能見度20米的路上，
又濕又悶熱都幾難頂嫁...
仲好似入左去D奇幻世界添呀！
最後大家都捱到去大老山。

此刻見到好多駕車人士上黎拍拖睇霧景，
望到個石屎森林，
個刻先知原來我地仲係香港呀！

6點幾到達沙田，
當然唔少得既係去最後終點站《小巴黎》啦！

>>April 25, 2005 at 5:21:43 PM GMT+8

2005 年 4 月 22 日 星期五 【晴】

《面對著你...緊張起變了一個不是我的我》

終於也送到了手上，
十分奇妙的感覺。

在今天的街道裡，
心情似是輕鬆不少。

>>April 23, 2005 at 4:37:01 AM GMT+8

2005 年 4 月 17 日 星期日 【晴】

愛丁堡-《七出之約》挑戰營！

進行了一連串的合作、歷奇》活動，
一路在進步當中呢！^^

下午進行挑戰搭，
口邊說害怕的，但還是會願意挑戰！
對於一班小朋友來說，
他們已經很成功了！

晚上又黎準備明天活動，
不過都要去輕鬆下，
因為D fd黎左搵我食飯~~
忙裡偷閒呢！呵呵
分享了很多Camp裡面的趣事，
這樣子傾計很開心呢！

>>April 19, 2005 at 4:22:19 PM GMT+8

2005 年 4 月 15 日 星期五 【綿綿細雨】

三日兩夜的~~
充滿了淚水、苦水、感動、努力與堅毅的展翅領袖訓練營！
唔想三日都仔細寫o麗佢啦~~
要懶下先！
記低一D深刻位啦~~^^

那天的組合是10位學員3位TP同事2位其他公司同事，
第一天是去赤徑的營地，
第一次去呢！
不過個度都...無乜好感~~^^"
進行了幾個合作Game，
就要晚餐。
話說第一個考驗原來是...
我們的小組帶漏了凍食去呢！
不大問題既~~haha

夜行~~
看見很多「口不對心」既年青人呢~~呵呵，

深夜，
學員計劃大逃亡！
第一次面對依D事情呢！
仲要係......夠膽用o麗D水同食左大量後幾日既糧食！
好可怕！
導師們的最大挑戰呢！

早上，
TP導師們也很擔心各人的狀況及心態，
一次寧靜的禱告，
「把我們不能處理的也托付祂」
不知為何，
很感動的時刻...雙眼泛淚了...
戰戰兢兢的繼續活動。
大挑戰的「竹伐液河」！
努力揚帆出航不久黎個「海上解體」！
各船員努力逃生~~
可笑亦可悲，
也是一次學習經驗。

檢視糧食後，
往西灣出發。
那一段長斜路真係...「大長甘」呀！
補給了少許，卻能豐富了晚餐！很感恩！

晚上，
勇闖「生命線」！
感動這刻他們的認真及專注！好安慰...
這一晚上，
終於可以睡覺好的了。

最後一天的早上，
成班人去士多食野！
成班俾導師罵了好一段時間。
信任遊戲「天梯+信心跌」，
導師們也參與其中呢~~^^
及後在「信心跌」，
破天慌第一次看見有人真係跌左落地！
十個驚惶！
好彩沒有大礙呢~~~
不過這一跌也換來了小組的一些正面思考反省~~
大團圓完成了，
就是最後一次的午餐。

收拾完行裝，
突然才下大雨！
是神蹟出現嗎？
又一次感恩的時刻...整個Camp也充滿了那種力量似的。

努力的往西灣亭進發，

旅遊巴上載滿了疲憊的青年們。
也載滿了美麗感動的成長經歷。
又驚又險又喜又悲又累的「我們的訓練營」！
15個出發15個歸途！^^

>>April 17, 2005 at 6:46:03 PM GMT+8

2005 年 4 月 12 日 星期二 【晴】

同事們的單元一《團隊精神訓練課程》！！

第二日的訓練，
今天的目標是搶番個勢番黎！
就好似要同佢地打杖！
要營造番個氣氛返黎！

一大早大家都係戰戰兢兢咁去試嚴謹，
事前都好多擔心的...
怕唔會集隊，得喎又。
怕唔唱無聊營歌，又肯唱喎。
怕唔會整口號，又會諗呀。
怕唔識自制，又可以喎！
有好多位都比預期順利的！
非常感恩呢整日呀！^^

晚上，
要當D.O.喔！
雖然自己唔察覺係一件什麼事情，
不過見到同事們的回應也甚有學習呢！
有時覺得係中心工作，
都會見到有時係各自各精彩，各守本份。
一樣在對人工作的環境上，
各自各有其價值觀，
每個人的「心」也放在不同地方的。
同自己預期的服務工作有些少差異喔。
可能大人的世界裡就是這樣子，
要平衡一下「現實」呢。

本來自己也不怎樣留意到這些東西，
不過久久聽了很多同事朋友的提點及說法就有些改變。
思想平衡中。

明天就是三日兩夜Camp了！
好期待他們在野外環境的表現，
期待他們的進步呢！^^

>>April 13, 2005 at 4:53:37 PM GMT+8

2005 年 4 月 11 日 星期一 【暴雨】

一大早起身...
仲好有放假feel添...
打左陣機就黎中心，
因為今天是單元一的第一天！
諗起到........好辛苦！
好有種唔想做feel添！哈哈~~~^^"

回說今天，
看見他們的老樣子，
一路勁玩一路勁嘈咁粗口滿天飛！
不過都見佢地係有進步的呢！
最後係都要......喉嚨沙o麗...
不過輕鬆左，可能我少出聲就變要Eric出多D聲呢。
不過還不是合作得好順暢似的...可以再靚D！

開E，
認同未到「訓練mode」，
好似「單元二」既延續！
不過關鍵既係明天既流程呢！

最後...
今天也是十點先走！
又開始「狂3節」既生活lu~~~

喝~~~~工作mode全開！

>>April 12, 2005 at 5:34:05 PM GMT+8

2005 年 4 月 10 日 星期日 【晴】

約了So ho上黎玩「模擬市民2」，
花了3數個鐘設計他的十萬元大屋！^^
不過今天我要返六點，
不能留太耐了。

星期一的加開時間，
基本上全中心得我一個全職職員，再加上一YA做Counter~~
整個Office好冷清同靜~~~
見到暴龍黎溫書就叫佢入office陪下我啦！

本來好平靜的晚上突然殺出幾個程鉸金！
此刻非常擔心呢！
怕如果他們一發難得我一個處理不來！
成半個鐘唔敢坐係個位度！
個刻真係有點求助無門feel~~
唯有就...頂硬上啦~~=_="
好彩最後順利渡過且他們也合作呢。
好一次的學習經驗！

>>April 12, 2005 at 5:22:47 PM GMT+8

2005 年 4 月 8 日 星期五 【晴】

我們的生活上，
人與人之間的交流，
透過認識、溝通、經歷，
彼此建立起一個信任的關係網絡。
再透過不同的人把這個網絡慢慢擴大成長，

大家靠著彼此的關係，
靠著這些建立起來的關係，
互相影響。
人們...
才會有生活上的依靠，
有生活的意義，
這就是生活。

>>April 11, 2005 at 7:03:31 AM GMT+8

2005 年 4 月 7 日 星期四 【炎熱】

《簡單地喜歡你，默默地看著你，悄悄地幫助你，卻不去打擾你。》
*在一本愛情小品中看見的一句句子，很有意思~~


在這段日子裡，
想著你，
是一種很開心的感覺~~
像一陣清風吹走連日來的段段煩惱，
也期望同樣能吹走你的煩惱絲。


有很多的機會也錯失了~~~
錯過了這個算得上是較直接的接觸，
不用冰冷冷的對住這個虛無似真的聯繫。


：(唔知自己寫緊乜添...)

>>April 9, 2005 at 4:11:04 PM GMT+8