2005 年 5 月 30 日 星期一 【晴】

好友相聚~~
好耐先會黎一次這樣子兩個人出去玩lu。
因為都唔想浪費原定既節目，
管他的！
二人成團。

與小強12點幾出發，
過淘大打保齡！
自己很熱愛這種運動呢！^^
我這個被喻為「有姿勢無實制既行偶像派路線新人王」之稱既我，
雖然唔係打過好多次，
不過已經愛上那種感覺呢！
只要多加努力就可以學識真功夫~~haha
要學「落西」！

打完之後，
小強介紹左間普通feel既日本野，
D餐都算平！
埋單每人30幾都好豐富既一餐！
又食拉麵又食壽司又食刺身又食螺肉！
不錯的介紹！！^^

食完去左搵機鋪打機，
玩下好耐無玩既結他機！
又行下個德褔，
被我好大既感覺，
不過鋪款就唔算多，
都算係好行既一個商場。

行著行著，
想著想著，
有種「很近」的感覺...
常期望能讓我找到...
唔.........

又行左去德褔間大型機鋪，
算係一間比較大路既潮點，
好多男男女女出出入入的！
成班人黎玩都不錯！^^
種類夠多，
而且鋪面健康，很適合一班fd黎玩。

行多陣~~
5點多了。
要搭車返中心上班。

今天發覺~~
原來牛頭角、淘大這裡也不是這麼悶呢！
也有很多好玩好去既玩點！
是一個可以待一天既地方！
而且這裡的消費平均也較旺角便宜少許呢。

晚下放工，
繼續黎個宵夜場，
與小強去食飯後甜品。

這樣子的旅程...
今天也十分盡興呢。

下一次...
一定...
與....同遊...
一定...

>>June 1, 2005 at 6:09:59 PM GMT+8

2005 年 5 月 29 日 星期日 【綿綿細雨】

今天約了打羽毛球~~~
因係book場上有少少阻濟所以又行左段冤枉路，
點解硬係唔可以做好D準備同付出呢。

過到富亨~
好少黎既一個村，
個體育館都不錯的，
唔通番新過黎？

約了一些YA同事打4-6。
自問運動細胞都不俗呢！haha
雖然未必會係最勁o個個，
但總算有幾道功力呢。

約埋暴暴黎，
傾左下明天的情況~~
oh~~~看來大機會去唔成添...
仲特登請左節假預去玩...
知道多了個情況~~
係短期內都好難再約到去玩...
突如其來的一陣失落感...
滿有期待的突然落空~~
哈哈...


打完羽毛球，
俾K先生煩下幾個電話，
去左行大中。
今天可以返屋企食飯了！
又一次隔了成個星期呢...
係咪好唔健康既情況...？
我feel到自己第日有能力既話會一個人搬出去住羅...
不過依D長遠野就等25、26歲先算啦~~haha

回程同呀聰一齊走，
傾左下大家D工作情況...
也感受到他們的辛苦呢~~
你們那種感受我很明白的...
總算是有經驗的過來人~~^^"

>>June 1, 2005 at 5:51:27 PM GMT+8

2005 年 5 月 28 日 星期六 【晴】

這個早上~~~
約了一班fd去唱K呢。

去左好耐都無去過既油麻富運唱~~
唱左無耐就火警鐘誤嗚，
吹下水就咁半個鐘lu。
傾下D恐怖野咁羅。
加番3個字~~唔係好夠喎！哈哈~~
唱到3點走人。

呀偉約左工場要去幫手，
有個就要番去補習，
咁作為男朋友的他當然要送人走啦~~
依D唔通就叫「重色輕友」？呵呵

無乜事幹，
就同大佬一齊上生命工場，
因為無參觀過之餘都想上去見一見D人呢。

工場~~~
小小的office，不過充滿無限既可能性。
好一間和諧的公司呢。
見到呀聰好忙，
淨低呀偉努力左成3、4個鐘。
都好想忙佢，
好似覺得自己唔適合的身份...
不過我也是客人身份掛，
而且論義工...可不是只有偉吧~~
可是...今天也只得偉一人呢。

花了4個鐘，
八點幾走人~~
看見呀偉只像是一個電腦維修員，
義工？看不見也感覺不到他是呢。
這可不是我管呢。

晚飯，
去了旺角常去的老地方食，
傾傾下又傾到義工，
叫我忘記那些回憶？
這幾年內的天空工程可是我的最深刻回憶呢！
沒有人可以否視那些熱血的回憶呢！

義工...其實可以是很簡單呢。

>>May 31, 2005 at 6:09:42 PM GMT+8

2005 年 5 月 27 日 星期五 【綿綿細雨】

義工路上...

今天晚上，
青年季會，
充滿深情、感動的一個晚上。
題目是「青年充權、義工路上」。

今天的季會有很多人參加呢！
連埋同事少說也有三十多人。
作為義工的...
舊面孔的只有我、Sphere、冰。
其他的也是中心未來的新力軍義工伙伴呢。

一開始互相認識下，
之後就進行一系列講青年充權的小組討論，
見到各人也很投入的角色扮演呢！
由其是Ben所演的「社工督導」！
簡直係入型入格！哈哈~~
臨場發揮得好勁呀~~^^
用了不少時間去傾呢！

到了十點，
可是深情的分享卻未完結呢~~
義工路上...
自己準備了少少義工路的分享~~
由一個平平無奇的活動...到組小組...
參與初級訓練...歷奇訓練小組...進階領袖訓練...到最後的導師領袖訓練...
這五年的時光...
伴隨著中心義務工作的發展...
豈能是一朝一席能分享的事情...
也是不能忘懷的事情呢...

看著中心的過去...
見著部份的義工離去...
心中是很難受的...
那些開心感劬的回憶好像缺少了一片一片的碎片，
散落了出來而變得不完整...
也有不少放棄的心態湧現了...
而現在看著這些義工~~(用「新」義工來形容吧。)
卻像一張張的膠布修補著那些散落的位置~~
究竟我的義工路上......為的是什麼？
為何有這種心情的...？
好難去理解呢。

做義工~~~
為何這麼介意什麼身唔身份的問題？
知道有些人離去了，
卻為自己掛起一張「再不適合」的牌，
去遠離中心...避開中心...就算黎都要為自己定下界線，
為的是怕與中心建立太多那些認為「不適合」的關係...！
其實...
想做義工...就為著「義工」這件事去行不是可以了嗎？
接觸到什麼人、認識什麼樣的人、係邊度做義工適唔適合...
不應該是你首要思考的問題~~
問題是你想不想去做...去繼續...
如果想繼續的為何為自己立一個籍口
「再黎中心好似唔適合...」
這種口吻...很幼稚...
而我也不是說妳一定要再黎~~
搵到更好的地方發揮更是可貴！
我只針對說有那些心態而避中心既人呢。

義工~~~
對中心有無歸屬感...
對社工有無歸屬感...
可能重要~~
但不是全部。
請大家不要忘記做義工那最原始的「心」~~
想嘗試想學習想成長~~~
有這顆心，
便可去幹了！
TPIT只是其中一個「有得做義工」的場地~~
就是這麼簡單。
請不要再想適唔適合身唔身份的問題，
想就想唔想就唔想，
而不是「避」！
為自己想清楚做義工為什麼吧！

>>May 30, 2005 at 3:44:01 AM GMT+8

2005 年 5 月 26 日 星期四 【颱風】

《527》
中心又一個迎新形式既活動，
K先生+C小姐既組合。

今天的我是放假呢，
而又因為有些朋友應承左社工們，
而又約左呀偉呀權，
咁我無理由自己唔去咁衰仔羅！
就這樣晚上七點出發了。

出發，
外面正暴雨中！
見到呀偉既「裝水鞋」，
好彩自己著涼鞋呢！haha

返到去，
係辦工室議討緊~~
個人個刻好亂，
其實我只係唔太確認係電腦度，
所以亂推亂講......
自己也有責任呢。

出去癲！
見到都有10個人仔~~
好開心呀！
一開頭玩下D認識Game，
氣氛不錯呀！
而自己都完全忘記同事既身份，
玩得份外投入！
勁製造氣氛啦我！
好癲好攪野仲勁唔正經！(依個可能先係我~~哈哈)
最緊張好玩都係玩「耍盲雞」！
成玩男士變o麗做禽獸！
當有人做個時捉緊D女仔既時候~
我地就係咁大叫「有女！有女！上呀！上呀！擒落去！擒落去！」
超級刺激添~~haha
刺激到我做左成三次添...@_@"
最深刻就係創新紀錄！
2秒即捉到人！仲要係捉到大佬偉！哈哈~~
中心健力士遊戲大會紀錄！

開始入正題解「壓力」，
發覺好多人都愁「錢」同「無女朋友」既topic羅~~
勁現實羅！
仲話17,18歲都未試過拍拖應該要跳樓喎~~
死人呀偉就爆我「你都要跳樓，咁呀輝咪應該跳左好耐！」
死仔~~你都唔好我幾多o者~~哈哈，
我跳都會拉埋你~~哈哈！^^
其實...隨緣就可了~~
我總相信命運裡冥冥中自有主宰，
她...總會是在你的生命圈中出現，
相念的...記掛的...就是了。

這個晚上，
唔覺唔覺都分享左好多野，
由其係呀偉同我都講左好多較年長既年青人分享，
希望俾到佢地一個借鏡啦~~haha
都有個空間比到我地暢所欲言呢~~
最緊要都係大家覺得無黎錯值得就OK啦。

完左活動~~
四個人去左食車車麵~~
傾下趣事傾下激氣事傾下開心事又傾下無奈既事啦。
突然覺得唔夠時間大家靜靜的相聚傾訴呢。

>>May 30, 2005 at 3:03:17 AM GMT+8

2005 年 5 月 25 日 星期三 【雷雨】

不斷埋首「非核心」類及「興趣班」類的工作，
我諗...
我既工作唔應該咁局限呢~~
要搵發揮搵突破！

「集中工作」，
很難做得到呢~~
成日俾D電腦、營具、Band類等物資野影響，
好難集中添！

LCM終於齊章七人組合！
中心又黎多個Carmen！？^^"

結他結他~~~
好想快D學！

>>May 26, 2005 at 6:33:30 PM GMT+8

2005 年 5 月 24 日 星期二 【綿綿細雨】

發覺，
近排係屋企既生活都係copy出黎咁...
放工-開機-上網/打機-沖涼-訓覺。
上網又分幾part~~
1.睇全部人既日記本，做完...
2.上全部去慣既論壇睇下有無新漫畫或新動畫，搜完...
3.開始icq搵人傾計，傾完...
4.睇左D DL落黎既動/漫畫，睇完...
5.好眼訓訓覺。

好悶好悶...
生活實在平淡中的平淡...

發覺，
近排個人好呆...
呆滯很好緊要...
我相信見得我既人都開始有依種feel...
近期好「迷」既自己...

傻傻的我，呆呆的日子...
一言難盡...
第一次的這樣持續的情緒低落。

>>May 25, 2005 at 4:08:07 PM GMT+8

2005 年 5 月 23 日 星期一 【雷雨】

早上七點起身... @_@"
好耐無咁早添...
琴日既四個直池既威力...攪到我四肢無力...
過到廣褔等同學仔就坐307出去。
好彩出到去都未遲到呢~~
各位！向四科合格路進發啦！^^

返到去，
見到新PA，
都無閒去坐下傾下就即刻埋位攪電腦！-.-"
以為得9號機死左，
無端端輸到5號output唔到mon...
又話無office...
要拆出要部機入去...
唉~~~
忙到兩點先食得飯！

今天入左band房列席~
sir sir都教得不錯呢~~

完左又入007機攪埋D手尾~~
突然間2號又唔知仲乜無顯示！
換左mon又得！？
之後攪番5號啦~~
研究左好耐...都係要倒Ghost...
又貪多手優化部8號...又倒Ghost...
又要back up部 9號...
最後要裝番個還原精靈，
又話查到有病毒！？
唔理！我估係程式撞o者~~
攪攪下~~~
忙到8點先走得人！？
第一次攪機攪到咁無奈...唉...

不過無奈既同時就係...我終於識得o麗個電腦重裝,還原,整、倒Ghost、boot既程序！
好辛苦既過程！？

一個人去行大埔~~~
開始感到一個好悶咁...
搭巴士個時仲呆左陣咁......
近期唔似係心煩...似迷茫...

>>May 24, 2005 at 3:45:42 PM GMT+8

2005 年 5 月 22 日 星期日 【綿綿細雨】

昨天的一個念頭，
今天就約左去游水。
原定既單元三補課，
都無轉更返下午。
遊戲要緊~~HAHA

一個早上，
工作是做「辦工室還原精靈」！
不斷的執野執野！
入到2046又順便入左條片，也回味了一陣~~
玩音樂~~真的很愉快吧。
再順道忙下整d電腦，
007部機又突然唔知仲乜！？
近期d機都好突然發病！？
就係咁忙到成三點先可以去買個飯食。
而新pa既靚位終於係我既鬼斧神功之下完成！

四點先走得去會合So Ho，
點知原來星期一下午洗池！？
要等到晚上才入場~~
不過大家都好似有幾分不願意呢。

返左中心等時間，
開左Band房玩左陣！
又打鼓又彈結他，
學左種簡單既四拍打法，
又用左Bass練下首「男兒當自強」~~haha

組Band夢告散了嗎？
可能只係用另一種形式出現o者。
期待六月份的課堂呢！

今天游水，
大家都撞到唔少熟人呢~~^^"
黎大埔玩都係要小心D~~hehe
不過因為近視既關係，
四周的景像也是蒙查查。
不過今天好開心，
成場來回游左四次池呢！
唔知點解今日輕鬆左好多，
記得上年夏天~~
來回游一次都游唔到第二次！
唔知算唔算進步呢~~hehe ^^

>>May 23, 2005 at 4:39:45 PM GMT+8

2005 年 5 月 21 日 星期六 【晴】

今天~~~
與友人即興的去了旺角行街，
兩個人行街的感覺實在輕鬆得多。

短短的只去了幾個地方，
由旺角落油麻地再落旺角，
全程也是用行的~~
也不怎樣累呢。

今天了左好幾個心願，
買左個bag。
另外就是終於報左結他班！
6月份上到9月份，
也不用3百元呢！當是一個體驗吧。

今天，兩個人行街的感覺很free呢~~

去了試一試個McCaffee，
可取之處是隨歲可見，
飲品的質素不過不失呢。

傾了很多自己的話題，
唔......自己鐘意什麼呢？
找不到答案感覺更真實呢。
談到7/3 , 8/2的主動性，
其實另一邊廂的我是否喜歡也不知道。
沒有感到討厭就是了。

談到約游水，
算是約了下人呢~~~
不過到明天才知有幾多人呢~~haha
無所謂啦。

只要唔放棄就總會成功...？
我有沒有這種堅持呢？
我希望我係會努力的！
一份對自己承諾，
努力就是了。

----------------------------------------------------------------------
近期愛上了「王菀之」的歌呢！
聽得很輕心鬆呢~~
很欣賞這種質感的音樂。
誠意推介「把戲」「想飛」~~

>>May 22, 2005 at 2:55:28 PM GMT+8