2005 年 5 月 20 日 星期五 【晴】

騷歌利！
一個好耐無攪過既活動。

原本都無乜特別期望好多人黎，
突然間今天坐滿o麗人！？
仲有5個組合10幾首音樂樂曲演出！
整個場面也很豐富同充滿傳奇呢！^^

整個籌備過程也很驚險喔，
好彩鼓班既幾位同學仔也很熱心搵左D band友黎！
很多關係也在鼓班裡慢慢建立起來呢！
興趣班不單只是一個賺錢的工具呢，
還有很多路可以發展！

好震撼的一天！
今天的中心變得更像一間青少年中心呢！
很開心看見每一個青少年也握著其夢想埋頭苦幹呢。
今天我當上了一個DV Men，
錄著影著，
那種衝動又再出現呢~~
不知這個副線目標幾時能實現喔~~
我相信今個暑期我可以呢！

>>May 21, 2005 at 5:49:15 PM GMT+8

2005 年 5 月 18 日 星期三 【綿綿細雨】

睇番琴日自己打既日記，
原來打左篇講「義工野」，
腦海中完全沒有印象自己打過依D內容添...^^"
相信可能是我情緒低落的時候才會這樣負面。
不過呢...也不能百分百保證吧。

--------------------------------------------------------------------------

放假的一天，
又是很令人討厭的一個開始...
全世界就像等我開飯的...
我唔打電話就無人會主動搵我！？
唉......有時真係想熄左個電話玩下任性！！
往往也要讓人做這樣的角色......
大大話話都識左10幾年啦！？
這些情況我不想永遠走上最尖端呢！
你估係玩潮流咩！？
成班fd之中，
大多數時間別人也是在我的身後，
而我唯一能在人身後的，
應該只得小強一個能讓我做到...
唉..........
近期這種感覺很強烈！

出街嗎？無所謂啦。
食晏嗎？無所謂啦。
去邊食？無所謂啦。
返歸食？無所謂啦。

成日都話我多經驗，
玩過下領袖訓練，
做過兩下義工服務，
跟過下D社工做野，
就話我「你梗係啦，你學過主動麻！你導師成日導人麻~其他人唔識依D野嫁。」
其實「依D野」即係乜先！？
未學過唔識待人處事既？
唔知乜叫領袖唔識主動既？
無做過義工唔識諗野既？
無跟過社工做野唔識人際關係既？

----------------------------------------------------------------------------

這些是我這一朝早不斷思考同出現的東西。
突然間情緒大變才想著這些負面的東西，
可是...就是不能不去想。

想著想著......好累...
又懶左係張床度...
就這樣到兩點鐘~~~
得一、兩個會打下電話黎~~
唉......都係無人做決定時間出發既人~~~
我又諗...「如果我依家熄電話走出街，咁其他人都應該唔會出去lu。」

唉...心情不太好...今天勿打擾。

>>May 20, 2005 at 6:23:11 PM GMT+8

2005 年 5 月 17 日 星期二 【綿綿細雨】

今天，
很想打下依個「義工」topic~~

近期常常聽到友人的分享，
義務工作...好像有些失望的，
變得客氣了...變得規則化了...變得無得自由發揮了...
雖然事不關己，
但卻完全感受到友人們的無奈。

我的義工路又怎樣？
很久以前試過說自己是個「全職義工」，
之後是「無間道」，
到依家就變得【無】的感覺了。
常說笑地講自己早已退出義工行列，
但說笑裡總是有50%/60%的是正經的形容呢......

曾嘗試左入職初段，
工作上返早、午，
但晚上也會開組。
亦有時要返下、夜，
但有時不能調更，便要請CL。
也有時會返黎請CL做義工，
但是...是否分得咁清楚就可呢？
我是這樣看，可是其他服務者是不會想這個職員做緊義工掛...
有時都覺多餘，也會去想是為了什麼...
但總是不能有答案呢...

到現在，
自己也有D「放棄」的心態了。
退出...可以遲早實現。

>>May 18, 2005 at 6:00:21 PM GMT+8

2005 年 5 月 16 日 星期一 【微雨】

約了好友行行街~~
這樣子的也傾了很多話題！
幾愉快的一天。

第一次去了這麼多時裝鋪頭~~~
來來去去的也是二百元起的一件T~~
都睇中左好幾件添！死火~~^^"

Ice fire--睇中件黑色板件T~~
羽絨城--睇中件白色T~~
X-Game--睇中D深綠深藍T~~
Columbia--黑色短褲+魚魚T
如果買o麗都要1字頭！
突然間變左暴發戶！？
一諗起都買唔落添...
唔可以亂咁洗，要洗得準確D先得。
下次再去就要拍板了！哈哈

最後要多謝這位好友陪我行了這麼多路呢~~haha

>>May 17, 2005 at 5:29:21 PM GMT+8

2005 年 5 月 15 日 星期日 【綿綿細雨】

很想去清醒一下~~~

晚上，
與好友去泳池游水，
近來很少這樣子的三人行組合出街了，
往常頂多也是十個八個的~~
原因只是近排那伙人也很忙所以少見了。
那麼忙就不打擾了。

游水，想了很久也不能實行，
今天，終於來個下水禮呢！

行行企企有說有笑的還多於真實練水的時間~~
游術沒有甚麼進步退步呢，
不知今年能否如願有所進步了。
下次向沙灘出發！

晚上，
去了食德食飯，
很少可以這樣了傾得那麼愉快呢~~
可能無左個人講D野講到多D話題呢！
嘻嘻...男人的心事吧~~(好老餅的形容呢)

>>May 16, 2005 at 5:10:58 PM GMT+8

2005 年 5 月 14 日 星期六 【晴】

Counter~~
雖然有A.D.O的協助，
但總是不能好好工作一番...

好朋友到來~~
謝謝讓我消磨了好幾段時間呢。

晚上，
到粉嶺join番佢地~~
談起那些男男女女的問題，
「我沒那種命」吧。

無乜方向感添...

>>May 15, 2005 at 2:47:32 PM GMT+8

2005 年 5 月 13 日 星期五 【炎熱】

放假的一天~~~
可是沒有放假的心情......
想過很多活動可以去做，
不過很討厭那個要約人的動作...
常常也要做著那樣的角色...費心...厭惡...

一個人出了旺旺，
本來想去睇下D班既資料，
唔記得抄低D料，唔知個地點係邊~~

攪到D正經事就周圍行~
去左書店，
買了幾本簡體書~~
第一次買簡體的，
不過真係好抵！
幸好自己識睇簡體字呢！

一個悶人去朗豪坊，
實在不是味兒...

今天好幾程選擇了搭巴士...
想打發一下時間...
原來巴士都有咁既功效的。

假期的日子...有點兒覺得難受...
悶悶的...無乜新意...

近期的我很枯燥...也感到失落...

原因：很累...很亂...很混...很燥...

>>May 15, 2005 at 2:42:09 PM GMT+8

2005 年 5 月 11 日 星期三 【晴】

近期的工作也是趕7-9月快訊的稿件~~
直至上一期《編者話》同《隨筆》出現番後，
各同事也很開心這幾部份能復出呢！^^
而今期也再接再厲要努力下去！

有幸今期有機會參與編寫首頁的份兒~~
覺得有點受寵若驚呢！
雖然自己常常笑說寫作了得，幾千字都係咁打！
但係今次實在有點兒緊張呢~~^^"
為了今次的嘗試，要努力一點呢！

期望認識我的你們，
有幸收到通訊的話不妨抽一點時間細味呢。

>>May 15, 2005 at 2:25:58 PM GMT+8

2005 年 5 月 8 日 星期日 【乍寒還暖】

橫風橫雨的一天......

今天，
約了一個特別的組合出街，
三人行，小班遊玩。
感覺幾特別的...
到依家都唔知點解會咁約...？
不過就係咁約啦。

2點幾出發返中心~~
路過入去食下野撜下腳就到3點多D，
暴暴就兩袖清風踢住拖落黎，
好唔尊重呀~~哈哈，
等多個朋友仔就出發。
今天我們去睇「早熟」。

沿途上有傾有講，
也不至於去到製造左好多「死空氣」~haha
幾得意呀。

去買飛，
都唔算多人去睇，
好快就入場。
今日的我腦海都幾混亂咁......
總感到仲有D野未解決掉...
算了~~
靜心欣賞。

講講套戲先，
題材雖然普通，
可是人物演出精湛不在話下，
好多位都同我地青年一輩很有共嗚！
有錢名校女仔對屋村雞校男仔，
名宅父親對窮家老豆。
屋村仔追名校女，
依樣話題已經夠共嗚！
身邊盡是常常討論的。

而兩位父親們的演譯，
或甚有一些台詞更是似曾相「聽」的！
聽下去就是很有感覺！
總之就...好值得睇！

完畢，
鋪出戲院門外，
傾盆大雨！
三個人一把傘~~
還爆出很多笑料呢！^^
踩甩左暴暴隻鞋添~~哈哈
雨中赤腳不錯呢。

另有好幾幕還深刻記著......
不其然的碰上好幾次~~
唉...
只怪常常近得暴暴多了。
這場雨...
不知算落得合時還是不合時了。

濕滴滴的，
去了影貼紙相！
部機既多角度真不錯！哈哈~~

離去，
又再次回到廣褔村，
送別了好朋友後~~
與友人在大家樂晚膳，
傾得很愉快呢！
也多謝你陪我出黎呢！
你們老朋友會面也不錯喔。

回家...
頭腦有些不清醒的......

>>May 13, 2005 at 6:34:57 PM GMT+8

2005 年 5 月 7 日 星期六 【綿綿細雨】

母親節~~~

這幾天在幾個朋友的日記上也看見少少他們籌備母親節的過程，
回想自己今年卻沒有做到什麼呢。

朋友也問我今天有何攪作，
沒有哩~~今天我可是要返工喔。
其實昨晚家人們已經慶祝了，
但我沒有出席呢。

回想一下，
今年是第一年沒有了我出席的母親節慶祝，
往常也會一家七口去食餐晚飯呢！
可是昨天就是拉闊的大型活動，
在TPIT及家庭這兩項決擇上，
我很快就選擇了「工作行先」~~
雖然我想可以「兩贏」，
可是計算下去時間實左撞得太正！
這樣我也沒有與同事去商量呢。

雖然媽打都表示明白我工作既要求，
也沒有訴說半句怨言，
也像是明白我工作上的繁忙似的。

回想一番，
近排也很少返屋企食飯了，
一星期也至多兩次至少一次呢。
自己也漸漸變得沒有所謂，
也變成了很理所當然的事情。
但其實是否真的要做到這樣理所當然？
我也不懂去想了...
工作--家庭--朋友--愛情，
那樣才是我的先後呢？

是時間讓自己好好思索一番呢..........

>>May 9, 2005 at 6:15:41 PM GMT+8