2005 年 6 月 14 日 星期二 【雷雨】

今天返早、午兩節~~
近排都好少咁樣返呢~~
愛不回家了~~^^

11點多，
一個不經意的電話，
唔.......
依個morning call真係令我訓醒o麗！@.@"
未入個電話，唔知係邊個，
仲以為把聲係暴龍，o羅左人地個電話呢~~
經過一番定神先知是她呢。
當初不意會的現在成事實了。
作為一個負責任既男仔，
一定要去啦！不知所惜的...ha
不過都多謝佢地賞面呢。

1點~~~
幸好一個電話又令我心定了很多！
約埋暴龍同個fd過去。

預計了的一個飯局位置，
啍~~
我倒不介意呢。
單刀赴會，
1個對5個！？
真係發夢都未試過~=="
今日真係一個又驚險又可怕又得意又歡樂既lunch呢~ha

返到中心，
無乜時間招呼佢地啦~~
今日中心都好多人黎左添...
唔...好難溫書lu佢地。
又忙起興趣班D工作。

夜晚放工~~
愛不回家...又出左去食飯。
想出去行下呢。
約左暴龍係橫風橫雨既情況下行過去大中！
真不好意思喔~~呵呵，

一句「我想食湯飯」就去左咪走雞，
傾左好多野呢~~
唔...又去到好迷好煩既地步...
面前又一分岔口路了...
唔想自己做得咁衰咁樣去選擇添...

食下坐下傾，
見到暴龍D舊同學呢~~
不以為意。
突然間，
看見一些熟悉的人呢~~
暴龍就像是在聚舊，
我可是說不出話來呢~ha
咁樣都撞見到個熟人...
今日真係要我「咪走雞」o羅。^^"

(希望佢地唔會諗到「一個校服都未換既女仔帶住個男仔去撐臺腳」既事情呀..無奈...=.=" )

唔.......
又係好迷既一日呢~~
見到好多熟人朋友既一日~~
好好玩既一日~~
好大雨既一日~~
好有經歷既一日~~

還要多謝某人陪左我幾次呢。

>>June 18, 2005 at 3:43:54 AM GMT+8

2005 年 6 月 12 日 星期日 【晴】

星期一，
返左中心做大清潔大執屋大掃除！
屋企都唔願執既我居然好落力執中心呢~~hehe

重災區313、士多房、04回復生氣！
313終於可以坐個人啦！
不過呢~~
Office反而還是最亂的地方~~哈哈

早少少走~~
同嘉祺去上第一堂既結他班，
去左搭271...睇黎都遲到lu。

同嘉祺傾左幾陣計，
傾下朋友又傾下自己~~
唔...給予了我很多信心去決定9月的路向呢！

6點半到達~~~
20個人上堂呀！
見到呀sir~~
好有個D典型既羅住支結他坐下樹下自彈自唱民歌既大叔feel！
見到佢露兩手~~
好勁呀！一羅結他起手就掃左4、5首歌既前奏出黎！
我就係想學到輕鬆咁自彈自唱！
第一堂教既野，
有D自己都係書自學過下，
所以都跟得不錯呢~~
不過最緊要都係要練手指。

約左小強佢地去睇戲~~~
去左好平既百老匯電影中心睇「下妻物語」！
三個人去睇，
$19張飛你見過未！？
VIP會員果然厲害！
第日又申請番張先！

套戲都不錯！
無里頭得黎又有啖笑！
攪笑得黎又有黎文藝氣式，
幾有深度呢~~
而且深田恭子著起那些Baby衫也很可愛得意呢。

坐270A，
成程都訓住...
原來今日都累透了...

>>June 14, 2005 at 5:36:31 PM GMT+8

2005 年 6 月 11 日 星期六 【清涼】

昨晚仍堅持到2點幾先訓~~
因為呢...ICQ線路繁忙呢~~ha
之後就是一個大昏迷...Z.ZZ...Z

《鐘意一個不鐘意？自己的人......》
《鐘意一個不知是否鐘意自己？的人.......》
《心力不足敗事有餘......》
《話題只在一句起半句止.......》
《主動是否全部.......》
《是否鐘意才會傾談......》
《鐘意...是為什麼......》
《鐘意....又有沒有分輕重......》
《愛...又是什麼.......》

昏迷到12點幾~~~
好累呀~~
唔想起身呀~~
不過又好熱呀~~~

同屋企人飲完茶，
約左景華返中心幫手整機~~
而我麻~~
當然都係返去做義工啦~~ha
再晏D呀偉都黎埋幫手~~
謝謝你們的協助幫忙呢！！^^V

>>June 14, 2005 at 5:04:56 AM GMT+8

2005 年 6 月 10 日 星期五 【清涼】

端午節的一天~~~
沒有去看龍舟競渡，
也沒有去游龍舟水呢。
今天，
要帶隊去東坪洲去遊歷呢。

一行七人，
加上我及Susanna~~
早上九點到達大學馬料水碼頭，
買飛上船。
作為職員，時刻提醒自己要注重大局留意環境，
自己不能太大意興奮樂透呢。

約一個半鐘的船程~~
很快就看見東坪洲了...
真係好平！


(前面長方型的就是"平洲"！)

到左東坪洲~~
感覺同依前係海南息既一個離島熱點有D似呢。
好令人期待呢！
而今日的遊覽方法是環島行！


(近碼頭的石灘~~)

好快就到第一個景點「更樓石」！
大家看見了也急不及待的要更上一層樓呢！
我自己也開始去癲下！
要SuSu做後勤觀察部隊呢！
實在抵擋不了那股上到去的期待呢！


(更樓石山正面景觀。)


(看我攀石幾專業！)

第一個景點~~
因為都係觀景而非行山，
所以都停左好耐，
今天的景色實在一盡！
站在更樓石上盡覽這「海天一色」呢！

再辛苦一輪就到了第二個出名景點「龍落水」，
此處的浪花很大，
一層一層的層積岩的構造，
令那些沖上石灘的海洋也形成一層一層的。
離岸遠處還看見那些被沖蝕的岩壁，
形成一個個石洞，
巨浪打在其上更是莊觀！
我們又在這兒消耗上好幾個字呢。


(一層層的岩層，形成這數個白頭浪)

今天陽光普照，
汗水當然也是流過不停呢！
不過每當行到一個景點，
熱氣自然會全消呢！
1點多了~~
也是午餐的時間，
選了一個陰涼的路中心野餐呢。

再過不久~~
到達另一個景點「斬頸洲」！
依個地方好特別！
而且係我覺得最舒服最靚既休憩地方！
那些向上凸出的岩壁，
為底下帶來一大片的陰處！
很多遊人也在這兒休息呢！


(中間有一段大峽谷似的~~猶如一道特別的通道呢。)

我們在這裡大休，
依家終於知道點解D人通常會去左更樓石個邊先啦~~
等下晏時間到達這處~~
才有陰涼的岩壁底休息，
更有無敵海景，勁風吹送呢！
我們在這裡又影相、又畫石、又玩攀石~~好好玩呢！^^

再出發~~
很快的去到最後一個石灘「洲尾角」，
這裡也是一層層的海岸~~
較特別的有個「貓眼洞」，
我還捲了入去影相呢！


(看見這樣的奇特，立刻衝左上去呢！)

回程了~~~
在士多稍息一下，
養足精神呢。

沿海岸回碼頭，
就這樣完成了一天的行程！
很開心香港還有這樣的一個奇特生態景點呢~~~
不過也隨著愈來愈多人的募名以黎，
總覺得這樣也不太是一件好事吧~~
破壞生態的人也大有人在，
水樽、紙巾、汽水罐的還是隨處可見...
也看見很多遊人公然執捨一大堆的貝殼...
香港人總是要一步步的去破壞這些美好的事物...

很愛很愛這樣的生態環境~~
透過雙腳去感受之餘，
也要用相機去記錄這些美好環境，
更籍此能宣揚保育環境的重要性呢！

>>June 14, 2005 at 4:44:45 AM GMT+8

2005 年 6 月 9 日 星期四 【晴】

一連兩天的在馮梁結中學的宣傳~~~
在籌備的過程中，
也花了很多心機呢~~
但表現更勝別的機構一籌，
我倒覺得值得呢。
而且出來的效果及反應也不錯。

第一次入學校宣傳，
第一次到馮梁結中學宣傳，
好開心暴龍佢地成日黎支持我地呢，
也多得她們，才有很多得意的事情發生呢~~~
估唔到自己係佢地班(級)都幾出名呀=.="
好多女同學都募名以黎羅~~
「邊個叫輝輝呀？」
「o個個就黎老公仔啦！？」
仲有D邊個邊個D好友黎品評我既為人添！？
都唔知好事定壞事啦~^^"
有D不知所措添...

最後...很多同學仔都有黎我地攤位試玩D樂器~~

>>June 12, 2005 at 2:29:55 PM GMT+8

2005 年 6 月 5 日 星期日 【晴】

今天...
突然很想出去玩創一下，
就提議去打保齡，
估唔到成團喎~~哈哈。

4點多到了淘大，
join左ToTo同佢個fd，
之後SoHo又過黎join一陣，
打打下就打左兩個鐘去。

ToTo佢地就第一次玩，
雖然無技術可言，旨在參與，
都希望佢地覺得打保齡有趣啦。
男仔就慣常一貫個別努力，
狂練如何「落西」！
不過終於...俾我識到D手勢啦！
要再狂操呀！

完左保齡，
景華佢地慣常要返屋企食飯，
我就硬拉左呀權陪我去旺角行下！
多虧有權陪我呢~~haha
近來很不想咁早回家...

過左德褔行一陣，
忍唔住想去玩結他機，
就拉左權一齊玩~~
好想聽音樂...

之後就落旺角，
第一時間去掃衫鋪！
睇左好多好貴既牌子衫！
結果當然係「有得睇無得買」啦。^^"
最後過左潮特買左D T，
不過已經D一件牌子衫價錢買到兩件個種，
一黑一白，不錯呢！
好開心終於買到新衫啦！哈哈~~

行完join左ToTo一齊食飯，
見到佢地個D行為舉止呢...
只可以話係...o岩o岩出黎投身社會，
言行係大膽左D~~
性格仍然係小朋友羅~~
不過見到佢地個D嫌三嫌四既行為...
真係....無奈....^^"

同權權搭火車返去，
傾左好多話題~~好開心~~
雖然係硬拉左佢出黎洗錢都唔好意思，
都多謝佢支持啦~~^^


----------------好歌推薦--------------------------------
【光良---童話】
我願變成...童話裡...你愛的那個天使
張開兩手變成翅膀守護你。

>>June 9, 2005 at 6:29:56 PM GMT+8

2005 年 6 月 3 日 星期五 【綿綿細雨】

今天原來是「六、四紀念日」呢...

返早上一節，
入左去007 setup D電腦~~
嘩！
一攪就攪左成4個鐘！
仲攪左D大頭佛添~死火~^^"

下午被權權約了去尖咀~~
未出發見到咁大雨，
聽有人話本來想唔去，
唉...落雨o者...未見過咩！？
出到尖咀~~
咪又係無雨！

出到去，
佢地去剪頭髮~~
今次無剪到~~
因為想留番叫老爸染頭髮先剪~~haha
我就自己去行下~
買左對人字拖...好開心~~haha
去下打機~~
今次玩結他機好順利呢~~
要再練下手指頭既靈活喔。

一齊落旺旺，
因為佢地都想返屋企食飯~~
所以無行好耐。
我又心郁郁想去體驗下「六、四燭光晚會」，
最後~~
都係去左維園join嘉祺佢地。
我呢~~
都係抱著一個認識的心態去參與，
而不是抱著什麼平反D乜既口號去，
作為一件香港既社會運動，
對我來說認識也有價值呢。

第一次參與，就遇上第一次風雨中舉行了。
這次的體驗，
也帶給我很多學習！
與嘉祺、Erir佢地談了很多社會運動的資訊~~
也加深認識了香港這個我處身地方的一此歷史，
多了一些參考，
認識了用更多角度去睇一件事，
學會懂得用批判的方式去處事，
作為青年人的學習，
得著也很多的。

行番去銅鑼灣，
與嘉祺小路一段~~
發呆...近排的表情吧...
心事...不知從何說起呢...
謝謝各位的擔心慰問吧。

「藏起真正的心；做那個不是我的我。」

今天，
更認識了一些朋友的惡習...
好灰...........
好唔開心............

>>June 7, 2005 at 4:24:16 PM GMT+8

2005 年 6 月 2 日 星期四 【乍寒還暖】

不斷進軍網頁既工作！
發覺...
有D頭痛添！
自己總覺得整網頁咁樣既分工方法好似唔多得......
好奇怪...
不過自己又唔係好表達到想點做...
個刻都想有D堅持......最後都係無去say......
有D不安感...

整左幾個鐘，
發覺個腦無乜構思咁去做係勁難去做！
咁就o羅部相機去左四圍影相。
冷靜一下再回到工作岡位上去。

之後幾個鐘，
突然間去左set 007 D位置同電腦~~
又煩左個零鐘~~~

六點幾~~
入左去Band房打兩下鼓~~
練習下個初階拍子，
都未熟添！

晚上~~
約左龍婆去book場，
仲諗住夜晚無乜人打啦~~~
點知成個大埔都滿o麗！
好灰..............
有天時有人和無地利！
好傷心添....................

行下大中~~
買左幾樣野就閃，
出左糧另舍有購買慾...

返到屋企~~
今天五兄弟姐妹都齊人！
好熱鬧的場面！
好耐無試過啦......haha

>>June 3, 2005 at 4:30:01 PM GMT+8

2005 年 6 月 1 日 星期三 【綿綿細雨】

工作~~~
又再次回到電腦裡頭~~
今期部份同事開好努力製作網頁！

全中心最勁既電腦人又要出場啦！
Dr.Fai就以「超華麗隆重兼入型入格有型有款IQ至少120長頭髮帶眼鐘成日著短褲涼鞋」咁出場！

唉~~~
真係有點無奈~~呵呵

>>June 3, 2005 at 4:19:32 PM GMT+8

2005 年 5 月 31 日 星期二 【綿綿細雨】

近排的工作...
好似無心戀戰咁...
失魂落魄的~~
忘卻了很多交帶的工作！？

痴左線......

>>June 3, 2005 at 4:15:36 PM GMT+8