2005 年 5 月 6 日 星期五 【綿綿細雨】

拉闊又開又閉嘉許禮！

今天係我地小隊既一個幾盛大意義既活動！
所以都早少少返工去買物資。

再返到中心見到同事仲做緊個義工訓練活動，
咁我就攪住D片先。
聽到個plan都應該唔想又變動，
所以我原創既活動「戲夢人生」就再繼續出場！

下午3點多才齊人開動！
簡單B下就各自努力！
我繼續update個活動的版本，
一次俾一次豐富呢！

做到六點幾，
都無驚覺過要食飯，
一路衝衝衝，衝到七點三多D就開始！
好開心見到第二期既同學仔都出現左！
呀超、Tommy、Yuko都肯出席呀！^o^
仲有LCT既幾位義工同拉闊一期既同學仔，
原來都坐無虛席呢，
當然既擔心情況此刻也沒有出現呢！好感恩！

一輪熱身就到主題遊戲，
不知為何自己準備了如何解說，
到頭來還是愈講愈亂！比第一次仲亂！@_@
好失敗添......
此時再有一個驚喜出場，
就係還有多一個二期既展翅同學出席！
好令人振奮！

而在典禮的部份，
亦多得商戶既支持，令這部份更添色彩！
我們製作的錄像更是很受人支持呢！
不知為何，
看見這種種高興的情況，
自己既情緒也異常興奮！
學員們更說我free大左！哈哈~~
我只是希望用自己的活力及笑聲去豐富這兒的氣氛呢。

終於完成典禮！
他們很想再睇D片段，
咁就加開多場啦~~^^
另外也多謝各學員既幫助收拾，
完成整個「收場」既部份！哈哈

而今晚程序表既隱藏部份就是為「豬王」補祝生日！
等我依個2X人歡送3X人先！^^

>>May 9, 2005 at 6:03:49 PM GMT+8

2005 年 5 月 5 日 星期四 【微雨】

今天，
想盡力去夾下明天既plan~~
不過大家都比好多其他工作煩擾緊...
我都不知如何是好......

晚上，
調左更原本不用返的...
都要為明天而努力！
努力的只為聽了SuSu的一句話「同嘉祺一齊衝個拉闊啦！」
這樣就一直留落去了。
雖然自己不怎樣承擔了很多工作，
但至少「人在心在」呢！^^

與SuSu到大中買野同食飯飯！
居然買唔到火柴人添！
好彩「出外靠朋友，返工靠同事」呢。呵呵~~
去KFC買野食~~
點左D好豐富既野食呢！

返到中心立即開餐！
發現...無左一個薯蓉呢！
SuSu即刻好憤怒咁上網搵個KFC電話打去投訴！
最後，
居然KFC會為我們親自到來送貨「薯蓉」一個！
超級良好服務態度喎！^^

食完就不斷剪片剪片！
剪左段《夢想成真》同《派鼓勵卡》既片，
原來自己既剪片功力都合格呢！^^

一留就留到1點幾~~
咁耐以黎第一次做預備做到咁夜！
仲要係今日我由11點返到1點喔！^^"

>>May 9, 2005 at 5:45:32 PM GMT+8

2005 年 5 月 4 日 星期三 【晴】

放假的一天~~~
原本都諗住想一個人靜下的......
近期的情緒上上落落的...

昨天，
與同事傾下傾下，
講起某人的情事，
原來...
那個秘密老早已不怎樣秘密了。
想祕密但又要咁張揚係大埔現身...
真不懂他們如何想法呢。

同事看見了情緒大起大跌的我...
再看見我日記上的那些說話...
再知道他們公開的情事...
居然把這三件事連繫上一起...
結果是...
我居然變成第三者！？
哈哈...不得不在此澄清呢！
這裡的她不是那個她呢。
雖然近排心情的確低落...
可是源頭並不是這件事呢。

最後~~~
今天也選擇了約會老朋友，
PS2聚會！
蘇豪權權呀偉都黎左！
好多稀客呢今天~~^^

整個下午，專心的打機，
心情也總算輕鬆不少呢。

>>May 8, 2005 at 5:18:18 PM GMT+8

2005 年 5 月 3 日 星期二 【晴】

今天，
單元三開張~~~
有四個黎上堂呢~~
昨天還準備了九個位呢。haha

不過呢~~
都係一個開心的情況呢。

>>May 8, 2005 at 5:03:26 PM GMT+8

2005 年 5 月 1 日 星期日 【綿綿細雨】

《我是個情緒人》

識我耐既朋友，
都會清楚我係個幾情緒化既人！
唔開心可以扮開心、又可以一句聲都唔出、又可以同平時一樣，
不過有時仲會無端端唔老脾話人。
開心既時候又可以同平時咁、又會亂咁講野、個腦又會轉得勁快。
而今日既我，好明顯做左個亂講野既人！
不過其實自己仲好煩惱...
雖然我又會好易控制自己情緒，但又會大起大落！
這個我...
有時自己都幾驚...

今日約左去APM睇戲，
事關景華仔話好耐無見過大家，
咁我就要出頭去約人啦。
點知道...
會約到咁多人出去~~~
發覺自己既地位都有D甩唔到...
唔知好事定壞事lu。

一行七人去到APM，
琴日又黎今日又黎~~
「人多」既情況依然無變。

七人變九人，
「奪命咒」無乜驚喜，
可能唔係太鐘意個題材。
對於$35來說都算抵既。

93K落旺旺，
同昨天的情況一樣。
心情卻是輕鬆了一些。

七人又變九人，
偉、豪二人加入！
人多的時候最難做的一件事情就是...「去邊度食飯...？」
八個男仔一個女仔，
卻不是有很多主見。
去了沙爹王，
係門只近半個鐘，
半個鐘裡頭又是亂咁吹水！
最後位位60蚊埋單。
好貴添~~~

甜品時間就係去左新之城打「拳擊機」！
啍啍！我可是不弱呢！
仲有部足球機俾人踢，
點知踢到右腦D筋傷左......

最開心係最後大班人去影貼紙相~~~
好朋友大合照呢！
在我的生活圈子裡，
最熟悉的也是這一群人了。
而今天的回憶，
對自己來說可是一個散心的活動呢~~~
但煩惱卻依然~~~
要學習與煩惱共存。

>>May 3, 2005 at 5:23:30 PM GMT+8

2005 年 4 月 30 日 星期六 【晴】

今天，
原本「應該」可以做到既事，
最後都係自己俾自己籍口，
所以無左個下文...
豐豐富富的...
發覺自己很不濟...無左個「勇」字...

無野做，
就同家姐出左去觀塘睇我細妹既表演~~
「堅博匙」既「一K成名」比賽！
諗住佢玩玩下都可以入到14強，
有DD驚訝啦~~ahha
不過最主要有得睇「薛凱琪」同「周國賢」做嘉賓，
同有得坐家姐男友既順風車我先更想出喔！哈哈
諗起今次都係第一次同成班家姐細妹出街。

觀塘APM~~
一個新落成既大型商場！
一個有「香港不夜城」既商場，
不過唔知有乜店鋪會「不夜」lu~~哈哈。
設計格局感覺不錯，
只係人多密集依點好討厭！

2點~~
比賽開幕，
細妹大約係第九個出場。
唱千樺歌，無乜驚喜得黎有D不穩，
個刻都知實無「七強」lu。
雖然難得四個兄弟姐妹黎支持都入唔到，
但係當佢有個咁既面對人群經驗都開心既。

完場就行多陣個商場就自己落旺旺。
想俾自己行下感受下個社會......

行左好多地方同商場，
環球、信和、cheap堡、兆萬、潮特、永安、新之城、先達、皆旺、行山鋪......
平時會行既商場一個不漏。

經過很多熱熱鬧鬧既大街少巷商場店鋪，
感覺愈心酸......
feel到自己既情緒到...
很低落......
想著這件事...
想著自己的不濟......
雖然件事未必能理想化，只是自己假設的......
但看著自己去逃避了...
明知是籍口...
可是卻不知為何很自責...
感覺著失敗的我......
無言........

>>May 2, 2005 at 6:27:17 PM GMT+8

2005 年 4 月 28 日 星期四 【晴】

近排同了好幾位同事傾計，
重新檢視了很多工作岡位上的學習及經驗，
聽落聽落好似不足的多於正面的...

不過，
腦袋是轉清晰了。

凝聚經驗，
沉澱反思，
生活驗證。

找一條屬於我的道路去...

能賦予我清晰的頭腦去應付這些挑戰及那些感情用事。

>>April 29, 2005 at 3:25:06 PM GMT+8

2005 年 4 月 27 日 星期三 【綿綿細雨】

《老鼠愛大米》

我聽見你的聲音
有種特別的感覺
讓我不斷想不敢再忘記你
我記得有一個人
永遠留在我心中
哪怕只能夠這樣的想你
如果真的有一天
愛情理想會實現
我會加倍努力好好對你永遠不改變
不管路有多麼遠
一定會讓它實現
我會親親在你耳邊對你說(對你說)
我愛你愛著你
就像老鼠愛大米
不管有多少風雨我都會依然陪著你
我想你想著你
不管有多麼的苦
只要能讓你開心我什麼都願意
這樣愛你


----------------------------------------------------------

聽見你的聲音，
看見你的身影，
和你說著幾分說話，
我總是不能忘記你。

坐下來靜下來，
也總會想到你。
這一種特別的感覺，
我願能發作一股動力，
去生活、去工作、去經歷、去讓你感受。

可是我害怕，
害怕這處就是我的盡頭，
看不見前路，總是害怕踏出，
卻又知道踏出了才不會後悔，
可是我仍.....
是我只能原地踏步定還是能...踏出一少步...？
愛情理想會實現...
由天降下的...？
3份天為，7份人為。
我相信我不能再這樣子了。

能不能夠有這樣的勇氣去跟她說....
但機會能否可以總有一日...愛情理想會實現...
實現的話...定能加倍努力的去照顧你！

至少能讓你感到被照顧被關心被注意的...也很好...

>>April 28, 2005 at 6:08:16 PM GMT+8

2005 年 4 月 26 日 星期二 【綿綿細雨】

接二連三收到很多《不開心》《不歡》《愁緒》《疑惑》的訊息~~~
朋友圈裡頭突然出現了「陰天」！？

近排工作總是不集中，
累苦了我的同事........
我正在做什麼？

朋友的事...自己的事...
讓我看見了...總是歡喜得不能集中...
傻呼呼的......

一些認識的中七朋友仔終於考完AL~~
在這兒工作，
每天看著中心人來人往，
感覺就好像和他們一同考試呢！
也願我能分擔你/你們的愁緒擔心呢。

>>April 28, 2005 at 5:54:36 PM GMT+8

2005 年 4 月 25 日 星期一 【綿綿細雨】

《我不是基督徙》

雖然我不是基督徙，
可是想的做的也接近這樣的方式。
心態是那樣就已是很好，
經歷...或是那些接觸，
有緣就會有份。

回說工作，
晚上與SuSu的一席話，
雖然不是深究什麼題目，
可是卻讓自己的腦袋清醒了不少呢！
雖然工作上是有很多限制，
可是在這舞台上卻有著能發聲的地方，
及擁有這樣的平台去嘗試。

>>April 26, 2005 at 5:08:20 PM GMT+8