2005 年 6 月 25 日 星期六 【乍寒還暖】

11點幾起身...
近排都係咁...=="
中午出左去飲茶~~
對我來說是唯一的屋企人聚。

2點幾，
小強本約出去，
「琴日又出？今日又出？我聽日又要出喎...唔去啦...」
就咁推左佢。

突發其想去游水，
見到個天唔太穩定...
游水怕乜呀。
好想去浸下凍水清醒下個人...
近排都唔知攪乜自己...
同fd傾訴...太急...！？
我都feel到...
要冷靜一點了。
「輝~~~你在做什麼！」

入場前，
雷暴警告！？
唔會電死掛~~haha

時而天晴時而大雨~~
游左1個鐘左右~~
總共來回左...應該有至少五次來回~~
好開心！成績不錯！^^
暫時仲要苦練自由式！

出到去，
落大雨無帶傘~~
呆等了半個鐘...
好白痴亦好感恩有這一段呆的時間呢~
想了很多看了很多~~很有趣。

返到屋企，
今晚開始"星願"既旅程，
感覺畫面不錯呢~~很有史詩童話feel！^^
打打下~~
有三個做計劃書做到傻左既白痴小朋友既社工同我玩icq！？^^"
同時間send message過黎！？
我仲以為中左毒添！=="
仲叫我8點幾返去做野！？
你話佢地係咪真係中左毒呀~~haha
笑左我成晚！^^

>>June 28, 2005 at 3:30:28 AM GMT+8

2005 年 6 月 24 日 星期五 【綿綿細雨】

很多人也病倒了？
最後就無人陪到我出街...
諗下諗下...
都係要自己約啦...

約左嘉豪食晏，
之後景華又話肚住痛都出到~~
咁就去左鑽石山睇博覽。
本來諗住一個都照出！
依家...就好似多左D同行者。

一路上都係唔係PSP就係PSP...
傾唔到D乜...

去到博覽~~
唔係好大好多野睇，
不過景華佢地都有努力去填表交forum~~^^
我就專攻升學資料，
唔係太多副學士既料添。

撞到老友呀東，
原來工作緊呢~~
黎羅D資料，
順道同佢傾左陣工作既野，
唔...佢地間中心都好保守咁...
淨係個活動名太潮都俾人Ban...
依家青年工作要「潮」嫁啦~~^^
不過好開心可以同D同行既同輩傾依D野，
好有趣既感覺。^^

之後~~
係我話事既情況底下，
過左尖咀食飯+去通利買野。
又係我話事底下過左HMV之後搭巴士走。
好耐無咁既組合去出街...
好似有D唔夾話題feel呢~~ha

Anyway~~
都好開心見下面呢大家。

>>June 26, 2005 at 6:00:38 PM GMT+8

2005 年 6 月 23 日 星期四 【乍寒還暖】

一整日對住個製作網頁~~
趕趕趕最後都係要親自操刀！
好彩之前有同事打落D文字~~
效率都快左。
不過就對住個mon頭都痛...眼到盲......
進度都算ok啦。

這幾天一到晚上也飲酒，
別人看來我可能是扮大個學飲酒，
不嬲唔飲既我，
無端端去飲仲唔係學飲？
可能會係又可能唔係啦，
「點解要試呀？無益嫁~~」
唔知道...想飲咪飲羅。

結果...個肚唔舒服左幾日~~=.="

>>June 25, 2005 at 4:31:41 AM GMT+8

2005 年 6 月 21 日 星期二 【晴】

今天的工作~~
也是被興趣班既工作吸左去！
變左全職興趣班同事！？

晚上處理了少少班務，
見到有班興趣班同學仔試夾band~~
我就貪得意都\同佢地jam左陣歌~haha

回想起我們的夾Band夢......
唉......沒有耐性不能堅持...
現在~~
唯有學木結他自彈自唱。
唉......星期一miss左一堂...好唔開心！

放工，
有幾組人約我食糖水！？
最後去左SuSu個邊~~
因為有人生日麻~~ha
吹左陣水癲下咁就走~~
好累，
想返屋企了。

>>June 23, 2005 at 5:05:17 PM GMT+8

2005 年 6 月 20 日 星期一 【綿綿細雨】

昏迷到一點多...
隻左手痛左我成晚都訓唔得好...
龍舟後群症...ha

玩左緊online game~~
一路玩一路icq~~
對住mon對眼好累...
之後某人約我3:30去食飯，
點知等到4點都未收到電話...
無奈...
唔想搵...自己走左去食，
本來想去圖書館，
過到去食野又想過上水，
最後就...都係去左。

就咁樣行下行下，
係書館好想買書！
個心都係想買簡體書...平D麻~~ha
行下其他地方~~
都買左好多野...
忍唔住手買左隻迅迅 "U87"，
有幾首聽上癮...^^"

返屋企之前買左幾支酒，
突然間好想飲...
煩惱是否會一掃而空？

>>June 23, 2005 at 4:36:39 PM GMT+8

2005 年 6 月 19 日 星期日 【綿綿細雨】

八點起身...Z..Z..z...
好耐未試過咁早起身lu~~~
仲要係起身做早操！？
好可怕！

食左個都OK既米線早餐，
真係無乜試過咁樣大班同事食早餐~~哈
仲有時間hea一陣，
就同其他同事吹水玩~~
見到其他lcm同事就盡努力開mts...
一個輕鬆既營聚，
同事也要努力開會，
作為LCM同事既我都幫唔到乜手咁...
PA...始終有著很多有形無形的限制...
是看見的...可是不想這樣見得咁明顯...
九點半出發去下個目的地。

到達大澳，
第二次到這兒呢~~
那次在漁村上參觀，
今次呢~~
就在河上參觀！
玩扒龍舟船！
好想玩好耐啦！
超級期待這次的水上之旅！

出發前，
我們組在進行前就因為一些事情討論~~
聽起來也有感無奈似的...
雖明白，
但總是不合我意的...
無意見。

落到船上，
一條船一條心！好有feel！
練習左幾次就同第二組比賽！！
一勝一負呢！可惡~~ha
隻手就開始勁累同麻木feel~~
依樣運動果真是超消耗體能呢~~=="
不過個種奮鬥熱血很令我感動！
隻手就算麻木都要努力！

到左出海個刻，
教練想我地再比多一次賽，
此時因為我們組有組員太累？
都異論紛紛為什麼要這樣比賽落去，
此刻我也偏向組員的擔心！
不過突然就俾教練喝罵我們...
還要其他無落船既同事落黎，
雖然同事也有反抗，
不過教練也以「因為我們是一Team人，所以要一齊經歷！」
也罷，
雖然沒有了掌舵人，
唯有我親自操刀！
兩條船合埋一條船，
二十三個人一條心扒番去起點！
過程好攪笑不過都好得意~~
咁樣扒龍船都係第一次~~haha
最後，
就是帶著「十分」的疲倦上岸去了~~haha

去左間中學裡面聚腳，
居然會係學校咁樣做咁得意~haha
練練佢地果然係原居民！
沖完個涼就去左間佢地話最出名既飯店食午飯，
行左成10分鐘先到！
一嘗過後......
果然無黎錯！
D熟菜果然有兩道散手！不錯的地道食品！^^
最愛那個「巨大魚仔餅」！haha

返到學校，
再坐低分享~~
有時覺得...
尊重組員同尊重大會，
有時會好兩難處的~~
另外聽到教練說的那番話...
「社工總令人覺很很有性格，但反過來也可能可以說是為自己裝上了一個框框呢...」
不是十分認同這句說話，
但這句話正是我這兩日一夜其中最體會到的、最有感覺的及值得反思的說話~~
亦是我這次分享最想表達的說話。
有感而發，不是針對什麼人的。

如當初這是一個平平無奇的反思退修營，我可能不會感受這麼多。
現在，無意間變成這個唔知好定壞既訓練營，
反倒覺得得著更深！^^

自由活動時間，
LCM同事還是埋頭苦幹去開會，
懶得閒著的我唯有走到其他組去，
在大家既歡呼下，
教練們又再次起舞！
勁開心可以再黎個瘋狂舞會！
今次好正！
仲跳識多左幾首歌呀！
好好好好好好好好玩！！！哈哈哈~~~
好想學o麗佢地既舞呢！
好想知佢地點解咁識跳舞！haha

之後LCM同事返到黎~~
再黎多次舞會！
玩到癲呀自己！哈哈~~

最後，
大伙兒唱著歌，
互相支持勉勵，
那刻的氣氛再次令我很想留下淚水呢...

短暫的兩日一夜過去了，
也是處處體現了熱淚、熱血、感動、堅毅、支持！
很久沒有這樣輕鬆過了~~haha

>>June 22, 2005 at 6:21:23 PM GMT+8

2005 年 6 月 18 日 星期六 【綿綿細雨】

TPIT員工退修營！！

11點半到東涌集合！
好彩無遲到呢！
左手右手都握著東西...好不便...
等左成15分鐘先齊人出發！

旅行車帶我們去到一處休憩地方，
會合了一個訓練團體既人員。
一開始就俾人威嚇！！=="
好快自己就又散慢轉到勁留心！
我可不想被罰掌上壓呢！
看見有些同事都想抗下咁~~
不過最後都被迫？順從了，
我就已經知道...
我們不是去了退修營，
參加了「領袖訓練營」就差唔多！
不過我份人係入鄉隨俗的，
跟大會既進行方式呢~~
縱然好似偏離主題，
不過總會去應戰呢！

一開始又玩掌上壓又玩牛屎又要比賽！
無奈~~~=="
好不容易才開始正式體能挑戰！
「四星級青龍石澗！」
自己其實都唔多行澗經驗呢，
不過原來也是組裡的最有經驗人士！？
就這樣變成了最隊長的原因！
不過個刻並不想到是這個原因呢...

正式到活動地點！
游繩過河！！
好期待呢！
教練在潭的兩邊築起攀山繩，
我們就靠架空的繩連接安全帶，
以臥姿由雙手帶動滑輪游繩渡潭！
也靠著兩邊的同伴拉緊兩端使繩不易鬆開！
我地依D男士就當然要「力既表現」啦！
好不容易同事們也完成呢！
重量級既...都過左去~~haha
最後，
開始的一端只淨我一人呢！
不過依D技巧挑戰也難不到我！
只是到了潭中央的時候，
被人有意咁玩弄啦！=="
係咪上下搖！
咁我係中間就擺上擺下！
好似玩緊跳樓機咁~~~
又因為我著短褲既關係，
就係咁磨對腳！勁痛呀！
最後一輪刺激後，
背脊都濕係左！
成個過程勁用力！
爬到最後有D暈暈地添~~@@"

再繼續上路，
途經幾處「好難過」既位置，
大家也有驚無險呢~~
亦見到有處潭底瀑，
好想跳落去游水呀！^^
整個攀澗既過程都係咪叫係咁煲士氣！
喉嚨沙o麗......
總是做著這些位置的工作...
好彩因為第一隊的關係，
在車上等第二組既時間變成了休息的時間，
拉緊了的神經終於有喘息既空間了~~

接著既路程去左水口那處掘"沙白"~(好似又稱"文蛤")
記得兩年前，
我們展翅朋友一齊黎渡假，
那天就是在此地握沙白呢！
感覺很不錯呢！
掘到一隻都很有成功感！
之後就用火爐BBQ，
很美味呢！^^
今天，
大伙兒就握到損手難腳先掘得每人幾隻呢~~好慘呀...
我都只係得兩隻進帳...
上次...一個人都掘到10幾隻lu~~
掘左無耐就離開，
向石壁那處的營地進發。

紅十字會的營地，
感覺也不錯！
很寧靜~~~
不過太遠呀這兒...如果不是的話，
當訓練的地點也不錯！
終於可以飽飯一頓了！
不錯的晚餐呢！^^

晚上，
先為下午的活動作分享，
不知為何自己很有感動同信心去分享D真情感受，
就著這個「放低自己」的主題分享，
聽到好多回應，好開心呢。

之後進行左個好激既活動！
狂歡跳舞晚會！
跳左好多part勁舞呀！
仲要係non stop既晚會！
disco呀、jass呀、趴啦趴啦都有跳！
學左好多好勁好玩既歌！^^
玩完既感覺係...
兩位呀sir跳舞超勁！
好玩過我地帶既營火會！^o^V
入左黎「舞o麗脂肪」既瘦身營！
喪爆好玩！^^

之後入正題，
開始做D退修要做既野~~
「頭文字E」
收到很多同事既祝褔呢，
很多感動的時刻...
收到一份「很甜很夢想」既禮物...
淚...很想流下來...^^
正如教練說，
TPIT的同事關係係非常融洽的！
這一點也是我十分認同的！

BP~~
講到好型既主題，
其實就是年度計劃的簡稱，
同事很有心用上一個簡易的方法帶出來討論分享呢~~^^
心智地圖，簡單易明。

在紙的外圍游走了好幾圈，
也是不敢走上去寫意見，
只是在腦內點到即止的...
還是不夠勇氣呢。

之後就大伙兒分享，
很多同事也似是想得很苦的，
推一推大家也是有很多意見表達呢。
我是尾二分享的，
有些說話曾經不敢說，
不知為何在今天在分享的時候卻很有勇氣講一些心底話，
雖然BP對我來說很像很遙遠，
也可能只是作為前鋒的去工作，
就以我這一個青年的角色去睇這件事吧。
同事也鼓勵我不要忽視這個青年人的聲音，
這正正是社褔工作需要聆聽的聲音。
我會加油的！^^

訓練朁退修營第一天完結，
不同同事也有不同見解及感受，
自己看見這些同事的堅持，
也有很多疑問的思緒，
其實......
當社工的是否就是這樣的？？
讓外界的人(包括我)來說，
總覺得想既野好複雜好深奧，
就像表現出一幅專業、神聖不可侵犯的人物，
這是否一定的事情呢？

體現了很多的疑問，
也是一個寶貴的經驗。

>>June 21, 2005 at 5:42:08 PM GMT+8

2005 年 6 月 17 日 星期五 【晴】

整個下午係興趣班既工作困住，
同導師溝通、sit堂、處理班務，
咁就一個下午~~=.="

食晚飯時間，
send SMS無人應？
拉左暴暴一齊去食，
聽左佢D恐怖經歷！
好......攪笑~~~哈哈
都唔知話佢唔醒目定鎮定好~~哈
係屋企有乜好驚呀~~haha

《如果連屋企都驚，咁仲有藏身之所？》
這就是我的信念。

晚上，
無乜同事返，
又做左D行政工作~~
諗下明天既退修營...
唔知點解無乜心情繼續做野，
咁就十點...

要振作振作！！

>>June 21, 2005 at 4:23:58 PM GMT+8

2005 年 6 月 16 日 星期四 【晴】

發覺......
連續放兩日假係幾辛苦呢~he
唔想悶係屋企，
碰巧小強放假，一齊出左去打保齡。

今天~~
技術不錯呢~~~
試到好多次全中呢！
不過都係未試到落旋呢~~^^"

過尖咀旺角~~
不知不覺去左太空館~~
見到D節目表，
揀左套「鯊魚島」黎睇，
好鐘意依類講海洋既生態片呢~^^
充滿神秘色彩的海洋，給人一種好高貴典雅既感覺~
一個生態環境住著不同的住客，
生活原始實實在在，
進食、睡覺、求偶，
悠悠洋的游動。
令人有種悠遊自在的感覺。

有一part講求偶~
「希望同本能係佢地既原動力」，
好簡單的也意味深長！
希望...

睇完去左打機，
小強就狂煲打鼓機，
對比起來善長彈結他多呢~haha

搵食~~
某人突然間好想豪一餐，
去左間「南山谷」等位~~
嘩！
前茶都40-50蚊個！
不過最後都無等到，
肚餓求其去左間食日本野，
都無執著價錢羅~~想食就叫，
味道不錯喔，係份量少左D啦~~ha
位位70蚊埋單。

其實我都唔係怕嫌貴~~
只係唔想花費佢太多錢，
始終我既原則係「好既一餐唔好既一餐」，
執著點食乜都無所謂~~ha
不過同佢去行街都不錯，
無咁悶，
成日會帶到我去D新地方見識~~
見識廣博喔~~^^

之後臨走就玩多鋪結他機~~
手痕痕都要打番鋪先走。

搭火車回家~~
又係好玩好累的一天呢。


近排很喜歡聽迅迅D歌呢！
「阿牛」「葡萄成熟時」「大個女」也不錯喔！

---------------------------------------------------------------
但見旁人談情何引誘 問到何時葡萄先熟透
你要靜候 再靜候 就算失收 始終要守

日後 儘量別教今天的淚白流
留低 擊傷你的石頭 從錯誤裡吸收
也許 豐收 月份尚未到你也得接受
或者要到你將愛釀成醇酒 時機先至熟透

應該怎麼愛 可惜書裡從沒記載 終於摸出來
但歲月卻不回來 不回來 錯過了春天 可會再花開

---------------------------------------------------------------------

時機...難道要用上釀紅酒的時間才來臨？
認識朋友，
不一定要想在一起的吧~~~

有時......
好想就這樣癲下去！
忘不了的工作壓力、煩擾的小事情~~~
要懂得處理也要懂視而不見。

>>June 18, 2005 at 6:09:01 PM GMT+8

2005 年 6 月 15 日 星期三 【雷雨】

放假的一天~~
陪左媽打成個朝早。
過左去上水飲茶行街，
偶而這樣子也不錯呢。

返到屋企，
練下結他打下online game，
悶悶地...過左沙田買野。

今日都買左好多野行o麗個沙田...
最開心係買左個好平既近視泳鏡！
同埋係無印見到D 3R相簿好合適！
如果唔係都唔知個3、4百張新o麗既相放係邊呢~~ha
依家屋企有成...至少o麗左一千五、六百既相呢！？
好鐘意儲相呀~~^^

輕輕鬆鬆去行街也真不錯~~
或許...
有人在身旁也很好吧...。

>>June 18, 2005 at 3:57:07 AM GMT+8