2007 年 2 月 9 日 星期五 【陰】

因某些說話......

就是令人牽動著很多思緒......

6/4......7/3......8/2......9/1......

談青年充權，
講權力，講權利，講權益。

在什麼情況有優...有劣勢，

有什麼條件讓我有多少權力......？

權限...權力...
我有那一樣...？
那一樣我又有幾多...
How mush...?
Or how many...?
不是However......或者是Never...

>>February 10, 2007 at 4:21:00 AM GMT+8

2007 年 2 月 7 日 星期三 【晴】

義工服務新思維...
好鬼難諗既一題...
亂咁黎做無乜謂...
最怕服務俾人餵...

>>February 10, 2007 at 6:25:16 AM GMT+8

2007 年 1 月 31 日 星期三 【晴】

《回家》

昨日係SIC做訓練，
黎的是一位舊同事，
分享「社會企業」，
然而內容當然讓我有所學習，
但深刻的卻是一句話：「返黎好似返左屋企......」

有時候，
返去做義工都有這種感覺~~~
不自覺已種上小樹苖，
而樹苖也要飄散到其他地方成長。

如果說我就是那小樹苖，
我希望自己是沒有根的，
或者說讓我可有能伸能縮的便利根。
為什麼？
因為可讓我「到處留情，度度學習」。

love my life, show my life.

>>February 1, 2007 at 4:25:28 PM GMT+8

2007 年 1 月 30 日 星期二 【晴】

早上做職員退修，
去左體驗「自然學習」既流水學習法，
有很多在帶活動相似既地方，
但對我來說新鮮的是如果加上「自然」的元素落去，
由改名，玩抱樹，玩拾荒，玩聽樹，
簡單點說是一些自然題材的遊戲，
但當中的含意卻同ABC不同的，
也可說是演譯上不同而且。

深刻的...聽到了樹木的「心跳」呢。
有生命真好。

今次經歷，對我有「自然」的學習，哈哈。

晚上急急腳去左嘉年華，
玩左都幾多Game，
不過係有D好可怕既轉轉轉唔敢玩~haha
我估D人成日意為我係個玩癲玩喪既人吧...從個樣睇，
不過其實我係真心驚嫁~~哈~~從不扮勁！

最後好彩中到幾個公仔，
30個幣...唔駛咁樣衰羅~~^^

>>February 4, 2007 at 3:35:31 AM GMT+8

2007 年 1 月 7 日 星期日 【晴】

一個無鬼用的我。

>>January 9, 2007 at 9:18:19 AM GMT+8

2006 年 12 月 23 日 星期六 【晴】

兩日一夜的天空工程訓練營完結了~~
久違了的天空Camp...
百感滋味在交雜呢...哈哈
如果只可以用一、兩個詞語形容，
永遠也只會這樣說...「開心、愉快」。

講番今次自己感覺啦(Eric成日問人地自己自己...)
今次特地準備左好多Driefing技巧既素材，
天氣圖...火柴人書簽...自覺輪...等等
因為自己好想係帶組技巧上繼續學習，繼續進步。
所以當SuSu叫我做營長個時，
我都無乜特別諗既~~(唯一想做營長係覺得營長可以早D沖涼...哈)
幾日都係度諗點樣將自己依家個套正面文化工作既模式，
用落係天空工程裡面...融匯灌通。
最後都小試牛刀，
係素材、五官刺激、聚焦快樂深刻經驗方面落墨。
例如用多一點實質素材去檢討；
「你的Anything」、「自覺輪」、「你在那裡」三款工作紙~~
「天氣圖」「火柴人書簽」利用彩色，實體化讓同學表達狀況及感覺，
而火柴人也有正面信息的效用呢。
還準備了大量彩色筆去寫野畫野，用顏色刺激思考。
本來仲準備左隻正面輕鬆氣氛既CD，不過原來無帶CD機...哈哈
之後就係諗計係時間密麻麻既Camp裡面，
偷更多既小組時間去做。
仲有很多環節也想加插~~
「守護天使」「輕鬆時刻」等等，
諗就諗左好多，但做落發覺真係好有難度喎！哈哈。

接下落黎回憶番下個Camp既每個環節先。

講番一朝早，
自己焦點放係「共內立願，定立契約」
本來諗住做個靚D寫下心願目標用下火柴人，
發覺時間超趕就直接「用口搭救」就算，
初初感覺個組係「大有大帶，細有細跟」
無所謂，我唔係想拆依個關係先。
一開始落力focus係開心快樂經驗，
發覺當中組合都有好既化學作用，不錯。
至於有無偏離天空工程主題，今晚再定斷。

下午食飯諗組名，
哈哈，佢地諗左個好「敵對，競賽」feel既口號呢，
有D擔心，不過見步行步先啦。

搭車仔既時間，
典型既他們都係好亂好趕好想贏好想衝，
都會幾著緊分數呢。
係過程當中，其他組員開始發揮效力，
會見到各有各岡位在工作，
也會發覺小組有兩位重要Leader，
一位係典型較強權既主席會長，
另一位則是樂天溫和派，感染善鼓勵既會長，
一剛一柔互相配合，
小組初段有這樣的保護網，
都看見作用係組仔身上會有正面力量感應同推動力，
對我自己來說也是個好好的試點，
不用太花心力去推動小組，
可以放心機去每個人的發揮，
同埋帶領小組進行反思。

過程中有個小插曲，
話說我們籌夠錢仲有餘錢call的士，
不過係最後卻把遊戲中不可用的$20元紙幣混落的士費度，
最後點知司機找左張$50蚊錢，
所以無20蚊紙幣交番大會。
我會觀察到一路勁想贏既小組突然為左小小分數dawn曬......
雖然第一組到贏硬既但係都超在意這個mistake，
但卻是當頭棒喝，
變成小組的一個強烈的提醒，
這個天意真的十分「天意」呢！
我就把握著這一點去放大總結整個搭車的經歷。

接著用了一個工作紙「你在那裡？我在這裡？」
出其反應的很好的效果，
在搭車一路上有實際的岡位位置俾自己作參考，
大家也好容易講到自己係一個合作小組中的位置，
有前面的，有後面的，有未在狀態的，
表達得很清晰！
而且紙上也能反映他們最想進步最想到達的位置，
也能夠看到領袖們希望退後，退後的想上前，
我就是利用這張紙去讓他們不斷的回想他們的選擇承諾。
唔唔...都切合人人皆領袖的信息呢！
好！明天一定要用番依張紙去總結！

係小組時間臨完之前，
急急腳做有個Angle & Baby，
因為時間有限未能有效解說，
好想做好想試但係又好急，
有點兒草草了事...^^"
且看明日效果。

食飯前打左場水排，
個人覺得氣氛到唔到以往的熱鬧感，
有D浪費左......
讓我建議的話玩下盤盤到肉等等既趣味合作Game會更好。

飯後急急開組長會，
發覺有些小組都未係行得好順利，
急急開個急救大會...都唔知幫唔幫到大家。

營火會，
一個以往自己都非常期待既部份，
今天，這種熱情消減了少少，
因為自己意識目標係放重debriefing個度，
而且帶歌部份都唔太多，哈哈。

最後做了一個營火會主持人，
帶下show off帶下cheer咁，
表現不過不失啦，
流程上大致都跟到run單，
係有D cheer部份帶得遜色少少。
有機會帶下我既組仔一齊跳都不錯。
而我們TPIT的新秀「新草猛」勁受歡迎啦！
我依個舞王都要過氣啦！哈哈

................

>>January 11, 2007 at 8:38:06 AM GMT+8

2006 年 12 月 10 日 星期日 【晴】

好開心呢！

今年的生日也是開開心心、齊齊整整咁渡過。

開心既元素有兩樣，
第一，是可以與女朋友共渡一個愉快、浪漫的一個生日，我倆也是露齒笑的樣子呢。
第二，可以與一班好友相聚，好開心每一年也會是齊齊整整的渡生日，珍惜這些時光呢。

很多開心的回憶也刻印在心中、記錄在相中。
期望著每一個生日的時光呢！^^

>>December 11, 2006 at 4:47:51 PM GMT+8

2006 年 12 月 8 日 星期五 【晴】

記得暑期看見有位同事的日記，
其中一日會寫一些得意野，
《今年度我最喜愛的歌曲頒獎禮》

今日就玩下野，小試牛刀呢！

《2006年度輝輝最喜歡流行曲頒獎禮》

得獎名單包括：

十大金曲獎項 (嗚謝iTunes統計器提供資料)

1.溫柔(還你自由版) 五月天 點擊次數：27次
2.最佳損友 陳奕迎 點擊次數：21次
3.七味粉 周國賢 點擊次數：15次
4.軋車 2006演唱會 五月天 點擊次數：14次
5.記得 劉浩龍 點擊次數：13次
6.重複犯錯 古巨基 點擊次數：12次
7.花灑 古巨基 點擊次數：12次
8.兩坐位跑車 張敬軒 點擊次數：12次
9.黑仔 古巨基 點擊次數：11次
10.餘震 張敬軒 點擊次數：11次

《2006輝輝至愛新曲》
1.遇見神 張敬軒 ：一定係依首！每次聽也心感平安。
2.滄海遺珠 劉浩龍+謝安琪 ：合唱歌！喜歡這首絕對因為私人理由啦！哈
3.我愛茶餐廳 謝安琪 ：歌曲輕快feel，其實不是太有功力的歌，勝在平凡，朗朗上口
4.離家出走 衛蘭 ：又一K歌精選！音樂節奏舒服，最正o個個「天~~~」

《2006輝輝最喜愛男歌手》
1. 劉浩龍 ：憑一首《記得》使我記得佢！歌詞非常不錯，而且對我來說他的這首歌曾經救過我！最記得一句「記得記得其實說好了一起選婚介」

2. 側田 ：很喜歡他的歌聲！最欣賞他的唱功與他唱歌時的感情！

3. 張敬軒 ：喜歡他歌曲的風格，聽著使人感覺得舒服！

《2006輝輝最喜愛女歌手》
1. 衛蘭 ：唱功無所質疑呢！聲線溫柔有自己風格！慢feel深情歌之表表者！

2. 陳綺貞 ：永遠之結他手！她的自彈自歌絕對百聽不厭！

3.吳雨霏 ：黑馬一隻！每次出新歌總有令人驚喜的地方！

>>February 10, 2007 at 4:23:13 AM GMT+8

2006 年 12 月 7 日 星期四 【晴】

工作漸露出幹勁來呢！

近排工作~
大部份時間也是對著義工服務呢！

這也是我所響往的。^^

>>December 9, 2006 at 3:43:47 PM GMT+8

2006 年 11 月 21 日 星期二 【晴】

陰晴忽變...心情況然也在變，

陰天~
心就睡下來。

晴天~
心卻活起來。

天氣人是也。

>>November 22, 2006 at 3:40:49 PM GMT+8