2002 年 7 月 3 日 星期三 【晴】

早上一開始有早餐就食早餐喇。
架機10:00 depart，咁食完就閃都ok掛。但係，我地9:15先去到check in，搞到有專人帶我地straight in去boarding咁，都幾威架。係呀，我仲要俾人check添喎。我又重蹈向Sydney的覆轍喇！采采&姐姐！

>>July 10, 2002 at 3:11:55 AM GMT+8

2002 年 7 月 2 日 星期二 【晴】

今日唔知做乜野，好多人，連underground都好迫。
食完早餐，嘆番幾杯hot chocolate
──＞Buckingham睇番交接
──＞國會，不過無得入去呀，睇唔到Tony Blair添。
──＞Leicester Square食pizza，又平又好味。
──＞Harrod’s
──＞番番Hotel食晚餐，係茄茄加ham ham的。
──＞Covent garden落車，上左條好恐怖的旅轉樓梯，好攞命的呀，仲慘過巴黎那條呀。睇My Fair Lady喇。但係，個balcony位係almost 90度的，睇到眼都突呀，仲要聽得唔多明咁，不過好鐘意呀，My fair lady。
──＞Big Ben夜景，好浪漫呀，向River Thames對岸，望住Big Ben同好夠燈光的國會大厦，會死的呀。呢度真係一個求婚的地方。仲要係向12:00，女的剛剛講我願意，個Big Ben報時，好老土呀，哈。點解我要同阿澄一起黎呀？

>>July 10, 2002 at 3:15:34 AM GMT+8

2002 年 7 月 1 日 星期一 【陰】

Windsor
早上lin俾媽媽，原來雅虹找左我好耐呀，好似話係選科的野喎，大家都打哂鑼咁找我，大劑！但係無大家電話呀，找唔到佢添。

我地……做左神唔鐘意既事呀。好對唔住。我地為改左個火車票呀。我撘成程車都好唔安樂呀，我唔要再咁做喇。

係係，去到溫沙睇交接，好好睇呀。溫沙堡果然係名不虛傳呀，係一座好宏偉的堡呀。我地去到仲要係開始天陰，呢個背景令個堡更更好氣氛呀。俾咁多$$入去睇原來都值架。

到去睇公主玩的細細公仔，ｄ士兵同馬既盔甲，仲有皇帝皇后既相、ｄ好高既牀……呀原來佢地都無我想像中咁豪華的喎。見識見識過喇。溫沙原來92年燒左之後要小心咁睇住所以咪就要收咁貴入場費。

為左save$$，我地去Supermarket買muffin, tarte, naan, cookie…..吃呀。真係好唔錯呀，豐富非常呀！

過依頓橋去Eton睇睇威廉皇子讀的學校，好凍呀，都唔知點解要揀呢間學校呀。

晚上係全程最難食的maple ham！真係要勁加茄去遮住ｄ怪味呀。

係呀，經過咁多日既訓練，覺得自己睇地圖叻左好多呀！哈！

>>September 23, 2002 at 5:03:20 PM GMT+8

2002 年 6 月 28 日 星期五 【晴】

倫敦的早上好危險的，我早上太早起，所以去行行啦，點知有人：Hey, Darling…..嚇親，走都走唔切。
呢度撘車太貴喇，一程underground要1.6 pound，所以今次買weekend pass，用盡佢呀。

-->西敏寺，點解要收＄的呀，之前去的全部都唔駛，英國真係……一路行都見ｄ像係好sad的，原來西敏寺係存放皇室人員既bodies的啊。

-->睇睇（not去去）Big Ben同London Eye

-->大英（飛哂ｄ砂煲爛沙餐，睇得太多喇……），見到木乃伊，感恩呀，唔駛再找喇。

-->Natural history museum，4:00先入，所以唔駛＄，但係入到去不斷快睇都睇唔哂，太靚太好睇喇，個好大的藍色地球啦……之後睇埋草地的exhibition，全部都係高空影的相，好特別的角度，好有意思的，咁又唔知睇左幾耐。睇完又去玩玩，企上個地圖度，找找香港啦，倫敦啦，Maldieves啦，Kenya啦，土耳其啦……哈哈。

-->找左好耐supermarket，終於買到honey roasted ham，tired！

>>August 8, 2002 at 6:09:45 AM GMT+8

2002 年 6 月 26 日 星期三 【晴】

好nice的早餐，有即叫即整的新鮮scramble egg，好多muslin＆粟米片，toast……
食完就行美麗的公園，真係可以行上一個下午的呀，終於明白點解呢度到收咁多稅喇，之後就行body shop啦，我地剛剛揰正1 pound sale 呀，good！行行下，聽到有唐人拉ｄ中國的歌呀，向異鄉聽到真係，唔。我地情不自禁咁停左落黎聽，仲要行番轉頭聽多次添。佢拉月亮代表我的心個陣我地仲向佢側邊一起跟住唱添呀，哈，好似一起賣藝咁，不過無人俾$。

我地離開的時候，一人買一份fish & chip去地度地度下，諗住好feelｄ，一路撘火車一路食嘛。但係，真係好攞命的呀，食左大半己經想死咁……
我地一去度East Cantebury站，問個車站人，佢就pass都唔check就叫我地rush去對面月台catch the train，因為兩分鐘之後就開喇，太好喇佢。向車度食食下有人check火車飛，我地先知自己入錯左1st class，但係check飛人叫我地finish our meal先，真好呀，佢仲話我地搭到去Faversham，落車之後衝過對面轉車就得喇，但係我地無話過俾佢聽我地要去London架下，太好人喇，佢仲攞左阿澄一條chip食，之後打自己隻手添呀。笑。

去到London 放下死人背囊（佢的新名字），我地就閃去玩囉。
Un 左1.5hrs，架巴巴終於都到左St Paul。好大的St Paul，不過係關左門，入唔到去架，之後我就去人地話必去但係得個像的Trafalgar Square。我地問人方向，佢地叫我地better take underground，但經過之前幾日既training，實在係濕濕碎啦。咁再行去Picadally，個像都ok的，再行呀，行去Leicester Square的唐人街找美麗華（但係我地只係見到富麗華同X麗華咋）同買涼茶呀！好腳軟，但係原來都唔係太遠的呀。

之後的晚餐都係向床度鋪大毛巾吃不同的ham加至愛茄茄夾的sandwich，就一路睇世盃精華（luckily睇到的話）、報紙同溫布頓，一路食食剩的ham，好酒池肉林咁，哈！

>>July 10, 2002 at 3:01:04 AM GMT+8

2002 年 6 月 25 日 星期二 【晴】

２個字機就到左London喇。要記住好平的機平呀，HK$150咋。
英國人非常nice呀！向火車度坐我隔離的男人見我地個死人背囊好阻我地，就話幫我地搬上去個架上面，之後又教我地向邊度行乜方向，點找酒店呀……英國人真好呀！
我地去King’s Cross度找人幫我地book B&B，佢幫我地打左成個鐘電話先book到一間咋，好傍偟呀！不過諗尾佢都幫我地搞掂喇，太好喇。我地即刻去Cantebury，一過去就係一個城堡外牆既公園，好有特色的。去到好英式的hotel仔，已經兩點喇，可以dum低個死人背囊一陣喇，解脫呀！快快沖涼同食野先！
之後就去Dover喇，要用盡張SE pass嘛。
Dover有美麗的海灣，有燈塔，有好方便的woolworths同Marks & Spenser我地又行喇。今次係行山囉，問人路啦又，今次俾人帶左去custom，噢。上White Cliff度行左兩轉，不過睇到個cliff好開心呀。遠處仲見到一堆會郁既樹，之後confirm原來係一堆的軍隊，仲要係行得好快的軍隊添呀。累死了就番番Cantebury買晚餐，食honey roast bread加勁多咸with everything呀，good！訓番夠先得！

>>July 10, 2002 at 2:56:01 AM GMT+8

2002 年 6 月 24 日 星期一 【晴】

早上起來，自己落去樓下行下。行bakery、supermarket同樓下晨早就開的市集（向呢度係難得架下，normally要11:00先會有鋪頭開的），好開心。

朝早我地一人灌左500ml朱古力奶同清咁ｄ餅先走。去聖心（其實睇得太多教堂，開始覺得無乜野睇咁），行完就發現Panini呀！好好味的啊，ｄ芝士好rich，個飽好外脆內軟，加埋金華火腿，簡真人間極品呀！熱氣死都要食呀！又係唔識睇餐牌（不過，依家總算認得幾個法文：lait=milk，au=with，boisson=drink，de=of……啦！），所以亂點２個咖啡，係expresso來的呀，苦過廿四味呀，ｄ苦係會向個口到徘徊，回真係齒甲留苦呀，我寧願飲廿四味呀，總算係甘嘛。杯野好的色的，仲要係唔滿的喎，我地估，都有20ml掛，咁杯野係Euro2，咁即係平均每ml要HK$1啦，點都要飲左去呀。我地就係咁，襯個waiter走左，攞住枝水，一啖咖啡一大啖水……噢！clear左之後就簡真感恩啦，覺得自己好偉大咁，要衝出去買番枝雪糕黎食啦！

係呀，間café的waiter好好efficient的呀，係線過黎你張枱到架。

我地之後就去撞下找唔找到蒙馬特廣場啦，行行下俾我地找到一個cheap cheap市集，行下都好寫意丫！

再一排，我地又問路，原來個square係向聖心後面，又要上番山。個廣場係好多人畫人像畫的，個個都有佢既風格的。

番番hotel，又食panini again。我食埋last一個西樵大餅呀，好滿足呢！

離開酒店一家，要我地訓機場既旅程喇。好cool呢。估唔到上雪山唔駛著雪褸，但係黎到呢到就要……凍凍呀。訓訓下，個機場又鑽野……訓得好辛苦。不過好有旅行feel，好歡喜呀！

>>August 8, 2002 at 6:16:27 AM GMT+8

2002 年 6 月 23 日 星期日 【晴】

無野睇的Pompidou，入去行左個圈就走喇。之後向個square度食野，坐向個地度，又撩下白鴿，都好好啊，咁樣食野好好feel呢！
之後偷入羅浮宮，哈，成功了！個檢票員check我的票時仲ponder左at least一秒呀下，驚呀！今次唔行完都唔出黎呀！我地又係非常tired啦，行到有ｄ封左的館就話”That’s good!”。
我地行完出黎就番番個入口影相啦，示示威咁嘛，哈！
好tired但又好開心的我地又亂咁行，誤闖砵蘭街，閃呀！怕怕呀！！我地飛快地去番出去找metro撘番去酒店喇。
記番Hayez Yip話唔好去13、15區，又教我地去toilette要排隊，邊到有toilet，仲有ba lai wo on glay……又睇住我地買un carnet喎，太掛住佢喇。
番到酒店問一個長期坐向度的uncle（我地以為佢係老闆一家的，但原來唔係的呀。）附近有乜好食，最後都係去左食Indian野。但係望落個餐牌，都唔知係ｄ乜，都真係……咁就叫個waiter recommend啦，好滑的雞呀，正！開始愛上印度添。

>>July 10, 2002 at 2:24:16 AM GMT+8

2002 年 6 月 22 日 星期六 【晴】

係muesli，唔係muslin呀~~

>>July 11, 2002 at 8:38:26 AM GMT+8

2002 年 6 月 22 日 星期六 【晴】

離開個團同Hayez Yip喇，要開始自生自滅的生活喇。朝早8:00先起身，無得同團友一起影相喇。我同澄嘆左個豐富的早餐（呵，我食左2個croissants、1個法包、2輪muslin、yogurt同好多fresh food呀，好歡喜！）之後我地就走左唔知幾多條街，終於找到Yvett’s Hotel喇！佢好有酥味的。係呀，向呢度問路真係一種享受呀，ｄ人唔識都會問其他人再答我地的。
之後就去找laundry洗衫，原來body language真係好有用架。
Then就食樓下baulangerie的好好味、好多的朱古力飽飽餅餅！好鐘意呢度呀，好方面，樓下間咁正的baulangerie！
接住就去羅浮宮，我地由Richelieu個入口入去，ｄ雕像好真呀，ｄ紗雕得好薄好真，睇到眼都發光呀！好鐘意睇女人的像呀，好美！仲有個塞基因愛神之吻而　醒（Psyche and Cupid) 呀，好鐘意！但係我唔敢正視ｄ男像呀。行行下睇個地圖就知大劑喇，個館真係好大架，點行？行到腳都bike的！諗住出去抖抖先再入去行咁。點知～～～想入番去的時候已經關門喇！仲乜呀？原來星期日係5:00閂門的。我地仲未睇必睇的蒙羅麗莎同讀過美術史的Hayez Yip（好偉大咁）recommend的George de la Tour的畫呀。阿澄同我，唯有好心有不甘咁離開。
之後我地就去閒遊塞納河啦，美麗的La sainte！見到澄澄心情好番ｄ先開ｄ。
Then就去上Cruise睇黃昏同夜景，好迷人呀！
晚上我地諗住食埋ｄ杯麵佢，咁同個靚仔老闆仔講要water chaud，佢就明我地係要熱水喇（Hayez Yip真好呀，佢教我地adj係放向個noun之後的）。個老闆仔見我地得杯麵食，就問我地食唔食蛋，我地就好似餓鬼咁不斷點頭say yes啦。個蛋個黃好大的呀，好好味呀！我地食完之後，個老闆同老闆娘就出黎喇，原來個蛋係佢地架，佢地三個人得番一隻蛋食咋，真係過意唔去呀。

註：老闆佢地的關係純粹係我地一廂情願咁加俾佢地架，事實係點係無人知架。

我地己經習慣了Hayez Yip的rule：上程唔影相，所以，我地開始會唔多影相lu。仲有呀，如果Hayez Yip向度，我地就唔駛亂咁行，又唔會揀星期日去羅浮宮，佢唔會叫我地行到腳bike，又會幫我地搵toilet，好掛住Hayez Yip呀！

仲有呀，我地找唔到施丹張大大poster呀，莫非輸左波即刻摺左？好慘呀，佢都未好番就要落場，佢連跑都跑唔到，會跌低的，如果因為梗硬出場咁要提早掛皮靴，皇馬就慘喇……

>>July 10, 2002 at 2:40:36 AM GMT+8