2002 年 10 月 12 日 星期六 【晴】

朝早５點幾起身，番到鄉下都係9:00左右，好似早左ｄ咁。一入到屋就聞到好香的燒豬味喇。其實我唔好食的，但係覺得好香呀，好想食少少呀。佢係用花椒八角個ｄ東東醃過的，隻豬仲要係好鮮美的喎，用炭爐燒的。唔。香港得兩間鋪頭有專利可以咁做的架，但係貴貴嘛。可以食到，真好。要等分豬肉呀。

同爸爸周圍行下咁，見到豬腸粉，好似英德的喎，好想食呀，但係之前食左兩個包包同梨梨的喎。只係１蚊，忍唔住叫左一碟食喎，係一座小山咁高喎，應真抵食呀，但係一個人食都幾飽呀，好滿足啊。如果可以同爸爸媽媽或者哥哥佢地一起來食就好喇。

同爸爸行百貨店（supermarket），買左ｄ野食啊，嘻。過多無耐就番屋企食飯喇，真係無幾耐架，只係11:30，點算，仲未消化哂ｄ野。但係又好多"送"想試喎，所以又係飽都照食，ｄ鍘魚比香港的肥美，仲要無泥味架（爸爸唔好的架喇），仲有ｄ油鹽水煮蠔、雞呀……之後為左食多ｄｄ"送"，添多半碗仔飯，飽啊，都值得既。

之後就跟車去拜山，我初初驚大家唔鐘意我唔上香的，所以我閃埋一角向度睇，又睇睇風景咁囉，不過都俾佢地發現左，但係佢地只係問左我兩句咋，真好。由19代開始拜，之前的搵唔番喇喎，所以好快就搞掂，燒完炮丈，走得。原來我係第26代的呀。

番到來就食准生糖水，ｄ雞蛋好香的喎，佢地係比香港的細隻ｄｄ既，但係好味ｄ喎。太飽足喇，點算好？

我自己閃左落樓下的百貨店行下，嘻，坐向度好悶啊。我買左頂草帽呀，係同麻麻一樣的架，遮遮太陽都幾好啊，價值$2.5，嘻。當然仲有其他野啦。唔。佢地周圍找我呀，真係唔好意思咁。我要有交帶ｄ先得呀。番到上來又分燒豬吃，好味道啊！麻麻佢好似好悶咁，ｄ人走哂，無人理佢呀。我同麻麻傾傾啦。麻麻呀。

晚飯向5:30開始，我去左台小人的，同佳哥哥、紅姐姐佢地坐。今次有８圍呀，好多人咁，但係唔係個個都識哂架。好鐘意咁食呀，一起食飯呀。佳哥哥同阿嫂佢地不斷塞我食野，我食左８碗滿哂的油淋淋炒粟米，食唔落飯喇，一有'送'來佢地就轉去我到俾我，有ｄ唔好意思咁，食左好多呢，好暢快啊。Total有12碟"送"同一個湯，咁食法真係幾辛苦呢。到最後仲要塞我食多３個饅頭，食得唔好"哂"呀……好"稞"命呀，但係好開心。好鐘意一家人咁食飯呀。

食完飯就同爸爸同哥哥佢地睇田亮佢地跳水，同小朋友仔玩波仔，之後就走番香港喇。
係咪食得太盡呢，有後遺症呀，頭暈啊，仲好口乾添，係太多味精喇。
好累好累，向車上捱住爸爸面訓著左，好舒服呀！


>>October 16, 2002 at 10:35:04 AM GMT+8

2002 年 10 月 11 日 星期五 【晴】

呢個星期朝朝都好舒服，因為有好清的無雲天，好藍的，仲有陽光下的樹，見到佢到就好似charge up哂，心境都寧靜ｄ，上堂都集中ｄ呀，感恩感恩。其實定係呢個禮拜朝朝都一杯熱豆漿，飲左心情靚靚呢？Anyway啦。

下午找媽媽。我第一次上媽媽的家咋（好高架，差ｄ見到我屋企喎），仲要第一次見到媽媽的屋企look喎，嘻。仲有盒盒cheese食喎（係我又唔記得左隻cheese的名呀，總之係white mould cheese來的啦），係媽媽的至愛啊。幾rich的喎，外面texture係較乾的，的裡面好滑的呀，仲有一種香味添喎，唔。我試過分別地吃同一次過咬入去的感覺，唔～～唔識形容啊。爸爸同媽媽好溫馨呢，一起嘆嘆呢，“疏乎疏乎”啊！

之後，就係遲到囉，但係我係最早到的喎，呵。其實原本係派handbills，但係原來要帶詩喎，就無派喇。我覺得派handbills係我強項來的嘛，無得大顯伸手添。哈。其實係幫唔到神做野咁。係呀，今次學識多一首有動作的歌喇，嘻。朱軒好叻呀。好開心。

查經個陣Summer提出左一ｄ啟發的問題，學左好多野呀。咁ｄ組員都有好多問題喎，好似神到底係一早已經計劃了我地一生定係當我地去到呢個moment先計劃呢？其實我唔明架。點解要有咁多點解既？我覺得呢ｄ野都唔重要的，我知道神愛我，我會跟隨佢，仲乜要問咁多既？我係咪無呢個智慧去諗呢ｄ問題呢？唔要緊啦，嘻，我都係繼續番自己依家咁。謝謝主呀。最後個陣，Summer提到佢爸爸過身時的情況，佢話無人可以向受苦時豪無怨言，YPY個樣，同佢的對話即刻向我個腦到閃出黎呀，我好proud of佢呀，因為佢可以做到。但係之後我諗起佢既笑容、向病床同佢按摩個陣ｄ肌肉軟哂，不復之前咁實正咁、同佢食lunch時俾哂ｄ菜我地食，怕俾媽媽知無食哂……我喊左少少呀，好彩無人見到啊。之後走既時候同Summer傾多陣，佢好似當我係小朋友咁的，一路向聽緊查經個陣都mit找面豬dun，篤篤我面面，搞搞我頭頭、拍拍我膊頭同頭頭……喎，我覺得好似有大哥哥睇住咁，好encouraging呀，嘻嘻。唔通我係一個需要ｄ咁既positive feedback的人？好似隻汪汪或者海豚咁呀。汪汪。
個心有ｄ沈左落黎啊。

>>October 14, 2002 at 4:03:40 PM GMT+8

2002 年 10 月 10 日 星期四 【晴】

嘻嘻，今日lunch閃左去I-ed同爸爸食飯呀。我要俾東東爸爸嘛，有誠意ｄ先得。下個禮拜就找媽媽啦。呵呵，如果媽媽得閒的話～～好啦，媽媽。
係呀，爸爸唔開心呀。點算好？爸爸叻叻，要堅強ｄ……唔知講乜好喇，個心亂左呀。呢個女無乜用。

番家時終於鼓起勇氣lin俾YPY媽媽喇。呢個幾月一路都記掛住佢的，唔知佢仲有無成日諗起Ms Yeung又或者亂諗野？學電腦學成點？一個人住悶悶嘛？……唔。嘻，聽到佢把聲好精神，真好。佢好叻呀，學電腦啦、鋼琴啦、太極……最開心的係佢決志信主呀，仲話遲兩三個月會受浸添呀，感恩呀！！係呀佢問我點用電腦睇相同碟……的喎，我向電話到講，佢就做咁，好得意的。但係都係唔成功喎，所以我話下個星期五上去佢到呀。唔，我應承自己每個星期五/weekend都要上去找找佢，陪陪佢，同佢分享分享呀。仲有係佢個心同個肺呀，要加倍為楊媽媽祈禱。

之後我走左去新墟買雞蛋餅俾媽媽呀，我記得媽媽鐘意呢個的呀。不過會唔會食厭左呢……

>>October 14, 2002 at 4:02:04 PM GMT+8

2002 年 10 月 9 日 星期三 【晴】

這幾天都好缺乏運動，個人唔多有精神咁，所以今日早上落左樓下跑步呀。其實之前見好多foreigners都會跑喎，已經好想同佢地一起跑下，好似好好feel咁嘛。早上空氣真好，ｄ樹都好青蔥咁喎，加埋個太陽，好舒服啊。但係一開始就跑上長命斜，跑到最後的ｄｄ就唔多夠氣咁，好唔開心呀，我的體能真的差了喇。跑呀跑，好鐘意呢到既環境呀，一路都好享受咁，完成左一次環Shaw跑的路程。唔，之後跑多ｄ先得。心情舒暢。之後派handbills都好ｄ。係呀，派handbills時隔離有人做緊promotion喎，個老闆話以為我係岩岩向O’camp被人玩完的freshman呀，因為我個樣無任何攻擊力喎。點解個樣會有攻擊力的呢？即係上左year2就會唔同的嗎？R頭呀。

好想找爸爸同媽媽呀，因為好似好耐無找佢地咁。可以見一面我就夠架喇，唔駛要食飯的架。媽媽好似好多野做的喎，向icq的message feel到媽媽好忙的呀。係咪好辛苦呢會？好似要睇ｄ好難明的readings之後趕essay喎，其實要日日舟車勞頓都已經夠喇，真係要好好休息，食多ｄ野呀。爸爸好似free少少咁啦，哈，係咪忙打波呢？呢樣唔算的喎。不過爸爸今晚開始呢五日要打四場波呀，強呀。但係爸爸打波好駁的喎，會唔會支持住呢？

晚上洗樓，接住係core會，係Shawlane的最後一個core會喇，好野。好累呢，要2:00先訓得呀，goodnite大家。

>>October 14, 2002 at 4:01:31 PM GMT+8

2002 年 10 月 8 日 星期二 【晴】

今日個天仍然係咁藍，仍然係咁清，ｄ風仍然係咁爽，正。今朝上長命斜，一路望番ｄ樹樹，俾陽光曬住既佢地好有朝氣，好靚呀。

我尋日撞親個頭呀，係去聽電話時砍左落個書台隻角度呀。原本以為無野的，一路都無理喎，但係尋晚一訓落床既時候就好痛痛喇，雪雪～～以後向自己間房要小心ｄ呀。

今日中午去派handbills，曬lun左，尋日同今日既無雲天果然係幾"羅"命呀，算啦，佢靚靚就得啦。
之後番到宿，又開始俾個西斜房焗住喇，好熱熱呀。我會唔會有更健康既膚色呢？聽日都係渣渣灘，閃去ｄ蔭ｄｄ既地方先得。

>>October 9, 2002 at 8:59:17 AM GMT+8

2002 年 10 月 7 日 星期一 【晴】

今日個天好藍好清好靚呀，無雲的喎。令我諗起Paris的天空。咁靚既天，好想去游水或者戶外活動下呀。好鐘意今日個天呀。秋天秋天我鐘意呀。
但係中午派handbills，曬死左－－

Lunch個陣閃左去Kristen度，我報左個壘球學會呀。本來好開心的喎，但係佢同Angie話以為我同Richard & Ricky拍拖呀，唔開心呀。兩個R都not my cup of tea呀，唔好咁對我呀。係佢地晚上成日閃上來同朝早向lobby等我咋，我已經唔多同佢地講野架喇。之後Kristen叫我小心ｄRichard呀，驚驚。

之後番到宿，仍然有點沮喪，突然諗起采采之前同我數過的數目，我向呢方面好失敗咁呀，算喇不過，唔想諗lu。繼續睇小航的書仔。之後同爸爸傾左一陣，有ｄ倦倦，就訓左幾個字先去傾project，嘻。我對自己都幾好喎。舒服舒服。

媽媽點呢？高高個tutorial點呢？鬼哥哥又點呢？

晚上去普通話桌，食左餐好的，又唔駛$$，又識左個exchange同幾個隔離宿宿生，真好，呵。食得好飽啊，呵。
到呢個moment仲好飽，勁呀。平時我已經餓左喇，艷艷細食左喇應該。嘻。自己art下自己都好。

>>October 9, 2002 at 6:22:15 AM GMT+8

2002 年 10 月 6 日 星期日 【晴】

爸爸媽媽點呀？哎唉，好似好唔掂咁喎，點好呢？真係捱得過？有乜就找我幫手呀。

今朝好精神喎，我尋晚兩點先訓架，訓左5個鐘，但係真係好精靈喎，我向大學從未試過上堂上得咁精神的呀。多謝神呀，我以前成日聽人分享話你俾神東西，神會加倍咁俾番你，真係好感受到呀。向金錢上面都係呀，神會加給的。

到底宗教於我有乜意義呢？跟隨基督既實質意義係乜？我只係話信就信，F.2到依家，個原因仍然無變。係咪太簡單呢？

咁我因為做左神既囡囡，所以多左好多大姐姐大哥哥，佢地都好愛鍚我，我覺得好幸福呀。仲有呀，有神照住我，乜都無有怕呀。咁我享受左，係咪應該付出番ｄｄ呢？我會全心全意咁事奉主，每日思想主，讚美主，感謝主，關心主你都愛既人，積積極極咁活出你既樣式，真係有好多好多野要去學呀。要做好ｄ先得。

我發現唔可以坐向宿咁耐呀，會不自覺咁食，剛剛睇番，原來今個下午己經clear了兩條餅，食曚左喇。艷艷食得太多喇。成日掛住食唔得架，真係點算好。唔可以再縱容自己呀！

但係晚上貼完poster番來又肚餓喎，係咪因為行得太多（去左science center、NA同UC的宿之後番來Shaw）消耗哂呢，唔可以食喇，快ｄ訓呀要。Goodnite大家。

>>October 9, 2002 at 6:20:13 AM GMT+8

2002 年 10 月 5 日 星期六 【晴】

天氣涼了，好舒服啊，cool cool的風呀，I like it！感謝主。

早上同爸爸談宗教的問題，已經持續左幾個禮拜的，我發現自己係有立場的呀，比之前更確切知道呀，我識得argue番架，好開心呀。

好想諗多ｄ神，我剩係諗周圍的人，成日掛住大家，好似少諗神呀，唔。

我唔記得牧師崇拜時講乜呀，但係佢講左一句野，我就開始諗，我會唔會
自以為有愛心，我怕自己會驕傲呀。我要儆醒呀。唔可以的呀。

仲有呢，我曾經諗過quit兒童部的喎，我覺得自己上到Yr２好累，睇住小朋友仔，同佢地玩好體力透支呀。但係我無講出黎呀，因為我pick up兒童部幾個月咋，我覺得咁對ｄ小朋友唔負責，對其他導師都係呀，呢度係需要人的呀。我有呢個諗法真係好對唔住神呀，原來我最對唔住的係神呀，我無真真正正咁愛ｄ小朋友呀。唔。

采采上第一堂浸禮班，好為佢高興呀，我要練好首＜新造的人＞好好聽的呀～～
好想同采采一起浸呀，不過神會為我準備的。

繼續係睇書仔的問題：
愛神係乜呢？我之前都諗過的喎，自從有左基爸爸，我知道點樣的愛係愛爸爸／神喎，不過都係我覺得的。我會為佢喜歡做everything，會成日諗佢喎，會好尊敬佢，好重視佢咁。咁我將呢ｄ對爸爸的project落去，係咪就係咁呢？

仲有乜係跟隨耶穌呢？無諗過呀。係咪即係要學耶穌呢？咁要點學呢？

看小賣時，Emily買左個大大包俾我呀，感動呀，大家都對我太好喇，我真係配唔起的呀，感謝主。

仲有我覺得Richard好煩呀，係咪佢有太多時間呢？我好唔想應酬佢呀，唉。唔理。

>>October 6, 2002 at 5:59:45 PM GMT+8

2002 年 10 月 4 日 星期五 【晴】

下午unexpectedly可以同采采一起吃lunch呀，非常開心啊，我地由旅行到依家都未一起喇，好感恩呀！我地仲要可以save money喎，兩個人都係$23.5，呵，真高興啊。之後我地仲食7-11雪糕喎，悠閒極啊，呵！不過今個禮拜唔好再食雪糕喇，一個禮拜一枝呀，我記得Mandy話我食得太多喇，可能膽固醇過高都唔知呀，要節制下呀。

下午補完習，團契爸爸帶詩喎，原來爸爸佢無準備要帶合團的，所以係即刻臨場發揮喎。但係我一ｄ都睇唔出呀，爸爸好有大將風範呀，威威呀，proud of佢呀。我心諗呢，如果爸爸媽媽睇過上次我帶詩呢，一定激到嘔血姐。（伸利;-））
團契的講員係關啟文喎，佢講的係性文化的東西呀。我聽到個題目己經唔想去聽喇。之後睇左第一張slide已經無再睇喇，一路既講道都係dup低頭咁。我唔係咁願意聽呀，好反感啊。上年o’campｄ人玩con人同叫囂時我都係摺埋左一角的，玩其他東西又即刻出現番咁，好怪怪咁。其實我知道性係中性的，但係當講到年青人……的時候就會係呢ｄ負面的野喇，好唔想接觸呀。
好不容易捱過左，我諗呢，自己係咪逃避呢？唔諗野個人只係會原地踏步，唔進步架。但係呢，呢方面的東西真係唔想掂呀。
之後小航借左關啟文既一本書俾我睇，佢話係大學生必睇的喎，咁我就借黎睇喇。小航太好喇。唔知可唔可以每日睇一篇呢？

晚上開始第一篇喇，真係好有啟發的。我諗番自己既靈命都係浮沈過，我都有叛逆既時候呀，唔。

>>October 7, 2002 at 6:14:17 AM GMT+8

2002 年 10 月 3 日 星期四 【晴】

早上送砵仔糕，忍了好耐，好想食呀。搬好之後就同OC一起吃，好美味呀，雖然好飽呀，但係好滿足啊！

因工受傷滴血呀～～唔知有無得claim呢？嘻。

完左assembly就回家同媽媽飲茶。番到家我食左５個飽呀，勁呀，不過好飽呀。

>>October 7, 2002 at 7:46:16 AM GMT+8