2002 年 9 月 7 日 星期六 【晴】

兒童部新一季開始上堂喇，不過……今日得５個小朋友咋，但係我地有５個導師喎。
冰童（剛剛升上黎的小朋友仔）佢話我係豬呀，仲要dut長個嘴仔咁講－－豬！不過豬軒係狗，呵呵！之後我叫小朋友仔投票喎，話豬哥哥係豬既就舉手喎，點知無人理我……喊呀。之後話我係豬就舉手，點知以諾佢出賣我！我問以諾咁豬哥哥係乜呀，佢話佢係人。無可能架！我唯有同佢玩肥豬要食人喇……追住佢到呀，好好玩。豬仔要食人喇！
係呀，今次仲多左個大頭蝦姐姐喎，呵呵！小姨姨係一隻蝦，一隻蝦。

晚上番宿hon小賣，無去開部會呀，奸奸呀我。不過真係唔想出去食呀。吹吹水，開開心，good呀。

>>September 9, 2002 at 6:32:11 AM GMT+8

2002 年 9 月 6 日 星期五 【晴】

今日帶詩呀，好興奮咁。其實係有ｄｄ緊張的呀，嘻嘻，因為我會唔記得個flow要講乜的呀。好彩有婉婉同采采照住我，唔驚lu，謝謝呀！

係喇，第一首歌係Glory的中文版，可以一路跳舞仔咁唱，好開心咁呀，不過婉婉唔跳呀……呢首歌佢先係權威嘛，明明。嘻嘻，其實可能只係我一個人跳得好high咋，不過唔要緊啦，嘻。

之後就係<每一天>，最後就係<爸爸，天上爸爸>，好好聽的歌仔呀！我覺得呢首歌好溫馨呀，真係好鐘意呢首歌呀！！10個鐘意呀！係呀，仲可以改做<爸爸，地上爸爸>、<媽媽，地上媽媽>、<采采，地上采采>、<婉婉，地上婉婉>同<哥哥，地上哥哥>添呀，唔。好好呀。

其實呀，男仔同弟兄、女仔同姊妹有乜分別呢？但係全，場爆笑喎，團長仲要講多兩次喎，唔明。

之後鬼哥哥話我值10個可愛呀。我好開心咁多謝左佢喎。不過佢之後話我單純喎，咁係咪即係話個可愛其實即係白痴咁解……噢！

之後係查經喎，我覺得自己好似亞倫呀，我唔鐘意咁呀。我要做番個有主見少少既人先得呀，咁樣神先鐘意架。

係呀，我發現人地喂你，好自然應該望下個人識唔識架喎，所以如果見到個人係ｄ無聊人咁，咁先即刻快步閃。因為人地無端端叫你，一定係想你幫幫或者係有ｄ野嘛。唔。

晚上同爸爸媽咪講話想浸呀，佢地好反對咁。之後就啾左我好耐呀。佢地話教會只係想拎走我ｄ錢，又話我好似食左白粉咁個個禮拜定時定候番教會，仲有話我返教會有乜好處丫咁呀。扁咀呀。我答左佢地都唔認同呀。我好無力反抗咁，對唔住呀，神。

其實，我浸同未浸都係神的囡囡，咁我浸左有乜意思呀？咁呢個儀式咪唔係做乜咁囉。但係鬼哥哥話叫我去浸喎。唔。

>>September 9, 2002 at 7:06:28 AM GMT+8

2002 年 9 月 4 日 星期三 【晴】

今日肥野lin黎叫我帶詩呀，嘻。一口應承左喇。嘻。 好似有ｄ作為咁呀，呵。

晚上開Shawlane大台會，開到ｄ部員扯哂火呀，噢。之後要gum gum佢地，傾多個靚鐘先走，好累呀。


>>September 13, 2002 at 3:12:50 AM GMT+8

2002 年 9 月 3 日 星期二 【晴】

我要發奮讀書了，爸爸媽媽。除左上堂個陣，我會掛住你地架。
下午出左去俾notebook Irene，之後找采采同媽媽，但係媽媽番左屯門陪婆婆，采采都要去印野喎，所以我自己拎住個又一城地圖摸摸咁，原來又一城有媽媽上次向銅鑼灣話個間Queen’s架。Explore下先。
晚上要搞層聚，買ｄ生果番去食食同吹吹水就算喇。懶呀我。
對自己好ｄ，買番ｄ飽飽俾自己，呵呵。好滿足呀。

>>September 13, 2002 at 3:08:04 AM GMT+8

2002 年 9 月 2 日 星期一 【晴】

我今日見證到個西斜喇！呢個係西斜房既一大景觀呀，唔好恨呀。
4:00鐘晒到第14格階樽（out of 16個階樽），我已經避到上牀喇，佢仲步步進迫喎，我要一路係咁避喎，搞到我得半長牀坐咋；
6:??終於唔曬喇，不過間房仍然係咁熱呀。跟據Master哥哥既實驗，間房係比走廊高最少２度架，噢……佢仲叫我唔好開門，費事整熱個走廊喎……

>>September 13, 2002 at 3:00:05 AM GMT+8

2002 年 9 月 1 日 星期日 【晴】

早上６點gut起身畫埋ｄ野佢，好彩都總算畫得哂。

之後沖個涼同洗個頭就同婉婉食早餐。突然覺得中大ｄ早餐好平，食得好開心都只係$10咋。好歡喜，向屯門要１倍價錢呀。掛住傾同食，差ｄ唔記得打俾豬軒添，你真好彩喇，豬。

上堂仔既時候，覺得自己仲未適應到番學仔咁。

好好唔好意思咁。番宿拎袋東東俾媽媽個陣，要同宿生會要派calender，我要入哂579個先走得呀，所以無入番屯門幫媽媽拎東東。之後就幫mentor買notebook，我排左５輪隊先可以搞掂，真攞命呀，頻撲搞左個幾鐘，仲要一路心掛掛媽媽會點，一ｄ都唔好受呀。

向地鐵站見到媽媽同婆婆（係媽媽個媽媽啊）拎住好多野咁……辛苦佢地喇。我覺得婆婆好錫媽媽呀，真係好好好錫架。見到佢地，好開心。

個宿好靚呀，好新淨的櫃櫃同檯檯。我地一起抹抹東西同入入貨，爸爸又出現喇。不過都係一陣咁。向個宿到，好想訓，眼訓嘛。定係個環境太舒服呢？是旦啦。

走緊個陣，我差ｄ講錯野都唔知呀，好彩爸爸禁住我咋，真係唔得呀，我要小心ｄ先得呀，講野之前都係用下腦好ｄ。

係喇，婆婆帶住媽媽同我食雲吞麵，爸爸要走佬。好美味呀！媽媽同婆婆真係好叻食野啊！個甜甜蝦籽湯底加埋個好有質感的麵，之後再加碗炸醬麵（係姨姨好鐘意食的喎），人生一大享受呀，食飽飽美味的東西，簡直感激流涕！到依家都仲記得個炸醬同雲吞味呀。要同爸爸黎食先得呀。謝謝婆婆。

好眼訓呀，沖完涼就跳左落牀。但係諗諗下先發現唔記得lin番俾媽媽。噢，我呢個女。

>>September 3, 2002 at 8:50:26 AM GMT+8

2002 年 8 月 31 日 星期六 【晴】

早上同爸爸媽媽食早餐，好開心咁。不過番到去先知原來兒童部今日要幫手喎。我以為今日會off一日添，白痴呀。所以－－我無番崇拜呀，對唔住呀天父。

夜晚搬宿，向車上面好唔好意思，又要人幫手咁嘛。係呀，好快就搞掂呀。我執完哂ｄ野都係用左兩個鐘，之後沖個涼再set-up部電腦，不過無driver所以放棄左。無得上網呀！係喇，之後畫畫野，唔覺唔覺又兩點咁制，累累呀，訓喇。

>>September 3, 2002 at 8:59:29 AM GMT+8

2002 年 8 月 28 日 星期三 【晴】

今天早上，上了保叔那裡。有很多蕉吃啊，大蕉啊，太美味了！佢地比街上面買的甜ｄ同香ｄ架，正！向山上面，已經忍唔住咁食左一隻喇。之後佢帶左我去摘林柿啊，我話聽日同朋友仔一起上去先摘，所以都係睇左兩睇咁，咁就可以同爸爸媽媽一起摘同吃喇，我估會好好玩的，不過要睇媽媽a唔available先得，媽媽係忙忙人嘛。我地向個園到行下睇下其他果樹同瓜瓜個ｄ咁，哈哈，有ｄ山皇帝既感覺咁。之後向山上面屋企到坐，好多涼風，仲有陣陣薑花香添，太舒服喇。向33度高溫下，真係一大享受呀。係呀，保叔仲問我食唔食狗肉呀，佢話佢炆得好好味喎，冬天上去佢到吃……佢講得好滋味咁呀。噢，我望住向我腳前既黑仔（一隻黑色的狗仔），有ｄ唔忍心咁，但係又好想試喎。係喇，我抽左兩大疏大蕉番家喎，唔拎都唔得咁。我數過喇，有33隻的架，隻隻都好飽滿隻咁，真係好誘人啊。番到家再食啦梗係，太好味喇，蕉呀……計計下，原來我total食左７條呀，好似多左ｄ咁，怪唔得依家咁飽飽啦。

好眼訓，今晚要早ｄ訓，好好訓一覺先。

>>August 29, 2002 at 1:07:13 PM GMT+8

2002 年 8 月 27 日 星期二 【晴】

下午要請番阿輝食飯，要謝謝佢呀。因為只係萍水相逢，都實在太幫忙咁。食得好飽……

之後爸爸lin過來喎，原來爸爸屋企養狗狗架。爸爸話依家帶佢隻狗狗去洗白白喎，狗狗叫得好悽厲咁呀。我諗番起上年同Be Be同妹妹洗白白既情景呀，采采。要~臟簆\個pat pat咁洗架。仲有可以玩泡泡添呀。之後又要同佢地吹吹吹，之後成個樣都會唔同哂咁架。鬆鬆咁樣架，哈。我有一次仲用錯左家姐條毛巾同Be Be沫身，之後家姐嬲左我呀，唔。要睇番ｄ相先。好懷念呀。好想玩下狗仔添。

之後又開會，好眼訓咁，不停咁打喊露……應該無乜人見到掛。
撘車番屋企個陣我好眼訓呀。
我同天父傾偈仔，講講下訓左覺喎，仲訓得好舒服添，謝謝天上的爸爸。

>>August 28, 2002 at 1:43:04 PM GMT+8

2002 年 8 月 26 日 星期一 【晴】

今日同趙道farewell，實在太好喇大家，種感覺好親切呀，大家都好似特別照顧我，我係細路女。趙道爹爹太親切喇，又情不自禁咁叫左佢做爹爹添。Farewell喎，俾我叫一次啦。

之後就閃去撘車車同爸爸同小鈴搬宿。好對唔住朱軒，因為要佢自己走咁，要佢煩咁，希望佢唔介意啦。
今次其實好唔好意思的呀，因為麻煩到唔識的人啊。叫人幫手，又要叫人等喎，搞到好唔好意思…… 等個陣我有ｄｄ忟的呀，sor sor，但係我真係太焦急喇。唔知自己講乜添。我真係唔岩呀。

爸爸有好多雜lung野呀，簡真就係一個見聞呀，對我黎講，又大開眼界左少少喇。我上年個宿連爸爸1/3野都無呀。咁我今年係咪要搬多ｄ野入去，形做番一個家既感覺呢？唔得喎，咁我會唔想番屋企的喎。噢。係呀，媽媽原來有ｄ能人所不能的，佢歡喜砌風扇的啊。其實睇落去爸爸好似好多野咁，但係呢，我地走個陣，ｄ箱又無哂喎，所以係咪多野只係錯覺呢？定係我地一家人合作無間過頭呢？呵呵。有ｄ神奇咁。

朱軒衰人，佢話佢個乳名係豬仔嘛，所以佢豬，唔係我呀。你先係豬呀。好，玩完。
都係爸爸媽媽好。

食飯仔個陣爸爸問問題喎，真係R爆頭呀！爸爸媽媽同豬軒都好強咁，佢地可以係我既1/600既時間己經諗到個答案架。係佢地太強定係我太弱呢？我無理由無遺傳架播。R頭。喊呀！無可能的嘛。用完腦，成個人blank左，好鬼累啊！累既程度係比行完上青山再跑10個圈更累的。do…do…do……certified！

係咪如果想我唔講野，靜低低咁，就可以問我問題咁呢？

之後爸爸佢地踢波仔，睇住佢地可以向球場上面馳騁。我就覺得好free咁，真係好想去踢呀。如果可以一起玩玩就好lu。無奈自己唔識踢呀，點解呀？我記得中學個陣PE堂試過玩架，不過真係好有難度呀，踢呢邊又會飛個邊喎，都唔得隨心所欲既。諗起ｄ球員精湛既球技，點樣一挑、一笠、一頂、長傳、短傳、三角短傳……仲要加埋ｄ攻勢、組織咁，真係……小女子甘拜下風！！（充滿admiration的眼神，要閃亮個隻）噢，Raul，Figo呀！

睇波仔個陣，已經目光呆滯左，剩係睇到爸爸入左１球同豬軒同肥執事，仲有個月亮代表我的心的橙色月亮囉。原本想同媽媽傾傾的嘛。不過實有機會再講的。我要同媽媽，仲有爸爸添啦，食北京人家的北京填鴨（媽媽highly recommend的）、Puff（恨左好耐的），仲有一起去玩玩睇睇傾傾……我的快樂時光啊！呵呵呵！

走個陣問漏左肥執事個問題添，遲ｄ問番先，媽媽可？（暗笑，he）

下個禮拜已經番學喇，無得再睇波仔lu。（扁咀）

係呀，我要辣埋呢個屋企，搞搞活動玩。我要同爸爸媽媽同其他朋友仔去中秋賞月BBQ、元旦前一日一起上山睇日出，年廿八團年聚聚、新年找找婆婆/麻麻佢地抖抖利是（呵呵）……諗起就開心喇，嘻！再次充滿希望，Yeah！


>>August 28, 2002 at 1:22:12 PM GMT+8