2002 年 8 月 25 日 星期日 【晴】

早上打左好多電話呀，爸爸（好追暈call咁，好唔好意思呀，係我太騰雞同趕急先咁的，無下次的）、朋友仔（借車仔的）、諾樂組（碌lane嘛）、Irene（我的mentor，要幫佢睇notebook）、7B人（約同趙道farewell）……好似好強咁，哈！不過之後就知味道喇我，今個月一定會爆得好強勁咁呀。

下午番去開會仔，向車上面見到華媽媽（係同趙道一pair的），我又情一自禁咁叫左佢做華媽媽……我又對唔住媽媽喇。華媽媽話我可愛，話我會鐘意同一個佢既組女玩喎。好好笑，嘻！原來，我向7B人眼中係咁既。怪唔得鬼哥哥話我向7B裏面無人可以做到我弟弟/妹妹啦。Level低呀～～

開會既時候呢，Master/Poster哥哥搞爸爸媽媽俾我的電話繩呀，我好唔開心呀。好唔想佢搞咁。不過佢之後知道我唔鐘意，都俾番我lu。

係喇，開完宿生會會，就同莊員一起玩魔鬼天使（係同之前去英德玩的Master Killer差唔多的），一路哎燒死佢燒死佢……好開心呢。

搞到之後唔想去開Shawlane呀。咁我地係一路食ｄo’camp mark到的薯片、朱古力餅……我同Susan同Mavis仲要食左個過期蛋糕添喎（不過係幾好味的架）。Susan話我地不如我地一起炸肚痛唔開會，話頭先莊聚食野……不過都係講下咁，我地一起哎兩句slogan：
你地接唔接呀？　接呀接呀接－呀！
你地木唔木呀？　木呀木呀木－呀！
你地pro唔pro呀？　唔pro唔pro唔pro！
你地係邊個呀？　又接又木又唔pro既節目部。
被我個部個部主話完我叛變之後，又繼續high high地咁去開會lu。
（不過宣傳部都有架：
你地酸唔酸呀？　酸呀酸呀酸－呀！
你地串唔串呀？　串呀串呀串－呀
你地pro唔pro呀？　唔pro唔pro唔pro！
你地係邊個呀？　又酸又串又唔pro既宣傳部！
好無聊添。呵！）

係呀，爸爸媽媽……我只係想叫下你地咋。

>>August 27, 2002 at 1:20:32 AM GMT+8

2002 年 8 月 24 日 星期六 【晴】

唔制呀，我覺得自己好白痴，好唔敢見人，除左爸爸媽媽之外……

今日下午我走左去買suit，試左好耐，都係覺得自己著得唔好睇，我好驚個老闆會嫌我煩，但係又唔係喎，佢仲不斷咁同我揀，我就係咁stay左向個鋪頭到差唔多兩個鐘……真係有ｄ過意唔去呀。我一路試既時候，突然閃出個念頭喎，我係咪應該增肥呢？因為有件細碼的我鐘意喎，但係太鬆喇，著上去好衣不稱身咁，喊口呀。但係我又諗喎，如果係咁，我依家ｄ衫咪全部都犧牲哂囉，加上F.7同RB一起增既痛苦經歷，都係NO喇。買衫好麻煩呀！

今日可以幫到爸爸，好似做左ｄ有意義既野咁，好開心！嘻！媽媽，我又可以為你做ｄ乜呢？

晚上同Michelle farewell，見番久留違了既馬雯呀！太掛住佢喇。當大家一起向大會堂吹吹水的時候，我同馬雯把臂同遊/跳大會堂唔知幾多個圈，太開心喇。我渴望玩既心又再一次被induce出來了，我呢幾日明明已經收歛左的嘛，啍。

對不起呀爸爸，我一見到趙道就好順口咁叫左個趙道爹爹……不過我之後同佢講番話我背叛左佢喇，我仲俾左我地三個既信物俾佢睇添呀，嘻。

之後我要早走喎，我叫鬼哥哥唔好送我，因為大家傾到興起咁嘛。但係呀，今次又有人喂我呀，個人仲要係堆打波既男仔度突然鼠出來的，我即刻dup低頭開衡turbo極速閃呀。嚇死。我今次又做錯乜呢？

>>August 27, 2002 at 12:53:17 AM GMT+8

2002 年 8 月 23 日 星期五 【晴】

我發現……自己有ｄ精力旺盛過頭。好想做做運動發洩下咁。所以我今日又走去跑圈仔。但係又唔敢去到咁盡喎，因為星期二要同爸爸搬宿喎。到底乜事？跑完又番屋企食野喎。我好似食左一個碌柚、３碗湯同幾包餅囉。我媽咪（今次係真的那個）開始嫌棄我喇，佢話我成日向到食食食，食完又唔肥喎，都係驗下身好喎……喊！

>>August 24, 2002 at 2:50:04 PM GMT+8

2002 年 8 月 23 日 星期五 【晴】

謝謝媽媽呀，我會生生性性的架喇，我唔會令你地失望架。


睇到婉婉的日記，輪到要諗諗男女的問題喇。呢個問題有難度呀。

係啦，點解我一路都唔恨拍拖的呢？
莫非我真係一個細路女，所以無呢個渴望？定係我係les既呢？唔會呀，應該。我會欣賞球員的figure、Ricky結實的Bon Bon……但係由細到大，我都覺得未鐘意過人的喎（I mean係男女的那隻）。定係我成日將ｄ野分析呢？係啦，我會將ｄ感覺解釋，好似我欣賞一個人，係因為佢打波叻or whatever，最終既結果都同love無關的喎。噢，呢ｄ又唔同愛爸爸媽媽的愛喎，應該。定係我愛太多人，分薄左呢？又好似唔係喎，我邊有咁叻去愛所有人喎。做唔到的呀，應該。不過神叫我咁做架喎。噢。Overwhelm了！停住先。R頭呀。

我記得上年去梅窩同屈哥哥一路睇星星一路傾偈仔喎，佢同我講話唔好咁熱情呀。我估自己係要檢討下的，哥哥咁講到嘛。所以我上到U己經收歛喇，上堂摺埋一角，又唔多去同人講野喎，好辛苦的（對我黎講）。我都唔敢相信自己會係咁呀。咁係咪太保護自己呢？
我係咪要再小心自己既言行呢？可以再點呢？我已經剩係向團契入面先會講多兩句咋。（爸爸媽媽教教我丫，Pls!）

突然諗起中學中文堂有課書係話蓮花出於山東，山東人少說話多做事，唔知乜多言多敗咁……义開話題添。（原來我仲係文化界架播，哈哈，對中學讀的中文仲有少少記憶咁喎。）

繼續呀，屈哥哥仲同我打賭話我入到去第１個sem一定會有人追添，我個陣諗，入大學ｄ人係去讀書的嘛，所以同佢玩。哎，好彩我加左ｄconditions姐，如果唔係己經衰左。點解大家都會對異性咁有興趣既？如果係大多數人係咁，咁即係問題出向我身上喎，噢！點算？我以前覺得呢，俾人追係好開心的，好似prove到自己咁。對不起呀大家；但係呢，依家我反而係怕怕呀。我好怕見到佢地唔開心呀，感情係唔玩得的嘛。而且，我自己既ability唔需要呢ｄ野黎prove的，我覺得。

係啦，阿Ket又同我担心，佢同我計喎，我依家20喇，拍4-5年就24/25喇，都差唔多結婚啦，仲要未必一次KO喎，所以就係要開始拍拖仔囉。但係……唔係話要就要嘛。呢ｄ野可遇不可求的喎。

其實有拖友仔同無對我黎講有乜分別呢？
有個人挨？有時好倦既時候可能會好想有個人俾我挨下既。不過無呢個人，都死唔去的掛，廿年啦都。係無得去希臘渡蜜月、無以前睇小說講的感覺姐。

係啦，我見到爸爸同媽媽好愛對方，我已經10個半開心，開心爆啦。
依家我都好滿足呀。有爸爸媽媽既愛，有天上爸爸既愛，有家人的、采采的、婉婉的、7B同學仔的、3D一家的……唔，都真係好幸福呀。

Conclusion：愛唔係剩係男女的嘛，呵！我得到既已經太多喇，真的很多。

我己經好好喇，感謝主。

好，諗完。唔諗。

頭爆喇，短期內唔再諗野喇。自作孽呀！

>>August 24, 2002 at 2:20:47 PM GMT+8

2002 年 8 月 23 日 星期五 【晴】

向呢個時候，爸爸媽媽應該去睇緊婚禮。

>>August 24, 2002 at 7:37:07 AM GMT+8

2002 年 8 月 22 日 星期四 【晴】

今朝早一路抹野執野一路諗喎，自己好似同好多人結交咁，ｄ關係搞到好咁複雜呀。

我鐘意一家人既感覺。我明喇，我向家入面唔駛怕有人會對自己唔好，個個都係好人嘛。

其實爸爸媽媽點解會認我呢？因為我白白痴痴咁？爸爸好似話係因為可愛。我會越黎越大個，可能好快就唔再可愛，到時爸爸媽媽會唔會唔要我？仲有佢地會唔會慢慢唔鐘意我呢？其實呢，佢地無義務要錫我架，所以我依家得到既都係bonus來的。好，珍惜依家擁有的。謝謝爸爸媽媽。唔理點都好，爸爸、媽媽，我會好錫你地的！Promise again！

我發覺自己係有ｄ權威性人格喎。我會聽命於爸爸媽媽，仲要係絕對服從個隻喎。總之佢地講乜我都會聽的，仲有我要問准佢地先敢做任何野喎。佢地唔會害我的。

好，數數缺點呀：
１.貪玩-----呢樣野無得救咁。由細到大都鐘意，點好？
２.善忘-----無乜腦咁。我要諗多ｄ野。不過諗得多ｄ唔代表會有腦ｄ喎。
３.懶-----要勤力ｄ，唔好俾藉口自己唔做野。
４.唔顧人地感受-----唔好將自己的一套加俾人，愛人唔係咁的。用愛去包容人。
５.好容易沾沾自喜-----真係人地講我兩句我就會開心死，死得喇咁。好，就算係我都要扮無野咁呀。
６.乜都agree，人話乜就乜-----唔可以咁無主見的呀。但係……由佢吧啦。

另外要做的：
１.要多祈禱，為愛我既人祈禱、為受浸祈禱、為爸爸經濟狀況祈禱、為婉婉訓得好祈禱……做一個祈禱人。
２.愛神……要學爸爸媽媽咁愛神。
３.多關心身邊既人。
４.俾心機，盡力去做每一件事。
５.做一個扺錫的囡囡。

大家睇過的話不時提醒我丫。唔該。諗得太多野添，要停停喇，會overwhelm的。一路做野一路諗野原來都好有建設性架喎。雖然做得慢ｄ，做左４個幾鐘（平時兩三個鐘的），但係搞掂好多野呀。好呀。


突然我覺得自己好似條金魚咁呀。尋日跑左一陣之嘛，食慾又番番來喇，不斷咁食，食食食食食，好似唔知飽咁。食懵你咩，艷艷！

>>August 23, 2002 at 9:43:41 AM GMT+8

2002 年 8 月 21 日 星期三 【晴】

今日好核酸呀。我聽到爸爸電話，就飛奔出去meet爸爸媽媽，完全無諗過換衫仔呢回事呀。噢。行行下先發現喎，太遲喇。自己已經心知不妙架喇，失敗呀。我下次跑完圈仔要換番衫先見人。

食飯仔，一張圓枱咁係最開心的。今次識左阿祥、馬馬同一個輩份比我低個地位比我高的人，不過佢地３個都係要走的喎。一識就（被我嚇）走添。一家人一起食飯，有講大笑，感覺真好。雖然高高有點無奈，但係只好接受，好得意呀。係啦，點解我會鐘意呢種感覺呢？要諗諗先。

我今日終於望真媽媽個樣喇。食飯仔個陣，我隔住爸爸咁望過去，原來媽媽幾靚架。呵呵。情不自禁咁望多左兩眼。

見到高高個樣，就找高高傾一陣喎，知道佢……係啦，要盡量幫幫佢先得。高高話認我做妹妹喎。好似好多關係咁。

我唔敢應呀。我要問准爸爸媽媽先得呀。爸爸講話總之剩係得佢一個爸爸同珞珞一個媽媽。唔。我應承你地，除左真的爸爸媽媽同天上面個爸爸，我唔再認其他人做爸爸媽媽。連F.7的趙道爸爸同華媽媽同其他飲茶的叔叔伯伯都唔認。Promise！

忡有原來爸爸媽媽都人會睇日記架喎，好彩無野唔見得你地姐，hello！係呀，我總有一日會唔駛帶禱架，睇住黎啦，嘻。

>>August 23, 2002 at 9:49:47 AM GMT+8

2002 年 8 月 21 日 星期三 【晴】

好想行行山/跑跑圈/打打波呀……成日唔郁好辛苦呀！唔得喇，就一陣去兆麟跑跑先，頂唔住喇。

>>August 22, 2002 at 12:56:33 AM GMT+8

2002 年 8 月 20 日 星期二 【晴】

今朝早飲茶保叔叫我做3女喎，有ｄ突然呀，好似咁多關係咁。我話俾佢聽話我就快要入宿，佢竟然好似好唔捨得咁，話要摘ｄ大蕉俾我帶番去食喎，佢話ｄ蕉下個禮拜就熟喇，到時拎落黎咁。我順勢就問可唔可以同朋友仔去佢到坐坐咁。佢話得呀，可以同爸爸媽媽去佢個果園到玩玩食食喇。係咪好衰咁呢？

朝早開始執咁ｄ野入宿，好多野咁，點好，要找人幫喇今次。

夜晚要番大學看檔喎，好多人無俾野我食同飲呀，有豆花、棉花糖、爆穀……多到要分俾人吃，唔通我個樣好無聊/好肚餓？

之後我同宿生會ｄ人一起去個倉到lup野呀。我見ｄ風扇幾靚咁，就即刻攞左２個俾爸爸媽媽，之後佢地又話茶字典好好飲喎，我又手快快攞兩枝，好貪心咁。爸爸媽媽會唔會嬲，之後唔認我架，唔好呀。係呀，所以我已經即刻打去認罪先喇，好彩爸爸無鬧姐，嘻。其實可能係爸爸打緊波仔，心情好好，所以唔嬲咋，唔知呢。我係壞東西呀。

>>August 22, 2002 at 1:17:23 AM GMT+8

2002 年 8 月 19 日 星期一 【陰】

很累很累呀！今日陪婉婉買衫衫做姊妹，我覺得婉婉都會幾frustrated呀，因為行左好多地方都唔岩，所以行到腳仔軟都要陪佢繼續呀。不過我要7:00前番屋企，所以唔可以再陪婉婉行喇。唔知婉婉買到未呢？經過今次，我再次confirm行街對我黎講係一項好辛苦的活動來的。

>>August 21, 2002 at 1:02:51 AM GMT+8