2002 年 8 月 4 日 星期日 【晴】

係喇，continue先。睇完個好美的日出，大家己經倦極了。我同肥同明仔同小玲開始庇護工場喇，mit埋ｄ龍眼呀。

好，番房執完野，訓左１個鐘左右，我就同肥、朱軒佢地去買早餐喇。又係好豐足的一餐呀！我地向酒店lobby食，揸住包豆漿啜，又幾滋味喎。

去到火車站，覺得自己仲好鬼精神，就同朱哥哥同鶻仔玩猜皇帝，玩得好開心呀，之後牧師都加入戰團添，唔好睇小佢呀，原來牧師好勁架。原本想玩橡筋繩架，不過依家個高層唔俾呀。咁之後同玩校長玩跳舞，我地要同ｄ請歌排下「阿撈壁」，加番ｄ中國舞原素、紙扇仔or絲帶仔……咁加ｄ中國feel，好似會幾掂咁喎！有得諗！Oh！同雨姐相逄恨晚呀！

向車上面我訓左一陣，因為大家都玩橋牌，好似好難玩咁，要用腦，都係抖抖算。訓醒大家仲玩緊我就分發下生果，食完就一路做枱，一路清埋ｄ餅餅、饅頭……好飽足呀！做多一陣枱，基佬叫我唔好做喎，我就閃去找人傾偈同睇人玩野。之後基佬同珞珞認左我做囡囡呀，好honour呀！仲好幸福添！有人鍚呀！嘻。

回家了，tired了，要睡覺好的！

>>August 24, 2002 at 2:33:43 AM GMT+8

2002 年 8 月 4 日 星期日 【陰】

很開心呀，基佬同珞珞做左我的爸爸媽媽呀！真的好好好好開心，值十個開心呀！因為有多兩個人會鍚同照顧我喇，嘻嘻！！

>>August 6, 2002 at 2:17:20 AM GMT+8

2002 年 8 月 3 日 星期六 【晴】

早上我地被指太嘈，要迫遷呀。同佢地閃埋一角一起整風車，有成功品，佢地玩得好開心呀。
之後就同叫佢地畫畫啦，ｄA4紙係向鐘太到lup的，哈。見佢地畫得咁開心，自己又想畫埋一份喎。己經幾年無畫過野喇，對上一次係F.5考Art lu。不過一畫就大劑喇，個個小朋友都話要一幅。哈，我ｄ畫真係可以art到小朋友的呀。But that’s all.Mau向到畫公仔真係好鬼累的呀。不過見到佢地好開心，乜都抵番哂呀。
辛苦小鈴喇，我掛住畫，無理到小朋友添。

之後我地又閃左入去睇大ｄｄ既小朋友既團契喎，我地一起唱歌仔，我好鐘意首：
「神愛我愛祢
做天空大地
做左好多樹木俾我地
又有香蕉樹又忙果樹
仲有番茄西瓜滿田園
雀仔吱吱叫
兔仔蹦蹦跳
仲有小狗旺旺尾搖搖（旺旺）
願你多歡樂
願你多享受
主恩豐足到永遠」
加埋ｄ動作一起，唱得好開心呀。不過我好似遺忘左ｄ小朋友添，對唔住呀。

大人崇拜完，我地又一起食飯仔lu。
係呀，有個女仔好怕羞的，一路都唔肯食，話已經食左喎。我要用到話你一啖我一啖，如果你唔食姐姐都無得食，會好唔開心……佢先肯勉強食一啖咋。真係為佢健康担心呀。希望佢向屋企唔係咁啦。

下午係佢地表演喇，哈哈，limbo rock呀。不過得番幾個人咋。寥文科無黎到，我估係佢屋企唔俾佢黎呀。係呀，我覺得如果可以叫埋ｄ導師上黎玩，其他學生會投入ｄ同開心ｄ。所以我就叫左基佬、朱軒同阿肥上黎一起玩limbo rock。不過原來基佬佢整親腰骨的呀，對唔住呀。

表演完就同小朋友同基哥哥同朱哥哥同肥哥哥玩，一起跳舞仔啦，玩轉啦，玩爬啦（呢個我都係玩左１兩次姐，好彩）……真不錯。呢個時候係我最開心的，唔知點解，有得玩掛。之後仲一起影相添呀。但係真的累了。

真配服個好似馬嬲靚仔呀，好強勁既腰力呀，簡真可以去馬戲班到表演呀！

係呀，到個陣，我先知有個眼大大既女仔走左，原來係因為我畫畫個陣佢咬左朱哥哥一啖，俾校長鬧呀。有ｄ內疚咁，無好好睇住佢，畫乜鬼畫呀。

撘車離開時，有ｄ功成身退既感覺。我會唔會掛住佢地呢？望番自己件衫，白色變黑色，個領大個（圓領可以變v領），成身都立立咁。唔。

好想同弟兄姊妹再玩呀。
晚上落樓下大量入貨，可以一路食又一路玩UNO。不過，點解我會輸得咁轍底既。無可能架。之後輸夠1000分，就轉玩killer and then master killer喇。不過累了，大家都好似想輸咁，可以恰一恰嘛。半睡半醒咁，都唔知玩緊乜呀。

早上睇到彩霞，好美，令我諗番起向瑞士個陣早起去睇日出，我記得係5:04開始出的。我住的酒店個露台係向東的，睇住個太陽向個琉森湖到慢慢升起，加埋ｄ雲，簡直醉人呀。
寫住咁多先。

>>August 24, 2002 at 2:29:40 AM GMT+8

2002 年 8 月 2 日 星期五 【陰】

呢日其實都無乜突別，又係同小朋友玩。追下跑下咁，時間好似過得好快。玩玩下又一個朝早喇。

食完飯佢地唔肯走喎，廖文科捐左入黎同我坐喎，我同佢傾偈呀（終於造就ｄｄ喇）。我問佢記唔記得手繩上面珠仔既頻色代表ｄ乜喎，佢就一路把玩住一路講：「藍色係神做左好多野、黑色係人既罪、紅色係寶血……」佢記得哂呀。好感動呀！佢真係好聰明的。我同佢講話我地就黎要走喇，要有機會一年之後先會再黎的，佢即係坐定定，靜左落黎呀。佢話：「我一定會記得你，不過你就未必喇。下年我一定會再黎搵你。」佢既語氣係好肯定咁。我真係好感動呀。佢又同我講佢屋企人唔俾佢番黎，但係佢會走出黎搵我的。佢聽話呀。聽我話呀。我之後叫佢企向個度睇哥哥玩，同哥哥打氣，佢都照住做呀，同之前既佢簡直係兩個人呀。

Mary俾左封信我呀。有ｄ受寵若驚呀。因為佢向信到話我係佢既偶像，佢唔鐘意英文，但係佢會為左我讀英文，要學我咁做老師……噢！我心諗，我只係黎揪B……我只係同佢講左兩句野咋，That’s all！佢真係好純的一個女孩子呀。

英德既小朋友真係俾我見到好多人美善既地方呀。感謝主。感謝英德既小朋友。

晚上終於可以食串燒喇。我同朱軒同小鈴一起落去買喎，一次過買左$37蚊喎，好似豪客咁，哈哈，朱老闆呀！老闆仲送左幾串燒豆腐乾俾我地一路等一路食添，真開心呀。我地攞上去既時候，一人揸住一大炸竹簽，好high呀。我地食完之後，就執剩幾枝竹簽扮係食左好少，剩番好多俾阿肥同基佬咁喎。哈哈，感動無呢？係啦，其實，我都係唔係太好呢個串燒的，試過就得喇。食完串燒飲番杯涼茶，爽呀！好彩之前去過旅行仔，識得執呢ｄ野姐。
好，訓喇。

>>August 24, 2002 at 2:28:16 AM GMT+8

2002 年 8 月 1 日 星期四 【晴】

朝早起來靈修。之前問梁牧師平時幾點起身靈修，佢話3:00喎，好早呀，令我讚嘆呀。我覺得番到英德，自己可以專心向神入面，我靜到落黎去思想神呀。好感恩。神我好愛你呀。

早餐去左揸咪人到食喎。文健recommended左個蛋腸喎，可能我對個蛋腸有太大期望喇，所以我覺得無想像中咁好食呀。不過個早餐都果真幾豐富呀，食到飽飽呀！呼！係婉欣坐向我身邊睇住我食，有ｄ無奈咁姐。點解大家都咁快停手呢，好好味喎。

撘三腳雞番到去，就上去敬拜敬拜先，之後就同小朋友們玩，玩到有ｄ喉沙呀。小朋友教我地玩雞蛋爆炸，好得意的；我地仲玩左老鷹捉小雞（麻鷹捉雞仔）、跳膠繩（橡筋繩）……最重頭既當然係綁朱哥哥遊戲啦，好好玩呀！

係呀，當派糖既時候，叫佢地line up會好聽話架，哈哈，派多幾次玩下都好呀，嘻。

諗諗下，覺得自己咁樣同小朋友玩，唔多造就咁。所以之後教佢地唱ABC，佢地唱得好好聽呀。1、2、3，起。

食完飯就跟大家去outing。覺得自己有ｄ閒人咁，不過好舒服呀，哈哈嘆嘆先。坐向到望望個公園景，綠油油的，一路食山楂一路欣賞大自然，咁又一個下午了。

晚上同大家分享，感覺好好呀。大家有合一既心去為主作工。一起分享、一起為大家祈禱，我好鐘意呀。

夜晚今次買左大大批生果呀，珞珞鐘意水蜜桃、基佬鐘意橙、其他人就無乜偏好的。我地又做迎賓既工作喇。等等下大家，好眼訓，小鈴姐姐訓左喇，我就向半睡眠狀態同鶻仔傾左一陣偈，就咁就唔知幾時訓左喇。Goodnight！

>>August 24, 2002 at 2:27:11 AM GMT+8

2002 年 7 月 31 日 星期三 【晴】

係呀，我向火車上面好似講錯野啊，白痴呀艷艷！搞到阿肥咁尷尬，好對唔住呀。真係唔知點算。

>>August 12, 2002 at 2:04:42 AM GMT+8

2002 年 7 月 31 日 星期三 【晴】

開始英德揪B之旅～～

向羅湖車站買左一個菠蘿飽同一個蛋糕，好滿足呀，好似好有特色咁，可以上車吃。
同日明傾左兩個鐘偈咁制，好口乾，原來我教的精進班的黃希樂係佢的仔仔來的呀。
係呀，火車既雞脾都ok喎，我地好似掃哂人地ｄ貨咁，好威咁。
講到悶悶，就走去同大家吹吹水，好開心呀。基佬好大哥哥，肥識好多野，都好哥哥……好似認識左大家多一ｄ咁呀。傾到大家都無乜野講，就訓向Issan大脾，好舒服呀，一路訓，Issan一路同我講麥乜故事，好溫暖啊。感覺好家姐呀。

去到教會，就見一班小朋友，因為無乜準備，所以求其玩猜皇帝，估唔到佢地咁鐘意玩喎，同佢地玩得好開心呀。揪B班都唔係太辛苦者，係怕喉嚨痛咋。
玩玩下原來又夠鐘喇，又去食晚飯喇，不過只係6:??者。教會為我地準備左好多R食呀，好似係6R1湯，我地分幾圍枱坐，傾傾偈，真不錯呀。

番到酒店，快速地洗個白白就去同大家meet一meet，分享分享，好鐘意咁樣呀。聚完之後大家要開會，我同小鈴又無野做，就開開庇護工場穿橡}b繩，等等大家一起落樓。

之後又同肥同朱哥哥同基佬同珞珞落樓家萬家福(supermarket)買水水、生果同行下市集。朱軒話串燒好好食喎，雖然唔多好呢ｄ野，但係都札試試呀。但係因為之後仲要同小朋友搏鬥，所以要忍忍口呀，燒豆卜呀～～

買完生果，我地間房(407)就成為落點，招待大家食生果。我地一路等人一路玩橡筋繩好開心呀，好番番去以前咁呀。原來阿肥同明仔都好勁的呀。

要抖抖喇。

>>August 12, 2002 at 2:00:14 AM GMT+8

2002 年 7 月 30 日 星期二 【晴】

last一日，太好喇！同佢地玩killer玩左成個禮拜，可以解脫喇。
第一班的幾個同學仔向上下半節個陣入來話要join我地一起玩killer。佢地話個打俾我，叫我向隔離班阿sir徵召佢地呀。佢地lin過來，我就召哂佢地班入黎啦，不過仲係混亂其間，林家幸向班房門口`E入黎呀，大劑！我以為佢係黎睇睇就走，就無理佢啦，點知一陣再望佢仲向到，我咪即刻閃出去啦，同佢吹左兩句ｄ學生進度幾好……搞掂，繼續玩！
教完喇，做老師真係唔簡單呀！
呢兩個禮拜的英文班同教精進班……cher盡哂我ｄ精力喇！聽日就係我既英德揪B之旅喇，好，繼續去盡去啦！(慘叫~~~)

>>August 6, 2002 at 3:54:15 AM GMT+8

2002 年 7 月 29 日 星期一 【雨】

很累很累！繼續cher盡我的精力吧！！

>>July 31, 2002 at 7:13:48 AM GMT+8

2002 年 7 月 27 日 星期六 【晴】

今日去番曬d相喎，但係佢唔送相簿喎，咁唔得嘛，所以咪問佢可唔可以俾/賣啦。之後佢個head office打來話送俾我呀，太好喇，可以save money。不過只此一次喎，仲要唔好同人講喎，shu！

>>August 6, 2002 at 2:21:35 AM GMT+8