2002 年 9 月 16 日 星期一 【雨】

下午完左堂同澄澄同欣欣慶生日，順到meet meet久違了的7B人。大家叫餸一起食，好鐘意咁既感覺，好團聚咁。

之後就閃出去找爸爸，我諗住早少少去大埔hui買ｄ野食俾爸爸媽媽呀。爸爸就好深山咁，買野食好唔方便喎，好怕爸爸唔食野或者食埋ｄ無營養既野呀。但係呢度實在係無乜野岩呀。尋晚同媽媽傾喎，佢竟然admit話唔食野喎，唔得架，要買ｄ易入口又方便的東東給媽媽先得呀。嘻。其實呢，真係唔知爸爸媽媽佢地
鐘意食乜架，好驚買左ｄ佢地唔鐘意食的，之後又勉強咁收喎。

係喇，去到同爸爸ｄUST朋友仔玩UNO，玩左一會UNO就走去幫手入宿宴喇。都陪唔到佢地好多時間喎。爸爸媽媽佢地就去食飯仔喇。其實睇落，爸爸佢都唔係真係咁悶喎，佢有好多朋友仔喎，我都係陪多ｄ媽咪好ｄ呀。

去入宿宴呢其實8:00先開始喎，但係自己驚遲到，所以心諗住係要7:30番到，所以同左爸爸媽媽講話係7:30……噢，我無心art你地的呀，爸爸媽媽。

依家仲落緊雨，星期日會唔會燒唔成野食架。唔。祈禱呀。

>>September 23, 2002 at 7:41:53 AM GMT+8

2002 年 9 月 15 日 星期日 【晴】

晚上當我要落去睇糖水既時候……“混”lift呀我，個３個女仔驚到尖叫呀，其實都無乜好驚啊。好似好有宿生會既風範咁添，嘻。咁我就順勢同佢地吹吹水，結交結交咁。唔覺唔覺吹左９個字水，佢地話會上宿生會莊喎，嘻。之後我去小賣同Master哥哥講喎，佢warnｄ人唔好同我搭lift呀，因為上次夜遊國宿時，我撘部lift由10樓急墜落地下，之後又上番10樓喎，嚇到同我一起搭的人由10樓行樓梯落地下。唔講我都唔記得添。
就係咁，糖水燶左，爸爸媽媽同莊員都無得食……仲要開會遲到添。
開會開會，俾tutor串左一野添。

>>September 23, 2002 at 6:31:29 AM GMT+8

2002 年 9 月 14 日 星期六 【雨】

早上係教會的。永彥佢仍然係咁lur我呀。佢係一pat軟左既野，一上到課室就會dat上黎的……好想佢可以合作ｄ呀，咁樣唔得人鐘意架。哥哥佢地準備個故仔好辛苦的嘛。所以之後就同佢坐左去班房後面傾偈仔。點算，點算呢？要諗諗先呀。豬哥哥同大頭蝦姐姐，求救呀。

下午要買好多野呀，係入宿宴的禮物同7B同學仔的生日禮物來的。好怕要拎住咁多野迫住咁行呀，好累累的嘛。不過實要搵人做的嘛。

嘻，行得累累，好辛苦咁，買番個燒餅獎獎自己，真好呀。新鮮出爐燒餅外面係脆脆的，香噴噴的啊。咬入去熱辣辣的蛋蛋，軟林林的，每一啖都要dap真呀，好美味，感動得要死。即刻charge up番lu。

之後我就閃去朱軒到找爸爸媽媽同朱軒。佢地等左自好好好好耐呀，真sor sor，都係怪我太過唔決斷同太唔熟悉屯門喇，叫佢地等──。最慘慘既係，我唔識打馬吊呀，佢地仲要係白等添呀，唔。不過可以食到新鮮出爐蛋tart啊，好感恩呀，係一去到麵包鋪個伯伯就捧住盤tart tart出黎，唔～～美味蛋tart啊！買完就即係飛奔去朱軒到，快呀。（原來媽媽都鐘意食新鮮出爐蛋tart的呀，good taste啊！）果真，好好味。

食完飯就番宿喇。要守小賣，無冷氣的小賣。守完小賣就學識左少少電腦野喇，開心。

唔知點解，今日好似有番ｄ精神咁呀，謝謝神啊。我係咪已經識認左呢ｄ忙忙生活呢？我到1:??都仲唔眼訓喎，定係ｄ乜乜迴光返照，之後會更眼訓呢？都好啦。

>>September 16, 2002 at 9:08:25 AM GMT+8

2002 年 9 月 13 日 星期五 【晴】

朝早飲茶同爸爸傾左個幾鐘信仰上面既野呀。爸爸同一起坐的幾個伯伯都加入埋一起討論喎。有一個伯伯對基督教好反感，佢話係魔教黎架喎。佢地勸導我要諗清楚。我知道佢地都好鍚我，為我好的，唔。
不過爸爸話十一奉獻去賺錢先係教會既目的呀。但係呢，我既收入係神俾架嘛，無左神，咁我都無得奉獻喎。我明白爸爸賺番黎既的係辛苦錢……

下午同另一個爸爸食飯。好頭暈啊其實，都係唔夠訓之過啦。但係好想見爸爸，所以要支持住呀。
嘻嘻，爸爸佢都好忙喎，聽下爸爸講下野咁。爸爸面對壓力既態度好正面呀，我見到好多男孩子都唔識面對架，但係爸爸做到呀，好honour啊。
係呀，咁有人打俾我喎，我無接電話就reject個call去喎，咁爸爸佢好似有ｄ怪怪咁。我諗諗下，自己原來係逃避緊架，我唔可以咁的呀。好啦，我以後都要接電話呀，provided that我聽到電話呀。
之後爸爸走左，我就買電飯煲喇，抱住個電飯煲走，見到自己個側面，好似有個好大既肚咁，好好笑。
去到三聖等Ricky，我抱住個電飯煲企向度訓著左呀，噢。之後補完習就番家做野lu。又一日。

>>September 23, 2002 at 6:31:00 AM GMT+8

2002 年 9 月 12 日 星期四 【晴】

回家後好想達落牀到訓番夠，因為很累呀。但係呢，屋企有好多家務呀，媽媽呢幾日都要番全日，所以都係做好哂ｄ野先喇。
唔掂呀，開始有ｄ頭暈咁，我唔要呀，我要休息休息。
之後就去格價，要買電飯煲做入宿宴禮物，仲有要買吸塵機呀，因為自己上個星期整爛左。唔，自作孽啊。
番到家已經7:00喇，煮飯lu。

>>September 23, 2002 at 6:30:28 AM GMT+8

2002 年 9 月 11 日 星期三 【雨】

早上有10萬個不願意咁起身，好累呀。上堂ｄ野都唔多入腦添。
都係煲糖水既日子，好想渣灘抖一抖，不過又唔放心喎……個頭唔多舒服呀，之後Master同Mavis都話係呀，梗係Jacky破壞我地家族風水呀。
搞掂又同舍監食飯，唔駛錢食野，呵呵。同ｄtutor佢地一起吹吹水，幾得意的。食完野，我同３個莊員差包剪鎚喎，輸左要清野剩ｄ野……噢，輸得好慘啊，兩碗飯同所有既菜呀，食到頂住左個肚呀。
好，又洗樓喇。呢兩個禮拜不斷地自介，但係都仲係講到甩甩咳咳咁，唔掂呀。呢排真係識得太多人喇，個腦負荷唔到咁。依家見到人剩係笑笑，都叫唔出個名呀～～poor記憶力呀，呢樣睇黎都係媽媽遺存啦可？

我打日記既途中消耗左一樽動物餅喇，點算？好好味嘛，食食下又無哂lu……嘻，番屯門要人貨先得呀。

>>September 13, 2002 at 2:57:12 AM GMT+8

2002 年 9 月 10 日 星期二 【雨】

上完MIS之後，Jacqueline話兩個鐘之後會掛８號風球呀。我記得媽媽話今日會同爸爸入屯門呀，唔知佢地點呢？撘唔撘到車呢？我快速番到宿就打俾佢地喇，但係電話一路都唔通喎……我以為係佢地一起去到唔知邊所以收唔到，但係打俾媽咪又唔通喎，唔通係中大已經被切斷通訊？被困死城呀。
要煲糖水呀，得閒落去睇睇火，之後又上去做個癲癲proposal。
終於趕起proposal了，可以去畫卡仔喇，爸爸。應該可以搞掂的，唔駛擔心喎。
咁又一路煲，一路睇莊員玩圍棋，好好睇呀，個戰局可以由好有嬴面急轉直下，又可以番生咁喎，好好睇呀。
之後就去舍監到拎禮物，我笠左個八爪魚鎚仔走呀，好得意的，會叫架，好鐘意呀。同莊員去Shaw Can食飯，好墟hum呀，Shaw Can應該可以有史以來第一次唔駛蝕錢喇。係喎，我都幫襯佢喎今晚。之後就洗樓派糖水同大菜糕喇。洗完樓都差不多1:00喇，畫一陣野就訓覺覺喇，累呀累呀。

>>September 13, 2002 at 2:53:08 AM GMT+8

2002 年 9 月 9 日 星期一 【雨】

電腦番生喇，謝謝Master哥哥。

今日下午接微波爐，所以原本媽媽叫我去食飯都reject左。但係媽媽佢好似好悶咁，好想去陪佢呀。接完微波爐就乜都唔理閃出去找媽媽喇。去到火車站先知掛左１號風球呀。但係呢，一路撘車仔，都諗唔知可以同媽媽做ｄ乜好喎。食完飯就走？傾傾心心又唔知應該講乜喎。

隻大曲曲果然係阻掟呀。不過佢係爸爸媽媽既信物來的，算佢啦。

媽媽有好多的掛慮呀，好想可以同佢分擔到，但係我知道自己唔可以，只可以陪下媽媽。一路食飯，媽媽都同小姨傾喎，聽到少少，feel到少少，好想為媽媽做到ｄ野呀。我係咪可以同小姨分享分享下呢，話哂都係過來人嘛。其實佢媽媽、妹妹都好依賴佢喎，媽媽真係幾大壓力的呀。好彩有爸爸向到。見到爸爸好錫媽媽，真係好warm的呀。感恩呀。媽媽呀，如果你唔開心又或者悶悶又或者無野都可以找我架。

唔，要多多求神呀，為爸爸、媽媽、小姨、婆婆同埋身邊的人同埋自己祈禱。可以有咁多我願意為佢地祈禱的人都係一個福份呀，唔。爸爸媽媽，我愛你地呀。你地要健健康康，訓得好好，開開心心呀。

>>September 10, 2002 at 5:48:05 PM GMT+8

2002 年 9 月 8 日 星期日 【陰】

夜遊國宿，係晚上帶ｄ宿生認識下個宿舍周圍既。我發現呢，上天台望景都果真不錯喎，望住吐露港，好靚呀。如果爸爸媽媽或者朋友仔黎屈蛇呢，就可以帶佢地黎喇。我發現左住10樓的又一好處喇，嘻。

>>September 13, 2002 at 2:58:26 AM GMT+8

2002 年 9 月 8 日 星期日 【晴】

噢！謝謝豬軒啊，差ｄ唔記得我話過９月開始要食番少ｄｄ野添！好，如果我記得的話我會的呀！你又有無save呀？

>>September 9, 2002 at 7:08:53 AM GMT+8