|
2003 年 2 月 12 日 星期三 【晴】
俾Mok Sir罰作文,作好順便俾大家睇下..........@@
大作來看一下阿(經過美化~_~"未夠秤都可以睇)
真‧亞蘇勇奪殊榮如實報道!!內含不雅用語,未滿十八歲不准觀看!!
仲有飛機o既日記
>>February 13, 2003 at 4:00:48 AM GMT+8
2003 年 2 月 12 日 星期三 【晴】
無耐性..唔好睇落去...因為我都覺太大段...
今朝早....起身又訓過...嘿....唔緊要~
早會係Miss Wong講野,唔駛出去排隊...多數唔至佢講乜野....
頭兩堂係英文,今日做Listening,仲要係九四年Past Paper....平時做本書已經唔掂....講到超快...我聽都聽唔切,但係反而做Past Paper容易咁多....點解會咁~_~..Exercise書仲難過Past Paper...對完答案我自己計分有68/91分,好滿足...不過睇完人地有83/91...我由滿足變為無奈=_=不過是但啦...求其算了~
好快就咁過左兩堂....Recess去幫Mok Sir搬野,又做苦工,仲要買三盒野飲俾一陣黎講野o既guest飲.....唔夠一陣就打鐘.....我個recess無左...
打鐘有週會,要落去排隊,落到去先記得無帶校褸,漏左係課室,阿sir又話,睇下自己張件長袖接到短袖...即刻有人望住我(駛唔駛咁快呀~_~)...最後都好安全咁上到Hall.....週會講IVE....有四個Guest..點解頭先買三盒?~_~唉,理得佢,我又無份飲....條友話本來七十幾人班,得番五六個喎....D人真係錢多嗎?~_~俾學費走堂??
就係咁自己傾計坐足一堂,拿返上去課室上堂,今堂係Bio堂...繼續講書,好神奇...佢講完我可以無乜印象,可能係我失憶症發作...
到Lunch,哇~呢段時間先至係全日o既精華所在,無呢個Lunch,我唔駛罰作文添~_~.....內容有兩個唔同版本,一個係真實版,一個係我老作版(因我要交文,唉~_~").....
Mok Sir問有無人記得Miss Wong講乜野,問五個,有四個唔知,仲有一個呢?竟然係平時好似唔多專心o既阿輝,佢仲可以全部講出黎丫...又會記到...好神奇喔=_="
上Maths堂有人無做功課,關sir話要交,趕到有D人(Clive Lo+Trunks)死死下..哈...其餘時間就教Integration.....都知佢講乜....
放學前先收到有英文功課,所以放左學...我留左係課室同昇一齊做英文功課.....好難得同佢一齊做功課,好似未試過...其他人就睇【棋霸】捉棋....我地做到大約4:20..跟住!!有人入黎,唔駛三分鐘抄曬....我頂=_="
做完功課,想問Mok Sir可唔可以唔作文,有得唔作梗係唔作啦~不過佢4:30就走左,我想搵佢時都五點啦.....之後我上番去,睇佢地捉棋,唉,又係D人個D死人口頭禪=>「驚唔驚?」,又例如=>「今鋪捉快棋,勁快o既」....等等...其金句不能盡錄,有機會先再寫....之後無啦啦,有廿幾人入黎6B...原來係Miss Au...唔緊要..因為D人入黎一陣我地就走......
放學返屋企,我竟然無訓覺,好神奇,我家姐俾我睇At17的MTV,所以我跟住佢學下彈,彈左一個鐘,都大約彈到一半.....唔夠一陣就做電視,邊睇邊做功課....因為要作文....唉....無啦啦要作...好慘,有人叫我唔駛理,MokSir的唔理會好麻煩...作D野出黎玩下算了.....
之後有何韻詩睇,當然好睇,好靚好順眼^0^..加上有新歌【兄弟】(希望無記錯,我失憶0_0)..梗係掂過碌庶啦...哈
有人無啦啦問我係唔係未收過朱古力?~_~" 我讀男校...好難有阿~~~
飛機開左日記板~加油寫呀~~~
買唔到法典,唉...要等20到號,我等唔到......
>>February 13, 2003 at 3:28:51 AM GMT+8
2003 年 2 月 11 日 星期二 【晴】
星期二,係我今個月暫時最悶o既一日.......
朝早起身,返學前又去左大家樂買免費早餐....真係好~仲夠我食多一星期唔駛錢.....哈
上堂都無乜野,係Mok Sir依然不停咁問我問題(點解要係我....~_~)....聽都仲聽得明.....Maths就麻煩D,因為要係咁畫圖,有D唔知佢做緊乜,
Recess俾Mok sir捉左去,先頭佢叫我出去,我唔知咩事,原來係幫佢整Ive...(做苦工阿=_=)...一做..無左個Recess...不過唔緊要,反正我Recess都行行企企...
上Bio堂派Quiz卷..唔溫書丫...得個3.5分~o~...20分滿分..唉...要努力D先得...梗係啦..我答案都亂寫....
然後就上Computer堂....繼續講Database....交左我份Copy&Paste功課(網頁)後..我發覺..無人交Report..咁我只好落堂先交..得我一個交會好怪阿...個D有做唔記得帶o既..唔係要留堂同家長信咩(鄧鏡波人先會明)....上電腦時..好想快D落堂..因為尾兩堂唔駛上(我愚蠢o既諗法...唉),聽亞王教授講野喎...
無錯...滿心歡喜因為唔駛上尾2堂,無錯...同上面個句一樣,係我愚蠢o既諗法....聽亞王教授講中文,頭二十分鐘..我見大家都好專心,個個全神貫注....好啦...二十分鐘後...已經開始有好多人頂唔順.....大佬..佢自己就講得好興奮...難為聽個D......唉....仲要聽足2堂...當然我都頂唔順,係釣魚大軍o既一份子...雖然我好快就清醒返..但係,我寧願唔清醒~_~" 仲有,我坐正個冷氣位...D冷氣係咁吹埋黎...凍到嘔,第一次叫左miss搞搞佢,之後見有人用Remote control...以為無事啦...點知一樣咁凍...之後唯有再叫人幫忙...唔該偉哥!!
我又唔可以唔聽,點解呢...因為有4個中文人挾住我黎坐...仲有個帶中交書去抄佢講乜...4個中文人聽到好專心,我好大壓力..你諗下4個人聽我係度訓....就唔係咁好(唔知點解會咁諗-__-)唉...A班仲可以走先唔聽教授講野,我地要聽落去...我寧願去上番2堂..好過聽佢講........好辛苦咁..終於聽完佢講野...好像放監咁...
梗係返屋企訓覺啦....一訓訓到七點...起身打陣機...然後由8點睇電視睇到10:30左右....有人買左Guitar....唔知點彈....都係個句..係出去正正經經搵人學啦..返教會學....你估下佢會叫你祈禱定教彈他丫......唔掂(我估..哈)
然後照舊..沖涼..沖完涼先做功課.....
梁偉哥話我竟然可以日日寫日記...我唔係日日寫架...係....有時先補番~你得閒可以上黎睇下,留個言~我無所謂.....
6B隊竟然2隊都輸...唉~_~
我又懶了..........無reply guestbook......快4點了~~我仲要返學架-__-" 聽日唔可以咁夜訓....(唔知得唔得呢....)
>>February 12, 2003 at 3:57:07 AM GMT+8
2003 年 2 月 10 日 星期一 【晴】
好啦~終於放完我個大假(唉,係鬼大假咩)..又係時候返學....超多野要帶,又PE衫,又Lab Coat,又呢樣,又個樣....多不勝數.....
起身,都遲左....唔緊要~~無遲到就得~去左大家樂買早餐,有唔知乜募,好抵...三蚊有=>皮蛋瘦肉粥=>一哥糯米雞=>可樂一杯....三蚊喎...食到我...好飽好飽,無辦法,因為今日要跑九分鐘...所以食定野..哈
食到我都好趕(太多啦)....上堂前都趕到....第一堂上Maths,大家好耐無返學..唔知講緊乜...無啦啦又有人入黎話捐血..有幾個同學走左出去....
上Bio....簡sir可以教書,唔理捐血D人...哈~無上咪算囉...哈....一堂半堂...
上P.E...因為有人捐血,最後ar Sir都唔駛我地跑,話等齊人先跑..但係捐血的又無得上P.E.堂..睇住我地玩~無奈嗎~o~所以..波..可以踢足成堂唔駛Next...真好~
上中文,我頂..又係唔知講緊乜..仲話下堂搵人出黎教,唔好係我呀=_=" 因我覺得每次都有我份......
已經有通告話見家長攞成績表...我十一點,太好..唔駛咁早起身....ccc
lunch完做Lab,我特登買左個新名牌,有條繩...幾好睇..哈...做Lab時,我地三個人一組..好得閒,但有D人要一個人一組..好辛苦...求求其其又過左Lab....
之後問Mok Sir,佢話唔調位,呵呵~咪仲好~唔駛煩,依家都幾好丫
開心,Tomorrow有兩堂唔駛上,話聽教授講野喎,我訓覺好過.......唔駛上堂就好......
放學要做埋LabReport先准走....做到五點幾,拿拿臨返屋企做網頁.....做到Guitar Pro最麻煩..唔知點解Upload唔到上去,搞到我要改曬D Link,又要Zip曬D Gtp,煩煩煩.....
唉,做做下訓著左...十一點幾先起番身,好彩我做左其他功課o者......如果唔係就....
死人Clive Lo,又要我幫佢燒碟,三個人o既功課,燒埋一舊......
小龍包好食...自己蒸...唉,我好少會自己整野食架....
為大家送上,我網頁,亂做的.....內容抄得好勁,見到有錯唔好笑....\___/
>>February 11, 2003 at 3:13:06 AM GMT+8
2003 年 2 月 9 日 星期日 【晴】
起身又係唔知幾點,成日做網頁,又打下機,玩下Simcity4....隔一陣....又訓過.....
阿輝可以乜都無做過...勁阿......Trunks都唔差...哈
總之成日係咁做......夜晚同獅子傾電話...佢俾我睇相....睇下一個女仔o既.....唔...暴肥得好勁...六個月裡面...唉
明天要返學,要跑九分鐘,又要做Lab..又要交一大堆功課...
我網頁都未做完......成個假期未睇過本書....無溫過書,仲好似話有Quiz.....~_~"
收到網頁Logo...多謝阿@@
仲有唔該各位有份幫我o既朋友....多謝多謝~~
>>February 11, 2003 at 2:38:01 AM GMT+8
2003 年 2 月 8 日 星期六 【晴】
初八,起身已經真空,屋企無曬人.....咁我起身都唔想咁早做功課,結果梗係打陣機先啦....唉..打陣喎...打左唔知幾耐.....然後先開始做網頁....
本來今日係去燒野食,當然我唔鐘意一大棚人,梗係唔去啦.留係屋企好過
Gap源叫我打機...我又未做網頁,又懶出街..所以無去打.....哈
然後成日做網頁做到天光..7點5先訓.....有人竟然同我一樣..咁早訓...
細節又係唔記得,失憶!
>>February 11, 2003 at 2:37:49 AM GMT+8
2003 年 2 月 7 日 星期五 【晴】
訓醒....打左一陣機....再訓
成日就係訓訓訓訓訓訓訓訓訓,天黑...起身...開始做功課,寫網頁....
唉,我無去送機,覺得自己好衰阿~_~"雖然同LinFung唔算太熟(relatively),但係我應該送機...點解我.......唉...又後悔了
因為成日訓...自己都唔知做過乜......算了,細節..忘記佢
>>February 11, 2003 at 2:37:34 AM GMT+8
2003 年 2 月 6 日 星期四 【晴】
非常好,約左佢地十二點半,我又一樣,三點幾先起身,絕對係唔好意思.....LinFung告別賽.....但係我好眼訓..結果起身就拿拿臨趕出去....
去到時,已經五點幾啦,而且好多人(我有點慶幸自己無咁早去=_=),我見咁多人,我無踢啦~坐左係度同佢地傾下...俾我得知左D秘密~_~,而且講阿雞哥時,竟然俾佢聽到...(隔好遠好遠...).哈..笑死我
踢完波,就一齊去左睇戲,因為今日係Lin Fung最後一日...佢鐘意千燁..咁所以去左睇【行運超人】,我屋企人好似買左老翻...點解我仲會去睇阿?~_~"...雖然係好好笑,但我倒覺得有點笨-__-"不過是但啦....
睇完戲,就出發去Lin Fung屋企,打算過夜....去到佢屋企樓下,大家買雪條..之後見到佢老豆....跟住上佢度,入門口,見到佢家姐同條仔,唉,佢家姐D粗口勁,我個人覺得佢份人唔多好....佢又話要睇電視,又要張枱,又要玩啤牌,但啤牌係我身上,話唔好意思攞,乜佢都會唔好意思架咩....?結果我就俾副牌佢...我地用一個麻煩D o既方法開枱(張枱係佢度用緊)..用另一張...然後我地最後搬左部電視入房打機(有2部)...
我打完四圈,跟住入房玩Winning,到入面D人出黎打牌...玩左一陣,佢地話落街買野食,我勁懶,所以叫人買..嘿...唔該獅子...
玩到天光,跟住就走人......得番亞之,咖哩留係度.....
燒左SimCity4玩,哈....應該會幾好玩
七點幾走....返屋企都唔知幾點了...就即刻訓覺
>>February 10, 2003 at 2:53:43 AM GMT+8
2003 年 2 月 5 日 星期三 【晴】
今日訓緊覺,強哥打電話黎話去佢屋企開枱,朦朦朧朧我都唔知講緊乜.....起身時就已經三點幾...
咁我就打電話俾佢,原來其他人已經出發左,因為有D去左唱K,而且怪胎仲到左添,仲應承佢帶書俾佢睇(鬼咁重)....
我就搵D書去俾佢睇,突然我家姐返黎,原來佢去左幫我攝太歲...又幫我買左本語文常談....唉,有時呢個家姐對我唔錯....
咁我代左D功課,佢俾我個張野,同埋D書就出發...都就快六點..搭地鐵去到小西灣,我唔得左係邊度落車(唉,唔識搭地鐵)...唯有打俾佢地..強叫我係下一個站落...哦..咁下一個囉..
去到後,我又打俾培...點知好似兩班人唔一齊,培叫我去九號巴士站等,強原來叫我係地鐵站等...唉...一舊野咁~_~"最後好彩都見到咁多個人....
然後就去買野打Bin Lo...係街市...死人培係寶前仲叫我講,我未準備好丫~_~買完野..就行番強屋企,一上去就黎料...不停打打打(bin lo).....途中松終於到啦...但係點解咁遲??
結果係...買得太多野食...食唔曬,最得意係..好少見人用腸仔打bin lo,唔係唔得,但係好怪....食完飯(唔係飯)...就開枱....九點幾....好似好趕(發溫..一個二個好似好耐無打牌咁..哈哈)..
我打夠一圈就讓位...俾左人打....畢竟個張枱好難令我坐落去....入左去問寶Chem Lab....諗住快D做功課....跟住就順理成章變左傾偈....當然我有一邊做一邊傾.....唉..佢D問題勁難問答....不過我都傾得好開心
大約係關於前途o既...我自己一向都唔諗..有機就打..有覺就訓.....所以好難答..中途獅子打黎話踢告別賽喎..當然好啦...十二點半...唔係太早....之後佢地話走,咪走囉~~
落去已經唔知寶行左去邊...由佢..我同培搭Van仔走,松搭81..我地係架van度見到81巴士的松...做動作..動作不外乎中指,揮手(好似好白痴-_-")
去到灣仔油站我落車同培再見...返到屋企.....死人clive lo又咁鬼夜打黎叫我裝Cs...我部電腦咁屎..點玩呀..哈哈
棍哥叫我帶結他去過夜,唔係卦,好重架喎....
寶個人都好似變左....哈
天子尋龍好睇呀.....食野時我隻眼都不停射住部電視.....
凌晨六點見到松Online,又天光....一陣點起身....我頂~_~
明天LinFung告別賽+去佢屋企過夜...搵唔到我架啦...哈哈
>>February 6, 2003 at 6:40:37 AM GMT+8
2003 年 2 月 4 日 星期二 【晴】
尋日成日係屋企,起身就打機....打到唔知幾點,天昏地暗,係咁打....
想做功課,但係唔知點做(只係我藉口)...好難做....Bosco一份,又要做Web-page....又要pre-lab,仲要睇書,星期一交...點死??我好似乜都未做....Bosco我淨係查左D字點解,同埋睇下佢講乜....唉...都睇左我好耐添.....但都係未寫過....救命.....
夜晚睇電視,原來張家輝係九三年已經拍賭片...睇佢同江華拍o既【賭神秘笈93】,已經笑死我,係度話=>我就係同成龍,李小龍,尊龍(呢個乜水??個時無juno)合稱亞洲四小龍o既....(佢個名叫唔知乜星龍)...原來個時已經咁好笑...哈,但係佢話唔再拍..好可惜阿~
我六點幾都未訓,我竟然同人傾電話傾到六點幾.....因為老豆唔係屋企,返左上大陸....仲好,佢唔係屋企真係好,唔駛有人點我做呢樣,做個樣....好開心添..哈
我都記唔到咁多啦....算了
>>February 6, 2003 at 12:31:45 AM GMT+8
|
|
