2003 年 7 月 10 日 星期四 【晴】

星期四~中六o既Last Day...真係返埋今日...正常就唔駛返了..正式o既都返晒..今日拎埋最後2份卷~就可以收工....第一堂上中文....派返好多野....我Listening合格~分就唔記得~~中文文化合格~分...好似有19.5....Oral合格~有6.5好似~最掂係~聲音度~Ms Fan寫...【洪量】....嘿~~但係呢.....英文Oral唔知點解...有Ms寫話唔係點聽到我講野囉~唉~所以我都講~我英文Oral真係超差.....仲有中文作文..都合格囉...好彩我無作第一條~CliveLo同我都覺~作第一條會死...雖然第二條係係咁抄~但係點都好過第一條~~但係...氣功師又黎出手囉~~作第一條都67分.....發瘟....佢D分應該係最高啦~~我地搵佢黎做Standard...Ms Fan問~邊個最高分時~我地就話~「你睇下盧浩鏘咪知囉」..哈哈~真係勁喎~~然後~!!好負碌咁~~錄音帶有8分~~Trunks都有7.5分~_~正常丫~佢未睇過本書囉~~~死人Clive Lo~閱書報告竟然都有6.x分....唉~佢係網上係咁抄~無天理丫~~~~最後~Ms Fan俾左個電話我地...嘿嘿~得閒打下去先~^o^ 然後就....落堂~去上電腦~~嘿~電腦~合格~有60分~~陳同學好勁~TAS又掂~份卷又掂~~唉~3個轉係唔同D....不過一山還有一山高囉.....Ronald超勁囉....平均分有73.x囉.....我好無奈~_~ 唉~~Clive Lo個賤人....睇完個分就走..原來SQL唔係睇晒成句俾分~有寫都有D分...等我唔識o既就唔寫添....我地聽埋杜Sir講完..就可以走得~~簡Sir話俾功課~又無料到~不過中文就有俾功課囉~~要做一本書~棋王...其實係唔係可以唔睇都作得~佢o既題目係~假如我是個條友...咁我亂作都得啦~最搞笑係...限制字數2000字~裘三千~要減一千....哈哈....msFan仲要指名道姓...ccc
放學就返屋企~~等棍哥同獅子上黎~棍哥2點到上到黎.....然後獅子都到了......帶左好多野黎玩~仲有結他...我地玩一大輪~天誅真係好玩~要買呀~~~!! 唔該亞銅o既秘技..哈哈...唔~最黑仔時間到了...我擺左支結他係度...棍哥~唔小心~~一下落去...一條裂痕...好深....真係就快講Byebye....不過算啦~我都沒怪佢~~因為本來已經有條少少o既裂痕~~佢已經好內疚了~哈哈~到真係出事時先算吧~依家仲彈得~不過呢~話晒都係第一支...有感情哦~~現在就快說聲再見嚕~@_@.......唔緊要啦....舊o既唔去~新o既真係唔黎....搵下我老豆笨~叫佢買過支吧~~不過~比較下(唔好意思^o^)...我發覺...自己支結他...D聲..真係好好聽~又講返D廢話=>點解無先識珍惜呢~_~.....唔~下一支~一定一定~好好珍惜~~
我地就出左去食飯~去左新釗記囉~呵~~菠蘿炒飯又係幾好食喎~~然後獅子幫佢上去買頭.....我地將2碟野食....搞埋一堆俾獅子..ccc..然後食完野~~我地就去左GameZone打機~不過無乜野玩~而且我想玩o既winning都要3蚊~_~ Time Crisis3又要5蚊..得2條命...打KOF又俾人挑機....所以去左圖書館隔離個間~再打..入去玩第一隻Action Game..睇到佢地呆囉...唔知玩緊乜...動作又搞笑..勁慢生硬...然後~呢度真係最搵笨~我出卡打Winning俾o靚仔坤囉~第一次..我乜都唔知~以為入左錢就可以入卡自己打...點知..入卡~結果係=>挑左機..第二次...我問佢點先可以唔挑機...又同我講放張卡係度..就唔會挑機...結果係=>挑左機囉....第三次...佢話放張卡入去...好~我又聽佢講~結果係=>挑左機囉~仆街仔...坤我3次.....我又會俾人坤3次....~_~".....雖然佢唔係好勁...應該俾我屎~哈哈~但無辦法~我只係玩左幾次~好多野都唔識~唔似屋企打Winning....仲要有2場輸12囉....發瘟...俾靚仔坤完..我去打KOF..又俾我負碌打到去大佬~結果都係輸~今次係第一次打KOF2002....嘿嘿~~真係搞笑...唔~打到咁上下~我地都散水~陪獅子等車~然後同棍哥等車~我就返屋企了~~然後~無沖涼~就訓了........

棍哥~唔駛自責o既~_~ 支野仲未爛得晒~何況一向都有裂痕....不過依家條痕大D咁o者.....我要多謝你份譜啦~~哈哈~~又點會因為支結他~~而影響我地呢~^o^

>>July 14, 2003 at 5:49:14 AM GMT+8

2003 年 7 月 9 日 星期三 【晴】

今日訓到九點三先起身~~唉~無辦法~之前一晚好Q夜訓....同獅子ICQ到差唔多四點~~搞到今朝有D起唔到身~係張床度碌黎碌去~有D似搞長沙....唉~但無辦法...其實可以唔返o既~都無人記遲到,又無人點名...因為太趕....早餐都無食...返到學校前....我已經聽到打鐘~不過唔緊要~無所謂~一樣無人記遲到...不過呢~返到時都10點鐘...簡sir已經開始派卷~咁我接過份Bio卷就求其搵個位坐就算~嘿嘿~我接卷時~簡Sir話~已經算高分...我再睇睇~有57分囉~ccc 上一兩次Bio都好似係唔合格~但係今次呢~就俾我呃到個57返黎~都算幾安慰~唉~我之前一晚勁多未讀~死人大江考Bio前又坤我話~「4日讀Bio應該夠時間」....唉~但佢忘了減左我個D玩呀~食呀~訓呀~個D時間..大江~我送你一個凸~之前一晚仲諗住點死...我仲有D驚佢會迫我Drop科囉...我已經得2個AL...再Drop就可以唔駛讀了....原來真係算幾高分~其實都係靠有Tips~之前日記都寫過Tips哦~不過Nixon話唔知有呢~_~" 我日記咁多好野都唔睇~哈哈~我Ecology除左Cycle外~6份都無讀~都係讀Past Paper~所以唔該Lawton幫我影印~真係唔該晒喎~~唔~總算渡過一關囉～Safe~!~!

跟住...Ms Wong又入黎呃時間~_~時間都未夠就企係門口出面囉.....唉~又講成龍個條...我成個Matching好勁囉~o岩一條~~唉~唔知點死~~算了~唔講呢個~總之成績表出o既合格就ok啦~唔理佢咁多~

然後就Maths&Stat...唔合格囉~_~ 唉~39/108~o個2個極端都無返...D分真係好勁..極端囉....唉~透露一下先~~亞輝有=>17/108...Clive Lo有75/108~一個最低~一個最高.....唉~點解可以咁高分....搵笨架..借幾分黎合格丫...大佬.....死人Trunks又可以加分~_~ 我連Poor Prestation都出埋~都扭轉唔到佢加分~唉~佢一加分~就合格~搞錯呀~!#$%^&*奸計得逞~~

然後放學~就去左打機~佢地一堆人去唱K...去打機有我,Samson,Nixon同炳煌囉~~反正去K...我每次都係去坐....所以唔駛預我~等我睇下有乜人先...去聽下~我想聽o既人唱歌~呵呵~~打完機~然後就返屋企了~一樣..打機=>訓覺=>打機=>訓覺....無了

亞So本來今日無返~但係上上下Bio~佢又走返黎~但係點解佢會俾人記遲到~唔係應該無人記架咩???佢條友~用400蚊染左毛~而家因為返個2,3日學~用返30蚊染黑囉~今日仲問我覺唔覺佢染金左~大佬~後面一大堆...點會唔覺~哈哈~所以Trunks幫佢帶左噴黑色o既返黎~不過無用過~因為亞So自己都染返黑....所以呢\__/Trunks又搞事~我同彼得都俾佢噴落我度囉~佢地話似中炭疽...黑色一達達.....ccc 另外我真係好想知張同學幾多分呢～佢又唔俾人睇～唉～快將你分數報上來\__/ 唔介意o既快話我知哦~ccc

肥松日記~要同大家講聲BYEBYE了~_~ 我會等到~佢日記被關~先至Delete Link~等佢可能有個新o既日記~先至再加返上去吧~~仲有~多左個Lawton o既Flash板Link~快交錢仲好啦~唔好好似賤仁咁...唔交錢...哈哈

今日又無逗歌了~唉~太懶~太多AOC..不過就有小發現G#=>A#...聽落隻歌唔錯～另外~棍哥仔~勁左喎~~哈哈~~聽日仲約左夾歌添~期待下先～

今晚過了一個神奇o既夜晚喔～ccc好彩聽日返2個粒~如果唔係~真係暈都有份~!

>>July 10, 2003 at 5:00:20 AM GMT+8

2003 年 7 月 7 日 星期一 【晴】

勁~!今日考埋我最後一科!!!終於搞掂晒~唔駛再煩考試~可以專心理我o既結他...
今日本來又打算早D起身~將D電腦野塞入我個腦度....不過都係起唔到身....6:45先識醒~最衰都係風清揚同田伯光...唉~搞到我尋晚掛住睇笑傲江湖....無乜點溫過書~加上尋晚又有Hunter做....又有人打黎傾電話~_~" 唉~~不過唔緊要啦~我都唔想溫~~考電腦~大家都係求求其其....阮Sir監考~可以唔駛理..哈哈~亞輝第一個走....Clive Lo都跟住走....其餘o既人就做到夠鐘先停~D SQL好麻煩...我都懶得去理~~真係唔掂...放學即走....去左打機~等亞培.....去游水...然後一點到...就真係去游水....有Mr培~尹國寶,楠,暴徒..尹國寶真係無得頂~~查左太陽油....然後落水...哈哈哈~~基本上今日我都無乜點真係游過水....淨係訓係度...(因為唔多識游....我沈比較叻－＿－)~~係咁曬~所以就曬黑左少少~我都已經夠黑~仲黑左少少.....ccc 唉~亞培~一聽到人地話係看台.....就仆出去....哈哈~換返衫後~就出返去....多左個賤仁,多左個月餅,多左個菲...我又發現~尹國寶除左食野慢.....行路都一樣咁慢..慢到~要人企定定=>回望=>叫佢行快D.....唔知點解~同佢地行到皇室堡...佢地上去睇戲...我就跟埋上去....講BYEBYE~_~"....然後無波踢~~俾人坤~~唉~~帶咁多野出去托.....所以就打電話去剷下人....打俾獅子.....打左差唔多十幾次....都係無人聽~打俾陳家和~~人地話個暑假好忙哦~~我都知o既~~明白晒~cccccc而且搭車~閃人~買野食~返屋企~依家去訓覺~係咁多.....

好!!考完試~逗歌逗歌~係咁搵!!解脫阿～～～
寫篇日記都勁趕時間.....好似鬥快咁~_~ 朝2晚7真係麻Q煩

2003 年 7 月 4 日 星期五 【晴】

今日係好慘o既一日...因為我今日考英文Oral....年年都一樣~我都慣了....
今朝早同彼得,海少,Lawton食餐~~突然殺出個Jennifer~我地就一齊食...好耐無咁多人一齊食早餐~返上去就開始考中文....簡Sir~真係好野~一句「挑~」就唔理Father講乜~仲有用眼..一次過睇晒全班o既卡...哈哈~中文....勁搵笨....最後個頁原來有字o既~_~俾佢坤左....然後作文...因為我覺得張國榮太難作啦...唔知點寫~我寧願寫另一篇~雖然我知道分唔會高得去邊~因為全都係抄抄抄....無難度...不過呢～最好玩係～寫封信個度~要用個名~因為有家寶我揀~我寫左溫家寶...哈哈~如果係Ms Au~我一定唔會咁做....因為我之前試過玩野....俾佢剷到我飛起.....求其寫完~就BYEBYE~然後呢~就係我最唔願意考o既野......英文Oral....唉~篇野勁難......我又疾疾疾...結果又係講唔晒....Candidate A好勁~(即係陳錦鴻)寫D野上篇文度.....結果俾人扣左2分~本來佢合格~自己搞到自己唔合格喎~呵呵~~~我夾埋先得個10.5分...陳錦鴻本來12...扣左2分...得返10分....唉~拖累左Marco添~算啦~我入去之前都預左~呢個差唔多已經可以話係定律~考親英文oral都仆街....可能係會考時...太過陰盛陽衰~發瘟...個時...成間房都係女....自此我就患左Oral恐懼症.....

考完2科...一堆人話上我度~_~結果我就出左去打陣波....然後得返彼得,亞輝去左我度....佢地仲叫我去打波.....之前又叫我打機....返到屋企.....同佢地打陣機~隻Winning唔生性~成日Hang...亞輝仲用我個ICQ搞搞震－＿－....亞輝打字都幾快喎~估唔到下....隔左陣~佢地都走人.....我就係度....然後訓著覺.....之後個D唔寫啦....總之就去左強哥度啦......
唔~呢次好似係第二次見到個雙黃淨蓮蓉(發瘟...呢D咩名黎架...)..估唔到亞培你...哈哈~仲有呢...搭車去亞強度時呢~~個程車好唔自然~係因為呢~巴士...下層....我....坐最後....窗口位...咁個度又細...我又拎住支結他~但係呢~有2個女仔都要行過黎坐\__/家下上層無位咩...搞到唔知點咁....仲有~_~影印六線譜~影左50蚊....Short左~咁鬼多.....另外呢~~學結他個D呢~~今日第一次教人Scale...不過呢~學徒又唔自己搵~~唉~咁點得~我地個時都係要自己搵....然後走時同大江行到去太古...佢竟然唔知道個度有.....xxx....哈哈~不過個時夜啦~所以唔講嚕~又另外~點解呢~彈親結他都有人想訓覺~我係度催眠咩???仲有係....PTU....唉~_~唔知用乜黎形容好....條友俾人插左刀...仲可以係咁走係咁走.....
走左之後...無去Sniper打機~因為有幾分倦意~~所以返屋企算了.....返到屋企又訓著~所以ICQ人叫我~我又沒反應嚕~

今日其實係同王偉倫餞行...唔~再見啦~滾吧~~肥哥哥~哈哈~仲有~搵人同我去游水呢～！！
喨：我都覺真係考完試~我唔想讀電腦了~不過.....唔溫又唔得~除非我真係=>【退修】

2003 年 7 月 3 日 星期四 【晴】

難得放假~我都當考完試~今日都無溫過書~就咁就過左一日~~我發現左~原來我係屋企都可以晒太陽~真係勁~個太陽真係勁晒~晒到我廚房發晒光~~得閒我都可以入去晒兩晒~唔駛出街都得~~今日玩返好耐無玩過o既FF-X2~都唔記得自己玩過乜~不過是但啦~求其玩左2玩就熄機了~然後聽歌~發呆...傾電話~~麒麟好似想返海怡...想2個一齊死...哈~等我得閒就去海怡玩下先~不過呢~_~我咁懶~會無啦啦出去係好難o既~~除非我上棍哥屋企啦~~夜晚同佢地打機~我都唔理聽日要考中文了~天祐叫我夾歌~但我想去游水哦~~聽日仲約左彼得打機添~點夾歌呢～嘿～今日都無其他野...等住聽日點死吧~~~唉～

唉～Lawton～考Oral~唔駛咁緊張啦～哈哈哈哈(唔~無人會知乜事~~)
今日寫日記有D唔依次序添~是但啦~我都唔知今日做過乜~
我聽日考Oral~點死好～定係玩野搞破壞～？哈哈

>>July 4, 2003 at 2:32:00 AM GMT+8

2003 年 7 月 2 日 星期三 【晴】

7月1日無上街~因為我要讀書~_~ 而我又覺~即使你點遊行~佢都一樣唔Q理你....理得你50萬人又好~100萬都好~佢都費事睬你....不過呢~如果有100萬人~可以即管試下殺左佢.....百萬雄師丫嘛...
7月2號~行程編排非常緊湊~真係趕到~我連衫都趕唔切換~

2003 年 6 月 30 日 星期一 【晴】

今日~第一次同Ronald食早餐~返左成個中六咁滯....先開始第一次同佢食早餐~_~ 有點遲~呵呵~大家今日都好趕~趕唔切溫Bio....我連Ecology簡Sir D Notes....掂都未掂過...六份呀...大佬...得2日我都唔知點讀得晒~不過好彩佢都有Tips俾....除左中左個Diabetes...半個Nitrogen Cycyle..不過Diabetes暫時依記憶所及....無左1.5分~我無寫有diabetes要點.....唉~本書度...講Diabetes有大半頁..寫篇Essay...同你成頁Copy落去無分別....然後11條又唔知做乜.....Oyster考緊時我唔知係乜....原來係蠔...求其作左Commensalim入去.....然後....Ratio計錯曬...我連Winter同Summer都睇錯.......唉～好彩個度得一分.....整體上...都唔知合唔合格~~~棋魔~~未來o既日子我地係圖書館見啦－＿－唔~第一次見教徒考試有咁o既樣~~可能考o既次數唔多....不過真係第一次見到有個呆樣...天祐仲勁啦......又話讀左一個月~不過呢.......ccccccc 考完第一科...跟住考中文Listening......丫.....Mok Sir呢幾日唔知做乜~好惡哦@@ 係唔係因為6B班...Chem分低到嘔呢?~唉~希望我Chem都合格啦......中文Listening.....我唔理係乜...都寫D落去右邊先....大佬~中文文化預左炒.....唔o向其他地方拎返D分....點填數呀.....唉~不過呢~考完我都知有幾條錯了....死人MC題...有D真係勁九.....~_~ 考完D人就散...呵呵~~我地考Stat o既就大嗌~「考完試嚕」~佢地唔係stat o既就仲要考Physics....傻啦~~其實Stat都要溫下啦~真係放假咩~_~ 不過呢~呢個考試~除左第一日~其餘好似好輕鬆咁.....考緊試嗎...哈哈~最怕都係英文Oral....真係唔想考~雖然3個Candidate我都識....不過呢.....都係唔想考....剩返o既~希望~英文做得晒..希望英文Oral會好DD....上次得8/28....死人Clive Lo~一個Ms已經俾8分~我要2個夾埋先有8分..唉~救命.....

放左學~就同大江,個賤人,教徒食飯~唔~食完大江,個賤人同我都返上去~佢地考英文Oral...我就無野考...上去只係打波.....咁玩完一輪~見到泰仔~英智喎~唔記得左佢地返黎做乜了......唉~龍哥仔~點解你板塊全部都係女架...哈哈~~仲有見到振宇話一連走籃10球~哈哈~然後入6A吹下冷氣~就走人了~佢地仲話唔知去邊~_~ 我梗係返屋企打~打完波...成身濕.....唉～返到屋企一個影都無...乜都唔理沖涼先.....然後佢地就返了....然後成日乜都無做過~唉~~夜晚仲勁...起身又即訓....我6點幾到訓....訓到10點幾....起身食左野~又訓......

亞培呀~~差人地份禮物呀~~快D啦~_~ 搵到就買啦~~錢見到你再夾~哈哈~獅子~得閒就同我講下啦~哈哈~~棍哥~起唔到身~打唔到AOC嚕~@@
Speed係10月有一次短暫重組一個月哦~~期待哦~~~~~~
聽日Cu生日~~期待哦~~~~~~
中七圖書館見棋魔~~期待哦~~~~~~
Maths & Stat溫唔晒~~期待哦~~~~~~

唔~偷睇某人塊板學懂了少少野......



>>July 1, 2003 at 6:17:43 AM GMT+8

2003 年 6 月 27 日 星期五 【晴】

今朝同彼得~海少~亞So食早餐~第一次有咁多人返學同我食早餐添~cc 最多個次都係Clive Lo同肥成~~考試就....一般啦~~第一份Sec E...唔算難~我一向覺得Sec E真係唔駛用腦....係咁抄....考完Sec E...發溫..有成9個字...都唔知俾咁多時間做乜~_~拿拿臨考完就走啦嘛.....同學都好善用呢D時間...鋤D....玩野~死Samson...玩我個筆袋哦\__/....之後考Sec A....都係一般啦.....不過呢...有度話...十個裡面有一個....係１：９呢~_~ 我同棋魔講完1:9...我自己寫返1:10~唉~發溫~~放學就同佢地去188拎返D影印~仲約左雞哥仔~出黎~~幾經辛苦~(搞一大輪)終於拎到~~佢地一干人等就去左打Snooker...我同教徒,雞就去左食飯~嘿~~呵呵~Xo醬干炒牛河......然後同雞去左Sniper打機~~無打CS咁耐~唔識打了~_~見到Turkey Vs France.......睇左半場...走人.....不過呢~~Foe踢波死左~~初時我以為佢真係俾人剷死...原來係唔知心臟病...本身想上亞銅度~不過佢未起身~所以我就返左屋企...獅子又搵唔到羅絲呢~~返到屋企又係玩~~然後睇左一篇勁文.....無得頂....度符真係殺晒....哈哈..8:00同教徒,Lawton彼得出左黎~~俾我見到佢地入左機鋪...哈哈~~然後同佢地打Winning.....好玩哦~@@~~cc 玩左差唔多一個鐘~我地去左食大快活~唔~差唔多一年無去過大快活....嘿~彼得好殘忍哦@o@....殺雞....用2隻手...一撕.....唔~仲多左個黃光亮食雞翼...好開心哦～ｃｃ然後食完野~去搵下有無卡出~~就返屋企了~返到屋企.....唉~打機~訓覺~然後..........

>>June 28, 2003 at 2:50:35 PM GMT+8

2003 年 6 月 26 日 星期四 【晴】

考試第一日~~勁呀~~今朝打算早D起身~諗住盡埋最後o既少少力~~好神奇~可以5:30起身~~以為掂啦~點知......起就係起左~仲行左出廳~打開左本書~~睇pastpaper~但係~睇唔夠15分鐘~我已經勁眼訓.....結果~訓左係書台度...然後仲死返入房再訓過~~七點先再起身~唉～！搞搞下~乜都無做過~然後就去左食早餐~今日好似係第一次約左林瑋程~~~呵呵~不過佢無食野呢~_~" 我地講下有乜特別野要出之後~就走人嚕~~
第一科！就考Chem~~唔~~差D唔記得Mechanism點做~_~ 大致上都叫得啦~~應該合格卦.....不過有幾條真係吹漲~~睇完唔知佢做緊乜~是但啦~_~ 我要合格30分就夠啦~唔駛多~~死人Clive Lo又唔帶筆.....唉~有驚無險~都叫做得完~時間都夠~因為有幾條唔識做~慳返好多時間~^o^ 簡Sir仲要係人地考緊試黎買野飲....唔~~考完之後~~D人都唔記得晒自己仲要考中文~個個拎住份Answer係咁望~唉~~我answer差Org Chem個張呀~點解會無架....唔~~唔夠一陣~又要考中文~~
中文~~卦住讀chem~只係讀左一課~做左31分題目~我D字仲勁過十號風球~~真係寫到手到軟~係手唔協調~搞到係咁寫錯字~~係咁叉.....係咁畫~~本薄花過乜~~做完之後~隻手條根好痛~~唉~唔夠時間做啦~不過唔知裘三千有無三千字呢~~考完即刻衝上去考中文Oral~好彩Ms Fan俾食左野先考~如果唔係實餓Q死~~拿拿臨落去買麥記~食住野黎Prepare....發溫~~唔知乜野Topic黎o既~好似我地4個都係雀~我o個個係=>如果我係隻籠中鳥~叫我敍述一個故事~我咪老作囉~~ccc 唔~最低能係...我引用錯了－＿－ 陶淵明o既個句野.....復得返自然...我講左一去數十年~不過呢~Ms Fan話~~講得幾好~^o^ 呵呵~~然後Group Discussion.....講一樣~最能代表中國o既食物~~我地講左豆腐,湯圓,盆菜~最勁係2號囉~~芝麻糊~太極圈~_~R頭~~ms話我同喨頭一分鐘掂~~不過我跟住就PK~有頭威無尾陣~好在我把聲夠大~~6B班房內訓練有素－＿－v.......ccc 唔~~合格就夠啦~~同自己人做Oral~好似玩咁~~然後就返屋企~~返到屋企~好似考完試咁~~係咁玩=>訓=>玩=>訓.....無做過其他野~~算啦~我預左自己又會趕到嘔~_~ 清完半個Locker~超多書係屋企~聽日考Sec E,A~輕鬆下~~反正考左兩科大野~~Check E-class見到~唔交錢~會俾校務處特別處理~呵呵~~我想知會係點~哈哈

亞培~等你一次過講我知呀~~
多謝Lawton幫我帶晒D PastPaper俾我~~多謝晒
唔該教徒幫我影印晒D PastPaper俾我~~唔該晒
有無得合格~~睇Pastpaper嚕~簡SIR話~VitaminB1,2,6,12,Diabetes,Nitrogen Cycle,External Feature...呢幾樣丫嘛~唔理啦~~讀左呢D先算!!

亞媽聽日又飛~~太好嚕~~~聽日又約左彼得食早餐~cc~約左雞哥拎書~太好嚕~~~訓覺去~~太好嚕~~

>>June 27, 2003 at 3:10:02 AM GMT+8

2003 年 6 月 24 日 星期二 【晴】

好耐無寫日記~今日抽少少時間寫下啦~唉~考試黎緊~係咁上下啦~邊有時間丫~6月26號就開始考~我都唔知中文點算~Chem都未讀完~唔好講中文啦~因為要讀書~所以無時間寫日記~cc
今朝食早餐~買完野先見到Mok sir~所以就坐低左同佢食早餐~除左LUNCH~呢次好似係第一次同佢早餐~佢仲問返我點解笑~我都係答佢無得解~聽到個答案好笑咪好笑囉~然後就同佢一齊返上去~Stat堂做Revision~唔~除左Bio 之外~呢科我都感到有危機......因為考完Bio得返1日半時間讀~邊夠呢~跟住Bio堂最好~可以唔教書~任做自己野~簡SIR最鐘意講D無聊野~不過又好好笑~~Recess時D人已經帶左粒波落去踢~對住D低Form都唔留情~係咁Band~哈哈~中六最後一堂PE呀～佢地連更衣室都未開~就換衫~~PE堂真係好玩~張同學又話唔打龍~影都唔見~中文要Active D~因為話我地上堂太靜~所以今日就盡量嘈~嘿嘿~九唔搭八都講一餐~理得佢丫～LUNCH GAP源又話食飯～係屋企打黎話未起身~發佢個溫丫.......咁我地唯有自己食啦~聽日再放飛機你就死~然後2堂CHEM堂~唔~無啦啦要賠一支Glass Rod錢~不過佢未叫俾~唉~我都唔係個張台好耐啦~搵笨o既～是但啦~CHEM REPORT平均有6.1分都算係咁啦～多得各位同學教我做～哈哈~然後又教書~呵呵~放學仲係MOK SIR度得知........cccc 唔講~唔該彼得陪我去報English World~$850 4堂~真係俾錢困住自己~仲要星期六~7:30-9:30~唉~唔該~星期六唔好約我了~Chem話要3個鐘一年~呢個都唔知係唔係暑假黎o既~發溫~咁多野做～！！

唔~最近發生o既有裘三千~一出手就....三千出上啦~仲有~Trunks上中文堂o既肆無忌憚.....Ms FAN同MS CHAN話=>「你竟然會識?」~唔....無啦~唔記得啦~失憶呀~唔~唔寫日記住了~過左考試先算~大家等下啦～ｃｃｃｃ仲有～唔該晒陳錦鴻啦喎～～辛苦晒～～

最後係同亞培講o既～唔係呀你～咁明顯都得o既你????????路人甲呀~盲丙呀~都睇得出你條友講乜啦~cccc

>>June 24, 2003 at 5:21:08 PM GMT+8