2003 年 2 月 26 日 星期三 【晴】

我都唔知講乜好,自從【三國無雙３】出左之後,我每日返到屋企乜都唔知,淨係打機,連ICQ,功課,日記乜都少左.......我玩到超攰......攰到沖涼都訓著左,隻眼撐唔大.....但又真係好好玩......點算呢......所以我仲俾人話我懶,已經6日無寫日記～＿～” 唉~我會俾返D時間黎寫日記......希望得啦.......哈哈.......一杯Coffee~~醒神,我竟然今日上CS無訓著,對自己感到好光榮....(因為全班14-15人有7-8成人訓左.......) 你話幾難得呢........－＿－”

>>February 26, 2003 at 4:03:14 AM GMT+8

2003 年 2 月 21 日 星期五 【晴】

昨天的又忘了,唉,依家每一日都忙......雖然唔駛做好多功課,但我都唔知點解好似好多野做.....
星期五,每個禮拜同一日都一樣,好想快D放學....大佬拿拿臨走人訓覺.....
朝早起身,幫Clive Lo買麥記,所以我都被迫食麥記....不過是但啦,食乜都得.....唉.....Day6..又要Set電腦,又要食早餐,Miss Wong又唔見左,所以趕到嘔,
上堂,又講心理學家....好似好鬼悶....學埋D幾多歲識做乜,CS堂,繼續Database.....我悶到訓著左(真係訓著左...－＿－)
打波........放學捉棋,棋霸又醒.....＝＿＝
去睇有無出【三國無雙３】,結果都係無......
本來,我諗住可以睇齊兩套電視劇大結局,但又點會估到,我睇電視又訓著呢...起身又o岩o岩好做完...........
聽日去強屋企,我又去踢波,但好似好多人,依家6B+以前5C...一定好熱鬧........
我兩年黎第一次同尹國寶食Lunch,真係好耐無一齊,另外Lunch七個人一齊食,相對黎講算多,因為通常都係得四個,
我老豆叫我同佢食飯,不過我想打機多D....
仲係買唔到天子傳奇,點算呀－＿－
睇Bio Hazard真人版笑死,個D死人動作,R1舉起支槍,轉身,跑等動作...簡單無得頂...但點解要有比卡超～＿～
仲有...男版o既【女校男生】,睇完我都已經無乜意見,因為太掂...好難唔笑,條友個樣呀.....同埋..拉住架吸塵器係度走黎走去...
Chem堂竟然無俾人問我任何問題,我好似已經慢慢脫離危機,不過,我後面果個就慘了,一日到黑都問佢,好似全班得佢咁..哈
唉..MokSir又話上黎幫我地清野(佢所謂o既偷野),未夠4:30已經走左,走最快果個係李玉瑩,好趕咩~_~"?
D人見我玩Online Game好怪...係隻game好怪...~_~..D法典又唔Work....
英文又係訓著,睇23條......被miss發現左.....哈

>>February 26, 2003 at 4:03:47 AM GMT+8

2003 年 2 月 19 日 星期三 【晴】

今日星期三,早會Mok Sir已經叫人交功課....荒死我地唔交咁.....~_~..有D人都未做好....但因為聽到佢咁講...我地唯有交啦....
第一堂係Maths,今日好似自修堂咁,成堂自己係咁做數..跟住就成堂講卡通片,兒歌...想打死唱==>Hyper<==呢條友....仲有講超人,高達...乜都有......
跟住係Chem,我頂佢丫,我做功課做到3:45,佢竟然話因為有好多人未貼好Graph,所以聽日交...唉..即係多一日做功課.....嘿,最好的是..我今日好少俾人問問題..
Bio....又係講書,聽完又唔記得...失憶症阿~_~CS堂...終於做D實際D o既Database啦...唔駛咁悶,聽佢講我會訓著.......
Eng堂,死Clive Lo又唔帶書...又要一齊睇..－＿－”對Answer....因為前一日讀Chem,所以我乜都無做過,上堂時佢講我抄,好快搞掂.....
然後中文Oral,Clive Lo俾我地屈左出去....嘿嘿....TOPIC係天命不可違..佢今次出去講野真係天命不可違啦...唔知點解...睇親Nixon講野都好好笑...佢好似好Enjoy阿..哈
放學,Quiz,我無乜溫過,只係返學個段時間睇過....然後就去Quiz,但都識識地,不過miss左一條無做..就咁無左12分..唉....發溫,Quiz時黃百明係咁鬧人,嘈到嘔
然後捉棋....我今日付碌...用一隻車+四隻兵,清左棋霸全部....哈....之後同佢去左麥記食野..佢同我一齊去買書,不過買唔到,行行下佢見到有個女仔,無啦啦大叫「好索呀」~_~....行過模型鋪佢話想入去睇..所以我地入左去..但無乜野睇...多謝你陪我搵書....!!
跟住我就返屋企都七點左右,我返到屋企就訓覺,本來見今日唔駛點做功課,無書溫,可以安心睇電視,休息一下,但係,一訓就慘啦......起身10點....o岩o岩好做曬2套電視劇(係唔係呀~_~"唉),時間控制得非常好....一做完即刻起身....
起身之後,我都唔想睇電視,我唔要睇中央版笑傲江湖....我打陣機...然後就食飯...我亞媽買左粥..不過都凍曬,是但啦,我都無所謂照食......不過十二點左右先食...
勁扑留言阿...哈...真係有睇我日記丫....星座有時真係幾準下.....我copy人地send俾我的.....

2003 年 2 月 18 日 星期二 【晴】

唉~_~十七號+十八號唔寫啦........因我又發作(失憶症....－＿－”)
我只記得.....呢兩日係咁做功課........我超耐無打機.......做功課做到3:45.........係咁做所以溫唔到書.......仲有Tas唔知做乜............仲有最重要的=>關睢<=唉........Miss又唔讀第一句.....搞錯呀～＿～”

>>February 20, 2003 at 4:23:59 AM GMT+8

2003 年 2 月 17 日 星期一 【晴】

2003 年 2 月 16 日 星期日 【晴】

失憶症!!記得幾多得幾多!
成日都係做功課,呢日無乜特別....因為我超多功課,唉~_~"好少特別野發生....
夜晚o既Tomorrow Never Dies...想睇都睇唔到....點解呢? 因為我超多功課!
我呢幾日打都無打過機...Winning6想玩都唔得....點解呢? 因為我超多功課!
結論係....都係個句....好多功課!
我今日去過松塊日記版....我睇佢Reply....
我想知...點解會搞成咁....本來你地兩個好好地,乜事都無....無端端可以憎一個人咁犀利嗎?我唔怕講句,你睇唔睇到都好...識又識左五年,真係熟o既時間都有一年吧....無理由唔知一個人係點....只係相信別人言論,唔通自己無感覺架??我同培都識左咁耐,我一D都唔覺佢會利用人,你可能話我無睇清楚,但係我可以講我係憑感覺o既,同你感覺到佢係仆街一樣...自己諗下啦....而且佢自己又唔自己衰乜,你地就係咁話人知道,扮唔知,大佬呀~人地一定知架??各位如果要判人死刑前,請先講低理由,死左唔知乜事,係最無奈!!!!唔想再講...我唔要插手!希望各位唔好再聽人講野+自己亂諗....就最好....
唉,過份激動,講下其他先.....
唉....點解會凌晨兩點有電話響,好彩無俾人插...哈哈.....原來係培+寶打電話俾我~自從中二之後,我地都好少寶講野(好似直頭無=_="),因為好似有隔膜,可能係我依然放唔低,我會嘗試去再接觸,希望能珍惜朋友!

2003 年 2 月 16 日 星期日 【晴】

要返學都四點訓~死未~~梗係啦~我超多功課.......唉.....明天先寫日記好了....

>>February 17, 2003 at 4:15:47 AM GMT+8

2003 年 2 月 15 日 星期六 【晴】

今日星期六,一大清早就返學校見家長,咁我就見十一點,今次好似係我六年第一次唔駛等就入去見....
見Mok Sir,雖然佢話我成績一般,但我覺得自己考得好差,無上年咁樣....唉....又話我無目標喎,跟住無乜特別野講,然後等我媽走左後,我繼續留係度,我頂,跟住又俾人叫作文...唉...唔係佢面前講野算了~_~"
然後同輝,大江打左陣波,我地玩入樽...有片為證呀!哈~笑死我....跟住玩左陣見到阿培..佢無啦啦返左學校...然後我打完波就搵佢....約左去今晚食飯~~咁我就自己返左屋企先.....
跟住係屋企做功課,發下呆.....咁就夠鐘出去.....去左洛克道食飯.....有好多人,仲有個好嘈o既細路~_~"仲有好少見o既強哥~.....食完飯咁o岩見到5A o既同學~~佢地都o岩o岩食完飯,嘿,又見到大江.....咁o岩阿~~~~~~~ccc
然後去左海邊~大家傾下計.....唉~但有人又要走先....不過順便送佢搭車啦......
跟住....都傾左一陣....佢地開始走...得番我同培...我同佢傾....佢已經俾其他野煩到死....唉.....只可惜我只係一個識聽人講野o既人,唔係好識講........同佢傾到點幾鐘...就開始走人..我地走之前去左Seven~今次...係我第一次一個人飲曬一支(x)....好少有架....好彩唔係支野好勁.....~_~"
然後突然興起..去左麥記....然後送佢搭車...我就返屋企...
返到屋企,含家未訓....不過唔緊要,早返遲返都一樣~哈....我本來想做功課...但..唔知點解訓著左(係囉...又唔知點解...)

>>February 17, 2003 at 11:43:31 PM GMT+8

2003 年 2 月 14 日 星期五 【晴】

一星期最後一日,梗係好野啦,返埋今日放假,大家都好求求其其咁返學(我個人覺得),返學望放學阿....
第五日依然係有食早餐,一個禮拜食五日,都係用左六蚊~_~" 不過乜乜募用曬....
中七LastDay,幾個阿Sir+同學出去講左幾句野...唉,葉Sir又走上台清唱....救命....佢仲唱得好高興~_~下年到我地....我唔要佢唱歌阿......我中五唔識o既...依家要學識,唔可以再似中五!!
中文堂,馬路天使一生何求,兩隻Miss介紹俾我地聽o既歌......一生何求就聽過.....咁=>馬路天使<=呢?馬路之友就聽過.....佢仲話係達明一派...都N年前o既野啦.....
上Maths堂,今堂仲係教Integration.....成堂做數....個個係度係咁做.....
然後又黎英文堂,俾左一張紙有好多關於Valentine o既Phrase(九唔搭八就真....)唔知講乜....然後對Answer,Clive Lo無做功課...Miss叫佢讀Ans,又俾佢-6過到骨,搞錯丫\___/付碌呀~~~~~~~~~~英文講野好彩由30號開始,我4號~有排啦~
Bio堂一樣講書...聽完字典機發音後,好似有D野.....
Lunch時要On Duty守門口,我鐘意守Lunch門口,因為十日都未必有一日有人Lunch遲到...可以係咁吹水.....但朝頭早守呢....又凍又勁多人遲到,我懶丫嘛.....
跟住就Bio堂畫畫,天佑俾人鬧到飛起...另外,我o既作品都係好核突......
放學本來唔打算打波,有人叫到...唔知點解又會走左出去(係囉..唔知點解呢=_="....)見到原來Clive Lo拗柴...跟住我又打到成身濕曬,好似落完雨咁.....四點半之後,返左課室吹水睇捉棋,本來打算返屋企做功課,不過等亞So..佢話返黎學校...走左又返黎?之後同亞So捉棋,反敗為勝..嘿@_@v..
然後天佑話食野,咁所以去左食飯,周同學話M記,我第一次食M記食左2個鐘,因為同佢傾計,用某D事件傾...其間見到亞昇(唔知點解會出現).....我地都認為天佑o既思考有問題....不過好開心,可以同佢地2個傾~好似踏出左大家o既第一步~
返到屋企,我沖涼之後又訓著左,到兩點先醒番....寫日記時就係o岩o岩訓醒,有點呆.....寫完一陣又訓過,搞到好似特登起身寫日記....點解我會咁神心?唔知呢~~
偉哥話睇唔到真實版本?點會呀?~_~"
Father又入黎話捉棋,唉好煩,放學之後捉棋都唔俾......搞錯呀~放學都無人啦,點培養讀書氣氛呀?去死啦~!凸\__/每日係學校行黎行去,好似乜都唔駛做,周圍巡呢度,又巡下個度,好似巡場咁...咁...你不如轉行做看更,都係行黎行去,巡來巡去......得閒插下個D唔走o既人....工作性質一樣......
聽日十一就見家長啦~雖然我平時講野太多,但我估Mok Sir都唔會插我卦...(我估...)..不過唔理啦...我媽都唔鬧...嘿
出左全級名次,計平均分,原來!60個裡面,我位列39位,雖然唔係高,但都夠了,我地o既一哥Samson,能擠身入三甲之內,絕對係勁!而且....亦班內有人包了最尾一位...-__-"
恭喜Clive Lo聽日要晨咁早返學~~~班長丫拿,開兩圍慶祝~~~~不過拗柴....唉~_~
唉~我都未試過,星期六日假期有八樣功課.....多到暈做到嘔,新年假好似都無咁多野做.....
我又無睇天子尋龍啦.....唉唉唉~_~
有人約八點鐘維園無野呀?星期六訓多二粒鐘先啦...而且我仲要見家長....點去??
唉,淫獅有好多朱古力,男女校果然唔同!!(男校收到就慘了)
點解今日部電腦會自動斷線?我日日咁開都唔會,係今日先至.......唔寫啦...好似好大段~_~

>>February 15, 2003 at 4:33:10 AM GMT+8

2003 年 2 月 13 日 星期四 【晴】