|
2003 年 4 月 6 日 星期日 【晴】
今晚聽了好多~大都關於友情o既問題~其實我都好樂意聽o既~不過唔好期望我識開解/安慰人~因我只識聽~可能你會話講我知無乜價值~不過.....你想講~我都會聽~
死啦~個人變到好似傾向呢方面~唔似我添~可能無左學校o既趣事啦~仲有人話我呢幾日日記好難明~_~唉~無辦法~日日都5點幾6點先寫~神智不清係好正常o既~~~cccc不過真係咁難明咩??
我發覺同人仁關係好像好了~@@ 由原本2個唔相關o既人~變到大家都熟左D(只是一點~仲有得發展)~估唔到~世事難料~初時我都無諗過會係咁~
又有糖水食~~陽支甘露真係好好食丫~有芒果~有西米露~有唔知係唔係o既沙田柚(係唔係咁寫~_~"?)~整體黎講.....好食囉
多左幾位同學玩Friend Test....大家識左我唔係好耐(半年多DD),分都有6x左右.....算唔錯了~而且我都好少同佢地講野~唔太知道我唔出奇～
唉~亞天祐哥又玩Friend Test~佢由1:26分整......整到4:44都仲未有料到~_~ 佢仲要唔知依家係4點幾~怪唔知佢平時成日都交唔到功課啦^o^Friend Test突然好流行添~
我頂~又做唔到功課~~唉~~做左Mr Mok o既週記都算吧~_~台頭好多野食~cheese波~芒果糖~朱古力cookies~薯片.....好多好多~~慢慢食~~食到嘔~~哈哈
>>April 7, 2003 at 5:28:51 AM GMT+8
2003 年 4 月 5 日 星期六 【晴】
乜都無~~多左個Friend Test....無呀~見人地整得咁開心~我都整番一個玩下囉..計分方法係2,4,6,8,10.....當然...最準o既有10分~越接近~越高分啦~不過竟然有人一出就84分~_~唉~發溫.......好簡單咩?死人friend test~因我自己做時只有98分(唉~自己笨嚕－＿－”)所以想close左佢重開~點知一close就全部要重新黎過~唉~用左唔知幾耐嚕~~
何韻詩得個網上最喜愛女歌手.....唉~_~乜世界呀.....有D似豬肉添.....仲要同Juno一齊.....唉~TVB~好失望呀~~第二次見到Hocc~唔知開心定唔開心~上張國榮果個節目.......佢好靚丫~~不過....張國榮個節目又唔容許我咁開心~點算呢~
多謝亞雞(Harris哥先o岩)幫我買左飛~懶到嘔o既我~一定會隔幾日先去買~~所以唔該曬~一次過買左四張飛~~Thanks~~~代陳(家和&錦鴻)多謝你~~~
夜晚食左個避風塘雞翼+揚州炒飯~唔知點解~突然好想食炒飯~唔知點解呢......
另外．．．傷神～～點解會咁架－＿－”？
>>April 6, 2003 at 6:02:01 AM GMT+8
2003 年 4 月 4 日 星期五 【晴】
呢幾日都係一樣,晚晚同肥仁,Tami走去Sina度玩.....由之前唔識玩Showhand...慢慢都學到識.....謝謝教識我喎~ccc仲識左大口烯~_~"原來培日記有Link去架喎......
Harris哥話想睇400 Beyond.....想我破產咩.....陳錦鴻同家和都話睇200喎~_~點解會咁架.......
同Jovei傾左一陣.......都發覺我真係唔多識佢地...由其係做佢地o既Friend Test....例子:我覺得自己好係同淫獅隔左好遠....雖然間唔中我都有打俾佢.....但係感覺仲係好遠......最近的彷彿係最遠....真係唔知點解~好想再次近D...不過我心知....無可能了q_q....都係因為我懶嗎......
一如以往.....我俾大家o既感覺都係只會玩~_~好想改變一下.......我都唔係淨係識玩架~ccc
唉~_~各位唔好再亂講....再亂講o既就知死\___/ 唔好以為我唔知你地講乜鬼~當我傻架....哈哈
夜晚竟然同人仁講野講左咁耐喎~好似係TKPC識以來第一次......真的奇怪啦@_@ 有好有唔好...唔好o既真係 好 唔好~_~(只有人仁才知講乜嚕~ccc)
又天光了~差唔多有一個星期都係天光先訓,仲勁過大考咁.......如果溫書有咁神心就好了..........點解近排D人興5點幾先Online.......先有Should.....後有Tan....難以理解~_~仲話訓醒添......
俾人感染......分飛燕歌詞好正添~_~人仁的好事~
幾日無做功課嚕~唉~一諗起彼得做曬就好無奈.........仲要溫書.....都係拿拿臨做好功課...做下Stat先了~不然趕唔上,又要做到嘔泡
SARS放多我2個星期.....一返去就測驗嗎?唔係卦....唔好呀@o@"
又係培日記度發現~Suki有寫日記架喎~_~我又係唔知添........不過知同唔知都無分別......一樣係咁上下~哈哈
等我得閒又做個Friend Test.....睇下有幾多人識我先~~不過諗問題又係好麻煩~Jovei話好有信心最高分~嘿~睇下點囉~~
修改左個右邊~+插左新Link同埋將D Link放左出黎~最重要係~可以開Blank page去睇嘛....同埋改走狀態列o既字.....唔想佢郁黎郁去
係咁多.....寫完
>>April 5, 2003 at 6:12:56 AM GMT+8
2003 年 4 月 4 日 星期五 【晴】
04首 ==>★☆絕對☆★<== 推介！！
>>April 4, 2003 at 5:06:35 PM GMT+8
2003 年 4 月 4 日 星期五 【晴】
HOCC CD Round Up 強勢登場!!!快D買黎聽啦～～
>>April 4, 2003 at 4:53:58 PM GMT+8
2003 年 4 月 1 日 星期二 【晴】
星期一唔知自己做過乜.....無得寫.........miss左佢算了
星期二,一朝早去左踢波......10點鐘已有淫棍打俾我叫我起身,一如以往.....繼續訓.....11點三我先識起身.....去到當然又係遲啦.....到o既時候o岩o岩猜隊~~同到Jerry同埋英智........好耐無見.......靚仔左喎....哈哈
好耐都無同佢地一齊玩......隔左都有大半年.......分開後想有連絡都好難......唉.....真係無計......大家各有各忙......一黎我又懶.....懶到嘔...係ICQ我又唔叫人,我又唔打電話......唉,又係我個人問題.........踢波囉~係咁踢波keep住連絡囉~哈哈
唉,放個假就好多功課......唔知點死..又呢樣又個樣~又測驗....唉~好多~仲要樣樣係作文......麻煩功課一大堆.......呢日無乜特別.......除左多左個張國榮係文華酒店跳樓外...其實o既又係咁上下.........
我終於攞返隻Neo了.....死獅子終於肯俾我.....佢同我講無玩過~開都無開過........唉......條友真係......唔玩就早D俾我放左佢啦~等我買其他野玩下嘛.......
夜晚俾人叫左去Sina玩Game.......又借左陳錦鴻個A/C.....唔該曬~_~"我都懶得自己開......反正唔係成日玩........
玩象棋.....對手完全唔知做緊乜.......俾人將軍都唔知點行.......睇到我......呆..........玩魔法泡泡......佢係可以一鋪都贏唔到........唉........我仲要俾人改埋個名.....叫做【XXXX】(唔講.....詳情請參閱其他日記,搵到o既話)....勢力擴張時贏時輸......佢仲話玩左好耐.......不過都會輸喎..唔及我呢D第一次玩......ccccc
仲有.....我真係覺得...亂咁傳話香港變左疫埠個細路真係On9.....唉~_~ICQ咁多無聊URL就係多得呢種人....雖然佢唔係用ICQ Send出去.......不過我都覺佢傻.....香港依家咁o既樣.....仲亂黎.....真係抵Q你死......愚人節咁玩架咩......最重要係我踢完波想去買野飲時.....見到賓妹攻陷惠康...條隊排到出去門口......你話係唔係抵佢俾人拉\_____/
結果就玩到5點幾....好眼訓架-__-" 唉~依家都5點幾.......真救命.......
>>April 3, 2003 at 5:41:45 AM GMT+8
2003 年 3 月 30 日 星期日 【晴】
星期日,乜都唔記得.......只記得培,尹國寶同埋亞強哥好突然打俾我.......原來係想同我一齊打俾Miss Lee講生日快樂......我好似記得...自從中二(定唔知係中三)同佢講過生日快樂呀,慶祝個類野之後.....都好似無同呢個人講過野....大家見到面就直行直過........唔知點解.....有幾個好朋友都係咁,真係諗唔明,不過多數都係我自己問題.......唉~_~我真係怪人嗎
佢話好記得中三時開o既生日會...而且有好大班人一齊同佢慶祝.....好開心喎~~不過之後就無再有D 咁o既事....梗係啦....D中二中三廢o既.....睇個樣就知佢地返學唔Q知自己做緊乜....佢話因為佢少左教學生,一年只教得半個學期.......又無做班主任.......唔似以前咁會教全年又做班主任....另外...佢竟然仲Keep住我中二時送俾佢o既野喎.....仲話等到六十歲都要同佢開生日會....Miss Lee真係好似細路女@@"
叫獅子淫棍打去佢度......又唔肯.....唉~_~話曬都係2年班主任......咁耐無搵佢....打個電話都唔會死卦~_~"我個人有點開心......可以同埋Miss有連絡(因為依家根本無,我係學校無同佢講野)....感覺似朋友多過似Miss了.........
其餘乜都唔知......大家係屋企都係食飯訓覺.....唔差好遠
>>April 3, 2003 at 5:36:09 AM GMT+8
2003 年 3 月 29 日 星期六 【晴】
上水郊遊記.....(鬼咁遠..)
好一個星期六,勁早有人打電話黎叫醒我.....我個時太唔清醒...搞到我連電話裡面2個係邊個都唔知.......唉....無辦法......一定要起身,我諗平時如果係去踢波.....約我10點,我會11點先到(因為我會繼續訓.....哈哈)
起左身,之後8:2x就出街..去紅墈....8:45去到......原來有人仲早過我.....8:30去到......哇..等半個鐘...唔悶架...@@ 不過我去錯天橋底.....去左另一邊~_~"...培黎到時....見唔到我.....就因為我行錯地方.......結果我要行返去另一邊天橋....~_~"
然後就去左火車站度....坐.....坐左一陣......要黎的到黎到了....於是繼續出發.....搭火車去....【上水】~_~ (鬼咁遠.....) 九年唔搭火車一次.....原來上水都好近羅湖........我諗係我咁大個.....第一次去咁遠.....我平時懶到邊都唔去...又點會去上水呢.......
出火車站........就去飲茶.....點解飲茶要去上水~_~貪過癮嗎........飲完早茶就出發.......去左假日農場.....都唔知邊個搞o既活動......不過算啦~裡面都幾好玩.....可以好近咁接觸下D牛呀,羊呀,豬....仲可以餵下佢食野........不過呢d氣味就....由其是隻豬......-__-"隻牛仲會用角撞人.....又有人力車,水車玩......個癮~~俾你睇下農夫生活,翻土,播種......一大堆騎呢野.....~_~我仲發現培好有做農夫o既天份.........
裡面真係似農莊,教你整麵包,紮稻草人(茅山個D......)..不過我2樣都無做......懶得去做.......~_~ 仲有可以跨過o既迷宮一個.......完全無難度....哈.....另外D鵝鵝鴨鴨好Q煩....係咁嘈生曬~_~".........仲有兔仔.......俾我睇到有一隻想擒另一隻......嘿......除左接觸大自然外.....仲有一堆體能方面o既野玩......例如係....玩泰山......有D都唔知點樣講....總之玩d要用體能的......有樹屋.......佢地班人係咁影張....乜影相真係咁好咩......
眾多樣野裡面.......我最欣賞o既係.....個 張 可 以 訓 o既 吊 床............係好舒服....好爽......
到5點......就要走人......搭返車出去銅鑼灣......落到去搵左我老豆先...然後落左去Time(唔係時代...)睇人打左陣機.....之後就去影相......我2年來破天荒第一次影貼紙相......嘿......真係好難得........因我唔多鐘意影相......所以呢.....影到我似.....恐怖份子.......cccc ^0^
影完就去同佢地班人食飯....本來有9個人.....送走1個......有2個又唔知去左邊....6個人食食下......又無啦啦有3個行開左.....一張枱本來好多人...但係d人一個一個咁行開.......得番3條友......我都無理乜野事.....因為我費事理佢地o既咁多.....隔左一陣,我好八咁行出去睇...原來係.....仆街(唔好意思,照實形容).......係整親條尾龍骨.....仲話行唔到....~_~咁佢男朋友係度,佢女朋友係度,我呢D無聊人當然唔駛棟係度,所以就行返上去,隔左陣.......有白車到....不過呢.....佢又行得返...但係有點慢........下次小心D吧.......最後都可以行返上去,食到野......我就坐左係度...無耐然後就行左落去打機嚕.....
本來佢地打算入赤柱,不過...既然有人整親.....就唔去咁遠......去左維園就算....去到呢度原來先係戲玉.......個時得返5個人.....去左維園裡面o既公園仔....隔一陣又走返2個出黎......原來係返去攞禮物......同Tami補祝番個生日.......佢地真係好有心機.....禮物,碎紙,生日卡....乜都齊........原來仲有咁有心o既人....仲有佢鐘意o既邪留丸~_~"
之後玩啤牌......玩一D我完全唔知做緊乜o既game......又鳳爪,腸粉....蝦餃燒賣....玩到我死死下.........
無啦啦有條友唔知係唔係上身......一邊叫一邊踢垃圾筒.....可能扮緊李小龍....最勁係.....踢完之後......擺返好個筒.....香港人果然有公德心........
最勁係.......俾D社工黎問呢樣問個樣.......又話乜非典型少年.......~_~" 以為我地係d唔返屋企o既邊沿少年.......不過最後佢地知道係慶祝生日就走人嚕~
個主角又要我影多張相.....免得主角唔開心.....影就影...啦.....~_~"然後佢仲提出去打CS.......哇,嚇得我...好少女仔話會去打機吧......聽到打CS即刻就好興奮....嘿...
成班人送左主角o既2個朋友去搭車後....就去Sniper打機....佢未玩過.....係咁死......哈哈....打bloodstrike連槍都未買就死左.....ccccc......睇佢打到又頭暈又眼訓,早知叫佢返屋企算吧啦~_~反正俾人殺又唔係好過癮.....
結果,4點到就走人.....同肥仔仁&培送佢去搭車......個個都勁眼訓.....無啦啦又伸我影多張相～搵笨亞～～～～～～～～返到屋企....即沖涼.....訓覺.......
我覺得Winnie Kam變了...好似好人左,感覺上唔同了....唔單止佢...其他人都變左.......所有人重新認識.....真係幾好...以前o既可以唔理....仲識左新朋友唷~.呢一日真係好攰.......不過總算有開心o既一日......ccc
有培o既朋友留言.....哇.....無啦啦出現....多謝你o既留言......不過來祝我快d做完功課好過了......哈哈
>>April 1, 2003 at 3:50:41 AM GMT+8
2003 年 3 月 28 日 星期五 【晴】
星期五,返埋呢日就放一星期假,不過呢....就多左好多功課,多到嘔,又係好多作文........唉.......肺炎肆虐,果然好麻煩......香港有排都企唔起身........一鑊打沈.........
已經有人開始帶口罩,包括我在內.....帶左都幾好玩下,我上堂講野mok sir都睇唔到.....唔會俾佢睇到...cc,減少俾佢鬧o既機~會~
有3堂mok sir 堂,2堂chem已經嘔白泡,好彩佢第3堂無教書.....如果唔係就死得,雖然無左中文堂,但一樣有功課俾.......Miss Fan真係【悉心照顧】我地啦.....
學校話睇完回條又話會抽樣打電話問家長......唉~_~每次都係咁講.......都無料到.....放假..雖然好....但係會扣返我假,要我做好多功課,仲要測驗就一D都唔好........
>>March 31, 2003 at 1:31:53 PM GMT+8
2003 年 3 月 27 日 星期四 【晴】
6B論壇
今天星期四,Lunch本來有波睇,但係CM Wong竟然無返學,我一心諗住今日終於可以見6B數4C.....結果係乜都無.....等我Lunch仲拿拿臨飛奔去買野食返上學校......唉.......期待又再一次失望了
今日宣佈停課,唔駛返一星期,千祈唔好扣返我一個復活節假.........我會好慘.....好慘.........有肺炎又唔多想出街.....呢個假期真無奈!
另外6B論壇真係好睇,唔知係唔係應該認真D......睇到同學 同埋 阿Sir大家都咁激動,我都唔知點好.......有梁偉,Samson,昇,天祐等人.......梁偉簡直不鳴則已,一鳴驚人,由佢講佢意見睇法時,個種嚴肅o既樣,到最後講番唔好意思,表情同神奇都一模一樣,呢d說話仲要出自梁偉口中,唔知mok sir有無嚇親呢......?不過真係令我好意外,無諗過當梁偉想講野時,會係另一個人~意外!
講講下,講到mok sir自己都眼濕濕.....呢次係我第一次見佢有咁o既反應.......又係意外......或者,係佢一向o既感覺俾人係...佢係乜都要管.......不過呢個又係佢個責任喎....過馬路的Example真係幾好.....佢教o者...佢知道都知係戇居,甚至佢自己都係亂過馬路,但奈何佢都係要教你要點做......因為佢係亞sir,呢個係學校~_~.......我個人都覺佢有時講o既野係幾o岩下,不過...可能係個做法有一點問題.....
mok sir自己爆話原來佢認為我因為係有能力+作文作得唔錯先叫我作,咁由今日開始.....我會唔識作文......嘿......咁我做唔到,就可以唔駛交.....哈
可能mok sir會諗,他付出的......不等待收穫
>>March 31, 2003 at 11:02:24 PM GMT+8
|
|
今晚聽了好多~大都關於友情o既問題~其實我都好樂意聽o既~不過唔好期望我識開解/安慰人~因我只識聽~可能你會話講我知無乜價值~不過.....你想講~我都會聽~