2003 年 9 月 3 日 星期三 【晴】

本來寫好架囉....但係~寫完唔見左囉....所以我想死囉~跳樓囉~跳囉~~呢篇第二次打...簡略算啦...
尋晚同Tami第一次打Aoc...第一場~2個字唔夠殺左佢...7分21秒~個Speed仲要係快o既~即係實際都差唔多只係一個字....第二場同佢打Computer算數...打完都成三點先訓...起身都有少少趕~約左Clive Lo食早餐....我去到唔見佢囉~以為佢走左...所以我都無食返上去算啦....點知上到去佢未返囉...然後收回條一舊野咁...因為簡略~唔寫~Chem堂~都係咁上下~Double Lesson...之前D都未溫返...今日又黎教新野....Recess繼續收回條~再行N咁多層落去...然後想落去食埋野...點知行N咁多層..佢話賣晒...咁我見行咁遠~求其買得一盒朱奶就算...Bio~算係幾專心~因為上次教時無聽...簡略~唔寫~Stat~又係行...同Clive Lo上堂玩「時時」聲....然後又扮D好大風o既聲.....哈哈~成班除左Nicolo之外~左邊4個係咁傾計~右邊我地就係咁玩野...哈哈~然後Lunch~我跟陳同學咁講~o係所有人認為我會話無所謂o既時候~我就出主意~今次係我第一次話去大家樂~哈哈~~勁唔勁先～？食完....午讀時間....我地用Times Magazine玩足3個字...Ms Fan都唔理我地~我地照樣大聲笑....跟住發現我無拎點名紙囉~又行N咁多層落去拎..再行N咁多層返上去....上Ms Fan堂..佢叫LoHo出去寫野~因為LoHo D字靚~不過佢又話~你要寫高D....真係一啖沙糖一啖屎...哈哈~我乜都無帶...仲訓著左~俾佢叫返醒~英文堂~教法文,乜乜文...一舊舊~C'est La Vie.....放學唔俾走~要落去影相~影相前都玩「時時」聲...吹口哨扮警車...然後就去地理室搞野....班長丫嘛~_~ 大江又唔黎~我又要行N層來回叫佢落黎....幫同學吸印...做完就閃人~返屋企洗面執野出去自修室~今日自修室好多人~大大話話有15個以上...初初黎到~望到前面幾個~我差D認唔出...要望多陣~先知道係邊個.....然後就同天祐教徒吹水....跟住去食飯~本來都想叫埋o個幾個一齊去食...不過佢地閃人太快~我都唔知佢地走左..今日都幾多人下~亞強話=>合體丫...亞培成日都同人合體呀~仲有~亞強問亞培~隻碟呀~仲有亞強=>鮑魚+米青...ccc 唉~同我呢D中國香港代表隊猜飯~亞培梗係輸啦~ccc 你贏o既可能係0.000000000001~除非我讓你啦....食完飯上返去~亞培同Ca走先...然後我又訓著~坐多左陣~就走人做指定動作....然後返屋企~返屋企練結他...因為我隻手唔夠力Bar Chord...所以出盡力去Bar...Bar到隻手好痛~紅左+有條痕.....不過我唔會因為咁樣而唔彈o既~ccc 因為結他太好玩~~然後同Clive Lo傾電話~跟住打字~跟住仲想做功課~不過好似唔多可能....因為用左時間黎寫返呢篇日記

今日又有人~開學之後見到我~同Vivian o既反應一樣...我眼鏡同某某名牌無關啦~_~" Tami都話開始飲檸檬水......好囉~一齊飲囉~解毒呀~
Ms Fan語錄：「你講野可唔可以唔好咁廢呀？」＜＝呢句掂啦～同亞So講o既.....
咦~果然又有人黎留言~依家+埋有2個留言開頭係【大周班長】~哈哈~多謝喎~~Raymond~ccc
唔寫啦.....唔記得~失憶.....唔想再重新打......

>>September 4, 2003 at 2:03:38 AM GMT+8

2003 年 9 月 2 日 星期二 【晴】

今日開學第二日....功課仲係未做好~唉~算啦~D功課做唔完架啦~Chem要交七年Past Paper~我先做得三年...不過奉Mok Sir旨爛尾...梗係唔做啦~今朝起身已經七點鐘...本來我想早少少起身抄埋D英文丫嘛...順便執下野返學...但係呢~七點起身就唔夠時間...又要Print功課,通訊表,又要執書包,又要抄英文~邊夠時間呀...仲好似約左Clive Lo食早餐....唉~趕到我死死下...結果無抄英文功課就閃人...只係求其咁執左要帶o既書同功課~就拿拿臨去大家樂啦~去到好彩Clive Lo仲未走...我地食埋野先上去~同佢處境差唔多~大家都係未做晒功課,大家都係諗住返學校繼續抄...ccc 食完野又差D遲到...唉~做班長又要拎粉筆同點名紙仲有塊版...跟住就行上七樓...上到去唔夠一分鐘...原來要排隊...咁又走返落去四樓...今日聽校監講左幾句...又要行樓梯~_~" 幾經辛苦先上到去...班長要點名...第一堂係Stat堂...o係班房又係唔夠一分鐘...就要行返落去3樓上堂...頂佢丫~邊條友要人去3樓上Stat架...上Stat堂都係抄功課~~又要扮到聽緊書..哈哈~跟住又係行返上七樓班房...第二堂PE~_~"! 要行返落一樓換衫....~!@#$%^&*....PE堂都有球類活動~今個學期我先拔頭籌~第一個有波入^o^ 哈哈哈....Recess就抄英文...落去買野飲...強烈要求購買雪櫃...唔該~! 跟住又係班長要做o既野...交功課落去...又行過....成日就o係學校走黎走去....Ms Fan話聽日+10分喎~聽日打風唔駛返就無左10分啦~_~"跟住打風可以閃人...約左亞Should食Lunch...同埋教徒大江六個人食野~然後Lawton就上黎我度...要我幫佢打字~初起返到屋企...我好眼訓~訓覺無理佢...隔左陣就起身幫佢打字...佢篇野~好怪...將個神童講到分裂左咁...又話佢識穿越時空~唉~佢將D廣東話加埋入去囉...幫佢打左千幾字...張單遲D會寄去閣下屋企....然後佢就閃人~我就睇VCD啦~家姐買左新紮師妹2...千嬅傻傻地~傻下傻下好得意~~哈哈~都幾好笑....cccc o個次行街都想買黎睇~不過劇情就....

今日係中六乘風航喎~真係恭喜佢地啦..同打風撞到正~打風唔駛跳海啦~哈哈~另外係~陳端勝退學喎@@ 佢打過俾我囉~問佢點解~佢話因為遠...???

返學咁耐,成日o既活動就係【行】...堂堂都行....日日咁行法...我半年後隻腳一定好有力~大舊肌肉~! 總結下今日行過乜野....由返學2樓開始： 2=>7=>4(排隊)=>7=>3(Stat)=>7=>1(PE)=>7=>4(買汽水)=>7=>2(交功課落教員室)=>7....然後打風走得....係咁行係咁行...唉~班長喎~唔俾搭電梯....
嗯~返學兩日~兩日都有亞Sir Ms同學問我點解咁黑...我唔算太黑卦.....我仲想曬喎.....哈哈
放學老笠左Locker用...唔理啦...用左先算~唔想將D書運黎運去...
而家輪到我....一聽到結他聲就眼訓...點解會咁樣.....~_~"!???
咦~係醒喎~真係有人黎留言叫聲【大周班長】....哈哈哈 ^o^ 多謝喎~Derek~

呢篇野係第二次打...第一次又係我自己衰多手....另外仲有~今日竟然訓左覺~!今日無飲檸水....唉
唔知聽日可唔可以放多一日假呢.....o係唔得o既~~依家已經得返3號~~

>>September 3, 2003 at 1:41:41 AM GMT+8

2003 年 9 月 1 日 星期一 【晴】

唉~今日開學...又做地獄黑仔王....我尋晚做功課做到5:00到啦~因為開學日~所以訓覺抖足精神.....訓上床之後...好似搞長沙咁~碌黎碌去...碌左我成粒鐘啦!我都係訓唔著...習慣左天光訓覺~要搵一日天黑訓簡直就係唔掂...碌碌下碌到7:00...連我亞媽都醒啦...佢去返工呀~又插我話我時間亂晒龍...終於我都訓著左....起身已經8:45...我記得我約左Clive Lo 8:45食早餐添...哈哈~我家姐仲話已經叫左我起身...次次佢都話有~話係我唔醒....~_~"! 唉~之後好趕咁...起身飲左2杯水....就拿拿臨換衫執野閃人...o係學校門口已經見到彼得...佢叫我快D落去囉...之後見到Ms Au...就落去啦...見到自己班o既人....佢地o既反應係....話我唔同左樣~又有人話認唔出我....~_~"! 我只係換左眼鏡,唔係光頭之嘛....又唔係去整容~Clive Lo 個頭就咁俾人捉左出去...哈哈~~然後就上Hall開學禮啦...又多左幾個新亞Sir Miss....有一個成個電視廣告隱形眼鏡個博士咁款....有隻恐龍~最好笑係...新黎個亞Sir..佢話係玩藍球...唔係打藍球~因為個打字好專業...咁大家都唔好打飛機~玩飛機就算啦...個打字太專業啦....然後又聽Fucker吹幾句...全程~最值得欣賞係....關Sir個樣~新入黎o個個又姓關~又係教數~今次仲唔頂爛市....ccc 跟住就返課室...恭喜~課室o係七樓~上年7B先至o係3樓~今年做乜掉轉....唉~睇黎都要買定雪櫃微波爐~順手笠多2個Locker擺野食...落Canteen要行七層呀~!! 你行埋我個份啦...又唔俾搭電梯...唉~跟住仲衰...一黎就選班長~Mok Sir叫上年o個2件提名...死人教徒一黎就講我個名囉...然後到大江...我好無奈咁做左班長...下次我會記得嗌唔好~仲會大聲叫救命...~_~ 所有派野拎野執野寫黑板全部都變左我o既工作...朝早仲要點名....好彩唔駛我收功課~Clive Lo做左打雜二號~而且教徙做左佈置二號..教徒同天祐2個一齊..掂啦~掂硬....點都要拉埋佢地落水...跟住就俾Mok Sir點足咁耐....然後搞一陣終於都放學啦...放學就俾返個File陳同學...再同D亞Sir吹下水...然後等埋o個2件佈置~就去搵左亞培同Ca+菲食Lunch...同教徒天祐+埋有8個人...今次我無失憶啦~Vivian丫嘛~記得記得~!佢地又係話我副眼鏡...唉~_~同某某名牌無關啦....只係似...然後尹國寶條友都到啦...跟住我就閃人影印...返屋企...今日本來諗住唔訓覺~唔做其他野~淨係抄做功課丫嘛...點知又變左聽歌~點知又變左玩結他~點知又訓著覺....唉~唔可以再訓覺呀....然後又變左睇電視....最麻煩係要打家長通訊表....某幾位同學o既字體...令我好想聽日返學校升佢兩巴....! 功課~做唔完啦....算數啦...唉~忙埋聽日...後日開始~去自修室! 有無人加入???

So Sir接手圖書館....我打死都唔o係學校借書...唔還書相信會俾佢打...我家姐今日都好似係開學喎
亞培~Ca好Side時間呀~~Drop Ca啦....快D Drop啦....Ca繼續讀Ca...亞培就Drop Ca啦...

班長=死得....Mok Sir次次有乜事都叫班長起身先..我仲要係正班長...今云大檸樂啦.....－＿－仲有我會記得~唔好o係堂上笑...教徒教落=>可唔可以解釋一下你笑乜野ar<=呢個~佢ICQ講o既...我唔會再咁笨...大家請溫熟自殺定義...先好上堂.....

多D笑....當係笑俾我睇~我都係鐘意人地笑多D.....

>>September 2, 2003 at 1:56:06 AM GMT+8

2003 年 8 月 31 日 星期日 【晴】

今日仲痴線...已經早左訓架啦~6點訓...竟然四點先起身...起身之後飲左2杯水...自己仲飲左多杯~cc 然後梗係做功課啦~不過唔知點解做極都咁慢...跟住睇下電視~玩下結他咁~然後又變左聽歌..唉~係屋企真係做唔到功課~唔知點解...見到都已經無心機~但無奈都要繼續做落去~做做下又變左傾電話....打左去Clive Lo度...發覺佢D進度同我差唔多....跟住繼續做...食下野咁啦~Lawton打黎話要黎我度打佢篇中文...要裝廣東輸入法...睬佢都傻~_~ 我都未見過人地用廣東...咁偏門...多數人都係用九方,速成,倉頡架啦...佢又死都話要上黎...唔理啦~唔得~~!!哈哈~我亞媽返黎之後~聽佢講我個唔知乜乜表XX...成績好唔掂喎...單親家庭~佢亞媽唔多理佢...D表姐又結左婚唔得閒理佢~話佢好自卑~成日o係屋企唔出聲...@@ 我以前見佢唔係咁架...然後就繼續做功課~點知行雷閃電又落雨...聽日唔好呀~_~"! 第一日就落雨咁大碌~?~屋企終於換左支燈~無左Flash Light Feel~~~結果~睇完Hunter~繼續~~做功課....唉~~我就快噴血死.....估唔到開學前一晚~要搏老命抄功課~真係你老闆丫~_~"! 唔知可唔可以同Mok Sir講俾多幾日時間呢...如果唔係就~真係10隻手都做唔完....我仲有5年Past Paper+成本Sec C.....

呵呵~亞培有個新Mon啦~~佢可以上網玩啦~哈哈~記得留言俾我呀~培^o^ 留住日記先~~Flash個邊仲等緊棍哥畫幅畫俾我~~棍呀~睇到o既請拿拿臨畫啦...鎖住左有半個月啦~另外真係好想搵一日執下我屋企D野...成座山咁~屋企唔大丫嘛...而且我又懶得睇邊D有用邊D無用...好彩無買波@@ 車路士竟然迫和?~!~!~! 利物浦贏3球....曼聯仲要輸添...哈哈~不過我想要~都買唔到...又唔入得去..又唔識買...ccc 下次先搵人一齊玩啦~ 越黎越鐘意~想得太遠+十面埋伏....

o個餐有意義o既飯有D乜野呢...就係聽左我家姐同亞媽D野...我又學到野啦....ccc 我家姐教左我檸檬水解毒丫嘛...早訓丫嘛....唔好訓晏覺丫嘛~主要都係話我D時間要正常返少少....咁我都覺得要....又係叫我飲水~不過亞媽今次叫我唔好飲咁多水...會有水腫~_~"! 唉~唔理啦~~唔好飲咁多甜野就算...我家姐話~甜野會令.....唔講啦...佢講左好多...我都記唔到~怪o既係!我同我家姐一間屋生活~佢D思想~係好遙遠o既...佢話唔會結婚~@@??? 佢好似話無乜男仔喎~咁又係~好似話3:1丫嘛..又話~想做海關~??? 佢話已經收集晒資料....嘩...仲有o既...真係聽到我丫...幾咁估唔到~!

今日暑假最後一日啦....過埋今日...聽日要有個新開始!! 自修室應該會Keep住去...去到做功課就算數...做完功課就~~快閃~!

好勁添~~寫足一個月日記~八月好似係~~全部都有寫齊....哈哈~為自己鼓掌！

猶如渾沌初開一樣.....

>>September 1, 2003 at 4:55:25 AM GMT+8

2003 年 8 月 30 日 星期六 【晴】

清晨睇波~睇Ac米蘭 Vs 波圖...有D失望~入得一球咁少...不過Ac前場真係好睇~~波圖下半場尾先反撲...都唔得啦~睇完波之後就繼續做功課啦...繼續做Section E~唉~好悶~係咁睇人地o既日記~睇新聞咁啦...然後就見到隻Monkey online...同佢傾左陣買波o既野~原來佢中左3場喎~呵呵~跟住佢俾左一注我買~哈哈~跟住我就去訓覺....起身都點幾鐘...換衫出街~一次過交曬D會議紀錄去Miss Au張台...原來黃伯基清左D學生證..大佬..我張證呀~_~"! 我未拎架....跟住又見到自己由4號變左做3號...然後同門口個蛋散吹左陣水...就走人啦...打左俾棍~點知佢都無出去踢波..想搵佢買波丫嘛~既然佢無出街~咁就算數啦...行過胡中...見到【金川映畫】拍緊野...好似話有余文樂丫嘛~成日都見到有【金川映畫】拍野架啦...買左個車仔麵~就返屋企...返到屋企~繼續呆..彈結他~傾電話...然後~訓著覺...訓覺竟然發左兩個夢...詳情請睇Flash日記...哈哈~跟住大江就上黎拎走我份Section E Datafile...吹左陣水~~9月6,7是但一日有無人睇呢個【一秒再一秒】呀...The Pancakes呀~~大江叫我去睇o既~哈哈~~然後呆...正想再做功課時...就要出街啦~_~"! 出街拎眼鏡...哇咧....點解我睇落去~又係怪怪地...ccc 然後就食飯...呢餐飯幾有意義下...我家姐原來俾我想像中遠好多....一陣再寫~做功課~沖下涼先~!

2003 年 8 月 29 日 星期五 【晴】

我7點幾8點再訓過覺...然後12點半~本來諗住起身將D會議紀錄拎返學校...但唔知點解~唔想起身~可能仲係好 支力 好眼訓...繼續訓落去~中間段段續續咁醒下訓下...終於成四點幾~我先識起身~屋企又係無人...起身就即刻寫日記~因為想快D寫完~快D做功課~太多日記會寫唔晒~然後都係同人ICQ下咁...同埋寫日記咁啦...同Ca ICQ~佢應該無事啦~就咁走左~真係唔好意思~cc 唔經唔覺同佢ICQ左成3個半鐘~ 知道亞培做乜~~嗯...學識左少少野~! 原來要咁樣o既~女仔係有D咁o既心態~多謝賜教~@@ 然後都係繼續寫日記..一陣就做功課....無啦~今日都係咁上下啦.....

我亞媽話~飲暖水可以排毒~凍水唔得~條腸會收縮喎~呵呵~叫我飲暖水~唔好飲凍水~!明白~我會架啦~ccc 亞媽又話去我去買野喎~幾好丫~哈哈~聽朝打算拎返D野入學校~一定要起到身呀~~頂多唔訓啦~哈哈~ 聽日就有眼鏡拎...太好啦~可以唔駛咁辛苦~~試過帶另一頂帽...幾得意~下次帶出街玩下先~

覺得自己乜都唔識添~好似一個細路咁...所有野~都o係度學緊...!! Ca多謝先啦喎~ccc

>>August 29, 2003 at 10:44:58 PM GMT+8

2003 年 8 月 28 日 星期四 【晴】

我用訓醒黎做第二日...因為太熱~熱到真係訓唔到~佢地班人繼續o係度打牌~八婆,肥松,人仁等等...哈哈~Ca同菲都好似o係度..肥松打牌就最掂~一晚可以將Ca個朵重複叫左好多次~哈哈~亞培有幫手反擊...幾好睇下~我起左身之後...呆左咁坐o係度~行出露台...見個天都開始光~所以到左5:3x分到啦...就叫左八婆同我一齊出去睇日出...轉個灣就到左我尋晚行o個個沙灘...個天已經光光地...仲有有其他人已經o係度~同八婆傾左陣~佢屋企真得意..然後傾下揀科D野啦~一講起我就諗到我就快要揀科~我依家連有乜野科揀我都未知...唉~~跟住企左陣就行返去啦...都無同佢行去其他地方...返到上去~發現D人一個二個訓到死左咁...何B一個人訓一間...另外5個人訓一間~因為個間係冷氣房~一舊舊咁....返出去~菲菲好似唔玩俾我玩..佢就去訓覺....跟住玩左幾鋪咁啦~個人都無乜知覺~個電視就做緊D咸豐年前o既戲~陳家和同亞強都係咁上下時間返黎...佢2個原來去左個涼亭度訓..早知叫埋我啦~間屋熱到咁~玩到6:50到啦...就同亞培入房剷人起身叫人食早餐....結果...無人起身~再叫多2叫~尹國寶先起身~~因為一堆人話走~返屋企先~咁東道主無理由唔起身丫嘛...ccc~ o個7個繼續訓...無人肯起身食野...臨走前問左佢地食乜野~幫佢地買埋...咁我地就同一班要走o既人一齊行...一齊去左麥記....哈哈~估唔到~去到長洲都係麥記~食左個熱香餅~跟住大家吹下水~~幾好笑~講返係船上o既好笑野~亞強就o係度訓覺...坐到咁上下架船要開~就同佢地講ByeBye啦...唔係好想佢地咁早走添~~然後就買早餐俾人~熱香餅餐~我有記得走冰啦今次..ccc 仲有買左奶茶俾振宇~是但買左D野俾煎Pan~亞培同尹國寶都有買野食俾Ca,菲...我地一抽二Lun咁返去~返到去...個個訓到死晒咁~何B都入埋冷氣房訓...叫人起身食野~無人有反應~我地3條友~坐左o係度睇電視~做新聞丫嘛...睇住D新聞Repeat左N次...睇到亞培5秒鐘前講緊野~5秒後已經釣緊魚~~佢其實好 支力 啦~Ca你自己睇下~亞培唔訓都睇住你呀~ccc 然後菲就識起身食野...食唔夠一陣又昏迷...亞培就等9點到...因為何B 9點要返工~佢就可以入去冷氣房度訓...然後煎Pan都識醒~正常佢應該唔夠訓...好彩無打人~ccc 成粒鐘咁耐~又有杯凍o既豆漿~件蛋治想唔凍都好難...然後個3件同Tami都醒...同培就入左房吹左陣水..Ca都入埋黎訓..我就費事阻住~所以出返廳...坐o係度睇電視...個3件走人~尹國寶仲叫我地落去陪佢地~咦~指名道姓話要Suki落去喎~呵呵~無人理佢..佢只好自己落去..Tami好似食完野又訓~得返我同煎Pan睇電視~睇白雪戰士..Ca起身就係為左睇呢套野...做完佢又訓過~跟住有未來日記...好悶~乜都安排好..不過要o係安排中做D唔同o既野~又幾好玩...但俾人玩o個4個就慘D...踩單車20公里~嘩..不過咁先見到誠意喎!! 咁熱Tami仲可以訓咁耐...俾我會熱死~然後11:30到D人就開始又醒啦~執野走人...亞培~唔見左我送o既Puzzle喎~照計應該無人會拎走卦~搵左好耐都係搵唔到~都係走人交房...然後就話去踩單車...

踩單車呢~~o個2個...一個就有特別原因唔踩~一個就唔想踩～佢2個本來話佢地自己行街~但係~因為唔知踩幾耐~又熱~唔係好想丟低2個喎~ccc~就租左架3輪車...載埋佢2個~租車o個度話~三輪車其實唔可以載人~D差佬唔俾~不過就隻眼開隻眼閉...叫我見到差佬即刻落車推喎~第二就係話三輪車好難控制...容易搶駄..會西埋一邊...仲話如果條鐵彎左賠80喎~呵呵~初初唔知佢講緊乜~我都唔知乜叫搶駄..但一載人踩就明白了~要齋靠左右唔靠平衡~我咁掂~梗係知道做乜啦~ccc 好彩佢2個唔重~加埋唔夠200磅o者....我即刻踩左去買野飲~o個度D台式奶茶唔錯~拎埋條巾變車夫...然後就開始踩啦~亞培又老點...踩上斜~我載住2個人架...哈哈~跟住就試第一次落斜...唔敢太快...都算OK~踩到去...又要掉頭~都開始知道要點踩...爬尹國寶頭~再極速追Ca~1車3人追佢....哈哈~好玩~不過要好用力...然後又要拉車..今次玩~~落斜唔減速....好爽好過癮!!! 棍哥就打黎~笑笑口咁講野~我以為佢係長洲見到我添....原來佢話佢曬緊太陽~咁又係呢日太陽好好...跟住呢~就玩S形...再去Seven~俾另外2個試下我D S形轉彎...太多S~甩鏈喎~要亞培推車返去整~ccc 我就去OK買野飲啦...等左一陣咁~亞培就返黎~不過就唔見左Ca同菲...培又出去搵~尹國寶又黎問Tami,Suki o個3個人點樣點樣~我費事聽~出去出面坐o係度算了~然後又繼續踩...哈哈~兜過D樹咁啦~一路踩...踩踩下見到亞雞~_~"" 原來佢同班FD一齊入黎玩~有緣千里會相會~就係咁解!!踩到唔知邊度...Ca唔知做乜...我都感覺到~自己開始有D抽筋...太多極速狂奔啦~哈哈...休息左陣就掉頭~尹國寶架車又甩鏈..甩左2次...之後o係塊空D o既地度玩O字形~再變身做亞拉伯人~用毛巾包住個頭...我個時發現有好多人望住我~哈哈...跟住就交車唔玩啦...再去麥記休息~一個二個都好似死左咁...

有船就起行~船上面...分開左2堆人坐..cc 坐我側邊o個2個係咁訓...我都有釣左陣魚~唔清醒~浮現左【想得太遠】隻歌出黎~落船佢2個又識醒喎~行左落去先...見佢地遲遲未出黎~原來Ca又有事啦...ccc 今次好似係胃痛喎~~幾痛苦下咁喎~我就去左搵廁所...行無雷公咁遠~返黎見佢已經訓o係度...Tami同Suki話走人先~無留低陪埋佢地都好似唔知點咁~但我都係走左~唔好意思~哈哈~亂咁行..唔知去邊度搭車~結果就同Tami搭地鐵囉~佢仲有下半場...大佬~唔支力架...哈哈~條路好長~傾下計咁啦~講起話o個3件覺得Tami太高竇喎..所以唔同佢講野喎~我唔覺得因為係咁喎~跟住就學我講D唔講D~_~"! 灣仔就落車啦...我行返屋企~我家姐失聲失得好恐怖...我返到去~即刻沖涼洗面...然後食D野咁...7點幾就訓啦...一訓就起唔到身~12點醒過下~再訓...5點到起身~為左寫日記....

乜野叫做御用索水布...唔單止俾人用黎抹眼鏡...變本加厲~_~ 俾人用黎當面巾....丫~Ca果然夠多野...仲識咬人...亞培呢日仲要扶佢出黎咬我~唉~佢2個果然係一堆o既...唉~皮膚粗糙~丫....~_~"! 訓多2訓~~不過都補唔返...女o既唔訓~仲大碌呀~哈哈~呢2日玩太多啦...未做功課呀...點算~咦!好似有個叫做Bio Test喎~_~....粒火星好似豆豉呀...同其他星星無分別....另外呢~學識踩三輪車~下次載人就更加掂啦~哈哈~本來佢話唔識踩o既人會容易D...識踩反而唔掂~但我都覺得係咁上下啦...

有無邊個見到亞培盒Puzzle呀~? 有o既唔該~~話返俾亞培聽....哈哈~如果唔見左~就算數啦~~
寫左2大篇~呢2日真係好多野玩!我都就快死...未做功課呀!!!

>>August 29, 2003 at 10:00:24 PM GMT+8

2003 年 8 月 27 日 星期三 【晴】

嘩...呢日就勁啦...尹國寶+亞培一齊搞生日..都好幾人出現下...我都係第一次去...不過我想見o既人就無去啦...唉

2003 年 8 月 26 日 星期二 【晴】

今日八點半就起左身~要返學校執野...起身已經見到我家姐都起左身~佢今日入O'Camp..呵~大學生喔~然後就去左大家樂食早餐~好耐無食過啦...D通粉入口即溶...唔知擺左幾耐~好難食...我食左D火腿就算...然後返到學校~未見到有人...兜左個圈先見到Mok Sir...跟住做左一個鐘機械人...然後就收工..妖~又唔記得拎學生證~聽日返去拎返...因為好似要交野俾Ms Au~然後就同Peter,喨去左集益買書...Maths & Stat原來要用新書...唔理啦~佢叫到買先算...跟住就返屋企...Should又問我出唔出去八樓...我無去~留左係屋企訓覺...睇左陣電視...約人仁出黎買野...本來話五點...我同佢都係搞下搞下~係屋企食野...訓覺...成九點五先出到黎....都買到想買o既野...好好笑...竟然買到D咁o既野...然後就散水返屋企...返屋企就包埋D野....依家暫時係咁多...有就再加.....

今日唔知做乜好眼訓...訓左幾次....

>>August 26, 2003 at 11:22:38 PM GMT+8

2003 年 8 月 25 日 星期一 【晴】

今朝九點先訓覺~個時o係ICQ仲見到Rodger添..佢好似有讀類似IT o既科目咁...做緊Assessment喎~佢仲話想Drop添...哈哈~然後我就訓覺~起身又成兩點半....起身都係繼續諗點樣做功課~作緊我篇小說續寫....然後成日係屋企都係寫小說...我都諗唔到點帶個訊息出黎好....跟住就彈下結他...然後Clive Lo就打黎啦...傾左一大輪佢想點作...哈哈~好好笑~用武俠小說o既手法黎寫【棋王】...因為掛住傾電話~所以又遲到....約左我亞媽七點半去食飯....結果我七點半仲係屋企~無辦法~太興奮~死人Clive Lo仲叫我同佢去中央一齊做....陪佢諗IDEA...傻啦~_~ 邊有咁多時間...跟住就好趕咁出門口...俾人催左我幾次~幾個字~終於都到左JP...食左個Pizza..食緊野~我家姐話要我下年中七考完出黎做野...都好o既...試下囉...最怕Interview...千祈咪叫我用英文...Oral F o既...就去左銅鑼灣地帶...然後再去配眼鏡..揀左個幾得意o既框...又深左75度...整返下自己依家副鏡...跟住就俾人老點左上世貿....影相.....唉~_~ 真係亂黎~然後本來就想去搭車走...不過行行下又去左Addidas~話買件波衫...好似皇馬個件咁~不過又好似話無碼...所以唔買~走左上~上面一間唔知乜野...行左陣就走....搭車返屋企....我家姐教我GEL頭....哈哈哈~好笑...原來之前俾亞媽老點~用左支奶黎GEL...家姐叫我用泥~努力學點GEL....唉~GEL頭都要人教...真失敗~ccc~然後我就同人ICQ...哈哈~竟然有人問亞培鐘意乜...佢會唔知??怪怪的~_~...跟住同棍玩AOC...繼續做功課....見到楊采妮~~~!!!......o係電視機 @_@

今日聽左好多次想得太遠~掂~另外~我家姐話我買個張Stephy影得好肥喎~_~搞錯...唉~聽日俾人召叫返學...幫Mok Sir執野喎~做苦工哦－＿－算~~當返學校買簿做功課....唉~我仲未搞D會議紀錄呀~點算....跟住就~好期待Clive Lo寫完會出D乜出黎...真係寫到同金庸+風雲咁o既款...?? 哈哈~ 到時記得俾我睇~亞雞話買左個Effector...成五舊水喎~棍話買黎唔知做乜喎~呵呵~多D野玩囉~我都想買~80個EFFECT...好過癮~另外~加多左Raymond相簿....個北海道影得幾靚~哈哈~不過最衰無夜景...我都係鐘意馬爾代夫多D..海天一色....靚到絕...!!

打劫我老豆成功~恭喜~^o^
唔~我都想學喨你...少D食甜野...@_@

>>August 26, 2003 at 4:54:27 AM GMT+8