|
2003 年 5 月 11 日 星期日 【晴】
又有Hocc簽名會呀~_~今日三點鐘先起身,起身後成屋都無人,而我都係無乜做過野....淨係打下機~打打下我老豆返黎.....因為佢一向麻煩.....所以我熄機....繼續換埋幾條線佢.... 換左三條黑色~我仲諗換唔換埋個幾條Bass好....因為係金色~所以我都唔知換唔換好.....D線o既配搭係咁~我都無辦法~我彈彈下~Lawton打電話黎~本來佢打黎係我問我野~但佢未問野時....我已經問左先~嚇死我以為自己無Marking....所以想搵人係ICQ打俾我....不過傾緊o既時候~突然又俾我搵到......真係好彩啦今日又有Hocc簽名會.....今次我無去~不過麒麟同煎pan人有去~仲簽到相添~佢地話今次好少人.....簽好多野都得.....又可以影相.....有點後悔唔去添~_~反正係屋企都唔知做緊乜.....佢地好似係簽名時,話寫賤人(寫賤人做乜??).....二五記得有個賤人喎~上次黎過..ccc 之後成家人出去食飯~雖然係母親節~不過我都無同佢地一齊食......因為尋晚食左丫嘛....哈.....我係屋企~繼續彈結他~新線真係好煩~成日會走音.......差唔多我每彈一首歌就要Tune一次.....又正如以往一樣.....我又彈彈下訓著~個時九點幾~但差唔多訓著時我聽到一D唔尋常o既聲....我即刻彈起~不過唔知道係乜~結果我訓唔夠十分鐘~又醒左起身繼續做我自己野~ 因為好多功課.....又要背Marking~唉~杜SIR俾我o既Foxpro又有病毒~我都唔知點裝Foxpro做功課好~最後唯有去Clive Lo o既FTP度......Download佢個中文版o既Foxpro....做住功課先.......唉~聽日仲有英文Test呀~救命.....我D Stat又未做........ 唉~我老豆好煩~我跌左CD~跟住同佢o既對話如下:佢話「細聲D啦」 我答「跌野有分大細聲架咩」.....隨之而來~又係佢個D不知所謂o既態度.....「小心D唔得呀?唔駛訓覺呀」~仆街啦佢~自己開Q住個電視.....隔一陣又起身煮野食....訓覺喎~屌.......！因為我費事同佢嘈~所以我收聲算了.....好憎佢個D自以為老豆大曬o既格.....好憎佢以為有傷就含家要就佢..... 聽日佢地話去踩冰??咪預我啦~我仲要返學~去左會無左半日.....反正我對踩冰無興趣....仲要去太古咁遠~_~ 大佬~我唔駛做功課咩.... 天空之城~集合幾份譜黎彈~D人都亂篇~所以要每邊抽少少彈~~哈哈~彈到就爽嚕~~因為天空之城真係幾正下~~~
>>May 14, 2003 at 7:43:20 AM GMT+8
2003 年 5 月 8 日 星期四 【晴】
佛誕日~又有假放~呢個星期真係好~既有紅色暴雨~又有佛誕~一個禮拜先返得三日學~絕對係爽.....因為我老豆麻得煩~成身傷曬...唯有所有野都就下佢....所以就同佢出左去食野....去左合和飲茶~不過就三點幾先去~乜Q都無得食~個金錢肚最好食....因落街見到我亞媽...所以佢都一齊去~唔講唔覺~我都有好耐無去飲過茶...食完野...亞媽叫佢去睇跌打....佢又話唔好..一陣先...真麻煩...結果就返晒屋企....我繼續做自己野....本來想出街...不過都係懶...算了...其實o既都無乜特別~都係打機....做功課...三點幾先訓....放假真係好....每個星期都有一日假放就好嚕~_~
>>May 14, 2003 at 7:41:33 AM GMT+8
2003 年 5 月 7 日 星期三 【晴】
今日星期三,未上堂已有新TimeTable,連續三日有兩堂英文堂,簡直令我想死....Chem堂又教完一本書,人地第三冊書都未出,我地就已經要教第三本...佢講返舊個D Chem...我又係唔記得曬...成班都唔知佢講乜..哈...而且又俾好多功課...中文堂就攪笑D...個條關於性o既題目~問到我....我真係唔知點答~MS FAN自己就話做足預防喎....我地就話...勤洗手,帶口罩..哈哈...ENG堂對返D Pastpaper,勁悶...我直頭訓覺~佢玩野叫我答題目....星期一仲要有UE Test添~過左去仲俾乜鬼野Test丫...Bio今日終於叫有D野教..唔再係吹水...Lunch一返去...見到兩個傻o既係度玩拍背脊...我地班見到冷氣機吊住個蜂巢....今日終於有行動...亞昇用馬紙...射個蜂巢落黎~結果一擊即中,個蜂巢跌左...隻蜜蜂仲係度搵來搵去...哈哈....跟住仲放個蜂巢入個水樽度~亞JAN仲要係咁嗆個水樽...哈~有條類似幼虫o既野跌左出黎~跟住唔知佢地點處置嚕~鄧鏡波訂文具仲平過去教協...哈哈~不過張紙輪左成日都未去到我手~結果我無訂~_~唉~笨了....兩堂電腦堂大昏迷...訓足兩堂....聽書聽得好勉強....杜SIR有一堂有錄音~我好想聽返佢教左D乜...好彩佢放學後講多一次俾我聽~真係好人啦~~不過我都係想聽返D錄音多D...
放學我上去執好野...就同大江&陳錦鴻走人...約左亞培去自修室搵佢同家和先...因我想放低書包~所以就返屋企先~順便聽下「非典型胃炎」...之後開始發覺時間唔夠~就叫佢地直接去JP等算了....因為時間有D趕...搭巴士又唔係~VAN仔又唔係~結果揀左飛的去....估唔到大家散銀咁多...哈~去到睇仲有大把位...唔駛驚~咁呢...我打俾麒麟問佢係邊...佢答金伯利...咁我叫去行過黎....之後我打俾培問佢係邊....佢話第二期....亞培係第二期行過黎仲快過麒麟係金伯利....獅子都跟住到~最後先係麒麟~_~原來佢送煎Pan人搭車...情有可原~cc 但點解煎Pan人唔黎一齊睇呢~??亞培又等人唔入住...所以我地入去先~入到去睇開場介紹其他戲....睇到有套叫咒怨(唔記得個名..)哈哈~好淫..唔知做乜係女仔人家個張被度出現..哈...仲話好恐怖...唉~鬼水凶靈夠話恐怖啦~我同大江同獅子一致認為係感人...哈....X-MEN...成套戲...個D高科技...用密碼鎖咁簡單...仲要係得四個字o既密碼..ccc..仲有靈鳥自殺...根本唔駛死..無我想像中咁好睇~Iceman又唔好打...出得兩下招咁大把...仲有見識到KELLY o既「七孔流金屬」..掂曬....睇完戲..我唔知做乜個頭有少少痛~應該係唔夠訓....唉~叉兩堂電都仲頭痛...一大班無主見o既人..就企曬係度唔知做乜..哈哈~陳家和就走先~我地就去食野...幾經辛苦(真係好辛苦~_~)~終於去左渣甸街食野...20雞鋸扒...蒜汁可以係白色...真係第一次見...然後買埋野飲~就散水...大江同獅子就返屋企~麒麟去K...我同培&陳錦鴻就去時代Yes Station搵熊仔...不過上到去~就掛左個休息牌...所以乜都買唔到,再行Logo,迪士尼....手機繩可以50蚊條~_~搵鬼買呀....行左咁耐~都諗唔到買乜俾LYY...就咁算了~跟住送陳錦鴻返屋企~俾我撞到彼得~咁夜仲著住校服周圍走\__/你係HEAD PREFECT黎架..哈哈..(雖然我都係著住校服@_@)....送完陳錦鴻~就同亞培搭車,行過律敦治...我又諗起栗津治..哈哈..麒麟你真係無得頂呀...又鐵膠盒....又絕交~仲要邊個射....cccc 等亞培上車我就閃人返屋企...勁熱...返屋企訓著左~起身見到Joey係勁歌唱歌~我睇左陣..就開電腦=>沖涼=>寫日記...
今日上時代~諗起俾人打劫~_~唉~年少無知...真係差~希望唔會再有下一次啦..不過再有我會報左警先算....今日麒麟無出手打過人..唔知係因為佢太師伯係度~定係佢真係改...所以今日我件衫無大到2個碼..哈...不過呢..佢帶左十幾張學生相~又唔俾人睇囉~又話我要俾我個D佢~我都無影o既..唔用o既我就丟~都無留...唉~嘿嘿~我特登畫左幅畫來寫日記~MSW~大江教o既~Mutation<=變種 Special<=特別 Worker<=工作人員,所以MSW=變種特工..哈哈~中文名好難聽呀
唉~我老豆真係自己攞黎衰....仲以為佢俾人老笠...內容唔講了...
>>May 14, 2003 at 7:41:06 AM GMT+8
2003 年 5 月 5 日 星期一 【晴】
星期一,今日朝早六點十五分俾我老豆叫醒左,仲心諗搞乜呀~點知佢話唔駛返~紅色暴雨喎~咁我就開心到彈起身~不過都要睇下電視先~費事佢坤我...然後我就Online..見到亞培,人仁,麒麟,Clive Lo一堆人都起身Online..不過紅雨佢地仲要考試...只係遲半粒鐘~咁都要考..落咁大雨....我起身之後就畫畫,畫左2幅~其中一幅係表達各位會考生o既心聲~哈哈~畫完畫~梗係去訓覺啦~麒麟仲話12點叫醒佢喎~咁我就是但~所以就應承左...結果我就12點15分起身~打電話俾佢叫醒佢~點Q知佢老豆聽~費事麻煩~當機立斷~即刻收線..我就無理到...去打機~打到三點幾~打俾亞培~叫佢打去..我自己再打~今次又唔係佢聽~係佢細佬聽~咁我諗應該無野~所以我就話搵佢了...佢真係...無人叫可以唔駛起身...好勁....原來係我嘈醒佢..哈哈~咁之前約左亞培~所以我就要出去自修室~我第二節時去到自修室~上到去,佢地鋤緊D...原來人仁星期日爆左缸~入廠~要俾100蚊~多得亞培唔少~因我起身到個時都未食過~就叫亞培同我落去食野~叫左一碟肉絲炒麵,點知佢就俾左兩碟~亞培唯有打包,一陣再食~哈~但佢三點幾先食過野...粟米肉片飯...然後我地約定去邊度玩~我諗佢地咁多樣野~我只會去海洋公園同埋遊艇~行山都會去~其餘o既Camp呀,唔知乜乜物物呀~就咪搞我了~中記真係好似亞培屋企咁~自己寫單,自己搞掂~差未係自己炒野食...上返去~俾故仔王係度搞搞震,佢地兩把遮似足玩具~勁細把~細把到都知夠唔夠遮一個人....大江原來黎左~因為我落左去食野~所以唔知道~只係有人話佢擺低左D野,然後就走左人,我係佢袋野度搵到電子詞典~所以我可以查字....中六的英文....真係難.....隔左一陣....大江返番黎~佢借左個「非典型胃炎」o既MD我聽...不過呢~隻MD就唔識自己郁....要用人手開關...哈~無耐就落去食飯,落到去~大家都知叫乜野餸好~我呢D無意見o既~梗係坐係度...行佢地搞掂啦...不過好耐都仲係叫唔到~仲想叫隔離台幫手諗叫乜餸...咁最後都求其叫左幾樣野...食野o既時候...故仔王竟然夾野我食@@ 神奇嗎....梗係啦..夾o既係...青椒...洋蔥....唉－＿－食食下又話有條友廁所R袋....香港奇人多的是.....奇景都係多的是....就好似咁樣....=>大家食完飯就上返去...本來打算做多陣野先至閃人...但係呢...勁野就係呢個時候發生...好突然聽到/睇到前我幾行o既地方有水流落黎~大家都係度睇....好快~連我坐o既窗口位....都開始漏水....無錯..係自修室落雨...我用9秒9 o既速度..即刻將所有野執走...唔知乜水仲用鐵沙掌一次過將所有野推去右邊....見到咁o既情況~所有人都睇得好開心....我仲想攞人地o既玩具遮去擋雨..哈~水就不停流~人就不停走...真係閃得快~好世界...一大奇境...結果成地都係水....流到出門口....勁...有D人唔想走..不過都俾人趕...話個天花危險喎....幸好我係度...能見證呢個奇境~落雨事件...所以我地唯有走人~又係一樣~送人返搭車...唉~呢個時候~竟然黎落大雨..我又無帶遮...費事叫麒麟把玩具遮我...佢個把咁o既死人野...遮得我黎..佢自己一定濕...亞培佢地兩個又唔遮我~結果係濕Q曬~送左麒麟搭車之後...亞培見我無遮~所以送我走~去到我樓下~~我地佢傾左陣計~講下大家生日o既....大約10點半佢就走~我就返上去~返到屋企~打機,傾電話~做下自己野.....咁又一日
唉~個日記好麻煩....唔知轉唔轉用HK FLASH的好........
>>May 14, 2003 at 7:37:44 AM GMT+8
2003 年 5 月 3 日 星期六 【晴】
今日......10點鐘我自己就識彈起身......我無較鐘,無叫人打俾我~但我又竟然起到身喎~可能係因為今日係何韻詩o既CD簽名會啦.......咁呢....本來話打俾我.....叫醒我o既人呢......反而要我打電話~叫醒返佢轉頭......
因為我估佢都趕唔到出黎~所以就延遲左三個字~俾多少少時間佢準備出門.....收線後我就拿拿臨去沖涼...可以一次過將刷牙,洗面,沖涼,洗頭做曬~但係呢~我一向就沖涼比較慢.....所以搞掂o既時候.....我先知道係十一點......得番三個字~我就會好趕~咁我就打電話俾佢....諗住叫佢遲多少少......不過呢......無人聽....打左幾次都一樣無人聽.....過左陣~佢打返電話黎~_~話整緊個頭......唔得閒聽......唉~我夠要整啦......哈哈
咁佢話入到隧道打黎~咁等左陣佢打黎~我就出門了~唉~唔知發乜溫~我出門......行左唔夠一分鐘~個天即刻落雨~搞到我成身濕~我個頭整左咁耐~都濕埋~哈~俾D雨淋住冒雨衝去地鐵站....差D淋病添...Ccc....去到等左陣.....個人就出現.....咁就買飛搭車.....然後竟然有人問~_~可唔可以俾七蚊佢搭車......?? 我話唔得~無散銀喎~cc 跟住就拿拿臨走人.....入左閘先算.....咁就搭車去尖沙咀.....搭車到金鐘竟然有位坐....哈~難得喎～跟住呢~兩條友就矇查查.....唔知訂......唔知海港城係邊....咁就唯有睇地圖啦......結果係睇完都唔知要出邊個出口....唔知A定C......佢呢.....睇完成張地圖都可以見唔到"海港城"......~_~"
去到十二點~~之後~我地就決定係尖沙咀A出口出去........出到去......見到又係落緊雨......不過我地唔理~落雨照行~行行下講呢個星座...白羊...係粗魯o既~哈哈.......行到去廣東道.....見到海港城......又唔知係唔係呢道.....咁就打電話去少下煎Pan人.......但佢反而話十二點幾先去到好遲~_~" 自己又唔黎~唉~好失望呀~煎Pan人.......然後我地係廣東道度行~終於俾我見到Hard Rock Cafe......再望望對面.....就已經有一大堆人係度等......但係無排隊,D人只係亂咁企.....有D仲勁~帶Maths去做,帶Econ去讀.....仲見到佢個朋友.....咁我地見唔係太多人......所以就決定去左食野先~我地去左茶軒~係呢個時候.....我終於睇到某人張身份證...我明白點解佢地話會笑兩個月.....哈^______^....同埋學生證....原來同擺上網o既學生相一模一樣....睇佢地學生證......原來仲有分乜乜社......點解鄧鏡波又係無o既~_~"??.......跟住我仲俾人老笠左張身份證....茉香真係好香下~佢就鐘意薄荷...反而我就唔多鐘意薄荷~_~ 哈哈~終於俾我見到QuickSilver間鋪....雖然我個匙扣係用呢個牌~但我未去過有關o既鋪....唔單止QuickSilver,其他野都係....cc
食完野~都差唔多一點鐘......我地就行返落去聚集o既地方.....跟住就呆等左個幾鐘....環視四周.....發覺此地陰盛陽衰....導致不平衡狀態.....一百個裡面數埋都唔夠五個男....雖然有好多好似係男....但其實係女(即係TB~_~)....個班人仲有尖叫....好難頂~其間我件衫俾人拉左無數次.....又同人交換下個背囊.....本想搶返張身份證~不過俾人發現,所以失敗左....仲有用不尋常眼神去望佢.....因為我帶住口罩....佢唔知我乜野樣~~得返對邪惡o既眼~令佢招架不住~要用個把爛鬼熊仔扇遮住我...不過無用丫~把扇俾我搶埋.....cc~我o既眼神都係咁望住佢........搞到佢要用手遮住.....哈哈~又成鬼日叫人除口罩~_~ 我都慣左帶~都唔知點解成日叫人除.....個背囊好重~成日自己sir落黎......不停跌喎.....哈哈~仲有.....度手臂.....佢竟然真係自己返屋企度~_~ 度到好似話9寸左右.....但伸出黎同我度時.....竟然同我差唔多~仲好似真係勁過我添.....有人派會員證~搞到我有D想做Fans Club會員添....好似交一舊水就得~不過我呢D...又唔係成日出席呢D活動~就費事入Fans Club....如果唔係~佢叫我出黎時~我次次唔去就唔係咁好啦~仲要無乜男o既~_~ 我一個又點會去呢.......我好似係....第一次去簽名會,第一次見何韻詩,第一次排隊排咁Q耐,第一次咁近接觸歌星,第一次我自己去搵歌星簽名..........仲有好多個第一次~今日真係值得記念一下
時間越接近三點~就越黎越多人~我終於見到有返多幾個男仔....唉~真係正如煎Pan人所講~_~女勁多~男勁少......少到唔夠十個....然後有人出黎貼話因為天雨關係~改為入海港城裡面舉行.....各位請移玉步......等我地仲估下佢會點樣出現.......我地估佢....搭巴士.....Van仔...－＿－哈哈.....唔夠一陣~就有人叫排隊......就係咁俾人打曬尖~不過唔緊要啦~_~ 我地就攞到170同171兩張籌.....跟住又係繼續企......唉～企到已經支力支力地...死煎Pan人....又話三點半~_~ 係四點呀....排我前面o個個好勁...帶埋張櫈仔黎擺野......但睇佢個樣似男~真人應該係女....仲睇到亞某人影o既個張卡~佢張卡同佢依家比......塊面肥左......cccc反應係幾緊要下~仲話要食多D香口交~做面部運動.......得架咩~_~"? 本來個天停左雨~不過我講話一陣行入去海港城之前會落雨~好衰唔衰~我Up中了.......真係又落雨.........突然覺得自己講野好準添～最後都停左先到我地入.....入去...原來係聽佢唱左歌先......咁就跟住班人行去~望上上面~見到上面勁多人....我無理就繼續行~行到排隊個度.....就剛好有個有利位置~(其實係我地唔行....哈),見到二五同英師傅tune結他,之後仲有個好得意o既肥仔鼓手....佢地自己一手搞掂~又要插M~tune結他.....個時已經好多專業人仕部曬係度....勁多camara.....仲有人搏大霧~唔去排隊~就想簽名......結果俾護衛員叫返出黎......cccc 先學左點用佢部相機~搞一大輪.....何韻詩終於粉墨登場.........
【何韻詩黎到Lu】
阿詩黎到.....第一時間聽到o既係尖叫聲....佢個D歌迷係咁叫.....唔知係唔係我去得少~未見過D咁o既情況.....D記者亦都跟住HOCC入黎......發佢個溫...佢地仲同亞詩做訪問~問左超耐~我相對企o既時間就更耐.....本來我前面好少人~得個兩三個.....但係呢....D記者一訪問完又埋位.....行曬去我前面......丫咧－＿－我頂佢丫.....係做緊訪問時~上面個層有人高空襲物....連做緊訪問o既亞詩都望埋上去.....結果呢個唔知死o既黃衫仔~就好型咁俾護衛請佢出去~唔知佢有心定無意~理Q得佢~我繼續睇亞詩~
等左都有一陣....終於做完訪問....咁就有條友...就走出黎介紹下....我隔離o個個無啦啦又話要帶住隻錶.....跟住亞詩就話要Tune結他先....然後就開始唱歌~佢唱歌我地梗係影相啦......不過呢.....企個位.....影黎影去都係差唔多樣~_~.....仲有D企後面o既叫我幫佢影~我最怕影得唔好.....就推左俾我隔離o個個影......哈哈~全程我都要企高....仲要舉高我雙手......攰到抽筋~為o既都係想影到無人頭阻住o既亞詩~~我仲睇到亞詩彈結他.....G->D/F#.....嘿嘿~佢唱左.....我找到了,迷你與我,有得做.....仲有絕對...唱到絕對時....佢話感謝佢亞爸亞媽....即係....歌迷所講o既菇媽(咁都得....).....唱唱下亞詩仲流淚添~_~我第一次咁近見歌星流眼淚....然後...轉Chord錯左~我估佢好亂卦....不過都可以繼續落去....亞詩問上面有無人......無人應佢~_~" 得下面D歌迷有反應......哈哈~好辛苦~全程都要避人頭~好彩有個前D o既位.....後面個D都影唔到...其實只係我地唔行...所以先有個好D o既位..哈哈.....後面打鼓個肥仔好得意~ccc~我就不停影..不停因為要企高+舉高手....影到都有D震....矇矇地.....死人煎Pan人~_~下次你去影我等睇相......咁唱完迷你與我~條友又出黎講話佢去休息一下同埋補妝喎....咁我地就繼續等繼續企.....一陣佢又出黎......就開始簽名....護衛員叫我地攞返出張籌出黎.....我地仲諗叫亞詩簽邊度好...我地見好多人都簽CD.....佢想叫亞詩簽係本隨CD送o既簿上面~我就想叫亞詩簽封面....某人仲叫我同佢講寫To賤人......佢寫暴力喎.....跟住原來只係可以簽一個名~~仲想叫佢簽相添.....終於到我簽名.....越行越近......HOCC好靚丫～我有D驚~唔係好敢叫佢寫To賤人....跟住我問二五係唔係可以寫To乜水.....某人就無理~係咁影大頭相.......佢真係叫佢寫暴力....但亞詩話....暴力?傾向呀?結果...係亞詩簽左To傾向俾佢......佢仲差D唔記得左寫To賤人~要我同佢講~~無影到合照就俾人趕.....行到出去時....先記得無幫佢個Friend影相.....咁我地搵返佢個Friend俾返部相機佢....聽埋佢炫耀下.........凸~_~"..就走人~某人仲係咁講....寫左傾向......哈哈哈~我終於有Hocc簽名啦......哇哈哈~~跟住就搭車去自修室.......
【自修室+晚飯】
本來諗住同佢去買結他線~不過都係無~去左OK買野飲~就上自修室.....上到去見到佢地班人....我睇返HOCC o既相...好靚架喎~哈哈.....睇完我就開始做功課......今日到我俾人升左一巴....又係好響o既一巴.....唉~陳家和所教o既Insult......跟住仲俾人係後面講~_~ 話寫隻傷逝俾你喎......我頂佢丫~有人唔識o既Question寫C For xxxxx.......真係勁....哈哈.......人仁就走先......我做好Maths~就同佢地食飯.....故仔王就帶埋本書去讀......食飯都讀書~好勤力喎.....六個人...有兩個唔食.....只係食煙－＿－"......唉~呢餐飯好多回憶.......憶起我同方建華作o既故仔......憶起係大浪灣燒野食個日......憶起去水上樂園........仲有亞培鐘意xxxxx....仲有各位o既生日.....大家都亂咁估.....亂講....哈哈........跟住我仲俾人玩野......用杯唔知好立克定阿華田串我~_~正一死人黃錦培.....我初時都唔知乜事~只係叫亞培求其叫.....我頂佢....點知佢玩野.....唔知點解~呢餐飯唔係好自然....所以到一半我就選擇左睡覺......哈哈.....聽佢地講下以前o既......真係得意~我都諗返好多.....跟住就返上去......
返到上去~就已經要走人~原來九點半就收.....所以就走人.......走人o既時候就發生一D好神奇o既野......講起...某人點解咁高.....因為食左(增)高丸~_~"?....Cxxxxxx竟然可以唔知乜野係睪丸......亞培解釋一大輪.....佢都唔知係乜......仲要問係唔係拮口....哈哈.....真係吹漲...仲有食(增)高丸o既副作用係.....ccc 然後又係指定o既事......送班人搭車.....送完頭兩個後.....就去灣仔道搭車.......其間講起話我屋企人飛......屋企無人....佢又叫人上我度~_~"不過o個個星期真係無皇管~我鐘意點都得~~任我黎~屋企我玩曬~~亞培仲話上黎煮飯.....哈哈~
同培等埋車~就返屋企.....訓左覺先....然後起身~沖涼~傾電話......我依然有D野放唔低~_~無辦法~真係我錯........
黃錦培\___/同我聽住~再九Up我就打鑊你......哈哈！！！知道無??另外~
煎Pan人\___/同我聽住~再老點我就打鑊你.....哈哈！！！知道無??
成日感覺都好好~除左件衫就快爛之外.......仲有好支力.....真係腳都斷,手又斷....由一點企到六點.....不過多謝亞某人同我去簽名會....@@同埋佢帶我去D咁o既場合.....我一向都懶得出門~我都唔知點解今次會去.....ccc...
天光時又落雨~我個人幾鐘意落雨......係屋企望出去.....好靚.......唔寫了~過長......得閒又記得o既話~會盡量記一下當年o既事.......
>>May 6, 2003 at 7:23:40 AM GMT+8
2003 年 4 月 30 日 星期三 【晴】
今日上半段(返學...)辛苦～下半段過癮~返學o既唔記啦~淨係知一連放返四日假~唔係....都有一樣要記~就係6B鐵三角.......問問題問到Mok Sir嘔血~哇哈哈~激Q到佢死.....淨係天祐一句......「乜呀」 都殺曬~今日得5人去自修室~@@ 好少......麒麟仲問聽日去唔去~_~唔駛返學去黎做乜.......反正我去到只會搞住人(係俾人搞...書包筆袋<=呢D)......哇哈哈~佢地就快會考~@@ 各位要加油~唔好再用多一年啦~
Beyond Concert~再一次唔該雞哥幫我買飛~如果唔係我實懶到唔去睇~
我地約左六點三係集成等~之後搞一輪就決定去吉野度食左野先~食完之後就行返上去灣仔道搭車~求其搭架10x去紅磡......八點三先開場~點解要六點九就搭車入去呢????/原來係因為雞哥話要去睇展覽~話開Show前有野睇~咁咪早D去囉~去到.......真係有展覽......不過得個少少.......以前好勁好多野添~有展覽幾支結他.....成個Am......有T-shirt賣.....80蚊件......亞雞就係咁影相...
好喇.....睇完個D野...七點半都未夠.....我地足足等左半個鐘至九個字......行黎行去唔知做乜......等入場時....我同陳家和仲聽到D好得意o既野.....有條金毛話=>我地以前係天橋底......哈哈~陳家和你聽唔聽到?cccc 條友真係........勁唔掂~跟住我聽到個守門口o既坤佢話.....要帶口罩先俾入場......真係笑Q死.......
入到去~呆坐......下次再有concert~一定唔咁早到........我勁眼訓......差D訓著........跟住開Show~
一開始就已經係【海闊天空】.....估唔到係最頭~最記得係有有投射o既家駒~係台上面同佢地一齊夾歌~【抗戰二十年】～成日都有個神秘人係後面彈~叫亞賢喎~
經過重新編曲o既兩隻歌~【灰色軌跡】&【昔日舞曲】~【灰色軌跡】唔知點咁,有點怪~唔知係我聽唔清楚D音樂定係乜~不過【昔日舞曲】就好正~比舊個隻慢左~兩隻歌o既感覺都唔同曬~~仲話已經出左CD~問買左未~_~咁呢個時候呢......亞雞就好大聲嗌.....買左啦.....丫咧－＿－
有世榮用鼓Solo,個時D燈光勁閃~閃到我死死下~差D閃到我就短暫失明~不過見到世榮打得超快.....好勁好過癮..足足打左幾分鐘~唔支力架?...個時呢~亞培就打電話黎－＿－唔知佢做乜~cc
勁High o既有~【舊日的足跡】【阿拉伯跳舞女郎】【我是憤怒】【俾面派對】【歲月無聲】【長城】【大地】【全是愛】,仲有真係勁正o既【不再猶豫】(好勵志o既歌),同埋【光輝歲月】【無盡空虛】....有好少聽o既【時日無多】【缺口】【打不死】.....【冷雨夜】段Base Solo得番好少.......我仲想睇下佢彈足2-3分鐘solo添~不過無喎－＿－ 唔緊要~都好正~
聽Live o既【無悔這一生】同CD唔同~Live好聽好多!!又有我鐘意o既【情人】,由亞Paul唱~另外有【活著便精彩】又係好正～好鐘意呢首歌～成隻歌歌詞同個rhythm都好正~ccc
之後佢地由中間個台走人～播左段【真的愛你】好搞笑o既MV~佢地幾個+師奶打牌.......哈哈~不過呢~個電視好細~睇唔清楚~D聲就聽到~
隔左一陣~係前D個細細地o既台出現~同D Fanz好近~個台升黎升去~跟住唱左幾首歌~包括反戰o既【Amani】俾佢陰左~無左一開始段o靚仔聲~不過家強有句唔記得歌詞~哈哈~又有加鼓o既【命運是你家】.....加埋個鼓都得~掂呀~多數都係聽個鼓無咁大聲o既版本~
好正o既喜歡你......最後係校歌(唔知點解叫校歌),【再見理想】......「一起高呼Rock n Roll」........跟住就完場.....我地等左一陣先走出去~怕太暗會仆街~隔左一陣著燈時~我地就走人嚕~
行到出去~已經見到有人係度賣緊相.......本來想過去睇~不過都係無.......就去左搭車~打算出左灣仔先食野....打電話俾亞培又搵佢唔到添~_~........咁我地求其搭左104出灣仔~上到車~見到有人買左相~我就後悔無去睇~我都想留低紀念添q_q
唉~出到去~我地見到點心王~就決定去個度食~我食左好多野~有金錢肚,叉燒So,奶皇包,咸水角~同埋凍奶茶~陳家和問亞雞佢食個D叫乜野名........亞雞答佢....干燒伊麵......跟住仲要話......下次你唔記得打俾我......哈哈~笑死我嘿嘿~我個時已經好眼訓~可能因為我之前一日夜訓~今日又要返學~有D頂唔順.....食完野........我地就分手~我懶到唔行~_~ 飛的返屋企......返到屋企一陣~亞培就打黎我手提啦~我就叫左佢打黎屋企........有個新電話喎~可以睇返來電了~
佢同尹國寶打黎~講唔夠一陣~大家都好似好眼訓~我直頭訓係張台度講.....收線後~唔夠一分鐘~我個人已經係張床上面.......亦都係唔夠一分鐘......我已經訓著左~個時大約1點幾吧~等我仲叫人今晚唔好訓添~_~結果自己訓了.....聽到我老豆o既咳聲~我就醒左~梗係啦~佢好似朝早咁~當無人訓緊覺~有咁大聲得咁大聲~_~佢仲話~頭先有人打過我手提~嘈生曬喎~~唔知邊個一聽電話就收線......係囉~邊個呢~_~"不過呢~又係好巧合o既~到我起身啦~佢又訓了喎........真係...無野講~@@
朝早見到Mr Lin~同佢傾左陣~佢變左界女王唷~哇哈哈
聽家強講野~佢話~如果10年前無發生件咁o既事(家駒瓜左)~今日~佢地同佢地o既歌會變成點??~超勁囉～我又唔記得世榮唱個隻歌叫乜野......Beyond真係好正架~~@@ 我地學結他好多時候都彈beyond~另外亞Paul真係好勁~彈足幾個鐘都咁勁...........成個Concert都咁正~今日好開心添~哈~好彩有睇~如果唔係就真係損失！！
多謝棍哥留畫~快D買PS2等我去玩~cc
為左令我個日記唔好咁慢.....將會減少使用發光字~改為使用普通o既顏色字~咁當然~有需要~我依然會用啦～～cc
我有我心底故事~親手寫上每段得失樂與悲～與夢兒～
縱有創傷不退避~夢想有日達成找到心底夢想的世界....終可見！！
>>May 1, 2003 at 2:02:52 PM GMT+8
2003 年 4 月 29 日 星期二 【晴】
你今日射左未???(唔係講緊衰野~_~咪亂諗)
今日係門口onduty....有人發燒自己唔知......哇........我突然覺得自己好危險......條友十下十下......
Maths堂~有D釣魚...唔多知講乜....好彩講左好小野......Bio堂.....細細個已經=>五加皮/XO 開水當湯飲~_~"哈.......講酒精丫嘛......
P.E.堂換衫~唔俾講野.....另外可以贏三場唔駛走人......阿So係咁俾人Ban中~好準添~佢發神經差D Headshot我~_~ 好危險~如果中左~大家就見唔到呢篇日記嚕.......亞郭幾時學左鐵布衫...我個一腳....真係唔痛架咩~_~"?好在今日無乜人踢波~得三隊~勁快~
中文堂....Clive Lo點解你隻手咁污糟o既～?漏墨呀?哈哈~咁都唔俾人發現~真係幾勁喎........Chem Lab.....做到好似好趕.....mok sir又要開會~嘿~我地組插Circuit唔駛自己做~有Mok Sir指導下~因為我無Phy...乜Q儀器都未見過~哈哈
亞培,陳家和返左TKPC......唔知做乜野.......約左亞郭放學去圖書館搵佢.....同埋放學開會~隔左幾個月先開一次會~我聽副主席講~上年好似仲懶過我地今年添.......ccccc ~咁都好D~至少唔會俾人少話無做野~仲有好多會議紀錄未簽添
我然後返屋企放低D野~就同陳錦鴻一齊去自修室~尹國寶個賤人又唔去,因為佢另一半唔去喎.....去到又係去中記先......
又有【故仔王】講故~今次對象係陳錦鴻....雖然又係失敗~不過我總算又聽到佢講故.....真係好快好過癮.....下次佢再講時~我應該錄低佢.......仲有神奇o既咬飲管技術......可以咬到扭曲曬......幾係野呀........
上到去圖書館搵唔到亞郭添~可能我黎到時六點太遲~佢已經走左卦.........真係唔好意思啦～仲諗住叫佢一齊去自修室(佢最唔想去....哈哈)
【故仔王】搞搞震~_~係我把尺上整左張紙.......又係我舊膠上面畫公仔..... 又打劫我書包,筆袋......佢當隻熊(培個胸......)係寶.....所以係我地用黎下手o既對象......
唉~俾人笠了張學生相........好無奈......我的又唔係靚~要黎做乜呢.....何況張相都N年前.....
哇~我好少見人(應該唔係人.......)本Notebook咁整齊......同個人差好遠......個人咁暴力~_~
食飯時候~猜飯~輸淨我同大江~差DD我就要隊多一碗~不過好彩我贏左~咪好囉~益左大江~cc......我又唔駛食~大佬~我本身已經食左兩碗~仲食多一碗3xx/25x(亂作o既) 份量o既飯......一定飽到之後幾日唔駛食.......cc
今日終於可以同陳同學同進晚餐.....陳同學~感受到佢地幾暴力未????對佢地o既行為有乜評價???其實都無架啦......都係兩個字....=>暴 力囉~係唔係先.......??
唉~又【絕交】,又【邊個射........】,麒麟人語出驚人.....詳情請自己問佢...用水彈可以叫射.....咁你今日又射左未~_~"?
聽日唔去自修室嚕～６：１５～集成等～哈～好彩無買飛去睇X-Men2～如果唔係實趕唔切......
棍哥話買PS2~好~去佢度玩下先～哇哈哈~仲有快留畫俾我～雀檸呀～無得唔留～
對自己有要求~要改善固然重要.....不過太勉強自己......會好辛苦.......唔駛刻意去做某D野俾人其他感覺丫~
希望各位要考會考o既中五/中六同學加油.......我擔心佢地~每日去自修室發呆......有時唔知可以溫到幾多書.....
我好少留言真係畫畫........不過呢次都一樣求其....但總算叫做畫左個煎Pan+個人=煎Pan人~唔靚~等我真係出手.....就...嘿嘿~不過佢可能就快唔係煎Pan人.....係70's栗子人
我真係好想知....有無人鋤D.....真係得返一隻.......倒轉輸返俾個有13隻牌o既人?哈
送人搭車指定句子=>小心D呀........返埋聽日.......放大假～爽爽爽
越黎越覺～同佢地食飯~真係好開心~@@
>>April 30, 2003 at 4:20:11 AM GMT+8
2003 年 4 月 28 日 星期一 【晴】
今日返學,本來要八點返到學校,但係我都係起唔到身,都係要遲到~唔好意思~Peter~
Ms Fan因為要處理班務~又唔上堂~搞到要一連上兩堂Chem堂~真係有D頂唔順~好鬼難~又麻煩~Mok Sir仲成日問我問題~我都係求其答~好彩有時負負碌碌都中~如果唔係都唔知點死~_~之後仲約彼得同我放學一齊去搵佢問野~梗係啦~大佬~唔知佢上堂講緊乜丫嘛.......
Eng堂~一樣....咁無聊.....唔講~然後Bio堂~即係吹水堂.....都係唔講~Lunch去大家樂有好好食o既「焗雞皇飯」~好賣到得番一個~我同陳錦鴻~都係叫同一樣......結果佢讓左個雞皇飯俾我...哈哈~~多謝喎~ccc
2堂電腦堂~我神奇地無釣過魚.....真係勁~正常應該會訓Q著......不過今天又無喎~呵呵~可能係有Exercise做~所以先唔覺眼訓.....唉~我仲未有FoxPro添......(乘機可以唔交功課添~^o^哈哈)
放學~本來約左大江去買飛~大家就決定返屋企先~死人Clive Lo又唔去買....等隔離班做完Lab,終於等到mok sir~同彼得一齊去搵佢.....點知原來佢都要搵我......唉~佢搵親我都唔方係好野啦......鑊鑊新鮮鑊鑊甘......唉....咪又係要作文囉.....彼得由今日開始~每星期都要交文唷^0^ 有人陪我~好開心添~ccc 我篇文o既Topic係【好老師的條件】....唔....有少少難度......不過600字~又唔駛寫週記~都唔差好遠......好彩o者...
返到屋企~大江話唔得閒~聽日先買~是但囉~反正我無所謂~陳錦鴻又唔得閒~聽日一次過一齊買囉~咁我返屋企發呆下~就出黎自己去中記搵佢班友.......我去左OK買野飲~有隻叫做雀巢檸檬茶.....冰極(好似係咁樣o既名)...結果飲落好似無分別.....不過飲飲下又會涼涼地......哈~幾過癮呀~
上到去~鋤左幾鋪D.....聽下【故仔王】講故仔....不過今次玩我唔到~在下丫拿...哈哈......仲有唔該培幫我拎書包上去......然後自己都上埋去.....開始做野.......Pre-lab.....好長.....用好多時間........希望明天o既lab順順利利~我唔會連累到組員就好~哈哈......唉~做野其間~【故仔王】又變為暴力神~佢搶我本簿~我竟然搶輸佢~_~ 丫咧.......真係有無搞錯......
然後~佢地仲要笠走我o既書包,書,pre緊o既lab....筆袋.......無親身感受~絕對唔知暴力神有幾暴力~_~......唉~之後同佢地去食飯.....多左個肥偉......好耐無見.......然後大江呢個時候先出黎......佢打完波...呵~不過又係唔食野........怪怪地~食飯時.......氣氛唔多好~_~ 睇到有一兩個人係度呆添......食完野......我地就返上去.....做多一陣野就走人.....返屋企........
我發覺~去自修室已經變到有D似係我習慣....我都唔知係因為我怕自己係屋企打機訓覺唔做野去~定係想見下D朋友而去,不過其實都一樣~我比較想見多幾下佢地~雖然有時就好暴力,但我都知佢地係好好人o既......不過呢......佢地之間好似有D問題咁(某一兩個o者....).......
我有點後悔無同培一齊送人去搭車添~_~ 唔好意思喎~【故仔王】.........可能係每個人都唔同了~所以我對佢地有所改觀,感覺最強烈o既~就係【故仔王】......真係唔同左呢~@@........盡量融入....係我暫時比較想o既事........
有個唔知乜人add左我~佢話.....whitepage search我...search到咩~_~"? 唉~不過是但啦......同佢講o既話題都好特別~可能係大家唔識大家~講o既野都少左禁忌......
聽日約左陳錦鴻一齊去~好耐無同佢食晚飯添.....(不過...好似日日同佢食Lunch~_~)......希望佢能夠幫下呢班將要考會考Maths o既人吧.........
監委又開工........我都唔知做咁耐做緊乜.....除左做問卷調查之外,其他的都有點不切實際添
彼得八點~@@ 希望我起到身~勁呀～～～～cccc
煎Pan70's人一號首次作出回應\___/ 嘿~想搵梁偉哥幫我Print相~做過70's攻勢添~ccc
最後~係唔好意思~亞培~聽唔到你想講o既野.....因我神智不清~魂遊太虛.....你打黎我都唔知你講乜~_~".....聽日再同你慢慢講.......cccc
>>April 30, 2003 at 1:43:13 AM GMT+8
2003 年 4 月 25 日 星期五 【晴】
哇,呢日精彩囉........不過又係好長......邊個無耐性.....就唔好睇啦.......費時各位睇到訓著左.........或者你可以分開睇(我已經分左段....)......
中文堂就講詩~有幾首真係好鬼死勁添......幾係野呀......不過呢~星期一又要背默....唉........English堂上Oral......唉~好麻煩o既Oral........Stat堂都總算過得去............
BioLab堂畫蝦同埋畫草蜢~又係我好憎o既草蜢....見到佢已經唔開胃........反而我無咁驚蝦......但草蜢就真係唔掂~仲有人專程拿住隊過黎......我有一野昇落佢隻手度o既衝動添....不過佢有草蜢....唉算了......D蝦就真係生蝦咁跳.......係張報紙上跳來跳去......大江仲玩將草蜢用力丟落街.....同埋將2隻草蜢搞埋一舊....哇~嚇Q死.....佢仲可以帶一隻返屋企......~_~" 真係唔驚,好野.......
放學大江話返屋企先再出黎~咁我就自己玩下先~我本來唔想打波~但最後都係屈服係個藍球之下...就咁就打左一場波....初時我諗住....唔行企係度....應該可以唔出汗卦...不過都係唔得~_~....因為個太陽勁曬....最後我唔鬼理~直頭跑埋算了...不過呢~就唔記得放低個電話~所以有舊野阻住~_~...我打到四點幾就完.....返課室吹下冷氣....亞昇問個菠蘿蓋上面有無一條條白色o既野???我都唔知係乜......跟住無理到就拿拿臨返屋企沖涼......沖涼即刻出去自修室.....時間好趕.....趕到我連書包都無執過......就成個書包帶返出去.....都幾重下.......
【去中記先】
我首先就去左地鐵站隔離o既麥記搵尹國寶.....佢同振宇一齊.....咁所以我就費事入去,企係門口等就算.....咁佢都即刻出黎~同振宇BYEBYE之後.....我地去Seven買野飲.....然後就去中記搵佢地班人.....去到已經一大棚人.....乜人都齊......佢地食緊野吹緊水.....我就乜都唔理~拎本書仔出黎背詩......見到暴徒係度......佢地又同暴徒玩遊戲......我又可以見識一下【極Speed故仔王】o既表演.....簡直令我佩服到五體投地~「個種洶湧澎湃o既感覺,加上有如水銀瀉地一樣o既講故仔方法.....簡直係無得頂呀」......點知暴徒無反應~_~" 佢話等人講埋先問喎~哈哈~【故仔王】(專稱,要用括號)玩人失敗!!
然後佢地仲過隔離 木台 玩啤牌.....我,尹國寶,煎Pan人,麒麟都無玩......點知尹國寶食完野都去埋隔離木台......我地三個坐係度無郁.........咁一張木台得三個人......仲要佢兩個係變態o既.....咁見無其他人係我身邊.....梗係夾擊我啦.....爛船都有三分釘~不過呢.....就俾人中左個頭20-30下.....(腦震盪呀~大佬~_~)......不過唔知佢地做乜~2個傻o既係咁笑~見到咁o既情況....我唯有唔理佢兩個......唉~行出街~都唔知話唔話俾人知我識佢地好.........隔左一陣.....尹國寶個X就話上去放低D野.....唉~我呢D無野做.....所以俾佢叫左去搬野(Mr 孤尼....)佢地勁多書包....拎唔曬....呢個時候暴徒就幫手(好難得見到@@)....咁我地五條友就上左去放低D野~
上到去...又係去返後面個排...我唔落返去.....佢地放低D書包呀袋呀之後就走Q曬.....得我一個留守係度.....我又繼續背詩....不過呢唔夠一陣就全部返曬黎.....暴徒就走左...大家就開始做自己野...我背我o既詩....人仁同我一齊寫詩~我發現佢D字都幾正下~問佢佢話練過下D字喎~cc...我地就寫離思
曾經滄海難為水，除卻巫山不是雲，
取次花叢懶回顧，半緣修道半緣君。
唉~無辦法,我星期一要默書~所以要背詩......其間麒麟搞搞震~搶人支野飲~_~ 尹國寶唔知做乜~【故仔王】就好似睇緊書,煎Pan人就做....(maths..??)...麒麟時不時都搞搞震...我仲俾左D野佢睇....不過個樣野最後俾【故仔王】搶左~_~"...好彩佢地睇完都有俾返我.......然後佢地走左唔知去邊...返黎時又發揮佢地o既暴力精神~一講起70's o既貼紙相....又係我俾人郁o既時候....真想叫佢梳返個70's o既頭我睇~唔笑到我碌地會有鬼...隔左一陣(係好耐...)大江條友終於都到左~等佢好耐添~我用左句名句~不過改左版=>劉大江好掛住你呀.......字典機呢?....無辦法....我想做英文丫嘛~問佢借左機之後.....我拎張Worksheet出黎.....發現...一條裡面至少有2兩個答案唔知係乜......無辦法都要做....只好慢慢查下講乜囉......做左又一陣~李偉強仲有上次燒野食o個唔知乜水都到埋(咁齊人o既.....)......不過呢~亞培又唔見左喎
煎Pan人大約八點幾(段估...未必真)就走.........如唔係自修室,我一定大叫=>煎Pan人～等多D人知道邊個係煎Pan人....知道佢o既惡行~用煎Pan整我丫拿\__/......唔夠一陣~就落去中記食飯.....
【開飯啦喂】
一去到.....幾張櫈都係濕o既......好彩我無坐落去......最後因為我覺個風扇太凍....所以要勞煩成村人一齊轉 木台...真係有D唔好意思添~一木台人,有兩個就唔食o既~真正食o既只有六個.......呢個時候~又係我發揮無所謂精神o既時候~所以佢地都懶得問我食乜...ccc.....叫左=>黑椒牛柳,銀芽炒三絲,菠蘿生炒骨,??腸,同埋一碟唔知乜野蛋(有蝦的~>_<~).....唔緊要~D蝦可以避開~唔食~ccc 最好食應該係D肉同蛋~~亞強同大江都無食~齋坐....(唔肚餓架??)...亞培同埋陳家和黎到~佢兩條又係友又係唔食~話約左其他人食飯....哦~咁食食下.....亞培同尹國寶猜去開電視....培輸左所以行去開....行去開完返黎.....佢話無插電制~但唔夠10秒~個電視就自己著左(個電視都要Load.....Now Loading....)....大家就電視機撈飯......之後唔知乜事.....電視機自動熄左........唉~真係高科技....既要Load,又曉自己熄......之後強話走先~因為要去搵Mr龍~哦~無辦法啦
亞培等o既人終於出現......原來係火龍果同埋一個唔知乜水.....咁佢地就起身出發.....妖......原來係過隔離木台食.....等我仲以為佢地走人添......佢地四個~就咁去行左去......
跟住呢都差唔多食完~又有我最期待o既表演~【極Speed故仔王】講故仔~引用多一次.....「個種洶湧澎湃o既感覺,加上有如水銀瀉地一樣o既講故仔方法.....簡直係無得頂呀」.....不過呢~_~就事先有準備.....大江o既答案令佢好無奈添~哇哈哈......接住黎o既有......教人玩小明~_~"??.....唔知有乜特別~成日叫人跟住做......我已經睇過好多次~但一次都無做過啵~因唔知道有乜意思.....然後呢.....就互啤.....啤到麒麟用雙手掩眼.....不過呢....【故仔王】就同人仁大戰.....【故仔王】隨手叫支雪碧.....個種俾人豪邁奔放~而略帶講故Feel o既眼神,令人仁招架不住......我有試過同【故仔王】交手....不過我帶口罩.....佢唔知我有無笑.......跟住話尹國寶啤人好勁....結果......會笑死多過嚇死.......呢個時候~佢個賤人就要閃先~返屋企報到...佢走左之後~我啤曬三個~咁呢同人仁日記一模一樣~亞尹國寶個x...又出絕招=>」「我話比阿寶知架~」 ......理得佢丫~_~咁我地啤多陣~等隔離木台班友食完........就俾錢閃....呢餐大江好無奈添~坐係度唔知做乜....跟住又係D例排飯後活動~即係去海旁.......
【例排飯後活動】
去海旁o既路上~我不自覺講左D好特別o既野出黎~隨即換黎o既係=>1.又俾人中,2.件衫就快爛,3.書包都就快爛.......唉~你話幾危險呢~但小弟福大命大...總算避過左殺身之禍.....跟住行行行.....見到有人教緊拳~幾得意~
另外麒麟唔知做乜野~沈曬....咁佢地行到去個公廁附近(唔係門口....係附近梯級)就坐低...麒麟人唔知自己行左去邊~大江叫我行.....話我行~佢地就會跟住行~鬼會咩~_~" 行完一個圈仔就返去~佢地去差唔多出發~又繼續行.....佢地打算行落D石度~但係呢麒麟唔方便落去....【故仔王】又怕麒麟悶~所以佢都唔落.......咁就改左去公園度.......個時真係有D眼訓~反正諗唔到講乜.....所以無乜出聲......呆左幾個字......
去到公園....我地呢班正一蛋散~_~.....本來個公園仔有對情侶係度.....不過呢......見到我地.....就決定左走人.....唉~破壞曬人地D氣氛添........我去到放低個好重下o既書包...就坐左係度.....因為眼訓.......佢地又話玩啤牌~唉~我已唔記得點玩Killer.....又唔多想玩~所以就坐埋一邊......麒麟就成日叫人過去玩.....大江就話走....【故仔王】幾個就自己圍埋玩~只有我,陳家和,火龍果無玩....仲差D俾暴力o既人拉跌......我地之後變左兩堆人~一堆傾計~一堆玩啤牌~唔夠一陣.....佢地話走人......咁走人囉~走o既途中......麒麟又話要拎我個電話....唉~麒麟一世都係麒麟~無得改架啦.....然後人仁又開始追捕【故仔王】......真係好好睇~不過麒麟唔知死\__/竟出黎插手......跟住又尖叫啦.......丫咧－＿－"
跟住當人仁無追【故仔王】時......【故仔王】就向我報復......伸左我一腳......哇~你話佢唔暴力呀?假o既.......乜叫禍不單行呢.......就係又俾人伸多腳......正當我想反擊時....又出絕招=>「我話比阿寶知架~ 」....好可惜~我唔驚尹國寶o既.....ccc.....佢叫我離開五尺.......咁我話好呀.......我越行越埋......高度o既五尺同距離o既五尺....係2回事~我指o既係高度.....佢指o既係距離........cccc 令佢好無奈添~唔好意思喎~^0^哇哈哈.....跟住就做返成村人o既野...送人搭車......首先係南區,然後東區,然後灣仔區,再送西培搭Van仔~我就孤身上路Lu.....q_q
返屋企.......就沖涼.....訓覺了.......好支力~頂唔順.......
俾煎Pan人黎左我日記宣戰,佢copy&paste左賤人 x 21個(我諗唔會用手打卦~_~)~~~~仲話用個鑊唔用煎Pan\__/ 未驚過~黎丫～我都有70's攻勢反擊～小心D...ccc
>>April 27, 2003 at 7:28:20 PM GMT+8
2003 年 4 月 24 日 星期四 【晴】
今日一樣無食早餐....唉~平時每日都食~依家有D唔慣添.....
廢柴Father又係度行黎行去,都話架啦~佢唔做Father都唔怕無工開...佢一定有看更做....日Q日上黎係咁望....麻叉煩......
第一堂Ms Wong無返....結果就關Sir代堂....就講..公德心.......人至少都要有返D修養....另外又講=>你依家有一個女朋友,但見到有一個比依家o個個好o既~而條件比依家o既好....仲要對你有意思...你會點樣呢....???咁就過左一堂......
跟住Eng......又係對答案......Chem堂2堂都係講Test卷.....仲少左陳端勝一陣......哈哈.......
Lunch~MokSir請食飯~唉~呢D咁樣o既飯局....真係唔好再有......~_~" 食野時好怪.....不過呢~mok sir上堂同落堂份人的確係有D唔同～
電腦堂訓著左,唔知Up乜......我又唔記得帶CD-R俾佢~中文又俾功課......中文堂時.....有同學訓著覺.....俾Ms Fan掹頭髮.......哈哈..成班都係自己有自己講........Ms成日話我地嘈@_@
放學去左自修室~唔知點解亞郭唔鐘意去自修室....只去圖書館~_~ 怪怪的........不過無緊要啦~哈
同尹國寶行左去之後......就開始做功課~不過今日好似無俾過功課~中文星期一先交........是但搵D野做......
原來今日係陳家和生日喎~我地去度自修室~吹水多過乜.......雖然有做到野~但個做野o既速度效率呢.......就........不過唔緊要啦~好彩無乜野做......
麒麟問我認唔認得佢朋友~_~ 大佬.....唔知佢乜水.....仲話我見過??有咩..........
然後五點幾就一堆人去中記食野.......我今日一連俾人玩左兩次......第一次都話唔知乜事.....不過我俾類似o既野玩第二次.....(呢d係唔係叫on 9.....－＿－)...唉...真無奈~所以話要做個呆笨o既人~反應唔可以俾咁快........玩乜乜小明......睇佢地玩左咁耐唔知做緊乜~
仲有我發現Winnie Kam係講故仔方面真係好勁......可以將個故仔好似急口令咁Up出黎.......又快又掂......無得頂呀......食野時麒麟又肆虐.....佢地話似小新同佢亞媽－＿－"
然後我同陳家和返上去先~佢地跟住就到......當我幫人地做English ProofReading時...發覺.....都係唔識=_=丫咧........
佢地八點幾就走人........臨走仲要俾人升左兩巴.....-__- 幾無奈......仲要佢升完我我無反應......跟住又俾人發現我電話裡人地個名.....嘿嘿~放心～我係唔會改o既～
九點鐘走人.......返屋企........打機......訓著......起身.......發呆........訓覺~
聽日又要去自修室~是但啦.......反正返埋聽日又放假~~~~呵呵~ 唔......不過麒麟搵左煎Pan人幫手.......
大江要一次過交番三篇文......千八字.....仲要交Sec E....恭喜賀喜@@加油嚕大江~慢慢做啦喎~
六福究竟係乜叉野~_~"??做乜無啦啦要人改做六福.........不過是但啦~_~理得佢........
Yeah~下星期放多一日假.....又有Concert睇~~爽～～～一連放4日~~掂個碌庶呀~^o^
>>April 25, 2003 at 3:45:30 AM GMT+8
|
|
又有Hocc簽名會呀~_~今日三點鐘先起身,起身後成屋都無人,而我都係無乜做過野....淨係打下機~打打下我老豆返黎.....因為佢一向麻煩.....所以我熄機....繼續換埋幾條線佢.... 換左三條黑色~我仲諗換唔換埋個幾條Bass好....因為係金色~所以我都唔知換唔換好.....D線o既配搭係咁~我都無辦法~我彈彈下~Lawton打電話黎~本來佢打黎係我問我野~但佢未問野時....我已經問左先~嚇死我以為自己無Marking....所以想搵人係ICQ打俾我....不過傾緊o既時候~突然又俾我搵到......真係好彩啦今日又有Hocc簽名會.....今次我無去~不過麒麟同煎pan人有去~仲簽到相添~佢地話今次好少人.....簽好多野都得.....又可以影相.....有點後悔唔去添~_~反正係屋企都唔知做緊乜.....佢地好似係簽名時,話寫賤人(寫賤人做乜??).....二五記得有個賤人喎~上次黎過..ccc 之後成家人出去食飯~雖然係母親節~不過我都無同佢地一齊食......因為尋晚食左丫嘛....哈.....我係屋企~繼續彈結他~新線真係好煩~成日會走音.......差唔多我每彈一首歌就要Tune一次.....又正如以往一樣.....我又彈彈下訓著~個時九點幾~但差唔多訓著時我聽到一D唔尋常o既聲....我即刻彈起~不過唔知道係乜~結果我訓唔夠十分鐘~又醒左起身繼續做我自己野~ 因為好多功課.....又要背Marking~唉~杜SIR俾我o既Foxpro又有病毒~我都唔知點裝Foxpro做功課好~最後唯有去Clive Lo o既FTP度......Download佢個中文版o既Foxpro....做住功課先.......唉~聽日仲有英文Test呀~救命.....我D Stat又未做........ 唉~我老豆好煩~我跌左CD~跟住同佢o既對話如下:佢話「細聲D啦」 我答「跌野有分大細聲架咩」.....隨之而來~又係佢個D不知所謂o既態度.....「小心D唔得呀?唔駛訓覺呀」~仆街啦佢~自己開Q住個電視.....隔一陣又起身煮野食....訓覺喎~屌.......！因為我費事同佢嘈~所以我收聲算了.....好憎佢個D自以為老豆大曬o既格.....好憎佢以為有傷就含家要就佢..... 聽日佢地話去踩冰??咪預我啦~我仲要返學~去左會無左半日.....反正我對踩冰無興趣....仲要去太古咁遠~_~ 大佬~我唔駛做功課咩.... 天空之城~集合幾份譜黎彈~D人都亂篇~所以要每邊抽少少彈~~哈哈~彈到就爽嚕~~因為天空之城真係幾正下~~~