2003 年 9 月 23 日 星期二 【晴】

今日無乜野玩~最好玩~就係幫Samson補返起壇...919俾佢好彩走得甩~今次終於補返Lu...ccc
朝早食早餐見到Ms Wong,不過無理佢~打電話俾Peter同大江..2個都無人聽~好彩大江有返黎...唔該佢幫我買支水...然後返到上去...大江仲早過我返到上去...好彩記得要排隊...好快手趕晒D人出去~成班都趕得切落去~唔駛俾人罰企o係度...聽完李Sir講AL點計分...都唔係好明~Maths & Stat~一開始就見關Sir寫左一大堆野o係黑板...明D唔明D...是但Lu...然後係中文堂~都係聽書~不過好好玩~但個課文就悶左D...仲係講藝術~Recess就成班痴線o係度玩魔術...2個所謂o既魔術都坤到周天祐~好好笑~ccc...Eng 又做Listening...妖~又係o個D好屎忽o既聲線...搞到完全唔知Up乜...我側邊o個件都係聽唔到D乜...平時我都係睇佢丫嘛~今日就無乜野抄到...然後Bio堂...講書...簡Sir見到天祐...就話佢硬唔起...哈哈..Clive Lo 又想訓覺~梗係唔得啦~係咁搞佢~不過搞搞下我變左聽書~好彩知道個圖講乜野...Lunch見到Ms Fan~教徒話要多謝Ms Fan幫佢補中文~所以同D同學約左佢聽日請佢食飯喎~即係聽日唔駛等教徒啦~跟住去左【五十嵐】...我地時運低...見到Trunks有D野~cccc 平時都唔係好鐘意【五十嵐】...不過今次又唔同講法~因為今次佢計錯錢~計少左一個人...哈哈~~令我改觀添...食緊野大江同教徒就玩小強~_~發瘟...我o個時仲食緊飯...然後Reading就睇U o既最新入學成績...低能~Global o既Median 係3個AL A...2科Language A & B...痴線~~人黎架????仲有Law呀,Administration呀~Management呀....精算應該唔係正常人讀o既...我諗我正常少少~所以都係讀D弱雞D o既科會比較好...見到Bio Median都唔算太高~就問簡Sir佢o個時有無讀到嘔...佢答係...讀到嘔...不過之後佢話佢講緊AL...話上到去除左尾2個月~係得閒都嘔~_~妖.....跟住就去左Bio Lab畫畫...本來要畫Sperm..但我畫左個植物先~用左2堂~終於都畫好(其實大部份都係抄張圖...cc)...然後差唔多放學...本來想同Samson玩握手...不過行埋去o既時候~我個時繼續哼歌仔~唔記得左要正經返少少...結果Samson就發現左啦...有晒戒備~整唔到佢~_~ 但係~~落堂前都係俾我同梁偉握左一次手...呵呵~~然後落課室~簡sir都知道起壇~拿拿臨走先~Samson就真係俾我地起壇啦...我乜都無做過架@@ 我只係負責~解開D佢衫鈕..3粒乍....cccc Samson...上路啦~_~" 唉~~~結果除埋皮帶我地就算數啦...放左佢~嘿~好玩~然後就吹下水~睇下人捉棋...睇下人點樣10步之內俾教徒捉死...ccc 然後就玩爛鬼魔術...哈哈..要手指向地+「嘩」...然後玩到咁上下~就同Samson,教徒去夾糖~跟住就返屋企...因為本身約左天祐去自修室~不過佢人就唔見左....結果我坐坐下~就眼訓去左訓覺....起身都6點幾~打俾佢~佢原來都訓左...結果就約左佢6點9-10 o係英皇門口等...我已經遲架啦~搭九先出門口~去到佢仲未到...然後我就去左佢樓下...企o係度on99....企到7點4...佢仲未得~_~你老闆丫...跟住佢都係叫我上左佢度先喎~唉~~上到去~佢仲搵緊佢本Physics...然後搞一輪~聽佢彈下鋼琴咁...就行去自修室啦...去到今日都無乜人~去溫英文咁大把...陳家和問我個樣點解咁殘~_~一向都殘架啦~第一識我呀?.....周天祐完全唔知做緊乜~又話自己屋企完全溫唔到~結果佢去到自修室~o係度畫個水樽...咪一樣無溫到....變左做研究一加一減你添.....10點就閃人~大家都返屋企...返到去就食左自己o既炒蛋+鮮奶一杯...好似好健康咁...然後就變左彈結他...做功課~打字.....我仲未溫SQL呀....聽日約左亞Jannifer食早餐添~ccc

唔可以俾Clive Lo訓覺架...佢訓親~都俾人係咁搞~我地幾個次次都圍佢~ccc 同佢決定左一齊去補Maths&Stat...不過好似又係星期六~_~ 唉~~我個星期六以後無Lu...佢好差...出席喪禮竟然帶SQL notes去溫~正一PK....Samson話對我今日哼o既歌仔有陰影喎~我係哼緊~有隻雀仔跌落水..ccc 聽日如果真係去~就要早少少去自修室~死人周天祐又叫我聽日帶支他返去~_~ 傻啦~又唔係夾~帶黎做乜....

唔駛見到Mok Sir o既日子真係好...cc

>>September 24, 2003 at 2:16:49 AM GMT+8

2003 年 9 月 22 日 星期一 【晴】

今日星期一~我要試下早餐唔飲奶茶o既...想早D起身睇埋本書...結果唔駛睇啦...起唔到囉...仲有執呢樣執個樣...結果出門口都7點55左右啦...如果食完早餐就會好趕...見今日要收功課~就索性唔食返學校算數...大江今日又無返~_~結果搞到我要做好多野....正想交功課落去~Mok Sir就叫我放o係出面先~我以為佢會叫我聽完早會落去交...點知早會完佢就即刻講書...D功課就放晒o係課室出面....然後上堂今日就係咁問我問題...做風帆丫嘛~依家記得啦..然後又同我講「你應該有問題要問架啦喎」....大佬~我鬼知佢想我問乜野咩....佢咁樣問左我兩次...我兩次都俾佢吹漲...結果佢都係話「唉~怕左你地啦」...然後自己講返佢想講乜...唉~咁樣駛鬼問我咩...我唔係無聽書...不過我鬼知佢想我問乜咩...或者下次佢咁樣講~我會試下問白痴問題...例如「你依家教緊乜」「你食左飯未」個D...海先生都俾人問到口啞啞...ccc 然後Recess就大單野啦...MokSir俾左份野我~係紀錄個週會o既野....叫我搵人寫...最後我都係搵喨一齊諗下~最後都係每人做一次~剩落黎o既2個Cycle~就是但寫....大江寫左3次~佢要走丫嘛^o^...Bio堂唔知做乜...唔記得~Maths仲衰...教新野..唔多識佢做緊乜...算數~Lunch就7條友一齊Lunch...多飯少冰~ccc 食完走人~趁佢地5個掛住睇野~我同教徒就閃左去...然後就將份週會紀錄求其交落去..先知道要寫名~_~唔係齋寫Number...結果又要麻煩喨啦...唔該嚕~大江呢個時候就返黎啦...然後就中文...測驗喎...15分鐘要做16題...仲要畫畫~佢話咁先分到高下喎....天祐又無帶書...結果LoHo就借本書俾佢~自己唔用書黎測~我本來想拿拿臨做完~俾佢睇架~不過我都做唔切...我已經同Clive Lo合作架啦~但係邊夠快丫...最後30秒用畢生功力~畫一幅山水畫~有山有水有最重要o既人~有雀仔添...ccc 然後就教書...我地都吹水~無乜理....最後Eng..痴線~_~ 要去上Wallace堂....上左成堂都唔知要做乜....好彩有喨旁住我...cccc 然後就放學~放學真麻煩...開左電腦又唔係用....又唔熄返佢~結果要我熄....大佬~家下又唔係我要用~唔係我要開~不過如果俾人發現就我咩鑊....妖~下次唔俾鎖匙~係咁多....然後同教徒,Lawton一齊走...教徒星期三又唔得~暫定左星期四夾歌~我然後就返屋企...溫下Vocab咁...然後等天祐同佢一齊去~約左亞培8:00...覺得眼訓就訓著...7:45先起身~拿拿臨換衫,打劫我亞媽~就趕出去...唔好意思~又遲...去到有亞培,人仁,Ca,菲...然後就食飯...亞秋問~點解唔同o個3個一齊一枱食...然後食完就上去搵天祐~亞培4個就走先...同佢講左星期四夾歌~佢都話好~呵呵呵~~到10點就閃~講講下就講到一加一減你~佢好鐘意喎~ccc 話一定要夾~呵呵~然後我返到屋企~佢話打黎話係G Key添~然後就打電話啦...嗯~有人走火入魔....幾恐怖下....或者我又即將多一個擬親屬關係.....然後就ICQ...打字...

功課又未做~Sec C不過好似話唔駛做....然後又未溫SQL....唉~Clive Lo叫我補Maths & Stat喎~佢話4xx左右喎~原來真係英語天地貴..850先4堂...不過!!! 係星期六9:00...朝早...大佬...想我死咩....今日又遲到~我發現我真係好無時間觀念...不過算啦~特點特點~哈哈~夾歌我有叫埋亞郭丫~小提琴+鋼琴+結他...仲有無其他樂器想加入一齊玩...哈哈...亞妹話我唔同喎~有乜唔同丫~咪又係咁樣...無平時玩得咁放~_~"???? 都差唔多啦.....

嗯~個電話好恐怖....直頭俾我一種平時唔會有o既感覺~差好遠~太遠.....唔正常...走火入魔....

>>September 23, 2003 at 3:14:17 AM GMT+8

2003 年 9 月 21 日 星期日 【晴】

今日十二到就起左身...起身之後都係寫返D日記~去UST都好多野寫下..睇左方世玉－＿－ 已經睇左N次啦...然後今日就開返個ICQ...一切都開始好似以前咁...不過仍然有過度期...開左個ICQ之後~就有同人ICQ啦...都係講下D入U o既野..傾傾下因為睇本書~所以知道HKU同Poly幾時開放日..差唔多8點就熄電腦...然後就玩結他...又黎係咁....一彈就眼訓...結果訓著左係梳化度...訓訓下亞媽又打黎~_~" 問我食乜野~我都唔知自己答左D乜...佢地訓黎我就入房繼續訓...佢地買左部辭典機...同埋鬚刨....夜晚就睇書...不過都係睇左少少~我先睇到129頁~睇唔晒就算數..聽日當Practical Skills咁做...即睇即做~反正佢都話係出返書裡面o既野...我有補開Eng Sec E..應該得卦~哈哈~~然後就沖涼做功課~好在得一樣功課~News Cut...然後做完就寫日記囉~仲見到棋魔添~屋企無啦啦又有人睇鐘無豔......

Clive Lo贏左110蚊喎~_~ 又係負碌o既...聽日去唔去自修室仍然係未知....睇情況啦...不過我諗要開始讀書~但係首先要編排好D時間~要返屋企唔好訓覺~夜晚就要早D訓~去自修室食飯唔可以咁耐~仲有去到自修室唔好成日同人吹水仲好...今日都無乜野特別啦...另外有時間就要快D聽Shampoo+不眠皇后~2個都係有左個開頭~不過無時間聽落去....唉~~~~
亞妹小心身體啦~_~ 唔好起身空肚飲奶啦.....cccc

嗯~有樣野越黎越似...可能真係...但我又唔係100%肯定~

>>September 22, 2003 at 2:01:03 AM GMT+8

2003 年 9 月 20 日 星期六 【晴】

UST....今日係UST開放日...唔知點解我起到身...可能之前一日太早訓...一返屋企就訓著...不過起身都成8點幾...記得喨,Peter話會去睇~我就拿拿臨打俾Ronald啦...打俾佢已經o係灣仔地鐵站...晨咁早就出發左~Ronald話叫我去北角等...因為佢地搵振宇先...咁我就拿拿臨沖涼...好快架啦~_~" 沖完涼就見到手提震緊~Ronald打黎問我係邊....我先o岩o岩沖完涼...所以都係叫佢地去左先...結果我就自己一個人~盲中中咁去搭地鐵啦...第一次搭去坑口..因為唔知訂~所以打俾喨~.然後就去搭11M綠色Van仔...架Van仔好多人~好明顯架車上面D人都係去UST o既...落車搵左喨~拎左個袋之後~就同喨,Peter,振宇,海少,炳煌去睇野啦...一行到去見到Live Band...不過無睇就行左上去...勁多人...一路上好多唔同o既學系...我都唔係好記得睇過乜野...就去左聽Bio Talk...條龍好長....一入去就見到個PowerPoint就知大鑊~cccc 係講中藥o既...首先就介紹下「黃耆」....又乜乜蒙古黃耆~又膜莢黃耆...炳煌睇到超悶..海少變左睇自己書..佢講完黃耆...就講當歸~即刻起哄...有人仲聽到走左去...哈哈...個Lecturer講D野~令我好想笑...「廿四味真係有廿四味架！」「中國o既當歸.....好野！！」「野生呢個字....好High」....呢D...ccc ....然後本來想坐低繼續睇Chem..不過唔俾~要排過隊~喨同振宇走先去睇戲...見到財務部~我就諗起收數~同Peter講~點知條友痴線－＿－真係拉左我去一齊問....起初佢好正經咁問係讀乜野...然後佢話諗到同收數有關~問人地有無關係~_~ 吹漲~我估唔到佢真係咁樣問....哈哈~笑死我~跟住就睇左下Computer Science呀...Computer Engineering....呢D全部我都唔駛讀~要Pure或者Physics~我2樣都無~然後好似去食野...個時得返我地4個~買野食都要猜邊個去~哈哈~結果炳煌同海少就去左買野食~不過好快炳煌就返黎話走先肚痛...咁我再同Peter猜...今次有撻朵~中國香港代表隊~結果贏晒...Peter結果幫我買^o^ 然後Lawton,亞郭同樂豐都到左...跟住Lawton見到個FD...叫頭"虧"...今次Peter叫我同佢講叫"虧"甲.....
「咦～你個FD呀？」
「係呀～」
「頭"虧"呀呵？我叫"虧"甲」
就係咁啦...哈哈~~一人一次啦~Peter....然後我都唔記得過D乜~睇過Chem Engineering o既Counter...我地就問下係讀乜野...然後無啦啦Lawton就問「咁同Chem有乜關係？」..我地個個都呆左..哈哈然後去睇過ChemicalEngineering o既Talk...我地一排隊...突然就好多人出現排啦...ccc 有人話~「長到好似排皇馬咁」....個Lecturer又係好野...唔鹹唔淡廣東話+國語+English...聽到好悶...講到Chem Eng好似都係大量製造咁...聽完就去左Chem個Counter~好似呢個比較容易入...一個Chem C就得...其他只要合格~2個C就入硬喎~~o個時隊Live Band好Q嘈...唱Metallica...搞到都唔係好聽到佢講乜...然後就去左聽Biochem個Talk~6個人得4張飛...唉~結果~海少唔睇讓左俾我~Lawton就陪佢~佢地去聽Computer Science個Talk...嗯~Biochem好似幾好...計2AL+2AS....我有著數...呵呵~然後睇完都散水...走之前見到個日規~好大舊....搭架Van仔走~去返坑口...亞郭就走先~我地就食野...將軍澳商場原來唔係將軍澳~_~ 仲要俾人話太古廣場夠唔係o係太古－＿－....然後食左碗粥~最爽係食糖水~~食左豆腐花同腐竹雞蛋...成肚都係水....豆腐花+黃糖真係好好食...哈哈~然後就地鐵走人返屋企...坐左陣~開左個ICQ....又出去補習...約喨7點...我又遲~_~ 唉~~~~今日頭半粒鐘又有釣魚...然後都醒返...呢個大雪櫃依然係好凍~今日記得著褸...臨走仲要我地交一個Task先走得~_~ 唉~亂做算數~~然後就散水~今日好彩無人黎接我放學...我行左去百佳想夾糖~不過收左~所以就求其買左M&M...然後就返屋企...又係訓覺先...3點幾4點先起身....沖涼....打字....訓覺.......

我發現...下次同人猜一定撻左朵先~我唔要好似猜飯咁~一次猜到得我一個輸...個次輸得太慘烈...今日UST~同Peter好多時都諗埋D痴線野....管理學<=我老豆係...cccc 經濟<= 拖冧佢...Computer Science<=同Gameboy Advance有乜關係...A/C<=俾人追數.....ccc ..有同我地去一定知講乜~呵?Peter...其實呢日~本來我預計Ronald會打俾我..佢覺得我要休息黎唔到~不過好彩都識醒~Mok Sir欽點丫嘛~佢問起我~我就真係唔知點算啦...陳錦鴻同Clive Lo都有去~不過都係電聯...只唔到陳錦鴻~只係見到CliveLo...佢話唔讀Science喎~中途仲收到陳家和電話~_~我唔知佢想串我定係乜野啦...唉~唔知啦...李樂豐唔知去左邊~我地無等佢就走啦....仲有喨~真係唔好意思~次次我都遲~cccc 去UST係咁~補習又係咁~@@...嗯~Lawton佢..在線架－＿－....哈哈~仲有o個個派紀念品o既工作人員「咦～有紀念品呀？」「係呀係呀係呀」~ccc ....最後係...我無去...睇個Band房呀....唉~

呢2晚訓覺好唔舒服~打直訓舊骨會好痛..有時坐完起身都有D痛....

我期待...一個不會問原因的人...

>>September 21, 2003 at 10:09:05 PM GMT+8

2003 年 9 月 19 日 星期五 【晴】

今日好多好笑野....ccc
今朝無食早餐就返左學校...所以多左時間做野...返到去無耐...班人就痴線~_~" 亞So同Jan係度放飛機...亞Jan好野丫...成架機飛左上天花板插住...本來佢想拎返落黎~怕俾Mok Sir插...不過最後都係由得佢..Maths又係帶埋D PE衫落去...關Sir又話我地嘈啦...

上完Stat就去更衣室換衫~唔知邊個話見到有雪糕筒...即係要跑9分鐘...~_~" 跟住Phy班o既同學落到黎~佢地話亞Sir真係要跑...話上星期已經講左跑9分鐘~鬼有咩~_~ 結果換完衫~係唔駛跑o既...ccc 跑圈o個時本來想唱生日歌~不過無人帶頭...仲變左尖叫~俾亞Sir叫停...然後又要再跑過...一開始壽星仔就猜贏左~有得踢...不過我猜輸~要打龍.....波都未開~就俾亞Sir捉左去做引體上升...我之前幾日自己做過下體能...隻手無力+有D肌肉痛...樹喜話要我做5下囉...我做左4下就放手...跟住...佢話下次要我再做過~_~" 發瘟....下次咁咪又9分鐘跑又要做引體....然後踢波...壽星仔有波入~跟住就慘啦...轉身回傳o個下失重心...成個人撞埋牆度...我砍親個後腦...撞親D影像停左一停~跳左下咁款...即刻坐左o係地下...好似有好多人行埋黎~亞Sir都有行過黎...問我有無事~仲話如果覺得暈或者想嘔~就記得話佢知...仲叫我抖下...o個時個頭真係好痛...亞Sir仲叫張同學黎睇住我~呵呵...我坐左陣~見有波踢~又踢過...cccc...落堂自己摸下摸下...發現真係腫左一大舊..禁落去好痛..亞Sir又黎講同一樣o既對白...如果有暈想嘔唔舒服...就記得落校務處...話有機會腦震盪~_~ 咪兇我啦...

跟住我地繼續換衫..換換下天祐同Ronald同時打黎...問鎖匙係邊....匙今日係大江Keep...不過~大江o個時同我地一齊~係更衣室吹緊水...哈哈...同教徒行返上去~買左罐楊桃味Fanta...大家知道Samson生日...所以就吹蠟燭切蛋糕...不過係=>用畫o既..ccc...罐野未飲晒就上堂...Ms Fan一入黎...我地就唱生日歌...我睇住Ms Fan個樣勁無奈~佢都唔知我地究竟做緊乜....哈哈~今日ORAL...壽星仔Samson要講十八歲的我,亞so 講野...D手勢好好笑...然後就到Peter俾人叫出去...行出去o既時候~Peter仲o係度「叮、叮、叮．．」...Samson話預會俾我地起壇作法喎~佢唔講起我都唔記得~哈哈..簡Sir堂..又唱歌~同Ms Fan反應一樣唔知做乜~呆左好無奈咁企係度...然後倒瀉汽水...佢地班人仲話好香...楊桃丫嘛~

Lunch大江同教徒講到鬼咁恐怖...大江都有試過撞親個頭...仲住左一星期院...佢話o個時~一訓低就即刻嘔~食乜都嘔...跟住要做磁力共震..今次就真係有蛋糕啦~我地7個人夾左一件Tiramisu...佢地6個俾晒D散銀我...想玩我~_~ 不過我同個Sales講叫佢換張10蚊紙俾我...然後就真係笑死我...笑到塊面梗左...搭 車立 o個時好多人...大江無啦啦話「廿二樓丫唔該」...跟住真係有人幫佢禁~_~" 仲有~有一個我地學校o既o靚仔同我地同 車立....一到十七樓佢行得勁快....玩夾靚仔~大江同Clive lo特登行到條友前面...輪流係佢面前綁鞋帶...仲要伸到隻腳勁出...笑死我~然後行樓梯...Clive Lo又o係人地面前阻住晒...哈哈~去到4樓咁上下...我地成班人突然一齊綁鞋帶~塞住成條樓梯...哈哈..後面D人都要企係度...再行上少少~因為見到有人企係樓梯...我地5個搭膊頭咁行...基本上條樓梯打橫頂盡都係4個人...5個人將所以人掃晒上去....哈哈...仲有個細路俾我地包住..佢即刻走...哈哈...舊蛋糕拎到上去...就俾Samson啦...Samson食蛋糕有戒備...驚我地將舊蛋糕整落佢塊面...佢拉到勁遠~_~"...我同Clive Lo笑2笑~佢就另個頭個黎望住我地唔敢食~ccc..又食到勁慢...想拖到打鐘唔俾起壇...我同Clive Lo本來已經就晒位....準備好靈丸丫嘛~ccc 問定Samson想唔爆石幾多日...不過結果都係朱Sir黎到~_~ 唉~~見無得起壇....就屈佢Lunch 1:00後o係課室食野...ccc 蛋糕係我地買~又係我地叫佢即刻食~不過又係我地屈佢...哈哈

Reading時~周天祐又黎收錢~不過有錢無貨~_~...下次唔該~有錢有貨...然後係咁輕聲叫「許文耀....Chris」...亂叫人地個名...ccc CA都係咁上下....臨走佢終於話我地落黎落得遲...Chem堂無啦啦問我明唔明講乜~又俾人老點去拎簿....嗯~落到去本黎要我一個人拎上去...不過佢見我一個人~就放左o係佢個位度先...都好~唔駛我搬上七樓....然後就行上去執野走...見到佢地捉緊棋....然後蔡Sir入黎...話我隻眼無神...我諗撞親個腦隻眼睇唔出卦...然後就同Lawton走...

2003 年 9 月 18 日 星期四 【晴】

嗯~夜晚睇波唔夠半場已經去左訓覺...今朝起身正常...早餐正常...返到學校都好正常..都係做班長o既野...第一堂就Chem堂都正常~只係俾Mok Sir欽點叫我去UST Open Day...我都無所謂...只不過西貢就....~_~" 唉~當去西貢半日遊~當去玩算啦..中文堂就做閱讀理解...究竟乜野叫「生力麵英雄」...生力好似係出啤酒架喎...至少要做到2篇...邊有咁快呀...好趕咁先至緊緊做到2篇...MsFan話個測驗都係出返書裡面o個D...唔會出書以外o既野(佢話o既...)..咁其實係唔係可以=唔駛睇呢...反正都係Open Book...即場睇即場做都得...睇唔晒就算數...Eng又繼續對Listening Answer...嘿嘿~又一次睇到我D不知所謂o既Answer...o個條o既Answer係一句Sentence黎o既...個部門名應該係CPB...我就寫左RBC..我都唔知點解咁寫~_~可能上得Bio堂多~Red Blood Cell簡寫RBC...然後有4-5個Answer都係我o岩而Clive Lo錯...但係我地個Answer一樣喎~ccc 大細超~呵呵~個字Civic..喨同Clive Lo都係寫Civil...所以錯...我都係寫Civil...不過我o岩....有條Answer係「a display of security equipment」..我同Clive Lo都係寫「Security equipment」...佢錯....But我o岩....有D仲低能...我都唔明我點解可以寫Protect the property FOR gangs.個正確Answer係Protect the property AGAINST gangs...我個答案個Meaning差成丈遠....哈哈...跟住就要人做Sec E...仆街~都無教過點做~就叫人做...你估真係齋塞俾我地就得呀...仲要Lunch 1:15交...咁即係叫人Lunch做啦..我睬佢都傻...份野o既內容o係Lunch前同Lunch後完全一樣...無做過~然後CA堂..講返D SQL...亞Sir好似唔多在行..~_~" 差唔多大部份時間都係自己做Exercise...Vlookup...我中四五其實學過~不過已經唔知做緊乜...放學走人...張Sir就走先~得返我同陳錦鴻~佢臨走前叫人熄冷氣...頂佢丫...邊個制係冷氣呀...又唔知鎖唔鎖門...亞Sir又走左去喎...發瘟～～結果我同陳錦鴻係~將所有野熄晒..然後唔理Lu...行上2樓...見到Ms Fan~我好大聲咁叫佢...然後佢呆左咁望住我..跟住我話無野...佢就笑笑口咁走...覺得佢好好笑...cccc 放學見Phy班就Quiz緊..都話咪作無謂o既掙扎啦...ccc 然後就睇左陣六樓后座...放學同其餘6個同學大聲同MsFan講完BYEBYE之後..就去左夾糖...死人周天祐~我夾完俾埋錢食緊~佢都仲未得...搞完一輪~終於都走得~返屋企想訓覺...獅子打黎話上黎~然後佢Copy完個Save+坐左陣~就走左~我就去訓覺...8點幾起身...就睇電視~睇英文...11點幾就打左俾陳錦鴻一齊睇馬爾代夫...好靚丫....我鐘意D水上o個D屋...一落樓梯就係個海...諗起都覺得好正...不過...打風就仆街啦...然後就沖涼...打字...好似未做功課....

放學本來諗住同大江一齊夾o靚仔架嘛~_~不過見唔到有...無得玩添...唉~~亞So自從睇完一日VCD之後~_~今日帶左勁多返黎...成個袋都係..傻架~我同Peter都仲有講娛樂之王...上次講起大江話好悶~原來佢吹水o既~佢話都唔知邊套...嘿~喨都俾我地講到有D想睇~cccc 有Jupas本野啦..我諗我都應該睇下本野好D..如果唔係~去到UST真係唔知做乜...聽日放學又要補習...第一次上Extra Lesson...然後仲約左睇戲~cccc 最勤力都係海少...每晚睇~都可以睇到佢D日記~大家都有寫學校野~ccc 有D我自己都唔知道/唔記得~睇下佢o個D先有印象...

今日終於清潔左我書枱個風扇...唔知搞乜前幾日好污糟...
今日大部份時間都講呢2句對白...哈哈～
「啞七，好嘈。」「喂～～～～～Bu你阿麼～～～」
「喂～～～～～～～～許文耀基架！」

>>September 19, 2003 at 2:14:38 AM GMT+8

2003 年 9 月 17 日 星期三 【晴】

起身又遲...7:25...大家樂糯米雞早餐一個...我懷疑緊..朝早係唔係唔應該飲凍奶茶...Bio睇大江都唔知幾悠閒..發瘟丫...Maths堂..Trunks又唱Purple姐姐o既歌..結果..俾關Sir聽到...仲話「唔好唱歌呀」...笑到一個兩個死...終於開一課新書啦....WA堂Mok Sir就派Notes..不過D Notes印得唔係咁好~所以好多都係~印到D印唔到D咁...Mok Sir就搵笨想叫我抄返晒同學無o既Equation出黎...++埋埋都有20條以上...我想叫大江幫手抄...仲話「一個班長抄就夠啦」...不過好彩佢都有返D人性...派份Answer俾我地抄個Question...我先至唔駛出黎抄...o係份Notes上面..仲有一個Mok Sir Logo...發瘟~下次就剪落黎~貼o係枱面...效果同貼Fucker一樣...警惕自己丫嘛...佢話自己畫架喎~_~" 原來佢都有D自知之明...知道自己舉起手指...木起個咀o既樣...畫得幾好丫~我俾個A你啦...UE堂就播返D Listening我地聽...我同Clive Lo睇到我自己份答案...發現自己D答案~痴線o既~_~ 自己睇返都覺得弱智...cccc 就算無聽無做過~都知道個答案無可能...然後就Chem Lab啦..第一次同Raymond合作...幾好玩丫...做完個Lab D Fumaric Acid幾靚喎~可以用黎做耶絲包...最痴線係個Conclusion...我都唔知點寫~求其寫「Fumaric acid is formed from maleic acid successfully」...一句無啦...亞叉知點寫咩...放學仲過癮~七樓無王管...o係課室開新紮師妹2睇...變左戲院咁款...十幾個係度一齊睇~哈哈~聽日仲諗住帶多幾隻VCD返去睇...睇左Side A~打鐘就走人~去飲杯涼茶就返屋企訓啦...訓到八點就起身...然後就睇英雄‧刀‧少年...再睇下本中國古代趣談...然後食住飯黎睇俗世情真...做完就睇英文...然後就沖涼...打字~睇波啦....國米 對 亞仙奴...

同Peter上上下堂~無啦啦講娛樂之王D對白...哈哈~笑到我碌地...吳振宇好好笑~~炮哥丫嘛~返屋企唔知搞乜~一無功課做~就o係屋企呆下呆下...乜都無做過...我預定要做o既野~都係無郁過...想睇下英文就變左睇電視~想睇本古代趣談就變左睇壹周刊,便利...唉~_~" SPEED出左CD啦...重組之後第一隻CD~~得閒要快D去買先...多謝陳錦鴻本書~我會買返本俾你~不過一定唔包書...你要我包都得...睇下會出D乜野樣囉...ccc 同教徒夾糖...都發現蛋糖好食...嗯~隻耳仔流血添....

今朝有食早餐...不過到英文堂o既時候我就已經餓到個肚附近一帶有D熱..而又鏢冷汗...隻手就有D震...可能因為...尋晚我唔記得左食飯...食左早餐都係唔夠...唔知搞乜~尋晚淨係食得少少雪芳蛋糕...@_@

星期六UST開放日~有無人去睇~有o既單聲啦...不過好似話西貢...點去~_~" 搭車來回都好似要粒半至兩粒鐘...如果係o既話~我個星期六就無啦..朝早去UST~夜晚又要補習...痴線架~_~ 而星期一又要測SQL,又要測中文...我頂丫...無左個星期六點做到咁多野~
給我..時間吧...

>>September 18, 2003 at 2:36:49 AM GMT+8

2003 年 9 月 16 日 星期二 【晴】

我每日起身其實都差唔多...想起身做野~但係朝朝都起唔到~就係咁啦~今朝想起身溫書...都係起唔到~又落雨~雖然有帶遮~不過都費事喇...懶得開~CA堂一樣咁無聊..所以帶左Chem落去溫~不過都係溫唔到...成堂都係做Exercise..即將會教Vlookup喇...Tony就係咁玩「立即訊息」...我都唔知係乜~只知係用黎傾計o既...Ethics派野都派左半堂...都係關於大學o既野...我仲係未知有乜科揀呀大佬...中文堂繼續吹水~講中國藝術喎...我都無乜藝術細胞~所以完全唔知講緊乜...叫人出黎黑板畫畫就好好笑~Ms要我地跟首詩畫~亞Jan你究竟畫緊乜~_~"! Clive Lo同肥成2個自己畫左一幅...然後有人拎左上去俾MsFan...MsFan問「點解有兩個人o既？」...cccc 梗係啦...首詩頭2句係「獨坐幽篁裡，彈琴復長嘯」....自己諗下啦...之後就Chem堂喇...默書喎~估唔到係咁樣默..好彩我都無乜溫~同Clive Lo枱低搵Notes睇...ccc 然後今日教Aldehyde,Ketone....有講我最鐘意o既「Benzaldehyde」...我o係學校都成日講呢個字架喎~ccc
Lunch就最仆街...MokSir遲放...我地見到Peter,振宇,喨~一齊去左「五十嵐」...十幾人去到~梗係玩架啦...呵呵~係咁玩野~又飲杯又大聲吹水...我地Lunch係12:20-1:20~叫左野食...1:00都未到...最後炳煌一行入廚房...D野食就黎啦...(其實佢係去廁所...唔係入去開片..)..我地極Speed食晒D野...然後就趕上去~好彩無遲到~不過就好好玩~ccc 我真係想搵一次~一班人廿幾個一齊遲到...等當席o既...慢慢寫都好~Bio堂Clive Lo又訓覺...結果~係咁俾人搞...仲有~我同Clive Lo始終都係忍唔到....Eng又係對Answer...唔講啦...放學就6-7個人出天台睇波...睇Ms Lee唔知做乜~_~" 然後又見到對面有2個肥仔~同佢地揮手佢又應喎~ccc...然後就返屋企...訓覺啦...梁偉打黎之後就醒左...然後就做功課...打字咁啦...

我亞媽話三月又去泰國喎~今次佢地去布吉...又係問我去唔去...梗係唔去啦~三月我考Mock+差唔多考AL...竟然叫我去...不過就算我考晒試都好~我都一樣唔會去~雖然外國好似好多野玩..但係我都懶得出國喇...
=>「五十嵐」....基本上~我都唔係咁鐘意去...o個度D人都痴線o既~_~ 上幾次著住校服都話唔知我地係學生..次次都要我地講~我地係學生...先會有優惠...你老闆丫...仲要有歧視學生o既感覺..想落單...D人次次都話等等等等....然後D野食又勁遲...無必要我都唔想去...我去大家好無所謂啦..大江話我唔鐘意o係個度食~其實都唔緊要~

今日大江又黎"Liu"人個鼻...用支筆Liu黎Liu去...搞完一輪之後...先記得~支筆唔係佢o既...然後又俾佢搵到筷子...又搞天祐~上Bio又睇書...點可以俾佢咁放肆呀~ccc Clive Lo大聲叫佢唔好睇~搞到佢又要放返入櫃筒...我又發現把遮俾人係咁玩...識彈出再自動收返..有乜咁好玩~_~" 亞So係咁玩割手指...乒乓波囉....遲D Ethics Fucker有份教...唉~_~ 麻煩~唔想見到條蛋散添....

聽日帶棋返去玩,帶Lab Coat,帶定Excel書...今日終於做晒功課...呵呵~皆因今日得Pre-Lab一樣功課咁大把....亞力借俾我o既野我都未俾返佢添~不過今日我就有用啦~
死~失憶症又黎...我o係學校做過乜~我開始唔記得喇......無聊又一天...

>>September 17, 2003 at 1:31:38 AM GMT+8

2003 年 9 月 15 日 星期一 【晴】

今朝自己起身...七點三起左身~食完野就返學~然後Stat堂關Sir又講~陰陽問題啦~唔知點解我覺得佢一講呢D就好興奮..上完Stat堂~Trunks今日好野丫..同Ms Fan一齊等入課室...佢唔知講起乜無啦啦話「你真係一個有效率o既老師」(我諗係追功課卦...我估乍) 跟住我望住Clive Lo...就係咁笑啦...Ms Fan都問佢講咩呀....然後上中文堂~Trunks一出聲就俾人玩野啦...佢野都未講~就已經俾D「係呀係呀係呀係呀係呀...」搞到收左皮...ccc...課書裡面講到【十面埋伏】隻歌(當然唔係Eason....)...Ms話想播俾我地聽....我地就叫周天祐表演.....MsFan仲話「我最多唔笑你啦」...不過佢自己係有笑o既－＿－本來諗住周天祐會唱Eason o個隻丫嘛....不過佢唔隻唱左乜野...結果就俾人剷啦...哈哈~Eng堂Ms Wong終於發惡啦...D人果然係靜左少少..不過超悶~齋對Answer...Lunch未行落去就勁大雨...行到落去就無雨....食左個大家樂海南雞飯~都唔錯~今日大家樂又係勁多人..一落雨就係咁...今日3堂Bio...為左避免悶到抽筋...有2堂都係同Clive Lo係咁玩....隊支筆埋人地個口...用筷子夾腸一次,夾胸二次...佢唔知拎住隻錶做乜~_~ 仲有玩手指..精彩o既對話...簡Sir：「要咁多RER黎托呀?」亞So好理直氣壯咁答：「係呀！」Trunks仲勁...「你老母」都出埋...咁大聲..亞Sir都聽到...放學大江就用支筷子係咁搞人..然後就一齊望住人+問候....Lawton,Jan中招~ccc 棋魔知道玩野又唔望上黎..然後我地3個就去挾靚仔..3條友圍住1個靚o係度傾計....ccc 返到屋企就訓...

又係訓到七點三到啦...手提電話響...Peter打黎叫我起身食飯~我起身洗面換衫~就去GameZone搵佢地...痴線~差D行左去188個邊...落到GameZone見到喨同Peter打緊Time Crisis 3...我就坐左o係後面睇...唔知做乜喨行開左...然後喨返黎玩無耐就BYEBYE喇..ccc Peter都唔知我o係佢後面..佢話只係知道有個人睇住佢打機...仲話好有壓迫感添~哈哈...然後3個無所謂人又企o係機鋪門口諗食乜野~落緊大雨架嘛~_~ 3個都唔知食乜~最後都係Peter話去沙爹王...成餐飯都係咁o係度笑...有Peter個酸辣去骨鳳爪=>精湛o既去骨技術~喨D欄路打劫~扮Samson~研究...英雄‧刀‧少年...似唔似 天使‧愛‧美莎......

食到咁上下就閃...喨就返屋企...我同Peter就行去188個邊...無啦啦話有個顛佬喎~_~" 然後就行左去VCD鋪...睇完就去188買相...不過收左鋪...就o係188周圍兜...最後行過漫畫鋪~買左本綺流斗第二期...就同Peter分開啦...去左飲涼茶...然後就返屋企啦...返到去就彈結他...抄Chem Notes~打左俾教徒問Chem Notes D野...不過佢都話唔知~_~" 算數~亂抄....然後就睇英超精華...打字..夜晚仲有Hocc 【我找到了】MTV...梗係有睇啦~ccc

係喎~Peter好似要話睇新紮師妹2...得閒搵下先....另外呢~教徒無啦啦行埋黎...扒左一半係我張枱度...賣廣告~_~ 叫我一定要睇向左走向右走....哈哈~佢係好突然咁行埋黎講~今云真係新片推介呀....仲有...我都唔知介紹狀都唔知有乜問題~_~...我個時唔想打英文丫嘛...

今日發火....袋裘又搞我筆袋..我一下中落佢隻手度...上星期已經叫佢咪搞~發瘟~今日又黎搞搞震丫拿....我個筆袋D筆一倒晒出黎就好麻煩...要好有技巧咁塞先塞到入去...所以~唔該~咪再搞我筆袋....
仲有係~放學返屋企途中~有D幾有趣o既野發生...我同大江&Clive Lo分開之後~就自己一個行返屋企~行行拎個手提出黎...然後再行多幾步~就有把聲話「跌左錢呀」...我回頭望下...係我間小學o既一個妹妹仔~_~" 原來係我跌o既....丫~真得意~又幾好人喎~
堅忍,斷念

>>September 16, 2003 at 3:32:43 AM GMT+8

2003 年 9 月 14 日 星期日 【晴】

今朝起身之前~發左個夢~內容唔記得~我淨係記得見到羅蘭...可能真係因為睇左客似魂來...羅蘭~畢氏龍娣...夢中佢係有講過野...但已經唔記得講過乜...算數....起身就無野做...睇左李健和...然後睇足球小將...又係痴線...比爾(個足球員名)射十二碼~助跑可以跑左7-8秒...大佬~家下由中圈助跑去射12碼咩??仲有D波拉西拉到超勁...一個二個凌空可以做好多動作~睇黎佢地個個都可以跳到7-8尺咁高...勁柔軟...我又做左樣平時唔會做o既野....我自己煎野食...屋企無野好整...手痕就搵野煎...午餐肉+獅子狗...發瘟...落左好多油黎煎..唔~好似第一次自己煎野食...整到一鑊野咁...D獅子狗o係雪櫃拎出黎~煎完諗住有得食啦...點知...D獅子狗仲係唔熱o既...凍凍地咁..最後都係再煎過~_~" 成碗野就變左2條有60%黑黑地o既獅子狗+有D反光o既午餐肉...求其食就算數...不過都係搵人煮野我食好D...跟住想訓覺...所以就訓o係梳化彈結他...果然...即刻勁眼訓~訓醒起身就沖涼食飯..做左SQL功課~有一個真係唔知點做..乜野叫Upper Case同Lower Case...不過原來我地有Answer...同陳錦鴻求其做左就算...今晚無Hunter~我所以就無睇~所以就做功課~尋晚睇完客似魂來...今晚又黎..今次到我老豆睇....出面係咁落雨...風又好大...

今日無乜野做過...無意中...俾我搵到一封信...一封幾年前o既信...佢o既字體一樣咁核突...另外我又飲左杯涼茶...呢杯係尾個杯...苦架~不過值得~我會繼續去飲..夜晚就睇左Peter個相簿~有D相好好笑...哈哈~唔知係度做緊乜~~另外~我家姐又話幫我搞個牌..個生力無間道2個牌丫....結果都係無....算數....最後今日又係無抄過Chem...又未做英文~仲有係 HI人呢個動作真係好難做啦...唔HI人都唔好剷我啦~_~" 我平時都無咁樣做...除非有特別野要問人啦...

拎返隻CD出黎聽...我聽下好耐無聽o既【無賴】...依然好聽...我仲想聽「不眠皇后」添...我仍然係鐘意亞詩...唔係Stephy....不過就鐘意~不是校花...
若我與她去相比　於愛情分過生死　如你做拳証　那賽果一早都看清....
懲罰出現...斷念..2方面...自身+發展..全心投入...夠了...Keep Silence...

>>September 15, 2003 at 2:38:56 AM GMT+8