2003 年 1 月 1 日 星期三 【晴】

>>>今日九點就俾細佬嘈醒左 lu ~ 哼 ! 打死我都唔起身丫 ~ 尋晚咁累又咁夜訓........我先唔起身丫 ! 我又唔使番學 ! 雖然有好多功課做，不過唔理喇 ~ 抖多陣先喇 ! 不過最頂癮既係我一俾人嘈醒左，就訓唔番.......終於迷迷糊糊咁訓到十二點.....丫明打黎........即刻成個人彈左起身去聽電話.........好開心丫 ! 佢肯打黎 ! 傾左陣，佢聽到我把聲好難聲,.....就問我係唔係arm arm 起身......其實我係未起身囉.......^^ 佢唔想阻住我訓，就收左線 lu ~ 好唔捨得丫 ! 不過佢都收左線 lu ! ~
>>>成身痛到落床都有困難........可能係跳舞的時候拉親 d 筋喇 ~ 不過為左音樂劇.....付出少少，又算得係 d 咩丫 ! 好多功課要做丫 ~ 不過我都係諗住用筆同紙寫低我的演出感想先 ! 因為我覺得第時睇番會好有意思 !
>>>死喇 ~ 要填詞丫 ! 呢樣功課認真難做......我又冇天份啵.......好累丫 ! 又要去學琴.......死喇......呢排都冇練過......實俾先生鬧死死喇 ! 唯有靠天份喇 ~ 打天才波......勁驚.....好采先生都知道我好忙.....今日真係生疏左好多丫 ~ 不過都 ok 咁喇 ! 番到屋企之後，就食左 d 野......跟住就開電腦寫日記........同埋睇下有 d 咩人留言.....嘩嘩嘩 ! icq 勁多massage 囉 ~ 好野丫 ! ar 明同埋ar chris 都有黎留言丫......仲有小寶 tim ! 認真開心丫 ~ 每個留言都係咁有意思 !
>>>食完晚飯，入到房睇下陪手提，先知道丫明打過黎，又腥左短訊俾我 ~ 勁開心丫 ! 未睇已經笑左出黎 ^^ 好開心，有人關心我 ~ 佢話有咩唔開心可以搵佢......我呢排都冇咩唔開心.......同埋我都唔會俾自己唔開心 ! 我依家明白到，有好多野都係在乎自己點睇嫁姐.......開心同唔開心其實可以自己揀 ! 我終於明白呢 d 說話的意思喇 ! (不過做唔做到就係另外一回事囉 >.< )
>>>跟住我就睇流星花園.......個四條友又係度扮型仔.....真係有點兒那個囉 ! 不過我真係好鬼死鐘意言承旭個身型丫 ~ 最得意既就係佢咁大個人，但係笑起黎好似細路仔咁.....好天真...而且佢仲有個酒渦添 ~ 真係殺死人丫 ^^ ( 不過迷唔到我啵 ~ 呵呵 ">.^ ) 仔仔都唔錯.......不過身型就差 d 喇 ! 其他果兩件就最恐怖.........不過........我都係睇劇情算吧喇 ! 杉菜仍舊係咁單純 ( 個樣 ) 佢睇落去真係好天真幼稚丫 !
>>>十一點幾的時候，我又開始埋同苦幹咁寫日記，丫明打黎........我即刻行開左去聽喇 ( 入左房 ) 佢原來armarm 先做原好緊要的野........真係辛苦喇 ! 咁夜先至一個人搭地鐵番屋企........希望佢既理想能夠達成 ! 有朝一日可能出人頭地.........我相信佢只要肯努力，冇野係做唔到嫁 ! 佢依家已經識得諗........只差在可唔可以堅持佢既理想....唔會因辛苦又或者有其他玩樂的引誘而分左心 ! 希望佢會努力喇 ! 我都會努力嫁 ! 將來一定要做一個好醫生.........唔係講笑嫁 ! 我一定要做到.........無論幾辛苦，我都唔會放棄，正如音樂劇一樣.......辛苦之後一定會有好成果 !
>>>斧明番到屋企，見到我仲上緊網，就叫我去訓。不過我成身都好痛，雖然我好累，但係我都唔想上床住........不過我知道唔訓覺對身體唔好......同埋佢都勸我早 d 訓........咁我就乖乖地咁熄左部腦上床訓覺豬 lu ^^

>>January 3, 2003 at 5:29:32 AM GMT+8

2002 年 12 月 31 日 星期二 【晴】

===今日係最後一日的演出喇 ~* 好唔捨得......不過我不斷咁同自己講，唔好咁樣諗.......要正面 d ! 一起身，就發覺隻腳好痛， d 筋又好緊........好辛苦，不過最後一日，就算死都要撐落去 ! 我要做好每一場.....每一場都好俾心機......每一場都擺足 power 落去跳舞做戲......要感動觀眾 ! !
===因為第二場係三點就要開始，丫 sir 就話要十一點番到去集合。。。不過 d 人好多都十二點先番黎.....真係冇責任感丫 ! 哼 ~ ! 不過算喇 ~ 我十點幾就到.......我準備好 d 化妝品，同埋 set 同用的夾........跟住就求求其其咁食左幾啖飯....就仆左去化妝。。。今次死都搽多 d cream ~ 上之 d 化妝品搞到我塊面面勁痛 ~ 尤其係隻眼附近的皮膚 ar ! 好乾 ar ~ 今日好趕丫 ~ 化完妝之後，都係趁低四十五分鐘.......做埋熱身.....得番半個鐘咋 ! ! 好驚會做得冇尋晚咁好丫 ~ 冇理由俾人讚完之後，第二場就失晒水準嫁 ! ! 唔可以令人失望嫁 ! ~
===今日冇尋日咁緊張喇 ~ 淨係諗住做好佢 ! 因為機會唔多嫁喇 ~ 過左就冇嫁喇 ~ 所以點都要盡力 ! ! 俾足心機......投入......今日好多細路仔黎睇我地丫 ~ 佢地笑得好放，好開心，好燦爛 ! ! 見到佢地咁開心，我地 d 演員又唱得更加投入.......! ! 好開心可以感動到班細路仔丫 ！
===我地個個都俾足力去做好套戲。。。所以 d 手手腳腳都好累 ! 不過點都好，仲有最後一場要做......所以我地唔可以鬆懈嫁 ! 我地補左妝之後。。。就已經開始有人因為唔捨得而喊.....搞到 d 妝溶晒.......我一心諗住要做好最後呢場，讓所有觀眾都留下一個好深刻的回憶.........整好個頭同埋補好妝之後，剩下來休息和準備的時間唔多........我地祈過禱之後，就再一次的熱身.......唔知點解。。。熱黎熱去隻手都係好凍冷......可能係我太緊張的關係......竟然又開始胃痛 ! 不過點樣痛都好喇 ~ 我都要死忍.....! ! 最後一場一定唔可以衰嫁 ! ! 要證明俾人睇，中學生都可以有遠大的理想，中學生都可以做到人地專業做到的事情，而且可以兼顧埋學業 ! ! ......出場之前，我們都係度互相輕輕拍了拍對方的肩膀，藉此互相鼓勵 ! 唔好睇少呢個少少的動作 ~ 因為真係俾到我好大的鼓勵嫁 ! ! 一出到場，嘩 ~ 滿坐丫 ! 不過我並沒有因此而感到有壓力，相反，我決心要做到最好 ~ 將表情做到最足 @ ! 到左中場休息的時候，我地完全唔緊張，個個都開始愈黎愈唔捨得喇 ! 真係唔想咁快就做完丫 ~ 我好希望再有機會黎演出呢套咁有意義的音樂劇.........諗下諗下，死喇 ! 又有點兒想哭 tim ~ ! 不過我知道觀眾唔係想睇我地喊的樣子，佢地係希望見到我地努力合唱每一首歌。。。努力演出最動人的一齣音樂劇 ! ! 所以係中場休息之後，我地第一首要唱的歌，係一首好慘的歌......講述我地這群孤兒無家可歸.........我地真係好入戲丫 ! 個個都眼有淚光 ( 當然有 d 仲喊埋出黎添喇 ! ) 差不到多了尾聲，當然劇情係講到男主角要到外國深造.....學小提琴....女主角好唔捨得....因為互唱情歌.....一首好感人的歌......女主角..當然喊到唱唔到歌喇 ~ 而平時一舊飯的男主角亦都好入戲........一場好感人的離別戲.......令到係幕後等待出場的一班演員都好感觸。。。有好多人已經喊左出黎....而我就叫佢地快 d 去要去的位置準備 ( 我當時仲未喊既.....) 我地個個都企好左係果個綠色的草地上面.........等待佢慢慢轉近觀眾..........我叫我身邊的人笑......因為最後呢首歌係應該好開心 ( 因為講到我地這班孤兒的理想終於達成 ) .....我身邊 d 人都叫我笑........果一刻......我好自豪咁望住 d 觀眾，因為我覺得我好成功 ! ! 我做到我盡做的本份 ! ! 唱呢首歌的時候，幾位主角已經泣不成聲.......唯有靠我地其他的演員繼續唱落去 ! ! 唱完這首歌，我地 Hold 住左最後的動作，觀眾不斷拍手 ~ 果刻真係好感動......
===接著就係謝幕。我地分三行企，手拖住手......一齊深深咁鞠躬 ~ 然之後就係到播放綵排花絮......有好多男仔都忍唔住喊.......唔知點解，我又唔係咁想喊啵......播完之後。。。我地就將五首果好聽的合唱歌，抽一小段再唱多一次 ! 姐係俗稱的「雞尾歌」.........見到觀眾跟住強勁的節拍拍手和應，我被他們深深咁感動.........我都忍唔住喊左出黎.........一路喊.....一路...迫自己笑........最後，我地的導師們都上到台上，並邀請幕後的工作人員出黎接受觀眾的掌聲 ! ! 導師們都好感動..........我地辛苦左咁耐的大型音樂劇－－《疾風高飛》就這樣完滿結束了 ! ! !
===番到後台之後，我忍不住放聲大哭。。。我好耐都未試過因為開心而哭得咁盡情咁放 ! ! ! 平時最多得果幾滴淚水，今日就放埋聲.......勁喊.......真係好好開心，好鬼死開心....唔知點形容，但係我覺得自己長大左。。。果份的成功感，好難形容 ! 我覺得自己原來係有能力去做好多事情，不過好睇自己有幾投入同埋有幾努力姐 ! ! 雖然個妝溶晒好鬼死恐怖，不過我覺得咁樣最自然最靚 ~ 唔知點解.......經過今次的演出，對自己的自信心強左。。。因為我覺得我得到人地的認同 ! 佢地唔係認同我個樣，而係認同我的努力 ! 我的付出 ! 我的專心 ! 我的改變 ! 我以前唔會咁主動去關心人，支持人。。。不過我今次係好真心咁對每一個演員都俾支持佢地 ! 落左妝之後，我就換番自己 d 衫......見到除左落黎的戲服......又有一時的感觸......想到這些戲服再沒有機會著.......就覺得好可惜........好采可以拎番屋企留為紀念姐 !
===跟住我地就去左尖沙咀食宵夜.......我地搭地鐵去.....跟住就一齊行去碼頭.......誰不知。。。原來果間麥當奴已經關了門.........咁我地又唯有拖住勁累的身體爬過去北京道果間囉 ~ 不過點都好.....我覺得好有意義好值得 ! ! 佢地諗住玩到好夜，我唔可以陪佢地顛 ! 所以我就早走 (其實所謂的早，即係十二點七囉 ! ) 跟住 dad 就陪我番屋企 lu ~
===番到屋企已經係一點幾.......勁累........不過又勁興奮，完全冇想訓的意義啵 ^^ 飲左碗湯之後，就係度不斷講野.........嗲 d 同埋媽咪就認真慘 lu ~ 俾我煩死 ! ! 呵 ^^ 跟住我就去左沖涼洗頭.......今日個頭勁難洗丫 ! 因為佢唔單止落左 gel 同埋噴霧，佢仲噴左好多閃粉........洗極都洗唔走丫 ! 弊家伙喇 ! 沖完涼之後，我即刻搽番 d 面霜，之後就再梳番好個頭......之後就連吹都懶得吹......因為果陣時已經係三點鐘喇 ! 鬼有氣力去吹頭咩 ~ 之後我就訓左 lu ~

>>January 3, 2003 at 5:18:53 AM GMT+8

2002 年 12 月 30 日 星期一 【晴】

@@今日係第一日正式演出 ~ 好緊張 ar....又係勁早起左身。。。咁唔使講.....個黑眼圈一定係呼之欲出喇 ! ! 今日要九點鐘去到，所以就好早出門口。。。一路行一路想訓......不過點都要打醒十二分精神，辛苦左咁耐。練得咁辛苦，都係為左演出的時候，能夠俾人知道我地究竟有幾盡力.........練習.......! !
@@番到去，又係熱身喇，跟住就開聲 ( 呢 d 野一定要做嫁 ! ) 跟住就做一個 Full Run ~ 我要癡咪 ~ 好鬼死痛丫 ! 因為佢用一d 好癡的膠紙癡落塊面度，原本已經痛嫁喇，仲要癡落去.......除的時候又勁痛.......! 因為佢癡到條頸後面 d 頭髮丫 ! ! >.< 痛鬼死 ~ 綵排完之後，就去左化妝同埋祈禱........係表演前又補下妝........跟住教跳舞的 Miss 就叫我地訓係個台上面，感受一下台的四周圍........合上眼.......放鬆自己........但係我就愈黎愈緊張......d 眼淚開始唔知係邊度慢慢咁滲出黎........但係我唔可以喊，因為一喊就會令到把聲好差........劉俊傑竟然見到我想喊......咁佢就叫我唔好喊住........之後就扶我起身........收拾心情之後......我就靜靜地咁一個人企響台右.........腦裡面回想緊我邊場要做 d 咩野，企邊個位....要囉 d 咩道具.....要換 d 咩野衫。。。幾時要癡咪........愈諗就愈緊張 ! 跟住麥兜就後埋黎，拍下我膊頭.........放鬆 d........唉.........終於出場喇........出到去，原本都唔係咁驚嫁姐......跳原隻舞之後，個人完全放鬆晒。。。好投入做好自己的角色...........中場休息的時候，又補一補妝........死喇.....下半場我要癡咪唱 solo.......又再開始緊縮張喇 ! ! 好采，我句 solo 都唱得唔錯........ 其實今日我屋企人全陪都有黎........不過無論佢地係唔係度，我都會盡力去演好我自己的角色嫁 !
@@終於都演出完喇 ! ~ 鬆左一口氣......原來都唔係咁緊張嫁姐........ d 觀眾俾我地既反應好好丫 ! 加強左我地的信心 ! ! 何 sir 係 briefing 的時候，大讚我地的演出 ~ 佢仲講笑咁話：「早知你地到真正演出的時候會咁認真，我係綵排的時候就唔會咁勞氣喇 ! 個個七情上面，平時又將 d 料收收埋埋，你地都呃得我透囉.......^^」

>>January 2, 2003 at 3:55:13 PM GMT+8

2002 年 12 月 29 日 星期日 【晴】

＊＊＊今日一早就起左身喇，雖然我尋晚訓得好少，不過都勁早自動彈左起身。好緊張丫，今日要入台，而且聽日就要演出喇 ! 食左少少野，跟住就行去油麻地地鐵站果度搭地鐵去葵芳。。。我的目的地係葵青劇院.......去到後台先至係九點半，我地十點先集合........咁咪四周圍很下囉.......食完 lunch 之後，我地三十幾個演員就一齊係化妝間果度化妝同埋 set 頭。。。咦 ? ?點解又唔同左樣既 ? ? 之前我個妝冇咩特別，但係今日就無端端多左 d 綠色的眼影囉 ~ 同埋之前我 set 的頭係有凌亂美嫁......不過今日就好鬼死成熟囉.......將 d 頭髮梳起，整左個轡....我 d 頭髮又長又厚，好難 hold 住，搞到要落勁多 gel ~ 死喇.....都唔知番到屋企要洗幾耐 lu @ !
＊＊＊跟住就要去開聲，唱下歌歌.......跟住又食飯 lu ~ 好搞笑丫 ! 第一次同咁多人一齊食飯，仲要係對住塊鏡 ( 因為化妝間內，每個人個位都有一面鏡 )......真係好難忘丫 ~ ! 食完之後就去左台上面做「技術綵排」，即係話淨係試下 d 燈光，音響效果，同埋轉場的時候有冇 d 咩特別問題會發生。。。好多時都會不斷 ng ~ 果場上床 ( 即我地呢班孤兒上床訓覺 ) 總共ng 左五次 ~ 次次好辛苦咁爬左上張碌架床又要爬番落黎.....認真無奈......不過為左要有個完美的演出，辛苦少少都抵喇 ! 練完之後，我地就去落妝同埋「拆」番個頭.....嘩 ! ! 死喇 ~勁痛丫 ! d 化妝品好傷 d 皮膚，雖然我上妝之前已經搽左 d 面霜，不過都好痛 ar ! 跟住仲要將個 gel 到硬晒既石「頭」拆落黎 ~ 呢樣仲痛 !
＊＊＊番到屋企，已經係十二點幾喇。洗埋個頭........仲夜.......搞到成點幾.......個人好累丫 ~ 不過塊面 d 皮膚又勁痛啵 ~ >,> 個頭好鬼死濕丫 ! 又要吹頭，如果唔係聽日就會頭痛........不過吹頭其實都幾傷 d 頭髮嫁 ( 尤其是長頭髮喇 ! ) 吹完之後，一上到床，唔使十分鐘就已經訓著左 lu ~

>>January 2, 2003 at 12:50:06 PM GMT+8

2002 年 12 月 28 日 星期六 【晴】

︽︽︽今日一朝早，就俾細佬把聲嘈醒左.......真係無奈 ar ~想訓耐 d 都唔得.......尋日咁辛苦，今日又咁早起身.....唔病就奇喇 ! 佢地今日去澳門，而我就一個人留係屋企 ( 因為工人都放假嘛 ~ )咁都幾好丫 ! 一個人靜靜地係屋企......唔使俾佢地煩住......又可以諗下野......唔知點解，雖然屋企人係最親的人，但係我係佢地面前，都唔多表露自己真實的一面......唔知係害怕抑或是有其他的原因......總之我就......唔會將自己釋放.......雖然咁樣係好辛苦自己，不過我都已經習慣左 lu ~ 今日佢地唔係度，我鐘意傻笑又得.......無端端喊又得....總之就唔使扮野......好 free 唷 ^^
︽︽︽其實我真係覺得自己好幸福。因為我有一個好好的家庭。我媽咪同嗲 dee 都好鬼鍚我。。。雖然平時有好多野都管得好嚴，但係唔嚴又點會確保我有一個好的將來呢 ? 佢地都係唔想我第時長大左，識諗野的時候，先至後悔點解細細個唔努力，浪費晒 d 咁寶貴的時間.......佢地管得我咁嚴，迫我早 d 成熟，識諗野。咁樣就唔會浪費左細個最寶貴的時間.......有時雖然心裡面係度掙扎，好想脫離父母的管束，不過我知道自己仲未有能力自力更生，況且咁幸福的日子唔多，要好好珍惜。。。其實細路仔真係好好嫁，淨係要努力讀書。。。其他 d 咩問題，好似經濟丫，居住丫，飲食丫......樣樣都唔使我操心既......但係大個左，就要自己搵錢，工作又辛苦，壓力又大......加上要開始為「家庭問題」而煩惱.....呵呵 ~ 你明咩叫家庭問題嫁喇 ! 佢地今日臨出門口之前，千叮萬囑叫我一定要自己出街買野食.......因為佢地知道如果工人唔係屋企，我就會懶到連野食都懶得煮....唔食就算......佢地仲諗左好多方法......盡量簡單，等我唔會餓親。。。我真係好感動丫~ 我知道無論人人都唔理我，佢地一定係最關心我既人.......雖然到最後我都係勁唔聽話咁.....冇食到飯，不過我都食症 d 其他既野。。。唔食野真係會餓壞自己既身體嫁，我一定唔會俾自己病 !
︽︽︽今日丫明要做一件好重要的事 ( 果件係咩野事 ? 話明重要緊係唔講得嫁喇，總之佢知我知就得喇 ! ! ^^) 佢原本要十二點去到銅鑼灣，但係佢遲左少少出門口，所以可能會遲左都唔定......佢由彩虹地鐵去，沿途用手機同我傾....點知......傾下傾下竟然唔記得左落車，搞到過左個站.......又要坐番轉頭.......死喇.....佢已經遲左嫁喇....仲遲多 d......最衰都係我喇.....唔記得提佢......我為左補償，應承左俾三個願望俾佢。。。佢話第一個願望要橦樓喎.......仲要有個人幫佢洗衫煮飯..... ( 真係妄想唷 ^^) 跟住第二同埋第三個願望就 hold 住先.........佢真係好奸丫 ~"~
︽︽︽就黎到一月四號喇......我諗呢個係佢過得最開心的一個生日。佢以前成日都話冇人陪佢過一個有意義的生日，希望佢今年會過得好開心喇 ! 其實我真係好想親口同佢講聲生日快樂嫁，不過我知道佢依家連朋友都唔當我係，咁我講黎為咩丫 .......?

>>December 29, 2002 at 10:21:21 AM GMT+8

2002 年 12 月 27 日 星期五 【晴】

。。。今日係最係一日綵排喇 ~ 所以我地都好俾人機練習......今日都仲係好凍丫 ! ! 著好多衫都好凍丫......一番到去就不斷咁練野.......又排埋謝幕的出場次序.......跟住就 run thru......好累丫 ! ! 不過我地個個都好投入.......點都死埋佢丫 >.< 最後一次練習.....跟住就係真正演出喇 >.^
。。。放 lunch 的時候，原本諗住搵 maggie 同埋 fanny 一齊出街食嫁......但係我搵得 maggie 黎......就唔見左 fanny......原來佢一個人自己走左.......我嗌極佢都唔聽唔肯番轉頭......咁我唯有同埋 maggie 一齊出街買野食囉......我地番到黎見到 fanny 伏左係度 x.x 我初頭都唔知發生左 d 咩事......淨係見到佢係度喊......我雖然唔知佢因為 d 咩而喊....不過都司空見慣嫁喇......我都唔知自己有 d 咩可以幫到佢.....心病還需心藥醫......我唯有等佢有一日會自己諗得通喇.....( 我其實都同過佢講好多次.....不過都冇用......希望佢喊左出黎，會舒服 d 喇.....) 食完野就去左俾人化妝 lu ~ 今日佢地練點樣化個鼻影...... 佢地有進步丫....今次好左好多唷 ^^
。。。今日練到好夜丫。不特止，我地仲要將禮堂裡面果二千幾張好重的木椅子排番好......不過淨係得果廿幾人幫手搬......你估我地有幾辛苦 ? 平均黎講一個人要搬一百張椅子......你話累唔累丫....雙手同埋條腰真係好痛丫......我咪當做下全身運動，減下肥囉.......個個都好累......我都係，不過順手幫佢地按摩下.......
。。。我番到屋企先知道原來丫明打過電話俾我，咁我咪打番俾佢囉。。不過佢屋企有人，咁我有費事阻住佢囉。。。

>>December 28, 2002 at 1:56:35 PM GMT+8

2002 年 12 月 26 日 星期四 【晴】

***今日超級凍丫 x,.x 係張床度爬黎爬去......死都唔想起身。。。不過唔起唔得嫁，今日又要九點鐘番到學校練歌......唔可以遲到嫁.....! ! 無論我著左幾多件衫，都係覺得好凍好凍......今日一出門口先知道原來落緊雨，冇計喇 >.< 無理由上番屋企囉遮嫁.......咁咪快快步咁行囉。。。去到培正小學門口，撞到麥兜。。。佢有遮，咁咪遮埋我........佢問我做咩著咁少衫，其實我已經著左好多件嫁喇，不過都係咁凍，所以嘴唇凍到紫晒.....好恐怖唷 o.o
***今日好辛苦丫，仲要 dress run.....係咁凍的天氣著住 d 咁薄的 costumes.....真係好難頂丫 >.<丫 sir 仲要好唔滿意.......但係點都好喇，我已經盡晒力......不過我諗我仲未做得最好......例如丫 sir 提醒過我的野，我總是唔記得....錯完又錯......我唔可以再俾自己係咁懶散嫁喇 ! ! 要努力丫 ~ 為左不久的將來.......我一定會拚晒老命嫁喇 ! ! !

>>December 27, 2002 at 2:25:12 PM GMT+8

2002 年 12 月 25 日 星期三 【晴】

？？？今日係外國的 Boxing Day~即係拆禮物的日子。我細佬今日一早就起左身.....雖然今日好凍，理應會遲 d 起身，不過因為有禮物的引誘，再凍 d 佢都會咁早起身嫁喇 ~"~ 不過我仲早過佢，可能尋晚訓得唔好呱......所以雖然訓得果六個鐘，但係都無端端自動起左身。。。我尋晚一點鐘先訓......跟住今朝七點鐘又起左身.....好累 ar ! ! 細佬一起身，連早餐都唔食，就去左拆禮物。。。 (其實有 d 禮物佢一早已經拆左，不過仲有兩份未拆 ) 其中一份係坦克車模型，由於太複雜的關係，所以佢死都要我幫佢。。。見佢求我求得咁辛苦，咁我咪做下好心幫下佢.......我不嬲砌模型都唔叻既，不過點都要幫下佢嫁喇......今日好凍丫，得果九度，d 手指凍都僵晒。。好唔靈活，好辛苦 ar ~ 咁砌模型實會整親嫁喇.....不過咁凍整親，仲痛過之前嫁.......但係我又唔可以放棄唔幫佢嫁嘛.......細路仔好著重聖誕禮物嫁........我點都要佢開心....自己辛苦少少....算喇.....不過就犧牲左 d 手指甲囉 (因為實會俾 d 物料整到花晒 >.< 嗚嗚....) 卒之都砌完喇 ! 好開心 ar ! (我同我細佬都係........) 用左成兩個鐘頭先搞得掂.....我真係好廢丫 ! ! ! !

>>December 26, 2002 at 10:35:25 AM GMT+8

2002 年 12 月 24 日 星期二 【晴】

》》》Merry Christmas ar ~ ! 今日唔使練舞，終於有得抖下喇 ~"~ 因為今日中午要出街街。。。所以就要迫住係早上做晒 d 功課......係就係辛苦 d 嫁喇......不過為左音樂劇，亦要兼顧學業 >.< 辛苦 d 都要嫁喇 ! 唷唷......要作文丫 .....點算好呢......正時都冇咩問題嫁，不過今日就好似好艱難咁.....一句都 up 唔出......
》》》下午去左深灣遊艇會。。。今日出門口之前都花了不少的時間去打扮一下。始終聖誕節都是隆重的節日嘛 ! 我平時都好少化妝 (因為我都唔多識....呵呵 ^^).....今日個妝都偏紅同埋帶少少紫。。。唔知好唔好睇呢 ? 我自己就覺得有點兒奇怪，不過去 d 咁formal 既場合，點都要尊重一下既......上身著一件橫間的羊仔毛衫。。。黑色親桃紅色......其實我好少著 d 咁 sharp 既衫嫁，我唔鐘意咁鮮色.....不過......只此一日喇 ^^ 或者換個新 look 會好 d 呢 ? 我都唔知丫 ~ ! 今次係第一次去深灣果度嫁咋......唔知果度係點樣嫁呢 ?
》》》果度既裝修唔錯丫......出出入入都有好多人幫手開下門咁.......d 人又好有禮貌 and 好主動.......嘩嘩嘩 ~! ! 唔得了唷....見到好多好型，好型......的男仔。。。好靚，好靚，既靚仔......不過我最多都係望多兩眼，我係唔會變心嫁......我帶住一班細路仔去玩，我要照顧佢地嘛。。。 d 大人就去左飲下午茶，傾下計，跟住就去左玩桌球同埋保齡球.......我就去左踩冰.......死死喇，我唔識嫁......不過好采都係有驚無險。。。次次都係差少少就跌....不過又冇跌到......淨係隻腳俾對鞋擦損少少.......原來個係溜冰場的服務員都勁靚仔嫁......呵呵 ^^ 不過我唔可以咁嫁........我好想學向後溜丫.....我依家向前都唔快得.....算喇....都係死左條心去.....又冇人教我......真係無奈 >.< 跟住就去左食晚飯...... d 野真係幾好食丫.....( 不過我又驚肥......身材走晒皮樣.....) 尤其係 d 甜品丫......椰汁芝麻糕......唔算好甜......好開心丫......(都唔知自己開心 d 咩) 臨走之前就交換禮物.......收到一條手鏈 and 一個勁閃的髮夾。。。^^
》》》番到屋企之後，即刻去落妝......係度換緊衫的時候，就打左俾丫明....打去佢屋企冇人聽......(可能佢出左街喇....)跟住就打佢手機.....又冇人聽....(可以佢玩得太開心....又或者太嘈..又或者佢唔得閒......)總之我就留左言......arm amr 換完衫，佢就係屋企打番黎俾我.....我第一時間就祝佢聖誕節快樂。。。希望佢忘掉以前唔開心的事，新的一年有新的開始喇 ! ~

>>December 25, 2002 at 3:56:16 PM GMT+8

2002 年 12 月 23 日 星期一 【晴】

^^^今日同平時一樣，又係好早起身。。。今日點都要做到最好，因為表演在即......一番到去就要幫手搬蹬。點知......俾張蹬係離地面一米高的地方跌落黎我隻腳度。。。勁痛......我痛到 d 眼淚控制唔到，不斷係咁湧出黎......搞到我對 con 都浮左出黎......我即刻入 toilet 睇下傷成點......嘩嘩嘩 ! ! 連我自己都嚇左一跳......又紅又瘀，不過好采冇流血......唔知有冇斷到骨囉 >.< 我行到一拐一拐咁......人地仲以為我係天生添.....死死喇 ! ! 就黎要表演嫁喇，點算好呢 ?
^^^今日同丫明傾左一陣。原來佢呢排真係有好多野要做，所以我都諗住少 d 搵佢。等佢有多 d 時間做自己野。不過，我都會係留言板度用佢傾下計咁喇，如果唔係到時就唔係我唔記得佢，面係佢唔記得左我嫁喇 >.< 佢叫我唔好再因為 d 小事而唔開心。其實佢都講得對既，開心同唔開心，都係在乎於你以什麼的角度去面對。佢係電話度同我講左好多野......真係好多好多......當然，有些是我身邊關心我的人都曾經說過。。。其實我是明白.....但係明左又能代表 d 咩丫 ? 自己死都堅持己見，有咩用丫 ....o.o 不過可能係因為人唔同左喇......同埋人大左，其實發覺冇必要同自己鬥咀，咁硬頸都冇用......其實有時我都係為左 d 唔應該堅持的事而去唔做一 d 心底好想做的事情,......好矛盾......

>>December 24, 2002 at 1:34:44 PM GMT+8