2003 年 3 月 7 日 星期五 【晴】

●●●呢排冇一日係早過一點訓。好辛苦丫！真係好辛苦～我日日都體力透支，真係要靠精神上死撐先可以打開對眼。我知道其實都係因為我諗得太多了，唔應該擔心的事又擔心得太多了。我當然明白失眠係可以避免，自己可以控制得到的。不過．．．

>>March 7, 2003 at 5:59:32 PM GMT+8

2003 年 3 月 2 日 星期日 【晴】

『『『今日本來話會公佈HKIS的入選名單......不過唔知係唔係HKIS果面仲未整好名單，又或者未送黎。今日我地既英文先生都冇同我講過呢件事......但我又唔敢去問佢啵 ~ 我諗我自己大多數都冇份嫁喇 ~ 好失望。。。

>>March 3, 2003 at 8:26:01 AM GMT+8

2003 年 2 月 28 日 星期五 【晴】

§ § § 今日係三月一號，就黎三月三號喇 ~ 果日就會公佈HKIS Summer Programme的入選名單。好驚自己冇份丫 ~ 因為我知道自己係果日的表現好差。佢地要求我地作篇文，我就連題目都唔識解.......唉唉唉。。。實冇份嫁喇 ~ 幾樂觀都係冇用.......
§ § § 尋日練倒立勁累丫 ! 今日起身成身勁痛，尤其係我對豬腳仲有豬膊頭。痛死人喇 >.< ! 今日勁早起身落街打波。。。點知冇場.......唯有踩場囉 ~ 第一次踩場，好驚丫 ! 不過好采有媽咪幫我出頭.....呵呵 ^^ 幾幸福 ~ 溫室的小花朵 ~
§ § § 成日都要溫中史丫 ~ 就黎悶死我喇 >.< 今日 lunch time 出左去買過個新既籃球，之後又見到條勁 sharp 既褲減價，所以就買左喇 ~ 弊弊弊 ~ 媽咪叫我自己一個人去買.........內衣褲。我咁大個囡都未試過自己一個人去果 d 地方嫁 ~ >.<" 我幾經辛苦終於鼓起勇氣入去......之後又唔敢揀 ! d salegirls 就好努力咁問我要唔要試下呢個 ~ 又話有咩特價...... 我臉都紅晒.......好辛苦咁揀左，之後又要試.......試完又唔arm.......唉......好痛苦丫 ! 不過我諗我遲早都要自己買嫁喇 ~ 點都要習慣下嫁喇 >.<"

>>March 1, 2003 at 9:41:48 AM GMT+8

2003 年 2 月 27 日 星期四 【晴】

《《《今次的集會係由我同我既好朋友做司琴，好緊張丫 ~ 雖然之前都做過下，不過始終都有少少驚既。

>>March 1, 2003 at 9:43:28 AM GMT+8

2003 年 2 月 26 日 星期三 【晴】

OOO我好耐都冇寫過日記喇，因為實在太忙了。依家每日都有好多好多的功課要做，做到傻晒。有時真係好想輕鬆一下嫁，不過好似點樣都放鬆唔到自己。一想到自己 d 成績跌左的時候，就放鬆唔落。個心成日都責備自己.......日日都好夜訓丫 ~
OOO聽日我要做司琴丫，姐係係集會上負責幫手彈校歌。又要好努力咁練熟 d ，如果唔係到時就會驚驚嫁喇 ~ 咁又係既，對住咁多人啵。中一至中三，加埋七百五十人啵 ~ 聽日仲要玩倒立添 ~ 好多女仔都唔鐘意，不過我就好鐘意喇 ! 雖然我知道自己唔可以倒立，因為我貧血，唉.......玩多幾次都會暈低......不過冇人知嫁.......希望聽日乖乖地食左早餐之後冇事喇 !
OOO今日生物堂做實驗，點知我粗手粗腳，整到亂晒。。。不過我既組員都冇鬧我，我真係好感激佢地嫁 ! 化學堂又有得做實驗，不過唔係親手做，係先生叫人出黎做。不過冇叫中我個號數。
OOO我篇作文俾中文先生囉左去參賽。好開心丫 ~ 希望入選喇 ! 我記得我年年讀入選的作品的時候，好羨慕佢地有得公開自己既成果。

>>February 27, 2003 at 12:47:03 PM GMT+8

2003 年 2 月 23 日 星期日 【晴】

﹛﹛﹛我原本以為自己考得唔錯，點知........今日返到去先知全級第一果個家權分85.22 ~ ! 嘩 ~ 真係死追爛追都追唔到喇 ! 唉，全級第一的美名保唔住了 ! 不過點都好，我下個學期點都拚晒命去讀 ~ 我默默下定決心，叻的科目要更叻，差的科目要進步。今次我數學比平時差左，主科都差，唔死都冇用。雖然我仲係高分過好多人，不過我唔可以complacent 嫁 ! 知唔知咩係 complacent 丫 ? 意思就係話，唔可以滿足於現狀 ! 我會記住嫁喇 ! ~ 仲有，我電腦唔及格係我的致命傷.....點解唔及格，咪係因為我........係考試的時候 upload 錯左個 file 囉 ~ 抵死 ! ! ! 死蠢黎嫁 ! 點都好，我實會追番嫁 ! 我一定要學好 flsah ，整個靚靚網頁，囉番高 d 分 ~

>>February 24, 2003 at 9:17:00 AM GMT+8

2003 年 2 月 20 日 星期四 【晴】

我今日決定左，要忘記佢。雖然呢句說話我成日都講，但係我冇一次做得到。我知道我的確需要一個依靠，不過唔係求其搵個。因為即使搵到，都只係一個假像。好似一支用玻璃造的手仗，一點也不值得倚靠。係我仲未等到一個會對我真心的人之前，我一定會勁愛自己。我唔會再俾自己再受傷，除非是你先愛我，否則我係唔會動心!

>>February 22, 2003 at 6:38:47 AM GMT+8

2003 年 2 月 12 日 星期三 【晴】

今天的心情真是很差很差。別人問我是吾不快樂，我只能暗暗說是。可是又說不出原因。我只知道，我這次的第一次令我很難忘。從來未試過不及格，即使是小小的默書，我也未嘗過挫折。第一次不及格，竟然是在考試中！！這叫我如果冷靜如何適應。我想哭，卻在淚水剛剛湧滿的時候退潮。剩下的只是窒息的感覺在胸口．．．我真的很難過，想起以前，小小的不快樂也總有人安慰。我明白到我真長大了，而身邊的事第的確變了不少。而我當然亦有改變．．．我真的需要有朋友在我身邊，可是沒有一個真真正正會安慰我。很多人都能察覺到我有異樣，可惜他們只會竊竊私語地討論著我悲憤的原因，誰都沒有意思去安慰我。他們就像看戲一般似的，這叫我又是一陣的心痛。我在反省，當一個同班同學傷心的時候，我有否真心給他們安慰。想了又想，我終於知道，我並沒有這樣做。
　　　明天將是情人節，但這對我並沒有什麼特別意思。只是一個節日。既無假期，又無特別意義．．．
　　　回家後，我真的有虐待自己的想法。我很討厭自己！！

>>February 13, 2003 at 12:32:07 PM GMT+8

2003 年 2 月 11 日 星期二 【晴】

。。。今日真係好慘慘丫 ! 首先就係凍左好多好多好多好多........

。。。第二就係我今日係 P.E.堂打籃球的時候.......俾人成個波咁飛埋塊面度.........本來都唔靚嫁
喇 ! 依家仲恐怖 >.<

>>February 12, 2003 at 3:27:49 PM GMT+8

2003 年 2 月 5 日 星期三 【晴】

>>>Well, I am not lazy. My computer has been taken to repair. That's not my fault. I don't know why it would be broken down. I am using my dad's notebook now. It is very difficult to express m yself in English, expessically my feeling. Diary should reflect my feelings.......but I can't do this now....so poor >.<

>>February 6, 2003 at 10:43:47 AM GMT+8