2004 年 2 月 22 日 星期日 【晴】

好多謝ｅ琳，匡婷，ｎａｎａ，ｐｕｉｐｕｉ，ｍａｇｇｉｅ，ｑｕｅｅｎｉｅ今日ｌｕｎｃｈ聽我訴苦！我冇事嫁喇～謝謝你地丫！～ｍｙ　ｆｄｓ！！～＊

今日Ｅｕｇｅｎｅ好累丫～！佢練完艇之後個人冇晒精神咁啵～佢的頸．腰ａｎｄ鎖骨都好痛丫～＞．＜唉～＊都唔知點先幫到佢～做物理治療又只會愈做愈痛啵～點算好呢？我又唔識按摩．．．唯有叫佢沖個熱水涼希望佢會好ｄ　ｌａ！～佢咁累都打俾我～我真係好感動丫～！！佢有ｄｄ嬲我屋企今日ｌｕｎｃｈ唔聽佢電話～其實有時我覺得ｌｕｎｃｈ参時候打俾佢～多數都冇咩野好傾～傾來傾來都係問下佢食完野之後去邊等等的事．．．．講真～耐左的確覺得有點兒無聊～＊＞＜而且今日ｌｕｎｃｈ陪佢地傾計～所以冇拎電話出黎睇．．．．．．．

>>February 23, 2004 at 4:31:04 PM GMT+8

2004 年 2 月 21 日 星期六 【晴】

我今日成日對住部電腦係度整相。我都唔知道自己點解影咁多相。係我無聊丫？還是影相已經成了我一種習慣呢？又或者係我自戀？定係我為左俾人睇而影呢？一路整，整左好耐．．．．．．結果換來的係我勁頭痛。可能長期對住電腦，受幅射所影響喇！

唔知點解，今日係我同左Ｅｕｇｅｎｅ一齊之後既第１晚感到ｌｏｎｅｙ的感覺。以前，係我冇拍拖的時候，呢種感覺日日都折磨緊我，但係點解依家呢種感覺會再次來襲呢？我都唔知道。我好頭痛，真係唔知道自己係度諗緊ｄ咩野。Ｅｕｇｅｎｅ少睇左我日記，因為我的日記實在又長又ｃｕｍ～鬼得閒睇咩．．．．．佢日日上網就會去ａｋｚｏｎｅ果度睇相～再唔係就去ｈｋｌｏｖｅｚｏｎｅ～又或者係朋友的網站～總之就係睇相ｌａ～咁又係既．．．．人類係取易不取難！睇文字對佢黎講太辛苦喇，所以如果要了解我係要透過日記的話，佢寧願唔了解我．．．．．．係時候我要接受事實．．．．．我係一個好煩的女仔～我成日都會煩住人～我做事唔識得囉個平衡～成日都令到我身邊的人好辛苦好唔開心～我對人的要求太高．．．．．我想人當我係ｂｂ咁樣看待～想人錫我～想佢幫我打點一切～想佢撐我～想佢容許我撤野～想佢提醒我而唔係鬧我～想佢體諒我～想佢唔迫我做ｄ我唔想做既野～想佢令我消除以前的陰影．．．．．．我仲想．．．．．．我實在想太多野喇～！但係我有冇諗過到底自己可以為人地做ｄ咩野呢？？嘿～可能我有諗過ｇｅ～亦都做過～不過果ｄ事實在太微不足道了～我做左你地都唔會察覺～就算察覺到都只會覺得係一件小事～唔會擺係心度．．．．．．

其實一段感情真係好易變淡，我次次拍拖拍左２個星期就會有呢種感覺（如果有機會拍到２個星期的話都一定有）。到底點先可以令感情維持得耐呢？呢個問題我真係答唔到。其實點解我會咁努力讀書呢？因為讀書比其他野都黎得簡單。只要你肯讀，只要你肯上堂聽書，只要你肯做功課，只要你有心去諗明佢，咁樣你就成功嫁喇。而且係讀書呢方面我最易搵到成功感。當我係其他方面都搵唔到成功感而只有挫敗感的時候，我就好自然咁樣放棄左佢地～例如話朋友家庭愛情等等。有邊個鐘意永遠失敗啵？就係因為我係學業方面試過成功的滋味～呢種感覺好好～所以推動我去搵第２次成功的感覺～就係咁樣推動我不斷進步．．．有時我都會係學業果度有挫敗感～不過我會提自己成功的一刻係咩野感覺～我就有動力挨下去喇。而感情呢？由於感情牽涉到人。人類呢種生物的思想比好多野都黎得複雜。要清楚咁樣了解一個人的思想同埋行為，真係好難；甚至我地自己都唔了解自己諗咩野喇～對嗎？人與人之間的相處冇一定的方程式～數學係咁多學科裡面最千變萬化的一科～然而，我從來都冇驚過～但係我真係好驚面對人與人之間的相處．．．．數字變來變去都總叫做有個樣～有個實數～就算係虛數（ｉｍａｇｉｎｅ　ｎｕｍｂｅｒ）例如係開方根（－１），都有得用得號表示出黎。但係人與人之間的情係唔可以咁樣嫁！！我真係捉摸唔到人地的諗法～而且我覺得２個人要點樣相處已經係一門好大的學問，至於一班人裡面點樣相處就更加難上加難．．．．！！我投降了！！我承認我係響度逃避！～因為我真係唔想面對～到底大家要為對方改變幾多先可以和平共處呢？？到底點樣先算愛一個人呢？係為佢犧牲自己都肯？定係將佢擺係自己之前呢？當感情變淡的時候，我應該點呢？我就係次次都挨唔過呢種感覺，結果我會選揀放棄。今次我會唔會呢？

>>February 22, 2004 at 5:53:46 PM GMT+8

2004 年 2 月 20 日 星期五 【晴】

今日係派成績表的大日子丫～！！真係幾緊張下．．．

我原本諗住今日６點起身去沖涼洗頭嫁～之後就落街打波～點知我７點半先醒～我即刻仆落床去沖涼洗頭換衫．．．．搞掂ｇｅ時候係７：５６～之後即刻ｗｅａｒ　ｃｏｎｓ同埋換衫～我今日著Ｅｕｇｅｎｅ送俾我果件ｏｖｅｒｓｉｚｅ的白ｔｅｅ去打波～加件紅色波褲～然之就落左去巴富球場果度ｌａ～嘩！！今日唔知點解～勁多人啵～平時星期六早上８點鐘邊會４個半場都ｆｕｌｌ晒嫁．．．．今日簡直係反常丫！！～好恐怖～都唔知點解．．．ｂｕｔ　ａｎｙｗａｙ～算喇～都要照打～！！初初就練下射波～ｔｈｅｎ我無喇喇竟然付付ｌｏｏｋｌｏｏｋ咁入左１球３分波啵～勁開心丫！！～不過之後都再入唔到３分了＞．＜

我總成績做到全級頭５名～嗯～＊呢個名次我都幾滿意ｇｅ～因為唔算好差～起碼比我自己預期的好～我預期自己做頭１０～依家有頭５都好開心嫁喇！！～最令我感到意外的並唔係我做到全級頭５～而係我音樂竟然囉第１丫！！～真係好ｓｕｒｐｒｉｓｅ～我覺得自己今年音樂都唔係特別好姐～我唱歌又唔係表現得好！～都唔知點解會有第１名（可能有好多個第１名ｌａ～）中文作文都有第１名ａｒ～今年係我第１年成績表上面有２科係第１名嫁～之後我最希望囉到第１果科－－Ｂｉｏｌｏｇｙ（生物）只係囉到第２～不過都未為唔好ｇｅ～咁樣ｉｍｐｌｉｅｓ我下個ｔｅｒｍ要更加努力！！！～而ｃｈｅｍ都竟然有第５啵～ｋｅｋｅ～ｄ分調整過之後真係高左唔少！！～而ｐｈｙ衰衰地都有第１３名ａｒ～簡直係奇蹟！！希望我係第２個學段係所有科目果度都有進步ｌａ～

我一路食ｌｕｎｃｈ一路拎住張成績表～我將我今年的成績表同我上年的比較～ａｍ～大部份係分數上面都係差左～不過係全級排名上面就有輕微的增幅．．．我諗係因為全級都係唔係太高分～所以以前８０幾分先可以做第１～依家可以７９都可以．．．

食完野之後就同媽咪去左又一城果度ｂｕｙ衫衫～我去左ｅｓｐｉｔ果度～揀左件黑色的小背心（＄９９）一件黑ａｎｄ灰間的貼身衫（＄６９）一條黑白色的沖涼毛巾（＄７９）～ｋｅｋｅ～順手申請左左張ｅｐｃ　ｃａｒｄ～以後係ｅｓｐｉｔ買野有９折嫁！！～

之後又去左ｌｏｇ－ｏｎ～見到一間叫做ｒｅｊｏｃ的ｃｈｏｃｏｌａｔｅ零售店．．．．．嘩！！果度ｄ朱古力勁令ａｒ～媽咪ｂｕｙ左一排ｄａｒｋ　ｃｈｏｃｏｌａｔｅ俾我食丫！！～好開心丫～佢話獎勵我考得咁好ｗｏｒ！～ｋｅｋｅ～我媽咪真係好！我成日都話～就算我係其他方面唔夠人咁幸福～起碼我屋企人對我係最好既～我係家庭呢方面比好多人都幸福～我屋企人唔會迫我讀書（表面上～不過佢地唔多唔少都會暗地裡俾壓力我）～佢地有ｄ時候仲會反過黎勸我唔好讀得咁顛～雖然我屋企唔算好有錢～買ｄ咩野都要諗過度過～唔似某ｄ人可以隨意洗錢～＊不過我已經好幸福嫁喇！！～

買完衫之後～同媽媽分道揚鑣～佢去ｐａｒｋｅｎ　ｓｈｏｐ買野～我就搭火車去搵Ｅｕｇｅｎｅ～我係九龍塘諗住搭車去沙田搵佢～點知．．．．點知．．．我搭錯車～我搭番去旺角．．．結果我由旺角行過去對面月台～之後終於成功咁樣搭到去沙田～係架火車上面，有個打扮好似小春ｇｅ人勁ｂｅａｒ住我～好驚ａｒ～我合埋眼扮訓覺ｌａｗ．．．．

今日同Ｅｕｇｅｎｅ睇左「迷失東京」愈睇就愈想去日本！！～ｋｅｋｅ～考完ｃｅ之後～Ｅｕｇｅｎｅ應承左帶我去日本玩嫁．．．呢個係一個支持我去考好ｃｅ的目標～！！！～

>>February 21, 2004 at 3:08:32 PM GMT+8

2004 年 2 月 19 日 星期四 【晴】

大名： MC
電郵： [email protected]
說： 你以為自己好靚??
收皮la!!
你ｄ白拍照...一同就知你塊面好多喑瘡la!!
用photoimpact
ｒｅ：ｍｃ
我想講幾樣野。第１，我自拍唔代表我覺得自己令～ｉｎ　ｆａｃｔ～我只係覺得自己係普普通通唔算好醜樣。如果你覺得我醜～唔緊要ｇｅ～我唔係要你認同我！～只係想我澄清番我自拍的出發點同埋心態。我自拍只係有時無聊又覺得幾好玩咁～
我認我係有暗瘡丫～呢樣我都唔想嫁．．．天生係易出暗瘡嘛～＊我亦都承認某ｄ相我係化左妝先影又或者用ｐｈｏｔｏｓｈｏｐ整過～但係亦都有ｄ係冇化妝ａｎｄ冇執！～ｏｎｌｙ縮細佢就ｐｏｓｔ左上網～不過信唔信就由得你喇！～
我唔知道你係唔係見過我真人喇～我亦都冇時間去研究到底你係邊個～如果你係日常生活裡面扮晒同我係朋友～但係心底裡又好憎我～所以上黎呢度鬧我的話～咁點解你唔面對面同我講呢？你係冇勇氣定係覺得你鬧我只係為左抒發你自己既情緒呢？？如果你覺得我係唔令而且我影的相令你反胃又或者作嘔的話，咁點解你又要睇呢？我相信我冇迫你去睇我日記ｌａｗ！我日記係公開的，姐係話所有想了解我既人都可以上黎睇下～睇完之後唔鐘意點解要作人生攻擊呢？你話俾我聽你覺得我唔令就得喇～不過點都好～你鐘意點講你有你ｇｅ言論自由～我冇權管你～只係好心咁講一句～有時做人做得太盡～到頭來受害的始終係你自己。
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
尋晚２點先訓～今日６點鐘起左身～咁早起身做咩？咪係背書ｌａｗ～尋晚真係好眼訓～所以寧願今朝早ｄ起身背左佢～ｋｅｋｅ～我６點醒左不過唔願落床，我順手拎電話打俾Ｅｕｇｅｎｅ～ｋｅｋｅ～ｈｅ　ｉｓ　ｏｎ　ｈｉｓ　ｗａｙ　ｔｏ　艇會～＊點解佢一ｄ都唔ｓｕｒｐｒｉｓｅ我打俾佢ｇｅ＞．＜？同佢傾左一陣之後就迫自己起身讀書了～一路讀一路食ｂｒｅａｋｆａｓｔ～好辛苦咁將３５句文言文背晒了！！～ｙｅ＠ｈ！

番到去就不斷咁係度將尋日ｃｕｔ好既相用ｄ唔用ｃｏｌｏｕｒ的油性筆寫ｄ短短的ｍｓｇ係背面～（特別鳴謝ｐｕｉｐｕｉ借左隻ｐｕｒｐｌｅ的筆筆俾我！！）ｋｅｋｅ～我仲有註明ｄ相係邊度影嫁！！～等第時睇到都會記得嘛～＊

今日ｅ琳的心情一ｄ都唔好～咁呢個一定嫁喇～佢男朋友今日ｌｕｎｃｈ搭飛機番過去澳洲讀書～唉～＊９個月之後先可以再見面丫．．．其實異地戀真係好辛嫁！！～ｅ琳都好堅強嫁喇～今日只係係我地面前喊左少少（不過佢係屋企ａｎｄ同ｋａｓｈ一齊的時候就當然喊到收唔到聲ｌａ）我今日都唔知應該同佢講咩野好～唯有講ｄ冇咁ｓｅｒｉｏｕｓ既野～等佢輕鬆下～笑下ｌａ～＠！＾＾ｋｅｋｅ～ｅ琳放心ｗｏｒ～你以前有男朋友仔陪的時候，小左時間陪ｆｄ～不過係ｆｄ既就唔會因為你少左搵我而唔理你嫁！！～以後想搵人陪的時候我充當住你臨時男朋友吧！！～ｋｅｋｅ～我有時候都幾似男仔嫁！～我都明ｇｅ～始終我都經歷過～鐘意ｇｅ人要同自己分隔２地～就算依家科技有幾先進都好喇．．．都總係冇係本地咁好．．．不過呢～向好果面諗的話～到有得見面的時候會更加珍惜～唔會覺得行街街呢ｄ活動好無聊～＊有時我覺得拍拖拍得耐～ｐａｓｓｉｏｎ會變淡嫁．．．有時會覺得講下電話睇下戲行下街好悶．．．．唉～＊我就係咁～我成日都想要新鮮感．．．所以段段感情都唔會長．．．但係咁樣唔得嫁．．．希望我對住Ｅｕｇｅｎｅ唔會咁樣ｌａ～我會改嫁喇．．．．．！！很有決心的！～

聽日派成績表喇～好緊張．．．話就話依家緊張黎都冇用～又唔會因為我緊張ｄ就會多幾分少幾少ｇｅ～唉～＊都係乖乖地做下功課分散下注意力．．．聽日好快到嫁喇．．．．．．

唉～＊Ｅｕｇｅｎｅ唔再睇我日記了．．．．感情真係變淡左？

>>February 20, 2004 at 12:21:23 PM GMT+8

2004 年 2 月 18 日 星期三 【晴】

今日ｌｕｎｃｈ的時候係度ｃｕｔ相～將一張張ｍｉｘ埋的相ｃｕｔ番開～ｄ同學見到我同Ｅｕｇｅｎｅ一齊影的相～勁話我個樣好ｓｗｅｅｔ　ｌａｗ～之後佢地又話要我ｄ相～叫我晒多張俾佢地～ｋａｋａ～我又唔係令女．．．不過佢地話要貼係日記果度ｗｏｒ～！！好喇～等我遲ｄ影多ｄ相一次過晒ｌａ～我ｃｕｔ相ｃｕｔ得勁專心～唔記得左自己未食ｌｕｎｃｈ啵～我開始覺得胃痛的時候係１：１８～原來我由１２：５０靜靜咁坐係度ｃｕｔ相ｃｕｔ左成差不多半個鐘．．．＞．＜我食完野之後又繼續ｃｕｔ～ｌｕｎｃｈ就黎完的時候先醒起今日未打俾Ｅｕｇｅｎｅ丫！！～所以即刻趕去ｔｏｉｌｅｔ打俾佢～～＾＾ｋｅｅｋ～咁都有ｇｅ～咁重要ｇｅ事都唔記得～我去到ｇｅ時候見到３個ｍｉｓｓ　ｃａｌｌ．．＞．＜嗚嗚～老婆真係冇用ａｒ～太投入ｃｕｔ相．．．．

今日最後一堂係電腦堂～落堂之後，我問ａｒ　ｓｉｒ　ｐａｓｃａｌ１０．５點做喇～佢講解左ｄｄ之後叫我自己試下～ｔｈｅｎ我順口問佢我地考試分有冇調整～佢話將我地考試由原本滿分６０改左５０～咁姐係話我明明３７分ｇｅ～依家繳番ｐｅｒｃｎｅｔａｇｅ的時候就會有成７４分ｌａｗ～ｋａｋａ～有７字頭ａｒ～勁開心！！～

今日心情又唔知點解幾好啵～怪怪的ｏ．ｏ

>>February 19, 2004 at 4:02:48 PM GMT+8

2004 年 2 月 17 日 星期二 【晴】

今日上英文堂的時候，ｍｓ　ｍａｕ改左作文～佢當面鬧我，佢話我係ｍｓ　ａｌｍｏｓｔ　ｒｉｇｈｔ！ｇｒａｍｍａｒ錯到嚇死人～又話ｉ　ｍａｙ　ｆａｉｌ　ｉｎ　ｔｈｅ　ｈｋｃｅｅ．．．其實我有好用心咁作文嫁～我亦都有留意ｇｒａｍｍａｒ～只係我真係唔識嘛～＊你估我係因為求求其其而錯咩？我番睇左幾次先交出去嫁．．．＞＜佢個個都冇鬧～淨係鬧我～唉～可想然知我有幾差呢．．．．

今日係我同Ｅｕｇｅｎｅ一齊一個月的大日子丫！！～好開心丫～咁就一個月喇～呢一個月真係過得好開心～雖然當中有時會有ｄ時候有少少誤會又或者我都會間中鬧情緒～不過我同佢都安然渡過左！！～＾＾希望以後都會咁好ｌａ～ｂｕｔ　ｐａｓｓｉｏｎ　ｉｓ　ｌｏｓｓｉｎｇ　ａｗａｙ　ｗｉｔｈ　ｔｉｍｅ．．．．ｈｏｗ　ｃａｎ　ｉ　ｋｅｅｐ　ｉｔ　ｉｎ　ａ　ｈｉｇｈ　ｌｅｖｅｌ？

以前我用開ｌｕｘ洗頭水～依家轉左用ｌａｖｅｎｕｓ～呢隻香ｄ！！～

>>February 19, 2004 at 3:55:23 PM GMT+8

2004 年 2 月 16 日 星期一 【晴】

今日唔知點解，可能係因為「週期性情緒失調」喇～無喇喇好唔開心同埋又諗番起情人節最唔想見到果個人。

Ｅｕｇｅｎｅ打左俾我，不過佢拎住個電話冇咩點講野，佢一邊玩ｉｃｑ　ａｎｄ睇相（係ｄ交友網站果度）．．．．我真係有點無奈．．．心情已經唔多好．．．又唔知講咩好啵．．．．．搞到唔知點咁．．．．之後我好認真咁同佢講我覺得我同佢係思想ａｎｄ生活環境真係有段距離～佢以前一聽到我咁講就會避開呢個問題，叫我諗野簡單ｄ～佢今日初初的態度都係咁．．．．不過我今日再唔係好似以前咁咁順佢意～有ｄ野我真係屈住好辛苦．．．．佢淨係識叫我：「唔好咁喇」咁又係ｇｅ～如果我真係好唔開心的時候，我真係一個唔易哄番的女仔黎嫁．．．佢都好無奈．．．依家輪到佢唔知講咩野好．．．．．

佢問我因咩事唔開心．．．其實有好多事都令我唔開心～不過最主要的係我諗起ｖｅｒｄｙ點對我．．．．而我又點蠢蠢咁俾佢呃．．．．．．我今日將ｖｅｒｄｙ以前點對我講左俾Ｅｕｇｅｎｅ聽．．．．．佢聽完之後冇鬧我亦都冇嬲我．．．．．我仲以為佢聽完之後會接受唔到，不過好彩佢冇．．．．之後我同佢傾下聽日ａｎｄ後日大家見唔見面好．．．不過媽咪叫我去食飯．．．所以我好乖乖咁去了．．．．

>>February 17, 2004 at 4:42:41 PM GMT+8

2004 年 2 月 14 日 星期六 【晴】

今日係星期日，我同屋企人一齊上左山頂去食ｂｕｆｆｅｔ～果度ｄ野真係好好食～有我最鐘意食ｇｅ油甘魚（ｈａｍａｃｈｉ／ｙｅｌｌｏｗ　ｔａｉｌ）真係好好食嫁～平時係其他地方食太貴喇～今日去到可以勁食啵～ｋａｋａ～當然好開心喇！！果度仲有有樣野都好好食～一樣就係個蟹肉豆茸湯～ｄ料好足～蟹肉勁鮮味～又唔怕肥啵～第２樣就係ｄ勁肥ｇｅ野～就係ｔａｒｉｍｕｓｉｓ喇～真係整得好好食ａｒ～好ｓｏｆｔ～又有好ｒｉｃｈ的ｃｏｆｆｅｅ味！！我諗起戀愛行星林嘉欣同埋ｎｉｃｈｏｌａｓ一齊整～ｋｅｋｅ～佢地整得好ｓｗｅｅｔ丫！！～我都好想有幾會同Ｅｕｇｅｎｅ一齊整ａｒ！！！

L o v l y D o G !

>>February 16, 2004 at 12:04:25 PM GMT+8

2004 年 2 月 13 日 星期五 【晴】

近來的生活真是很忙！因此連閉目養神十分鐘對我來說也是一件奢侈品。現在即使日記也不是天天寫了，因為我真是騰不出時間來寫。

今天是情人節，我縱使有多累也不敢懶床。因為我要爭取時間到又一城的百佳超級市場去買些新鮮的刺身和蔬果做壽司。我十一時到達，縱使時間尚早，但那兒已經人山人海了。我不懂得如何揀選最新鮮的材料，唯有靠「直覺」去選吧！

我選個牛油果也花上十五分鐘，不知道讚自己認真還是說自己沒用。然後就去揀刺身，包括鰻魚和三文魚。接著又為了找紫菜走遍整間百佳，最後才發現在擺放刺身的附近。我真是個冒失鬼唷！

為免令刺身變製，我立刻乘火車趕回家。回到家後，家人驚訝我為什麼能這戍麼快回到家。這當然喇，我要分秒必爭，盡早把食物預備好。我首先取三隻蛋，把蛋攪爛至起泡，然後分開兩次放到平底鍋上面煎至金黃色。接著就是把一打蟹柳用沸水煮熟，待用。還有把剛剛買回來的青瓜洗淨抹乾去皮（在去皮時差點兒把自己的手指上的皮也去掉＞．＜）切條待用。然後就是把牛油果去皮去核切條待用。最後就是把鰻魚和三文魚都切條。餡料準備好後，我就把熱騰騰的飯取出，加入醋和糖，攪勻。把飯平均地舖在紫菜上，然後小心地放上餡料，最後用力把餡料按緊然後捲動。這個步驟是最難的一個，而且我也失敗了無數次，直至只剩下小量的飯才做出一卷較為好看的壽司。我以往看媽媽做壽司時好像很輕鬆很容易，原來親手做是這麼困難的！

化了個淡妝，換上一件有點性感的上衣，加一條普通的牛仔褲就往火炭去了。Ｅｕｇｅｎｅ今天要上教練課，正常來說應該是六時半放學，可是今天遲了很多，他接近七時才能「脫身」。而我六時廿分的時候已經到了。我站在城門河岸邊，一手提著食物，一手拿著英文功課。當我等了他廿分鐘後仍沒有他的蹤影，心裡真是十分著急，滿腦子也是無聊的猜想，真是快要哭出來了。幸好最終也等到他。他從中心跑過來與我會合，還給了我一隻光碟。嘿！不知道是什麼呢？

我和他在火車站等車時，他叫我把手伸出來。我以為他只是想拖著我，原來他順手把一隻介子套上我右手的無名指上。可惜我的手指太幼了，竟然連一隻介子也能進出自如。我唯有把介子套在中指，因為中指是我所有手指中最粗的。那麼這樣就勉勉強強把介子戴穩了。我和他乘火車到紅碪，然後步行到尖沙咀碼頭看激光表演。其實我早在新年的時候看過一次，覺得沒什麼特別，但既然他想看就陪他看看吧！有時明明我不喜歡做的事，但和一個我喜歡的人一起做，就不會感到這麼不願意了。尖沙咀海旁真是人山人海，我和他抵達的時候，只見到黑壓壓的人頭，我和他要很努力才能移動身軀，擠往有利位置去。身旁大部份都是和我差不多年紀的青年人。當然，他們也是雙雙對對，牽著手而行。今年是我第一次有男朋友共我一起渡過的情人節，雖然我今天的精神很差，身體也很累，但我仍十分開心。我和他事前真的估計不到會有這麼多人，那擠擁的情況真是無法想像的。結果我們想看場戲，吃頓飯也困難重重。看完激光表演後，我會他在海運大廈對出的地方坐下。我叫他先試試我做了三日兩夜的三色公仔啫喱糖，然後就是樣子不太好的壽司。他說我做的食物還不算差＾＾真的很開心丫！

在他吃東西的時候，有兩個女孩子走過來向我們兜售玫瑰花連毛公仔，每套五十元。我揀了一個棕色的小熊和一支玫瑰花。我第一次收到男孩子送給我的花！然後他就陪我到海運中心去吃ｔｃｂｙ雪糕。可是我們去到才發現原來ｔｃｂｙ一早已關門了，真是令我們十分失望。我和他一直走啊走，沿途碰見張子玲和她的男朋友（那刻我剛剛和Ｅｕｇｅｎｅ接吻，我真是出「瘀」死了）。最後我們到了尖東的ｄｅｌｉｆｒａｎｃｅ吃晚餐。然後又步行到海旁，這次我們碰見ｅｖａ和她的男朋友，不過他們好像看不見我們。接著又碰見ｖｅｒｄｙ－－在ｉｃｑ相識的男子。我立刻沈下臉來，因為他曾經欺騙了我的感情，我為他哭了十小時，也因為他而差點變成了女同性戀。他令我討厭男性，令我自暴自棄．．．．．．當然，我不能把所有責任都推到他身上，但他總逃不掉承擔部份的責任！Ｅｕｇｅｎｅ察覺到我神色有異，而我只是向他說我看見一個我討厭的人。我不想他知道我曾經為了ｖｅｒｄｙ哭了這麼多，以免他亂想吧！經過海防道的時候，我又碰見ｖｖ－－一個在去年音樂劇認識的學姐，她說我的瞼「飽滿」了不少，所以初初認不出我。她倒是說得好聽，事實是我胖了不少吧！我們跟她用廿元買了支金莎花。Ｅｕｇｅｎｅ說我很幸福，因為情人節可以收到的禮物我都收到了！我們在等火車的時候，在月台拍了數張照片；進了火車後，我們為了讓不讓他送我回家這個問題爭持了一會兒。因為他的家人已打了電話，催促他早點回家，而且他明天還有划艇計時練習，我希望他保持最佳狀況，有足夠的精神去應付龐大的運動量。他最初當然不肯答應我，但是這次我堅持不讓他送我回家，因為我真的為他好，希望他不會因此而討厭我吧！雖然我也很想和他一起回家，但是我總不能不考慮他的事，我不能這麼任性了，我要學會設身處地為別人著想！

回家後，電視亙在播「鐵達尼號」。我對這齣電影有頗深的記憶，所以沒有留心地看。我答應了他回家後立刻給他一個電話，那我當然打電話給他。他說他在忙某些事，遲些再打來給我。掛了線後，我趕快把花插好，然後就去洗掉臉上的妝。然後他又打來，說他快要睡了。我跟他說了聲晚安就掛線了。

近來Ｅｕｇｅｎｅ冇黎睇我日記丫～到底佢係好忙唔得閒去睇～定係佢覺得好悶所以唔睇呢？又或者佢跟本就唔想了解我，覺得睇我日記係一件好辛苦的事．．．．．


V a l e n t i n e s ' D a y

V a l e n t i n e s ' D a y _ 1

V a l e n t i n e s ' D a y _ 2

>>February 17, 2004 at 3:55:05 PM GMT+8

2004 年 2 月 12 日 星期四 【晴】

今日經濟先生讚我放完個年假番黎之後上堂專心左～精神左（因為我以前上經濟堂成日都訓）～ｋｅｋｅ～係咩？？我又唔覺啵～我今日上經濟堂對眼都撐唔開．．．．＞．＜～可能因為我拍左拖拖ｌａｗ～♡！！其實關唔關事嫁呢？我都唔知道啵＾＾

今日ｐｅ堂教打ｂａｓｋｅｔｂａｌｌ～ｋｅｋｅ～唔算係我強項ｇｅ～只係我幾鐘意玩ｇｅ野ｌａｗ！！！當丫ｓｉｒ問邊個有玩過～ｄ人個個都ｐｏｉｎｔ　ｍｅ　ｏｕｔ＞．＜咁都記得我以前細個有玩過ｇｅ？？無奈．．．．我淨係小５，６的時候叫做「玩」過下～真係冇洋野ｓｋｉｌｌｓ可言．．．．佢初初就教傳球ａｎｄ步法～之後兩者夾埋一齊做～做下做下我已經覺得隻左手手睜果度愈來愈痛～不過我又唔想停落黎啵～所以繼續ｌａｗ～＊打完波之後就換衫喇～點知除衫的時候整到手睜又痛到喊．．．．＞．＜嗚嗚～舊患未好番就整傷佢喇．．．真係好痛ａｒ～仲愈黎愈腫添～＊點算呢？？唉～＊我都唔知道回喇．．．．．

>>February 16, 2004 at 8:47:44 AM GMT+8