2002 年 12 月 22 日 星期日 【晴】

〞〞〞今日好早就起左身，差不多五點半就醒晒。。。個人雖然好累，不過唔知點解，死都訓唔番......結果就傻下傻下咁番到學校練音樂劇 ^^ 朝早又凍又寒，勁辛苦丫。。。不過到左午間又出太陽，我地係度練得好辛苦丫，勁曬。。。好鬼曬。。。曬死死 ! ! 今日的表現，並不合付理想，所以我們勁俾導師鬧。。。因為我地個個都唔多專心，又唔認真 (雖然唔係全部人，不過少少就已經影響晒成個效果。) 如果我地聽日仲係咁差，就要響26號都要番黎練.....死喇。。。聽日無論點累都好，點都要搞掂佢。。。盡力喇 ! 希望所有人的合作.....做好佢 !
〞〞〞番左屋企冇幾耐，又要出門口去食飯。好累丫。。。舟車勞頓.......成身的骨頭都好像裂門一般。。。好痛丫 >.< 仲要勁夜先有得返屋企，真係過份。聽日仲要好早起身，唔病就奇喇 !~
〞〞〞番到屋企之後，就陪細佬睇聖誕禮物。。。佢就好開心，不過我果 d 就......唔多鐘意囉 ! 不過唔緊要喇，都係人地一番心意黎既.....雖然好多都用唔著，我諗住遲 d 送番俾人囉 ~ ! 跟住就去左上網，見到丫明又係度留左言。佢話我知佢唔得閒陪我.....唔緊要喇。。。我都唔會唔開心既.....唔好真係當我係baby girl 先得嫁 ~^^~ 我會好好照顧自己嫁喇......朋友和同學好重要，所以我唔介意你唔得閒啵。。。況且你當然有你自己私人的事要做嘛，我邊可以成日阻住你呢 ? 其實做朋友都未必一定要日日都傾下，日日都有聯絡嫁嘛......我唔會咁細路囡嫁啵.......你咪等得閒先搵我囉......我唔會因為你好耐都冇搵我而唔記得左你嫁啵 ^^~

>>December 23, 2002 at 3:46:47 PM GMT+8

2002 年 12 月 21 日 星期六 【晴】

***今日好早就起左身，唔知點解呢 ? 其實我好累嫁，一起身，成身 d 骨頭都勁痛。因為尋日不斷進行體力勞動。。。哈^^ 今次仲唔減到肥 ? 允其係 d 關節位，郁少少都好痛。。。唔緊要喇，為左音樂劇，付出少少又算得係 d 咩丫? 雖然今日係星期日，不過我都絕對唔可以偷懶。因為我平時大部份時間都去左練音樂劇，跟住就冇時間做功課。難得今日唔使練，所以就要爭取時間做功課喇。。。好多人都會係星期日去玩，而我就......不過都好既，靜靜地一個人，咁咪幾好，唔使煩 ! 今日都完成左唔少功課丫 ~ 呵呵，覺得自己好叻添 ～＊
***做左一陣，點都要俾自己抖下既，咁我就去左沖個熱水涼。唔知點解，我好鬼死鐘意係朝頭早沖涼。。。一路沖涼，我就係度諗。。。點解....點解.....好多個點解......跟住我就話俾自己聽：「其實一個人未必唔好嫁。好多時候，當你有個人成日陪住你，而你的心思又大部份花左佢果個人的身上。你不其然就會忽略左身邊的事物。咁當然係對自己冇好處喇。。。! 有時我會覺得，上天要將你由兩個人的生活抽離，不過係覺得你仲未能夠獨立，恐防你太習慣有人在旁。所以佢就先要你自己學懂好好咁照顧自己，有獨立生活的能力。。。又或者俾時間你去思考一些你以前遺忘左的事情。。。俾你去搞清楚自己既人生路向同埋目標。等你準備好一切的時候，佢先會再賜一個適合已經長大左既你......到時你就會發覺，點解個天係當初要讓你經歷痛楚。。。其實係好有用嫁 ! 」諗到黎呢度，我就諗番自己，其實我係唔係仲有 d 咩未決定呢，係唔係我都唔知自己想點呢，又抑或我以前太過依賴佢，所以我需要重新學習一個人點樣去生活呢 ? 一路諗，我就覺得自己之前的唔開心，雖然係有 d 無謂，但並不是全無用處。起碼，我依家開始諗得通，而且佢都俾左個經驗俾我。讓我知道我需要既是什麼.......所以，我決定左，依家咩都唔好諗。因為前面已經有三個好重要的目標，要我去達成。一，就係黎既既音樂劇；二，就係黎緊既考試；三，就係我要盡快搞好人際關係。呢三大目標，已經需要我把所有的心思擺上去，如果唔係必定冇一樣我能夠做到。雖然我都好想有拖拍，有人支持。允其係響我好努力改變自己，好辛苦好專心咁做一樣野的時候，有人會關心我，照顧我。不過換左另一個角度黎睇，如果我能夠一個人挨過呢個咁艱鉅的考驗，我得益是否會更多呢 ?

>>December 22, 2002 at 6:37:16 AM GMT+8

2002 年 12 月 20 日 星期五 【晴】

+++今日又要番去綵排喇，不過唔緊要喇，幾辛苦都值得既，因為不久的將來就會看到美好的成果......好期待丫 ^^
+++一朝早上網，見到丫明終於番番黎喇~好開心，佢仲留左言話我知......好...開心好感動唷^^

+++今日一點就番到去綵排。由於係同學日既關係，小學擺放左好多的攤位遊戲，吸引左好多小學生同家長到臨。我地一邊練習，一邊有人在旁指手畫腳，有些還指下了照片。我們都幾緊張嫁，不過我知道遲早都要習慣面對鏡頭。因為演出的日子快要來臨了。。。今日著左條磨左幾個洞既牛仔褲。。。死喇 ! 一蹲在地上，就擦損晒.......好痛........但係痛都要忍住，因為要繼續跳舞......今日學左 d 新的舞步，而我就要企係一個人的後面。因為佢要企得好高，所以我就係後面撐住佢。。。我地都練左幾次嫁喇，次次都幾順利下 ! 點知，到正式的時候，佢企唔穩，跟住我又唔夠力扶實佢，佢就由離地面成米高既地方，跌左落黎。佢個樣當時話俾我知，佢好痛 ! ! ! 我真係勁唔小心唷 ! 好采佢最後都唔使入醫院。。。如果唔係我就真係內疚死喇 ~ 佢跌親果度即刻瘀晒，差少少就傷到尾龍骨嫁喇，好采 arm arm 偏左少少，如果唔係後果真係不堪設想丫 !練到六點幾，又無端端胃痛，不過好采，七點就走人 lu ~ 番到屋企抖左陣，食番 d 野就冇事了 ^^
+++食完飯之後就打去搵丫明。唔知點解，好驚佢唔得閒，我唔想阻住佢嘛。始終佢都係一個要返工既成年人嘛......工作至上 ! 點知佢今日勁好人，陪我傾左好耐好耐。。。真係有 d 唔好意思tim~

>>December 22, 2002 at 6:18:54 AM GMT+8

2002 年 12 月 19 日 星期四 【晴】

###今日一早就起左身，準備番到學校去試造型。你地唔好以好好玩丫~其實好辛苦嫁，試過你就知咪道。‧‧不過，雖然係就係辛苦左左少少既，不過都有 d 滿足感既......一早就落好大雨，就算我有摭都整到成身都濕晒，凍凍唷 ~^^~ 試黎試去，俾 d 人舞來舞去，又俾人笑來笑去，終於都揀好邊場著 d 咩野衫喇 ^^好野 !! 完成左一半喇 ~ 仲有一半就係試妝。。。好難嫁.....又真配合戲裡而的角色喇，又要顯示到人物的性格喇，仲要 arm 番我個人本身的樣......真係好難搞嫁 !!不特止，仲要 set 埋頭......難上加難.......叫苦連天唷 !!! 今次佢地幫我 set 左個好有凌亂美的頭，都幾有創意既，不過搞到我 d 髮質差晒，成日打 " kick"。因為佢地用把梳將 d 頭髮用「擦」的方式，由髮尖「擦」到髮根。。。好傷 d 頭髮嫁 ! ! 我都好心痛，不過冇計喇，為左音樂劇，係要犧牲少少嫁喇 @.@ d 戲服真係勁有孤兒 feel ，件件都吊晒袖 and 吊晒腳，勁樣衰 >.<" 不過唔緊要喇，都係做戲姐，又唔係要我平時出街都著住，況且到時表演的時候，成個台上面 d 演員個個都係咁恐怖嫁喇 ^^ 有人陪我，唔使咁瘀///
###跟住食完 lunch 就要番聖誕崇拜，勁無聊，又勁悶。。。走的時候落緊好大雨，我冇帶遮，咪唯有跑番屋企囉 ( 其實跑同唔跑都冇咩大分別，因為都係一樣濕晒 .....)
###番到屋企之後即使沖番個熱少少既涼......跟住就換好衫去又一城......因為我地成家人去睇哈利波特嘛 ~ *我細佬不知幾興奮 ar ! ! 細路仔，係咁嫁喇 ( 諗番以前，我細個既時候邊有咁幸福丫，我都係十一歲先第一次同我父母一齊入戲院嫁咋......我細佬佢今次都唔係第一次入戲院喇，佢上年八歲的時候，已經入過幾次......)。套戲好好睇丫~ 好緊張，d 剪接做得唔錯，所以冇咩特別空隙令人覺得悶.......不過 d 音響就好似大聲左少少，嚇親我丫 ( 尤其係條巨蟒無端端撲出黎的時候，簡直嚇到我縮一縮 )
###我就睇完之後就去食意大利餐，嘩 ~ 每一碟都勁大碟嫁 ! ! 唔怪得 d 意大利人咁肥喇 ~哈哈^^

>>December 21, 2002 at 2:44:10 AM GMT+8

2002 年 12 月 18 日 星期三 【晴】

- - - 今日係旅行日，我好早就起左身喇。好累丫，仲差 d 遲到添......真係曳曳......^ ^ 今日high ligh 左個頭先出街，少少金色咁囉......但係效果唔太好，因為太趕急喇，冇時間慢慢整好佢。今日著左一件勁鬆的黑色 Tee，外面著一件黑色既長袖衫。。。點解我要裡面著年 Tee? 因為今日聽天氣報告話會幾熱下，但係早上又比較凍一些......我地去舂坎角，八點幾就開車喇。搭車的時候，累到訓著左 (不過其實我都冇訓著，因為我長途車會暈車浪)。搭左成個幾鐘車，終於到喇。跟住就落左沙灘一個人行左一陣，因為想嘔又嘔唔出，好唔舒服，所以我就行下希望心口會好 d。慢慢行番去 BBQ區度，幫手將d 食物拎出黎。嘩嘩嘩 ! ! !救命丫 ! ! ! 勁多小昆蟲，我最驚嫁嘛......嚇到我勁尖叫。。。我地有兩個老師幫我地起爐，哈^^幾好丫~唔使做.....不過都好累嫁......成日走黎走去......仲有丫~好多衰蚊咬我，搞到我好辛苦。。。我燒多春魚丫，d 人話唔錯喎 ~ 好開心丫，有人讚.....( 傻傻地添~*) 愈燒愈熱.......燒左差不多半個鐘，有別的學校的學生黎到舂坎角。。。好采我地早過佢地到，霸晒 d 位先......佢地人就唔算不，不過玩起黎勁嘈，又勁顛......相比之下，我地培正 d 學生乖好多......(係唔多正常就真)。根據上年的經驗，去 d 沙灘必定要除鞋，否則俾人掟左落水就除唔切鞋嫁喇 ~ 不過今日都幾好采，d 人冇咁過份，淨係向我踢水......濕左少少囉。
- - - 淨左好多野食，又要帶番走，真係麻煩丫 ! 執野都執左好耐，好累丫......唔知點解，係唔係冇專注係燒野食上面，d 暈 and 想嘔的感覺又番黎喇 .......唉，勁辛苦 ! 個個見到我咁既死樣，都問我咩事，因為我隻手係咁係心口度拍，係咁「初」。。。果種感覺真係好辛苦........跟住仲要上車，又挨多兩程車......暈上加暈......身子差喇....老喇.....
- - - 終於番到黎何文田區喇......好開心......但係仲要拎住一袋二袋去買聖誕卡。。。好累好累.....隻腳又有 d 想抽筋的跡象，死喇 ! 揀左好耐，終於揀到喇 ~ 因為有一張係要送俾個男仔，真係好難揀丫 ~ 不過揀到之後，又有好大滿足感.....^^
- - - 番到屋企之後，即刻沖涼。乾淨晒喇 ~^^ d 頭髮又勁香咁.....唔見晒 d 勁難頂的燒烤味 lu ~

>>December 19, 2002 at 3:41:33 PM GMT+8

2002 年 12 月 17 日 星期二 【晴】

‧‧‧今日一朝早返到去，身兼班主任的物理科老師就派卷。我地個個都好緊張，當然，我亦都唔會例外。收到卷之後，呆晒。。。「點會咁低嫁 ?」 我不禁問自己。那一刻真是很失望，不過，我反省一下自己，也可能是我準備得不夠充足。這次統測的分數已成定局，誰也沒有能力改變。即使不想承認自己各科的成績都開始退步了，不想面對全級第一的地位再也保持不住‧‧‧但我亦必須接受，面對，不能逃避呃自己。我一邊想，淚水就一邊悄悄眾在一起。。。愈來愈多，愈來愈重。。。就悸要控制不住的時候，我又想起丫明的說話：「哭是因為真的心痛，承受不住。並不是簡簡單單的不快樂就哭上大半天。」我明白那刻的感覺，只是一點兒的挫敗感......少許的失望，少許的不快樂......我答應過自己，亦答應過他，要做一顆鑽石。雖然要做一顆堅強的鑽石很難，但愈來愈接近亦不錯呢 ! 起碼距離目標愈來愈近......漸漸把淚水收回，笑了一笑，原來身邊仍有人關心我呢......(希望吧這是真，並不是幻想吧 !)
‧‧‧明天就是旅行日了。放了學之後，我又獨個兒回家。不過，今天要多走些路，因為要到超級市場裡買燒烤用品。我負責買手套、牛油、薯片、糖果和垃圾袋。我最討厭拿著膠袋要處走動，就像個剛剛到市場買菜的主婦一樣。不過，我不能不做。很累丫，超級市場裡又很多人擠來擠去，真是很辛苦丫~ 往年，有「他」陪著我，好像時間也會過得快一些.......可能就是古老的那句說話，不開心的時候總會覺得度日如年......真是對的嗎?

>>December 18, 2002 at 1:45:27 PM GMT+8

2002 年 12 月 16 日 星期一 【晴】

︰︰︰今日放左學之後又要練音樂劇，真係有點兒覺得迫到自己喘不過氣來。不過，我相信我所付出的，一都能夠最終俾人知道。就算演出的那天，成效不理想，但從中所經歷到的，已經是我最大的收穫 (我並唔係響度講埋晒 d 勁老套的說話。。。而係真心咁感受到) 我覺得我係值得把時間花在這齣劇的身上，即使我的成績受影響，但我仍不會為加入音樂劇而感到後悔。
：：：今日的練習，受到遵師的讚賞。我相信是因為我們有努力過 (也許以往的真是很差，所以只是一丁點的努力，很覺得我們有很大的進步) 不過，我因為呢句說話而想了好一會兒。我覺得我之前真是並未盡全力，因為。。。。太多原因 (還是藉口呢?)
：：：回家的路很冷。在靜悄悄的公園裡，那感覺真是涼透了......縱使有很多痛心的回憶在這公園裡，我不會再因此而逃避，因為我學懂了去面對。快步走過這陰深恐怖的公園......終於返到屋企了^^

>>December 17, 2002 at 12:22:51 PM GMT+8

2002 年 12 月 15 日 星期日 【晴】

〝〝〝今日放左學之後要化妝，你唔好以為我係因為貪靚又或者想遮下我個衰樣......其實我係因為音樂劇的原故囉~如果唔化妝的話，上到台 d 觀眾就睇唔清楚我地的眼耳口鼻嫁喇 ! 唔信???真嫁~我個專業化妝師——@pple。。。姐係我囡囡，好乖巧嫁~又靚女，又聰明啵......哈^^做著佢媽咪認真幸福。依家仲要幫媽咪化妝添 ^^ 雖然佢初頭唔係幾熟，不過勝在夠晒努力~真係好落力嫁佢~犧牲佢 d 咁寶貴的時間，黎「練妝」姐係練習化妝。。。媽咪好感動唷~ 不過今日唔知點解，唔見左盒 cream......d 化妝品直接搽落塊面度，都幾傷嫁~ 好采我冇對化妝品敏感.....如果唔係就死死囉。。。今日原本要 set 埋頭添嫁，不過......我個頭實在太難設計 and set，所以就......迫於無奈之下，我個頭就尤得佢喇.....(到時演出的時候都唔知點算好喇。) 我係戲裡面的角色係較成熟同埋酷一點 ( 其實我平時都係咁，所以唔需要點樣特別去扮演這個角色的性格 )係化妝方面，由於我皮膚膚色較深，所以化左等如冇化。。。算喇，囡囡都已經好盡成嫁喇 ~ 媽咪知道囡囡好辛苦......唔緊要喇，仲有星期五俾你練多最後一次。。。努力丫 ~ 媽咪幾鐘意用紫危閃閃眼影，不過......會唔會誇張左少少呢 ? 點都好喇，我好滿意今日既試妝丫~努力喇 !
〝〝〝其實依家真係發覺要公演的日期愈來愈近，好似開始緊張起來添。。。又期待又興奮，但係又有點兒。。。害怕......總之百感交雜喇 ~*
〝〝〝隨著緊張的情緒愈來愈濃烈，失眠的情況亦都冇改善，而且愈來愈嚴重添。不過，我一定唔會俾自己病 (雖然依家已經有少少想病咁既款。。。)因為我知道，這個假期有好多野等住我去完成，而且有好多都係 1 take 過，冇 ng ~ 姐係話，辛苦左咁多個月既野，白白咁毀於一旦。我唔希望呢樣野會發生，所以。。。就算我好辛苦，冇人理我，我都會自己撐落去......

>>December 17, 2002 at 12:10:31 PM GMT+8

2002 年 12 月 14 日 星期六 【晴】

???今日去左尖沙咀食晚飯......唉，可能係因為溫書溫得辛苦得濟，好頭痛.....痛到食唔落野。。。番到屋企之後，就即刻開電視睇Titnaic~......雖然我miss 左d，不過錄左，哈^^唔使驚~

>>December 15, 2002 at 4:03:01 PM GMT+8

2002 年 12 月 14 日 星期六 【晴】

???救命丫。。。今朝一早起身就抽筋......好痛.....一郁就抽番.....唯有乖乖地咁坐係度溫中史喇。可能係因為唔夠訓，所以成日都係咁........溫黎溫去都好似唔多熟咁.....好累丫......個頭好痛。。。但係又唔抖得，因為未溫晒，自己個心唔安樂......一起身就暈駝駝咁......點算好?

>>December 15, 2002 at 9:29:15 AM GMT+8