2003 年 4 月 16 日 星期三 【晴】

「「「好開心丫～好多人都上黎睇我日記～勁開心勁開心唷！！︿︿個個都係我既好朋友～呵呵～！多謝你地黎留言丫！多謝支持︿︿～＊

>>April 17, 2003 at 5:42:42 AM GMT+8

2003 年 4 月 15 日 星期二 【晴】

。。。其實諗諗下～我都好耐未係人地面前喊過喇～真係好想發洩下！我就算係喊～都唔會有人攬住我～安慰我．．．我唔係冇朋友．．．．一兩個．．．．．唔多～但係就係因為咁．．物以罕為貴！我會好好會心去珍惜佢地！但係始終．．．朋友．．．．唉～總之．．．佢地唔會肯夜晚十二點陪我落公園坐～亦都唔可以話成日都關心我．．．
。。。今日．．．我做左一個好重大的決定。我都估唔到自己竟然會咁大膽！我竟然．．．好決心咁．．．為自己定立左一個目標。其實呢件事真係好難講清楚～因為我自己依家個心都好亂．．．真係好亂～我好耐都未試過咁亂～所有感覺．．．．ｍｉｘｅｄ　ｔｏｇｅｔｈｅｒ．．．係幾日之前，我識左一個人～大家有傾有講～幾開心下丫！佢份人地自大～同埋又好鐘意寸人．．．但係又唔知點解～我又好樂意咁陪佢傾電話～日日都好開心嫁～同佢傾電話！但係．．．我心裡面係知道佢係果種．．．講野冇句真的人．．．不過我又俾佢哄得好開心．．．雖然我自問都算係一個幾理智下的人，但係我真係唔可以呃自己話我冇俾佢哄得好開心．．．可能我俾人虐待慣喇～佢雖然有時好專制下～不過我都覺得好開心．．．我地就係咁．．．傾左電話大概．．．幾日至一個星期到．．．不過我覺得自己中左毒～好似ｆｅｅ野咁～唔傾唔得～而且愈傾愈耐～我知道我如果繼續咁落去的話～遲早就每日廿十四小時都拎住個電話同佢傾嫁喇（誇張左少少）～我真係好驚自己會沈迷左落去～不能自拔．．所以我今日就同佢講：「不過過埋呢個假期之後就唔傾喇～好唔好？」點知佢竟然好快就話：「咁冇問題喇～我都覺得我自己好似成日煩住你咁～阻住你ｄ時間．．」嘩．．．我果陣．．真係．．．好想反口．．．點解我要咁衝動呢？咁快就同佢講呢？激死我喇～佢又咁順攤．．．我真係好想挽留嫁～不過．．．唉．．．算喇！！！就當剩下的呢幾日假期俾我習慣下沒有佢的存在～好慘ａｒ～好辛苦！！！

>>April 17, 2003 at 5:40:45 AM GMT+8

2003 年 4 月 14 日 星期一 【晴】

+++呢排識左個ｉｃｑ　ｆｄ～佢依係加拿大讀緊書～唔知點解．．．我同佢都幾好傾～我地傾既話題都好多下．．．咁當然唔少得傾下大家對愛情的睇法喇！其實我已經冇諗呢回事好耐嫁喇～點解？我諗可以係因為我自己唔想諗。。。希望避得就避～雖然我知道咁樣都唔係辦法！但係．．．．唉！其實我好相信一樣既～你唔投入去愛人．．．不單止係感受唔到愛情最甜蜜的地方，而且亦都係浪費緊大家既時間。同埋你唔投入，唔認真．．．果種的辛苦～係響無形之間作用係你身上．．．但我又覺得投入唔等於要訓晒身去愛一個人。因為訓晒身對你同埋佢都冇好處！
+++以前我細細個好鐘意俾人愛俾人錫的感受～無論係邊個對我好～邊個愛我喜歡我．．．我都會覺得俾人溝俾人追的感覺好正～但係拍左拖拖幾次之後．．．我就覺得俾人追未必係一件好事！我覺得俾人追．．．未必會開心．．．好睇果個追我的對象係點既一個人！好似佢係一個傻仔（即不懂溫柔，不解心思）．．．又或者係一個煩人．．又或者係一個介女王．．．點都好喇～我總之覺得我依家雖然係有「你」對我好好～不過我真係覺得好辛苦～你咁樣做令我很內疚～而且我覺得「你」無謂為左我而改變你自己～因為我係唔鐘意就係唔鐘意～呢ｄ野真係好講ｆｅｅｌ～我唔知道係唔係個個女仔都係咁～不過我自己就係幾注重佢外表同埋衣著．．．
+++好多人都會問我：「喂喂，你理想中的男仔係點樣嫁？」如果講樣的話～１）唔使好靚仔～因為靚仔的話我又留唔住！只要係型就ｏｋ！！　２）識著衫～衫就係人都識著嫁喇～如果唔係實俾人拉左～不過要襯自己同埋著得好睇．．．唔會著完之後似個傻仔就ｏｋ！　３）唔會太過標奇立異～費事同佢出街的時候俾人望住晒．．好唔自在！！　咁講到內在就．．．１）唔可以冇主見　２）唔可以冇膽識～唔敢主動者．．．死！　３）要成熟，獨立，唔煩住我，唔癡身　４）ｓｍａｒｔ～醒目仔．．話頭醒尾～唔使我多講　５）細心～識得捉女仔心理～唔使我講到明～佢都知道（其實識得捉女仔心理有好有唔好喇～因為如果佢係咁叻的話～佢一個唔該玩番你轉頭，就會ｈｕｒｔ燃到爆．．！不過凡事都係有兩面嫁喇～）　６）識得哄女仔～（咁反面咪係佢好花～介過好多女～先至有咁多經驗～不過呢點我又唔介意啵）　７）英文叻～讀書勁！　８）幾有錢下（我好實際嫁～同埋如果生活背景差得太遠的話～大家會好難就。例如我試過既野佢咩都未試過～而佢做過既野我又未做過～佢會覺得我好大小姐～頂我唔順，又或者佢可能感到自卑都唔定．．．）　９）好玩得～俾多ｄｓｕｒｐｒｉｓｅ我！　１０）拎得起放得低果種～　１１）唔小器～分左手都仲可以做到朋友果ｄ！
+++不過算喇～呢ｄ只係我既「理想」黎姐～現實世界係唔會有嫁！

>>April 15, 2003 at 4:56:47 PM GMT+8

2003 年 4 月 11 日 星期五 【晴】

＃＃＃嘻嘻～好開心丫！伊琳同埋ｒａｉｎｙ都上黎留言俾我！～

＃＃＃其實呢排我真係好矛盾～有好多野發生左～亦都有好多ｏｐｐｏｒｔｕｎｉｔｉｅｓ係我身邊經過～有時我都唔知捉實住個女～因為人永遠沒法子知道～究竟未來會係點．．．正是如此～生命先有意思，先會有挑戰性．．．我成日都係度諗～如果我咁做．．．後果會係點呢．．．如果．．．如果．．．唉！！！實在係太多如果喇～ｉｆ．．．我怕我遲ｄ唔係諗如果，而係諗ｏｎｌｙ　ｉｆ～姐係早知如果．．．

＃＃＃我真係好擔心佢～我諗你都知我講緊邊個．．．．我又做唔到ｄ咩野．．．只可以好無奈咁睇住佢自己折磨自己．．．我唔想佢病，唔想佢辛苦．．．但係我．．．可以點ａｒ？每次係我咩都做唔到的時候～我唯有暗暗為佢每晚都祈禱～你地唔好誤會啵～我唔係基督徒～只不過係．．．我都唔知有ｄ咩可以做．．．．可能我為佢祈左禱～會令自己同埋佢都開心ｄ～亦都希望佢ｆｅｅｌ到我對佢既關心．．．雖然我知道佢唔鐘意我對佢好．．．佢話我對佢好佢會好辛苦～不過．．．．點都好喇～我由依家開始起～唔再煩佢～只希望同佢做番好朋友．．．甚至係最簡單的普遍朋友．．．

>>April 12, 2003 at 4:18:03 AM GMT+8

2003 年 4 月 8 日 星期二 【晴】

︿︿︿今日睇完佢同佢女朋友影的相．．．個女仔真係好靚～佢好幸福喇！開心死喇～我真係唔知應該講咩野好～我應該俾咩野反應呢？

>>April 8, 2003 at 4:30:15 PM GMT+8

2003 年 4 月 4 日 星期五 【晴】

＊＊＊呢排溫化學丫！好累好辛苦～好多野都唔明．．．好想搵人問．．．但係又冇人識啵～

＊＊＊尋日去左見一個ｉｃｑ　ｆｄ～佢好好人，對我好好．．．但係就係因為咁先令我難做。我唔係一個好女仔．．．佢付出咁多．．．到時真係唔知點．．．收科喇！～我知道自己唔ａｒｍ　佢嫁！我應該點做呢？我唔想再好似以前咁．．．傷到人地．．．

>>April 5, 2003 at 3:25:36 AM GMT+8

2003 年 4 月 2 日 星期三 【晴】

》》》今日真係徹徹底底咁死晒心喇～點都好！我唔會嬲佢．．．只不過係無奈囉～我真係唔知道點解佢唔可以絕情少少．．．講句ｂｙｅｂｙｅ咪得囉～考我耐性係冇用嫁！

>>April 3, 2003 at 5:57:41 AM GMT+8

2003 年 3 月 31 日 星期一 【晴】

」」」我決定左排早轉造型～點解？因為．．．心情好差．．．好想搵ｄ野黎刺激下．．．況且有咁多日假期～我聽日就去又一城電髮！唔知會唔會好怪呢？不過我肯定番到學校ｄ人會嘩然囉！一定嫁～
」」」好耐都未行過街喇～好想出去輕鬆一下．．．有時迫得自己太緊都唔係一件好事．．．

>>April 1, 2003 at 6:47:09 AM GMT+8

2003 年 3 月 29 日 星期六 【晴】

OOO原來對一個人好，都係一件唔好既事。我從來都唔相信有人唔鐘意俾人關心，俾人錫，俾人愛.......但係呢個世界上真係有呢種人．．．未必真係有好多呢種人，不過起碼我就識左一個。我真係好無奈～唔知自己可以點．．．我好想搵佢．．．不過佢考我耐性．．．我打俾佢．．．佢又唔想直接ｃｕｔ我線．．．佢叫我等陣．．．我可以等左二分鐘，直至電話公司自動ｃｕｔ左我線為止。每次我打俾佢，佢總有唔同的理由（即藉口）話唔得閒．．．叫我遲ｄ打黎。我知道佢想避開我，我亦都覺得自己日日都不斷煩住佢係一件好傻既事。但其實我都係想佢肯同我講兩句野．．．我都好心滿意足嫁喇！要嫁～我唔要求多．．．一分鐘就夠晒嫁喇！佢依家連一分鐘都唔肯花係我既身上．．．佢又唔係忙．．．又唔係累．．．．姐係我連普通朋友都不如！我根本諗唔到ｄ咩野可以安慰自己．．．

>>March 30, 2003 at 2:05:49 AM GMT+8

2003 年 3 月 28 日 星期五 【晴】

▽▽▽我今朝十一點幾打左俾佢。。。佢訓緊......我都知道我唔應該嘈住佢．．不過我真係忍唔住好想好想打俾佢。我真係好想知道究竟發生左ｄ咩野事～點解會變成咁．．．一切都黎得好快，我根本就唔知道．．．發生左ｄ咩野．．．會令佢變成咁。我只有等，等待佢肯俾我個答案。我真係好想知道，究竟我估得有冇錯．．．如果我估得冇錯的話，我都會默然接受。上一次，我要經過一年的時間才放底舊的那段感情．．．咁這次呢？我唔知，亦都唔敢單保．．．因為．．．一切都太快喇！由１８號果日，佢同我講．．．到依家．．．．都只不過佢十日．．．點解．．．．點解．．．我唔知我做錯ｄ咩，定係．．．佢．．．有心．．．玩．．．我．．．．我唔敢猜想唔敢去諗．．．事實係點我永遠都唔會知．．．只有．．．等佢俾答案我。
▽▽▽三點幾，我終於知道晒。佢話佢．．．過唔到自己果關．．．佢唔想拍拖．．．我明既！我真係明嫁～由依家開始起，我唔可以縱容自己再對佢咁好．．．唔好太過關心佢．．．盡量同佢保持距離。我唔想令佢難做．．．所以我會想盡辦法改變我以往的習慣。以後唔再打電話俾佢～唔再過問佢的事，亦都唔再為佢的事而擔心。遇到ｄ咩野難題都唔好搵佢，即使知道佢有困難都唔可以幫佢。佢唔肯早ｄ訓覺就唔好理佢．．．佢病就就尤得佢病．．．佢開心的時候就唔好祝福佢．．．佢唔開心的時候亦都唔好為佢祈禱。唔好再日日都ｕｐｄａｔｅ　佢ｉｎｆｏ～整曲奇的時候亦都唔好再諗住佢．．．行街見到ｄ棒球衫唔好留意佢係唔係藍色．．．唔使故意將ｄ食物都加ｄｃｈｏｃｏｌａｔｅ　落去．．．
▽▽▽唉！～實在有好多野要改變～我真係唔知又要花幾多時間變番做好似以前咁．．．我開始要習慣唔會再有人好似佢咁關心我．．．又要自己提醒自己早ｄ訓．．．

>>March 29, 2003 at 7:20:57 AM GMT+8