2003 年 1 月 10 日 星期五 【晴】

｜｜｜今日成日都溫書書，冇出過街。。。有少少悶喇 ! 所以我就傾左陣電話 ~

>>January 11, 2003 at 3:39:31 PM GMT+8

2003 年 1 月 9 日 星期四 【晴】

”””今日勁唔夠訓丫 ! 發惡夢........我夢見我俾人用槍亂槍掃射 ~ 我俾人射中隻眼，d 血不斷湧出黎 ~ 好痛好痛 ~ 之後成身都係一個個洞 ~ 好恐怖 ~ 血肉模糊 >.<

>>January 10, 2003 at 3:37:03 PM GMT+8

2003 年 1 月 9 日 星期四 【晴】

﹞﹞﹞今日唔夠訓丫 ~ 因為發惡夢。。。 我夢見我俾人用槍亂槍射，我隻眼俾人射中左，係咁流血......好痛好痛 ~ 嚇到我即刻醒左 ~ 唔敢訓番 ( 因為我一訓番又會繼續發展個夢嫁喇 )，鬼叫我平時 d 想像力咁豐富咩 ~ 仲要成日諗埋 d 咁殘忍既野 ~ 又成日睇 d 好恐怖的電影........
﹞﹞﹞

>>January 10, 2003 at 3:14:51 PM GMT+8

2003 年 1 月 8 日 星期三 【晴】

：：：今日係星期買，要學琴唷 >.< 好累丫 ! 唉 ~ 認真冇鬼用 ! 病左咁多日都仲未好鬼番....... d 藥就食完喇 ~ 不過......都係咁既死樣.........
：：：聽日要默 57 個英文生字丫 ~ 個個都勁長勁難串.......仲要中英對照....煩死人喇 ~ 不過累都要溫書書嫁喇。。。
：：：媽咪呢排好唔開心，因為佢 d 兄弟姐妹之間吵架.......咁到我媽咪好傷心.......佢好少會喊嫁 ! 尋日見到佢喊.......我真係唔知點做好。我知道佢好難受，希望佢發洩完之後會好番 d 喇 ^^

>>January 9, 2003 at 12:38:16 PM GMT+8

2003 年 1 月 7 日 星期二 【晴】

〈〈〈今日個嘴嘴好鬼痛痛唷 ~ 因為天氣乾燥，我又飲得水小.......仲有我果粒好討厭的飛滋又搞到我好痛..........都唔知幾時先會好番.......媽咪話我可能係因為身體太過燥熱，所以迫我飲「粟米蘿白水」。其實真係幾難飲嫁......不過佢特登加多 d 蜜棗同埋少少冰糖。。。媽咪真係勁有我心 ~ 好感激佢丫 !
〈〈〈放學的時候，我冇即刻番屋企。我去左訓導處........你估下我要做咩拿 ? 唔通我俾人記左野 ? 定係我又打架 ? 呵呵 ~ 通通都唔係 ! 我係去睇番 musical 的相。睇番我地入台綵排俾人偷影的相，仲有我地係最後一場演出的時候，個個都喊都認唔出的相。。。真係好有紀念價值丫 ! 雖然我呢個人好憎俾人影相。因為我好唔鐘意見到相裡面的自己。因為相裡面的果個我，我覺得次次影出黎都係唔似真人 ~ 雖然今次 musical 既呢批相，我都係覺得影得我唔好。咁又係既，真人都唔靚，係相裡面當然唔會靚得去邊喇 ! 果度有成 14 本相簿，真係睇死人喇 ~ 不過我又好樂意睇啵 ~ 仲愈睇愈開心添 ! ^^ 係果四百幅相裡面，其實唔係好多有我的存在.........所以我都冇咩相要訂番.........大部份都係有主角份........而我........一幅全身的都冇........唉 ~ 都唔知點解個攝影師咁憎我 ~ 死都唔影我 ! 算喇 ~ 我都唔介意 ~ 冇咪冇囉 ~ ! 影到最多果幅都係佔三份之一幅相咋........仲要好矇添 ~ 唉.........心淡 lu ~

>>January 9, 2003 at 12:50:40 PM GMT+8

2003 年 1 月 6 日 星期一 【晴】

﹃﹃今日雖然仲係好病下，不過都要死返學嫁喇 ~ 今日好遲先起左身，因為成身都好痛......又冇力啵 ! 著埋校服之後，連藥都未食就跑番去學校.......好凍丫 ! d 冷空氣進入氣管的時候，真係好痛好辛苦 ~ 個喉嚨勁乾丫 ! 今朝起身，發現左無端端係嘴唇度多左粒「飛滋」 好痛丫 ! >.< 我已經係嘴嘴裡面生左粒嫁喇 ~ 依家仲多一粒添 ~ 要飲多 d 水水喇 ~ ( 我平時最憎飲水，不過為左令自己快 d 好，難為一下喇 ~ -.=" )
﹃﹃放完學之後，就去露天茶座拎番自己 d 戲服。。。雖然套套都好老土，孤兒嘛 ~ 不過真係有好大的紀念價值丫 ! 搵左好耐先係三十幾人的衫裡面搵番自己果 d 咋 ! ~
﹃﹃番到屋企想食藥的時候，先記得原來 d 藥漏左係班房度 >.< !! 真係激死人喇 ~ 咁凍又要行番去學校........我換左平時出街 d 衫先返學校，因為條校裙實在太短喇 ~ 勁凍丫 ! 仲要俾媽咪鬧鬧，我下次唔可以再咁大頭蝦嫁喇 ^^
﹃﹃因為 lunch 冇食到野，所以我應該要係十二點幾食的果次藥，我都冇食到。再次番到屋企之後，媽咪「叮」番碗炒飯俾我食。。。唔知係唔係肚餓的關係，食得勁快.......快過平時好多.....其實都幾冇儀態嫁 ^^ 食完抖左一陣之後，要食藥藥喇 ~ 唔想食丫 -.="
﹃﹃美術堂要我地學素描.........死喇死喇 ~ 我呢個人樣樣都唔差，差就差左我冇美術天份，幾用心都好.......都係畫到一蹋糊塗。。。我個靚靚 partnar 俾我畫到成個肥妹咁......佢唔行埋黎打我獲金都算好好人嫁喇 ..........結果幅畫就要帶番屋企繼續畫埋佢.........我用左成兩個幾，差不多三個鐘先畫好。。。真係冇鬼用 ~

>>January 7, 2003 at 11:41:54 AM GMT+8

2003 年 1 月 5 日 星期日 【晴】

﹛﹛﹛尋晚好辛苦丫 ~ 發冷發熱........好似有少少發燒添 ~ 搞到我訓黎訓去都訓唔到丫 ! 我嗲 d 入黎睇我蓋好被被未......跟住我就問佢我係唔係發燒燒......佢摸下我額頭......佢話有少少喎 ~ 不過就唔超過一百度囉 ! 真係好采喇 ! ~ 佢叫我訓低先 ~ 然後佢就倒左杯水俾我送藥..........我真係好感動丫 ! 有人係我病的時候咁體貼咁照顧我 ~ ^.^ 真係有 d 感動到想喊添 o.o ~ 食左藥之後，仲係好辛苦......不過今日要番學，所以我唯有不斷自己哄自己訓...... ( 真係勁傻囉 )
﹛﹛﹛今朝起身的時候，覺得個鼻好似抖唔到氣咁 >.< 成身都好痛好酸軟 ~ 冇晒力 .......好似淨係得 d 肉而唔見晒 d 骨 ( 如果係真的話，我諗都應該幾恐怖下嫁 ! ) 同埋我又好似發緊燒，所以我就迫於無奈要請假 ~ 唉 ! 第一日返學就要請假，我真係愈來愈不像樣了 ! 今日原本下晝學校安排左我地全級中三的人去沙田博物館嫁 ~ 不過我當然係冇得去喇 ! 死喇 ~ 如果要做 project 又或者寫感想的話，到時我咪要自己一個人去 ? ? 唔制丫 ! 不過冇計喇 ~
﹛﹛﹛九點幾換好校服，諗住番去交低 d 功課.........嘩 ! 好慘丫 ~ 條裙勁短 ( 其實唔係話真係好短既.......^^) 好鬼死凍丫 >.< 唔想出街添 ~ 不過凍都要返去學校嫁 ~ 唔通 d 功課識得飛去俾 d miss 咩 @ 番到學校之後，arm arm 係小息 ( 我幾犀利，預 d 時間好鬼死準嫁姐 ! 呵呵 ~ )好多人見到我都好驚訝 ~ 因為我請左病假嫁嘛 ~ 無端端又番去 ! 我去左搵 d 老師，問下佢地今日會教 d 咩........我搵繆副校 ( 教我英文嫁 ) 的時候，佢話我地戲音樂劇做得好好 ~ 佢好少讚人嫁 ! 今次真係好開心囉 ~ 因為得到人地的認同 ! !
﹛﹛﹛等媽咪買完菜番黎之後，佢就帶左我去睇醫生 ~ 諗諗下，真係覺得自己好冇用。咁大個人都病......仲要媽咪陪自己去睇醫生，阻晒佢 d 時間......唔知點解，係我病的時候，我就會發現其實身邊有好多關心我的人。不過佢地平時唔會將 d 關心表露出黎.........可能係冇咁的必要呱 ~ 總之，佢地其實個個都好關心我........今日去到醫務所的時候，嘩 ! 嚇死死 ~ 勁多人丫 ~ 尤其係 d 好嘈的小朋友 ( 我個人不嬲都唔鐘意細路仔，我嫌佢地又嘈又煩。雖然我曾經都係一個唔懂事﹐又嘈又煩的細路囡，不過.......) 我十二點去到，不過就要等到差不多二點先有得睇.........可能係病的關係，我呢排心情好差，唔知點解，成日都會發脾氣。無端端又會想搵人俾我鬧........真係生人勿近 ~ 醫生話唔使打針....不過要多 d 休息，同埋要沖個熱水涼......要著多件衫，同埋早 d 訓 ~ 其實呢 d 野我又可嘗唔知丫 ~ 不過我就係死都唔做 >.< 之後就去囉藥 ! 嘩嘩嘩 ! 勁多藥藥丫 ~ 真係「色彩繽紛」唷 >.< 好采冇藥水姐 ~
﹛﹛﹛番到屋企之後，就食 lunch ( 其實果陣時都已經差不多三點了 ~ ) .......死喇 ~ 冇咩胃口添 ~ 不過咪當減下肥囉 ~ 食完野就後就要食藥，睇見都唔多想食喇 ~ 不過我諗起我之前話過要好好咁 take care 自己 ~ 所以我要快 d 病好丫 ^^ 如果依家有個人係我身邊，哄我食藥藥，你話幾好呢 ? ^^ 我想回到過去，好似細路仔的時候，個個都會好著緊我 ~ 人大左，當然有自立的能力，所以 d 人就會少左理你.......真係有 d 懷念，果陣時，有人拎住湯匙，跟住同我講：「乖喇 ~ 快 d 食喇 ~ 最多陣間請糖糖你食丫 ~」食完藥之後，我就去左訓覺 ( 真係好似隻豬豬 ~ 食完就訓 ) 唉，連上床都覺得好辛苦，手軟腳軟......唉......好辛苦 ! 上到床之後又覺得好凍添 ~ 即刻蓋被被......不過又發冷發熱.....搞左好耐都訓唔著......唔著要喇 ~ 咩都唔好諗喇 ~ 唔知點解，無端端諗起電視劇裡面的劇情：個女仔病左，跟住個男仔就會話咩陪住佢，唔走。勁深情咁望住個女仔訓著，之後又幫佢蓋好 d 被......唉.....發夢吧喇 ! 呢 d 野只會係電視劇裡面發生.....現實生活 ? 嘿嘿 ! 冇可能 ~
﹛﹛﹛諗諗下又訓著左 lu ~ 跟住六點幾又起番身......我諗我大概訓左兩個半鐘到喇 ~ 起身之後，精神左少少......原因休息真係有用嫁 ! 不過起身冇幾耐，又要食藥......無奈 -.="

>>January 6, 2003 at 12:13:18 PM GMT+8

2003 年 1 月 4 日 星期六 【晴】

‧‧‧今日病得好嚴重丫 ! 成身 d 骨都好痛丫 ~ >.< 可能係傷風菌入骨喇 ! 但係我又唔想去睇醫生啵..........我怕要打針針丫 !
‧‧‧食完 lunch 之後，我就去左買鞋 ~ 因為我隻大腳腳又大左喇 ! 死喇 ~ 弊喇 ! 冇人要喇 ~ 我要買對白鞋.....番學 p e 堂要用丫 ! 今日旺角好多人丫 ~ 好迫丫 ! 又有好多人係度食煙.......我已經唔舒服嫁喇 ~ 成日不斷係度咳 ~ 仲要有流鼻水添.....嘩嘩嘩 ! ! 好鬼死辛苦丫 ~
‧‧‧買左對 puma 的波鞋丫 ! 仲有買左兩條短裙裙，仲有一件黑色的衫衫 ~ 得閒又要影番幅相相先 ! 其實件黑色衫襯埋條黑色灰色格仔裙幾襯啵 ~ 著埋對 boot ~ 都出得街嫁啵 ^^
‧‧‧試完幾件衫之後，dad 就叫我去食炒栗子 ~ 我咁大個囡都未食過嫁 ! ! 都 ok 既.........食完野之後， d 傷風仲更加嚴重丫 ~

>>January 5, 2003 at 2:49:19 PM GMT+8

2003 年 1 月 3 日 星期五 【晴】

###今日係一月四日，一個以前對我黎講好重要的日子。但係，到在二00三年，呢個日子對我黎講，已經成為好普遍的一日。因為過去的事，冇必要再想，更遑論話想留住佢 ! 過去就係回憶，回憶點都會有淡的一日。。。果種感覺，無論係開心又或者唔開心都好，都會淡左 ! 正如我上年囉有全級第一之後，我好開心 ~ 不過到左依家呢一刻，呢個回憶都唔係令我有 d 咩野好特別開心的感覺.......所以，一月四號分手的時候，真係令我好傷心好後悔，不過唔發生的都發生左，而且過左咁耐，所以感覺都會變淡 ! ! 回憶唔係用黎影響自己既情緒，而係等我地反省一下自己有 d 咩既問題.........我依家諗番，其實當日分手都係因為我一時任性......諗住分左手之後，我咪又可以溝番佢......( 完全係玩既心態 ) 我冇諗過可以挽救唔番 ! 所以我依家無論做咩事之前，都會諗後果。。。好知道三思而後行的重要 ! ! 我亦都知道凡事唔可以玩玩下 ! 因為你自己當玩，但係人地唔知，可能會當真嫁 ~ 所以唔可以咁任性 ~ 咩都亂咁講.......每一句講過既野，都會有好大既影響........分左手之後，我的確係少左個依靠......好多時候都好無助.......我變得日日都扮堅強......我好怕有人會睇穿我既弱點.......我唔想有人知道我需要依靠........正是因為咁，我變得好獨立........雖然有時情緒會好唔穩定，不過我又慢慢學識點樣控制.........其實二個人係埋一齊，做每樣野都要為對方著想，真係好難嫁 ! 依家慣左一個人，真係唔敢再開始第二段感情...........因為我知道，我必定會傷到對方又傷到自己..........唔使花心思去為男友著想，我就可以多 d 留意我身邊的人，我身邊的朋友，所有關心我的人 ! ! 其實我都好幸福，雖然我朋友唔多，但係總有人係我真係想跌低的時候，扶住我 ~ 支持我 ! ! 俾鼓勵我 ~ 雖然我成日都覺得唔夠 ~ 但係我應該知足 ~ 我成日都發小姐脾氣，邊有人敢同我做朋友呢 ? 所以我又要改變下自己喇 ~
###唔知點解，今日好多奇怪的感覺不斷襲來。。。搞到我的心情都好煩亂 ! ! 成日都係度亂諗野 ~ 我又無端端諗起，練 musical 的時候，果班佈景組的人話我：「乜你個樣咁似賓妹嫁 ^^」佢地真係好 hurt 我丫 ~ 雖然我知道把口生係人地度，我唔可以控制人地點講自己。不過我覺得佢地真係好冇禮貌囉.......當住我面咁話我......唔知點解。當時我並唔係好嬲 ( 雖然係有少少 ) ~ 不過依家諗番，仲嬲 ! ! 不過算吧喇，我唔應該咁介懷人地點睇自己，最緊要係自己對自己有信心 ! ! 自信好重要 !

>>January 4, 2003 at 5:18:50 PM GMT+8

2003 年 1 月 2 日 星期四 【晴】

+++唉.......勁慘丫 ! 我尋晚一點先訓，三點幾就俾個電話嘈醒 ! ! 我最憎果 d 人嫁喇 ~ 打黎就同我講埋晒 d 核突野 ! 搞到人地訓唔到........我決心唔理佢.......佢打左三次黎 ~ 我就三次都 cut 佢線 ! ! 哼 ~ ! 激嬲本小姐仲要搞到我冇得訓 ? 我唔搵人奄左你咪算你好采囉 ! 哼 ~ >.<" 跟住我又碌黎碌去訓唔到......碌到四點幾又累得濟訓著左......點知六點幾又俾細佬個鬧鐘嘈醒 ! 真係 xyz 佢 丫 ! 咁過份都有既 ~ 個鬧鐘勁響佢都照訓唔理 ~ 好似聽唔到咁 ~ 搞到我真落床去幫佢「咁」熄佢 ! 而佢就繼續訓.....佢今日要番學嫁嘛......咁都冇既......無奈 >.< ! ! 我又唔知有冇訓到......總之十一點又俾個電話嘈醒 ~ 今次我一定要聽，因為係 maggie 搵我 ~ 原來佢打黎問我今日慶功宴會唔會著裙去 ~ 咁我地日日排戲練舞都唔可以著裙 ~ 今日咁難得唔使，幾大都著下喇 !
+++今日番到去，就見到好多疾風高飛的人。。。我地四點去到，跟住就住係宗教館果度睇番最後一場的演出........我本來諗住自己會喊嫁 ~ 不過今日又唔知點解喊唔出 ! 睇完之後，我地就去左食野。。。我地 d 先生買左新鮮的魚生俾我地食........好快就俾人食晒 lu

>>January 3, 2003 at 4:56:43 PM GMT+8